Non deberías ter que escoller entre tomar a medicación e pagar facturas

A medida que os custos dos medicamentos receitados se disparan nos Estados Unidos, miles de persoas vense obrigadas a renunciar a medicamentos que salvan vidas, mentres que os fabricantes e as instalacións de atención sanitaria destrúen sistematicamente as medicinas excedentes aínda en bo estado. Kiah Williams explica como SIRUM --unha organización sen ánimo de lucro que entrega medicamentos sen usar ás familias que máis os necesitan-- planea baixar os prezos das receitas reciclando case mil millóns de dólares en medicamentos nos próximos cinco anos. (Este ambicioso plan forma parte do Proxecto Audaz, a iniciativa de TED para inspirar e financiar o cambio global).

A diario neste país

moitas familias son obrigadas
a tomar decisións imposibles

cando se trata da atención médica.

Como Kimberly, que dixo:

''Houbo veces que tiven que escoller
entre a comida ou as pastillas.

Non eran luxos porque non gañaba tanto.

Era como, 'Podo mercar xampú
ou acondicionador?'

Cousas que dás por sentado''.

E Debbie, que dixo:

''Pos o medicamento nunha man,

os teus gastos diarios na outra

Que fago?

Vou polo medicamento

ou pago as facturas?

Non podo vivir sen o medicamento

tampouco se non pago as facturas''.

Dez mil persoas morren cada mes no país

por non tomaren
o medicamento que necesitan.

Morre máis xente por non medicarse

que por sobredoses de opiáceos
e accidentes de coche xuntos.

Pero non podes tomar o medicamento
se non podes pagalo.

Hoxe, o fogar medio gasta
3000 dólares ao ano

en medicamentos.

Preto dun terzo das persoas
non teñen seguro médico

dixeron que pararon de tomar
os medicamentos prescritos

por culpa do que custaban.

Mesmo entre as persoas con seguro

se gañan menos de 35 000 dólares ao ano

moitos din non tomar os medicamentos

se o seu seguro non os cobre.

Así que hai dez millóns de adultos
como Kimberly e Debbie

que son obrigados
a tomar decisións imposibles cada día.

Sabemos que os prezos das receitas
son moi altos.

E o noso sistema de saúde

onde uns teñen seguro
e outros teñen un seguro deficiente

non prioriza a xente
que precisa coidados xa

e que precisa medicamentos xa.

Dez millóns é unha cifra grande

pero tamén mellorable

porque hai dez mil millóns de dólares

en medicamentos sen usar
e en perfecto estado

que van ó lixo.

Iso é inxusto por dous motivos:

a xente non ten os medicamentos
que necesita para vivir

e esa mesma medicación é levada
a incineradores de residuos médicos

para ser destruída.

Isto é intolerable,
pero tamén ofrece unha oportunidade.

Fundei SIRUM

unha empresa tecnolóxica sen fin de lucro,
xunto con Adam e George

para converter os medicamentos descartados
nun salvavidas

coma os que están neste almacén.

Pode que non poidamos remediar

todas as formas en que fracasa
o noso sistema de saúde

pero podemos remediar esta.

Os medicamentos veñen do stock
de seguridade de fabricantes e grosistas,

e cando están a piques de vencer,
destrúenos.

Tamén veñen de centros sanitarios

como hospitais, farmacias e asilos

do excedente restante
cando un paciente deixa de tomalos

ou falece.

Podemos recorrer
a estes medicamentos sen usar

para fornecer a dez millóns de persoas
que necesitan medicamentos.

E podemos facelo hoxe.

SIRUM consegue os medicamentos sobrantes

poñendo colectores de reciclaxe
dentro dos centos de instalacións

que teñen excedentes.

Alí enchen os colectores e, unha vez cheos

SIRUM recolle os medicamentos

encárgase do envío, seguimento,
xustificantes e recibos fiscais.

Os doadores fano porque
é máis barato e sinxelo

que o proceso tan regulado
de destrución de medicamentos.

E hai grandes incentivos fiscais
para facer doazóns.

Logo, enviamos os medicamentos doados
á xente que os precisa.

Unha receita entra no noso sistema

e relaciona o que precisa o paciente
co inventario dispoñible.

A nosa plataforma crea unha lista,

selecciónanse os medicamentos
e despáchase a receita.

Estamos creando a farmacia do século XXI

que merecen as familias
de ingresos baixos.

Os pacientes poden rexistrarse
en menos de cinco minutos

e acceder a preto de 500 medicamentos,

unha lista de medicamentos para todo,
dende enfermidades do corazón

ata doenzas psíquicas,

que representa neste momento o 75 %
de todas as receitas

prescritas nos EUA.

Tamén colaboramos con médicos,
enfermeiros e traballadores sociais

en centros médicos comunitarios
e clínicas gratuítas

que remiten pacientes ao noso servizo.

Facemos que sexa tan fácil
para os provedores de atención médica

cubrir unha receita
con medicamentos doados

como mandar a receita
á farmacia local.

Os nosos socios poden darlle
os medicamentos aos pacientes

ou remitírllelos directamente
á súa casa.

Ao evitar a cadea tradicional
de fornecemento

somos capaces de ofrecer
prezos fixos e transparentes,

arredor de 2 $
pola subministración mensual

da maior parte dos medicamentos.

E iso permite ofrecer un prezo
previsible e asumible

que a xente pode pagar.

Xa abastecemos os medicamentos
que precisan 150 000 persoas.

Pero podemos facer máis.

A nosa meta é chegar ao millón de persoas

con preto de mil millóns de dólares
en medicamentos sen usar

nos próximos cinco anos,

ampliando o noso programa a 12 estados.

A esa escala, podemos cubrir comunidades

que abranguen un 40 %
dos dez millóns de persoas

que carecen dun servizo
permanente e accesible.

Este servizo,
dirixido a un millón de persoas

impulsará a competencia de prezos.

Walmart lanzou unha das únicas innovacións
de prezos en farmacia

en 2006.

Ofreceron unha lista, ben limitada,
de medicamentos

por un prezo fixo de 4 $.

Isto provocou cambios incribles.

Provocou que a competencia se ofrecese

a igualar listas e prezos.

Levando medicacións transparentes
e accesible

a eses outros estados

podemos impulsar unha competencia rexional

que baixe os custos para
comunidades enteiras con ingresos baixos.

O noso sistema de saúde é complexo.

É desalentador.

Asemella imposible avanzar.

Pero podemos reimaxinar por completo
o acceso aos medicamentos.

Ao usar o excedente de medicamentos
como avanzada para lograr un cambio

nesta industria multimillonaria

podemos crear un acceso radical
aos medicamentos

baseados na crenza fundamental

de que quen vive nunha das nacións
máis ricas do mundo

pode e debe ter acceso
aos medicamentos que necesite

para sobrevivir e prosperar.

Non pretendo ter todas as respostas

para acabar cos problemas
no noso sistema de saúde.

Pero fornecerlles medicamentos
aos millóns de persoas que os precisan

para ter unha vida sa

salvar medicamentos para salvar vidas

é algo que podemos facer hoxe.

Grazas.