< Return to Video

သင်္ချာဆိုတာ ဘာများပါလိမ့်? | Masao Morita | TEDxKyoto 2012

  • 0:20 - 0:23
    ကောင်းပြီ၊ ကျွန်တော် သင်္ချာအကြောင်း ပြောပါရစေ။.
  • 0:24 - 0:26
    ခင်ဗျားတို့အားလုံး သင်္ချာကို ကြိုက်ကြတယ်နော်?
  • 0:27 - 0:32
    သိပ်မကြိုက်ကြဘူးလား?
    လူတိုင်း သင်္ချာကို ကြိုက်ကြတာ ကျွန်တော် သိပါတယ်။
  • 0:33 - 0:37
    အမှန်အတိုင်း ပြောရရင် ခင်ဗျားတို့ထဲမှာ
    သင်္ချာကို မုန်းကြသူ ဘယ်လောက်များလဲ?
  • 0:37 - 0:40
    သိပ်မများဘူး။ အဲဒါကောင်းတယ်!
  • 0:40 - 0:43
    ကျွန်တော်စိတ်ထင် သင်္ချာကို မုန်းကြတယ်လို့
    ထင်ကြသူတချို့တို့ဟာ
  • 0:43 - 0:46
    သင်္ချာဆိုတာ ကိန်းဂဏန်းတွေ၊ တွက်ချက်မှုတွေ
    ပြီးတော့ ဖေါ်မြူလာတွေ၊
  • 0:46 - 0:49
    စိတ်ညစ်စရာ အခြားအရာတွေနဲ့
    ဆက်စပ်နေတယ်လို့ ယုံကြပါတယ်။
  • 0:49 - 0:51
    အဲဒါ မဟုတ်ုမှန်တာကို ကျွန်တော် ပြောချင်ပါတယ်။
  • 0:51 - 0:55
    ၁၉ ရာစုတုန်းက နာမည်ကြီး
    နောက်ပြောင်စရာ တစ်ခုကို ပြောပါမယ်၊
  • 0:55 - 0:58
    နာမည်ကြီး သင်္ချာပညာရှင်ကြီး
    Ernst Kummer ဆိုသူ ရှိခဲ့ပါတယ်။
  • 0:58 - 1:01
    သူဟာ တကယ့်ကို နာမည်ကြီး
    သင်္ချာပညာရှင်ဖြစ်သလို
  • 1:01 - 1:05
    သူ့ကို "သင်္ချာပညာရဲ့ ဖခင်၊"
    "ဂဏန်းသီအိုရီရဲ့ ဖခင်" လို့လည်း ခေါ်ကြတယ်။
  • 1:05 - 1:09
    ဒါပေမဲ့၊ တကယ်တမ်းတွင် သူဟာ
    ကိန်းဂဏန်းတွေကို ကိုင်တွယ်ရာမှာ သိပ်မတော်ခဲ့ပါ။
  • 1:10 - 1:16
    သူဟာ ပို့ချခန်း တစ်ခုတုန်းက
    ၇ x ၉ ကို တွက်မရဖြစ်နေခဲ့ပါတယ်။
  • 1:17 - 1:24
    အဲဒါနဲ့ သူဟာ သင်ပုန်းပေါ်မှာ ရေးနေရင်း
    ၇ x ၉ က ဘယ်လောက်လဲ?" မေးနေခဲ့တယ်။
  • 1:24 - 1:29
    ကျောင်းသား တစ်ယောက်က "အဲဒါ ၆၁ ပါဆရာ"၊
    နောက်တစ်ယောက်က "အဲဒါ ၆၉ ပါဆရာ"လို့ ဖြေကြတယ်။
  • 1:29 - 1:32
    အဲဒီနောက်မှာ Kummer က၊ "နေစမ်းပါအုံး!
    မင်းတို့ ခေါင်းအေးအေးနဲ့ စဉ်းစားကြည့်ကြပါ၊
  • 1:32 - 1:36
    အဖြေဟာ ၆၁ ရော ၆၉ ပါ နှစ်မျိုး မဖြစ်နိုင်ဘူး။
    အဲဒီထဲက တစ်ခုပဲ ဖြစ်ရမယ်။"
  • 1:37 - 1:42
    အဲဒီဖြစ်ရပ်ဟာ ရယ်စရာ ကောင်းတယ်လို့ ယူဆကြပါတယ်။
    ဟုတ်ကဲ့ နာမည်ကြီး ဟာသတစ်ခုပါပဲ။
  • 1:42 - 1:44
    ဒါကြောင့်မို့လို့ သင်္ချာဆရာ အားလုံးတို့ဟာ
    ကိန်းဂဏန်းတွေကို ကျွမ်းကျင်မှ ကျွမ်းကျင်မှာပါ။
  • 1:47 - 1:50
    သူဟာ ကိန်းဂဏန်းဆိုင်ရာ သီအိုရီရှင်အဖြစ်
    နာမည်ကြီးပါတယ်။ အိုကေ၊ ကျေးဇူးတင်ပါတယ်။
  • 1:50 - 1:54
    ဒါပေမဲ့၊ သင်္ချာဟာ ကိန်းဂဏန်း
    အကြောင်းသက်သက် မဟုတ်ပါ။
  • 1:54 - 1:58
    ကျွန်တော်ဟာ ကိန်းဂဏန်းတွေ အကြောင်းကို မပြောဘဲနဲ့
    သင်္ချာအကြောင်းကို အနားမနေ ပြောနိုင်ပါတယ်၊
  • 1:58 - 2:01
    တစ်ရက်ကြာ၊ တစ်ပတ်ကြာ ခင်ဗျားတို့ လိုချင်သလောက်
    ပြောနေနိုင်ပါတယ်။
  • 2:01 - 2:03
    နေ့စဉ်လိုလို သီအိုရီ အသစ်တစ်ခုကို
    သက်သေထူပြကြပါတယ်၊
  • 2:03 - 2:07
    အယူအဆအသစ် ပေါ်လာနေပါတယ်၊
    ခံယူချက် အသစ်တစ်ခုကို ဖန်တီးနေကြပါတယ်။
  • 2:08 - 2:12
    သင်္ချာဟာ အဆုံးမသတ်နိုင်တဲ့
    ဖန်တီးတီထွင်ရေး ပညာပါပဲ။
  • 2:12 - 2:15
    အဲဒါဟာ ဂီတပညာနဲ့ ဆင်တူသလိုပါပဲ။
  • 2:15 - 2:18
    ဥပမာဆိုပါစို့၊ တစ်ယောက်ရဲ့ ယဉ်ကျေးမှုနဲ့
    သင်္ချာထဲက နေထိုင်မှု နေရာကို လိုက်ပြီး
  • 2:18 - 2:21
    ဘာယ်ဟာကဖြင့် အရမ်းကို ကောင်းတယ်၊
    မကောင်းဘူးဆိုတာ မူတည်ပါတယ်။
  • 2:21 - 2:25
    ဥမာ၊ တချို့သူတို့ကCategory Theory ဟာ
    အရမ်းစိတ်ဝင်စားစရာလို့ ထင်ပါတယ်။
  • 2:26 - 2:28
    ဒါပေမဲ့၊ ခင်ဗျားတို့ဟာ အဲဒီ
    Category Theory ကိုသိချင်မှသိကြမှာပါ။
  • 2:28 - 2:32
    တချို့ကျတော့ Set Theory ဟာ
    အရမ်းကို စွဲမက်စရာကြီးလို့ ထင်ကြတယ်။
  • 2:33 - 2:34
    အေးဗျာ၊ ဟုတ်နိုင်တယ်။
  • 2:36 - 2:38
    ပြီးတော့ တချို့နိုင်ငံတွေမှာ၊
  • 2:38 - 2:41
    လူတချို့တို့ဟာ လက်ဆုပ်လက်ကိုင်
    အရာတွေကို ကိုင်တွယ်ရာမှာ တော်ကြတယ်၊
  • 2:41 - 2:44
    တချို့နိုင်ငံတွေမှာကျတော့ စိတ်ကူးသက်သက်
    အရာတွေကို ကိုင်တွယ်တတ်ကြတယ်။
  • 2:45 - 2:48
    ဒီတော့ သင်္ချာဟာ ခင်ဗျားတို့ ထင်သလို
    ကျစ်လစ်တဲ့ အရာမဟုတ်ပါ။
  • 2:49 - 2:52
    ဒါပေမဲ့ သင်္ချာ နဲ့ ဂီတအကြား
    အကြီးမားဆုံး ခြားနားချက်က
  • 2:52 - 2:56
    ဂီတလောကထဲမှာ အံ့အားသင့်စရာ
    တေးစပ်ဆရာတွေ ရှိကြတယ်၊
  • 2:56 - 3:00
    သူတို့ဟာ ဂီတကို ဖန်တီးလျက် ထုတ်လုပ်ပေးပါတယ်၊
    အဲဒီတစ်ချိန်တည်းမှာ
  • 3:00 - 3:03
    အံ့ဩဖွယ် ဂီတကို တီးမှုတ်ပေးနိုင်တဲ့
    သူတွေ ရှိပါတယ်။
  • 3:03 - 3:06
    ဒါကြောင့်မို့လို့ Bach၊ Beethoven၊ Mozart တို့
    ရှိလာခဲ့ကြပါတယ်။
  • 3:06 - 3:09
    အဲဒီလို မဟာတေးစပ်ဆရာများက
    လှပတဲ့ ဂီတတွေကို ဖန်တီးပေးခဲ့ကြပါတယ်၊
  • 3:09 - 3:12
    ဒါပေမဲ့ မဟာ တီးမှုတ်ဆရာတို့ရဲ့ ကျေးဇူးတော်ဖြင့်
    ကျွန်တော်တို့ဟာ အဲဒီဂီတကို နားဆင်ခံယူနိုင်ပါတယ်၊
  • 3:12 - 3:15
    Glenn Gould နဲ့ Yo-Yo Ma၊ ပြီးတော
    အခြားတီးမှုတ်ပညာရှင်များက ဂီတကို တီးပေးကြပါတယ်၊
  • 3:15 - 3:19
    အဲဒါကြောင့်မို့လို့သာ ကျွန်တော်တို့ဟာ လှပတဲ့
    ဂီတကို ရယူခံစားနိုင်ကြပါတယ်။
  • 3:19 - 3:22
    ဒါပေမဲ့၊ သင်္ချာလောကထဲမှာကျတော့၊
    ကံဆိုးချင်တော့၊
  • 3:22 - 3:26
    မဟာ တေးစပ်ဆရာကြီးတွေ ရှိကာ နေ့စဉ်နဲ့အမျှ
    သင်္ချာတွေကို အများကြီး ဖန်တီးနိုင်ပေမဲ့၊
  • 3:26 - 3:29
    သင်္ချာကို တီးမှုတ်ပြပေးသူ ဘယ်သူမှမရှိပါ။
  • 3:30 - 3:34
    အဲဒါကြောင့်မို့လို့ သင်္ချာပညာရဲ့ အလှတရားကို
    ကျွမ်းးကျင်ကြတဲ့ သင်္ချာပညာရှင်များသာ
  • 3:34 - 3:37
    ရယူခံစားနိုင်ကြပါတယ်။
  • 3:37 - 3:39
    ကျွန်တော် အဲဒါကို နည်းနည်းလေး
    ပြောင်းလဲပစ်ချင်ပါတယ်။
  • 3:39 - 3:42
    တကယ်တမ်းက၊၊ လွန်ခဲ့တဲ့ သုံးနှစ်ကစပြီး ကျွန်တော်ဟာ
    သင်္ချာပဒေသာပွဲကို တင်ဆက်လာနေပါပြီ။
  • 3:42 - 3:48
    ဒီလို ခန်းမကြီး၊ စားသောက်ဆိုင်၊ ဘုရားကျောင်း နေရာမျိုးမှာ
    ကျွန်တော်ဟာ သင်္ချာအကြောင်း ဟောပြောပေးပါတယ်၊
  • 3:48 - 3:52
    သင်္ချာပညာရှင် မဟုတ်ကြသူတို့က
    သင်္ချာပညာရှင်တွေကို နားထောင်ဖို့ လာကြပါတယ်။
  • 3:52 - 3:58
    ကျွန်တော် တစ်ယောက်တည်းမကဘဲ များပြားလှတဲ့သူတွေကပါ
    သင်္ချာပဒေသာပွဲတွေ ကျင်းမှာကို မျှော်လင့်ပါတယ်၊
  • 3:58 - 4:04
    အဲဒီလိုနည်းဖြင့် သင်္ချာရဲ့ လှပတဲ့ ကမ္ဘာကြီးကို
    သင်္ချာပညာရှင် မဟုတ်ကြသူတွေ ခံစားလာနိုင်ပါမယ်။
  • 4:05 - 4:10
    အခုတော့ ကျွန်တော်တို့ရဲ့ အကြောင်းအရာဆီ ပြန်သွားမယ်။
    ကျွန်တော်ပြောခဲ့သလို သင်္ချာဟာ ဂဏန်းတွေချည်း မဟုတ်ပါ။
  • 4:10 - 4:12
    ဒီလိုဆို ဘာတွေ အကြောင်းများပါလိမ့်?
  • 4:13 - 4:16
    သင်္ချာပညာကို ဂျပန်ဘာသာထဲမှာ
    "Sugaku" လို့ ခေါ်ပါတယ်။
  • 4:16 - 4:19
    Su က "ဂဏန်းများ"ကို ဆိုလိုပါတယ်;
    gaku ကျတော့ တစ်ခုခုကို လေ့လာမှုပါ။
  • 4:19 - 4:22
    ဒါကြောင့်မို့လို့ sugaku ရဲ့ အဓိပ္ပါယ်က
    "ဂဏန်းများကို လေ့လာမှု" ဖြစ်ပါတယ်။
  • 4:22 - 4:25
    အဲဒီလို ဘာသာပြန်မှုဟာ
    သိပ်ကောင်းလှတယ်လို့ ကျွန်တော် မထင်ပါ၊
  • 4:25 - 4:27
    အဲဒီလို သုံးနှုန်းမှုက
  • 4:27 - 4:30
    သင်္ချာဟာ ဂဏန်းတွေနဲ့ သက်ဆိုင်တယ်လို့
    ထင်စရာ ရှိနေလို့ပါ။
  • 4:31 - 4:35
    ဒါပေမဲ့ သင်္ချာ ဆိုတဲ့ စကားလုံးရဲ့ မူရင်းဟာ
    ဂရိ စကားမှဆင်းသက်လာခဲ့တာပါ၊
  • 4:36 - 4:38
    "ta mathemata" ပါ။
  • 4:39 - 4:42
    Ta mathemata ရဲ့ အဓိပ္ပါယ်က
    "ရယူခြင်းဖြင့် ရရှိကြတဲ့ အရာများ" ဖြစ်ပါတယ်၊
  • 4:42 - 4:46
    ဒီနေရာမှာ ရယူခြင်း ဆိုတာက
    သာမန် ရယူမှုသဘောမျိုး မဟုတ်ပါ။
  • 4:46 - 4:49
    ကျွန်တော်တို့ဆီမှာ ရှိနှင့်နေတာကို ရယူမှုပါ။
  • 4:49 - 4:52
    ပုံမှန်အားဖြင့် ကျွန်တော်တို့ဟာ ကျွန်တော်တို့ဆီမှာ
    မရှိတာကို ရယူလေ့ရှိကြပါတယ်၊
  • 4:52 - 4:55
    ဒါပေမဲ့ ta mathemata ကျတော့
    ရယူခြင်းဖြင့် မိမိတို့ ရရှိကြတာကို ဆိုလိုပါတယ်
  • 4:55 - 4:58
    ဒါပေမဲ့၊ ကျွန်တော်တို့ဆီမှာ ရှိနှင့်နေတဲ့
    အရာကို ရယူမှုဖြစ်ပါတယ်။
  • 4:58 - 5:03
    အဲဒါကို နားလည်ရန် ခက်ပါတယ်။ တနည်းပြောရရင်
    သင်္ချာပညာကို ၎င်းရဲ့ မူရင်းအနှစ်သာရ အရဆိုရင်
  • 5:03 - 5:09
    ကျွန်တော်တို့ဆီမှာ ရှိနှင့်နေတာကို ရယူမှု၊
    ကျွန်တော်တို့ သိနှင့်နေတာကို သိလာရမှု ဖြစ်ပါတယ်။
  • 5:09 - 5:11
    အဲဒါက ဘာကို ဆိုလိုတာပါလိမ့်?
  • 5:12 - 5:15
    ကျွန်တော်တို့ ဂျပန်မှာ Oka Kiyoshi ဆိုတဲ့
    သင်္ချာပညာရှင် ရှိပါတယ်။
  • 5:15 - 5:20
    ဒီဟောပြောမှုနောက်မှာ လူတိုင်းဟာ
    သူ့နာမည်ကို မှတ်မိကြမယ်လို့ မျှော်လင့်ချင်ပါတယ်။
  • 5:20 - 5:22
    သူဟာ ကျိုတိုမြို့မှာ နေထိုင်ပါတယ်။
  • 5:22 - 5:28
    သူဟာ ကမ္ဘာပေါ်က လူသိအများဆုံး
    ဂျပန် သင်္ချာပညာရှင် တစ်ဦးပါပဲ။
  • 5:28 - 5:32
    အဲဒီ Oka ရဲ့ လုပ်ဆောင်ချက်ဟာ ကြီးမားလွန်းလို့
    ဥရောပတိုက်ထဲက တချို့သူတို့က
  • 5:32 - 5:34
    Oka ဟာ အုပ်စုတစ်ခုရဲ့
    အမည်လို့တောင် ထင်မှတ်ခဲ့ကြပါတယ်။
  • 5:34 - 5:38
    သူဟာ အဲဒါတွေ အားလုံးကို တစ်ယောက်တည်း
    လုပ်နိုင်ခဲ့တာ သူတို့ မယုံနိုင်ကြဘူး။
  • 5:38 - 5:41
    လူတစ်ယောက်တည်းက အဲဒါတွေအားလုံးကို
    လုပ်ခဲ့တာကို သူတို့ လုံးဝ မယုံနိုင်ခဲ့ကြပါ။
  • 5:43 - 5:45
    Oka ဟာ မဟာသင်္ချာပညာရှင်
    တစ်ယောက်တင် မကခဲ့ပါ;
  • 5:45 - 5:49
    သူဟာ လေးနက်တဲ့ အတွေးအခေါ်ပညာရှင်၊
    ဒဿနိက ပညာရှင် တစ်ဦးလည်း ဖြစ်ခဲ့ပါတယ်။
  • 5:49 - 5:53
    သူဟာ ကောက်နှုတ်ချက် စကားတချို့နဲ့
    လှပတဲ့ စာတမ်းများကိုပါ ချန်ထားခဲ့ပါတယ်
  • 5:53 - 5:55
    သင်္ချာရဲ့ သဘာဝ အကြောင်းနဲ့ ဆက်စပ်လျက်ပါ။
  • 5:55 - 6:02
    အထူးသဖြင့်၊ သင်္ချာဟာ ပထမဦးဆုံး ဂဏန်းဖြစ်တဲ့
    တစ် အကြောင်း ဘာမှ ပြောမပြနိုင်ဘူးလို့
  • 6:02 - 6:06
    ထပ်တလဲလဲ ပြောကြားလေ့ရှိခဲ့ပါတယ်။
  • 6:06 - 6:10
    ကောင်းပါပြီ၊ ဂဏန်းတွေဟာ သင်္ချာထဲက
    အရိုးရှင်းဆုံး အရာတွေဖြစ်တာ
  • 6:10 - 6:11
    ရှင်းနေပါတယ်။
  • 6:11 - 6:16
    ဒါပေမဲ့ ကျွန်တော်တို့က ဘာဖြစ်လို့
    ဂဏန်း တစ် ရှိဖို့လိုအပ်သလဲ
  • 6:16 - 6:19
    ဒါမှမဟုတ် တစ်ဂဏန်းဟာ ဘာဖြစ်လို့ ပထမနေရာမှာ
    ရှိနေရတာလဲ ဆိုတာကို ရှင်းပြလိုကြပါက၊
  • 6:19 - 6:22
    သင်္ချာနည်းဖြင့် ဒါမှမဟုတ် အကျိုးအကြောင်းဖြင့်
    ရှင်းပြရန် ဘယ်လောက်ပဲ ကြိုးစားကြိုးစား၊
  • 6:22 - 6:26
    ကျွန်တော်တို့ဟာ တစ် ဂဏန်း ရှိနေခြင်းကို
    သက်သေထူပြရန် ဒါမှမဟုတ် ရှင်းပြရန်၊
  • 6:26 - 6:30
    တစ် ဂဏန်း ရှိနေခြင်း အကြောင်းရင်း ဒါမှမဟုတ်
    တစ်ဂဏန်း ဆိုတာ ဘာလဲ ဆိုတာ ရှင်းပြရန် မဖြစ်နိုင်ပါ။
  • 6:30 - 6:32
    ကျွန်တော်တို့ဟာ အဲဒါကို ယုံကြည်ကြရုံပါပဲ။
  • 6:33 - 6:36
    တစ်ခုခုကို အခြေအမြစ် ဘယ်လိုမှမရှိဘဲ
    ယုံကြည်ခြင်းပါပဲ။
  • 6:37 - 6:41
    ကျွန်တော်တို့ စိတ်ရဲ့
    အဲဒီလို ယုံကြည်မှု စွမ်းပကားသာ မရှိခဲ့ရင်၊
  • 6:41 - 6:44
    သင်္ချာဟာ လုံးဝကို အခြေအမြစ်မရှိ၊
    အဓိပ္ပါယ်မရှိ ဖြစ်ခဲ့မှာပါ။
  • 6:45 - 6:50
    ဒီတော့ ရုတ်တရက်ဆိုရင်၊ သင်္ချာဟာ
    ဂဏန်းတွေ နဲ့ တွက်ချက်မှု အကြောင်း
  • 6:50 - 6:55
    ဆင်ခြင်းတွေးခေါ်မှု စတဲ့ အကြောင်းထင်ရပေမဲ့
    အဲဒီတွက်ချက်မှု နဲ့ ဆင်ဆင်မှုတရားရဲ့ အောက်ခြေမှာ
  • 6:55 - 7:01
    ကျွန်တော်တို့ရဲ့ စိတ်ထဲမှာ ကြီးမားတဲ့ အရာဖြစ်နေကာ
    အဲဒီတွက်ချက်မှု နဲ့ ဆင်ဆင်မှုတရားတွေကို အားဖြည့်ပေးနေတာပါ။
  • 7:01 - 7:04
    ဒါကြောင့်မို့လို့ သင်္ချာပညာရဲ့ ဗဟိုထဲတွင်
    ရှိနေတာက ဂဏန်းတွေမဟုတ်ကြပါ၊
  • 7:04 - 7:07
    ဆင်ခြင်တုံတရားလည်း မဟုတ်၊
    တွက်ချက်မှုလည်း မဟုတ်၊
  • 7:07 - 7:11
    ကြီးမားလှတဲ့ ကျွန်တော်ရဲ့ အတွင်းပိုင်း
    စကြာဝဠာကြီး ရှိပါတယ်၊
  • 7:12 - 7:16
    အဲဒါကို Oka Kiyoshi က "Joocho" ဆိုပြီး
    ခေါ်ခဲ့ပါတယ်။
  • 7:18 - 7:20
    Joocho ဟာ သိပ်ကို ရှင်းပြရခက်တဲ့ ဂျပန်စကားလုံးပါ။
  • 7:20 - 7:23
    ကျွန်တော်ဟာ အဲဒါ့အတွက် ဘာသာပြန်
    စကားလုံးကောင်းကို ရှာကြံခဲ့ပါသေးတယ်၊
  • 7:23 - 7:26
    Joocho ကို ထင်ဟပ်ပေးနိုင်မယ့်
    အင်္ဂလိပ်စကားလုံးကောင်းကို ရှာကြည့်ခဲ့ပါတယ်၊
  • 7:26 - 7:28
    ဒါပေမဲ့ ကံဆိုးချင်တော့ ကျွန်တော်ဟာ ရှာမရခဲ့ပါ။
  • 7:28 - 7:31
    ဒါကြောင့်မို့လို့ အဲဒါကို Joocho လို့ပဲ
    ဆက်ခေါ်ကြရအောင်။
  • 7:31 - 7:33
    (ရယ်မောသံများ)
  • 7:33 - 7:37
    ဒီတော့ Oka က ရှင်းပြခဲ့သို
    သင်္ချာဟာ ဂဏန်းတွေ အကြောင်း မဟုတ်ပါ၊
  • 7:37 - 7:40
    သင်္ချာဟာ တွက်ချက်မှု အကြောင်း မဟုတ်ပါ၊
    သင်္ချာဟာ ဆင်ခြင်တုံတရားနဲ့လည်း မဆိုင်ပါ၊
  • 7:40 - 7:42
    သင်္ချာဟာ joocho အကြောင်းပါ။
  • 7:42 - 7:45
    အဲဒါဟာ မိမိစိတ်ထဲကို ကြည့်ရှုမှုပါ၊ ပြီးတော့
  • 7:47 - 7:50
    မိမိရဲ့ အတ္တကို ထိတွေ့မှုလည်း ဖြစ်ပါတယ်၊
  • 7:50 - 7:55
    မိမိထဲက ကြွယ်ဝတဲ့ အတွင်းပိုင်း စကြာဝဠာကို
    တို့ထိကြည့်မှု၊ ခင်ဗျားတို့ရဲ့ Joocho ပါပဲ။
  • 7:55 - 7:58
    ဒီတော့ ခင်ဗျားတို့ဟာ သင်္ချာကို လိုက်စားချင်ရင်
    ပြဿနာ တစ်ခုကို ကောက်ယူလိုက်ပါ။
  • 7:58 - 8:00
    သိပ်ကြီး ခက်ခဲတာမျိုး မဖြစ်သင့်ပါ။
  • 8:00 - 8:04
    ဘယ်သူကမှ သက်သေထူမပြနိုင်သေးတဲ့
    သီအိုရီကို သက်သေထူပြတာမျိုး မလိုအပ်ပါ။
  • 8:04 - 8:06
    ပြဿနာ တစ်ခုကို ကောက်ယူလိုက်ပါ၊
    လွယ်ကူတာ ဖြစ်ပါစေ၊
  • 8:06 - 8:10
    ပြီးတော့ အဲဒါကို အာရုံပြုနေပါ၊
    ကိုယ့်ဘာသာကိုယ် ဖြေရှင်းဖို့ အားထုတ်ပါ။
  • 8:10 - 8:12
    အဖြေတွေကို သွားမကြည့်ပါနဲ့။ မလိမ်ညာပါနဲ့။
  • 8:12 - 8:16
    ခင်ဗျားဟာ ကိုယ့်ဘာသာကိုယ် အဖြေကို မတွေ့မချင်း
    ဒီပြဿနာအကြောင်းကို စဉ်းစားကြည့်နေပါ။
  • 8:17 - 8:22
    ခင်ဗျားဟာ သည်းခံစိတ်ရှိရန် လိုမယ်၊
    တချိန်လုံး အာရုံစူးစိုင်နေရန် လိုတယ်။
  • 8:22 - 8:27
    အကြောင်းအရာ တစ်ခုတည်းကို အာရုံစိုက်နေရန်နဲ့
    သည်းခံစိတ်ရှိရေးဟာ သိပ်ကို အရေးကြီးပါတယ်။
  • 8:27 - 8:33
    အဲဒီလို အာရုံစူးစိုက်နေချိန်မှာ၊ ခင်ဗျားတို့ဟာ
    ကိုယ့်စိတ်ကိုပါ ထိတွေ့ခံစားနိုင်ပါတယ်။
  • 8:33 - 8:38
    ပြီးတော့ ခင်ဗျားတို့ဟာ ကံကောင်းမယ်ဆိုရင်၊
    ခင်ဗျားဟာ ခင်ဗျာ့စိတ်ထဲက Joocho ပင်လယ်ကြီးထဲတွင်
  • 8:38 - 8:41
    ရေကူးရင်း မျောနေတာကို ခံစားလာရမှာပါ။
  • 8:41 - 8:44
    အချိန်ရှိတဲ့အခါမှာ အဲဒါကို စမ်းကြည့်ကြပါ။
  • 8:44 - 8:48
    ဒီတော့ ဒါဟာ သင်္ချာဆိုင်ရာ
    တိုတောင်းတဲ့ ဟောပြောချက်ပါ။
  • 8:48 - 8:51
    တကယ်တော့ ကျွန်တော်က ပါးပေးလိုတဲ့
    အချက်ကတစ်ခုတည်းပါ။
  • 8:51 - 8:55
    သင်္ချာ ဂဏန်းတွေ အကြောင်း မဟုတ်ပါ၊
    သင်္ချာဟာ တွက်ချက်မှု သက်သက် မဟုတ်ပါ၊
  • 8:56 - 8:58
    သင်္ချာဟာ ဆင်ခြင်တုံတရား သက်သက်လည်း မဟုတ်ပါ၊
  • 8:58 - 9:01
    သင်္ချာဟာ သင့်စိတ်တွင်းပိုင်းကို ကြည့်ရှုမှုပါ။
  • 9:01 - 9:04
    ခင်ဗျားရဲ့ အတွင်းပိုင်း အတ္တနဲ့၊
    အတွင်းပိုင်း စကြာဝဠာနဲ့ ထိတွေ့မှုပါ၊
  • 9:04 - 9:10
    ခင်ဗျားတို့ရဲ့ အတွင်းပိုင်းထဲက ကြွယ်ဝလှတဲ့
    Joocho အပြည့်အဝနဲ့ ထိတွေ့မှုပါပဲ။
  • 9:10 - 9:15
    အဲဒီလိုဆိုတော့၊ လူတိုင်းဟာ၊ ခင်ဗျားတို့အပါအဝင်ဟာ၊
    သင်္ချာပညာရှင် ဖြစ်နိုင်ပါတယ်။
  • 9:15 - 9:16
    ကျေးဇူးအထူးတင်ပါတယ်။
  • 9:16 - 9:18
    (လက်ခုပ်တီးသံများ)
  • 9:18 - 9:19
    ကျေးဇူးတင်ပါတယ်။
Title:
သင်္ချာဆိုတာ ဘာများပါလိမ့်? | Masao Morita | TEDxKyoto 2012
Description:

သင်္ချာဆရာ တစ်ယောက်ဖြစ်ကာ ပုဂ္ဂလိက သုတေသီတစ်ဦးဖြစ်တဲ့ Morita Masao ဟာ သင်္ချာရဲ့ လျှို့ဝှက်ချက်များကို ဖွင့်ထုတ်ပြသထားပါတယ်။ သိအိုရီလာ သင်္ချာပညာ နဲ့ အသုံးချ သင်္ချာပညာ တို့ကို ရောစပ် တင်ပြလျက် Masao က ကျွန်တော်တို့ လောကကြီးအတွက် သင်္ချာမှ ကမ်းလှမ်း ပေးထားတာတွေကို မျှဝေထားပါတယ်။
more » « less
Video Language:
English
Team:
closed TED
Project:
TEDxTalks
Duration:
09:28

Burmese subtitles

Revisions

Our website uses cookies for analysis purposes.