AI: What is Machine Learning?

Chámome Ale Flores e son directora de produto en Alexa.

Son Chelsey Haupt. Traballo no Instituto Allen de Intelixencia Artificial

e traballo nun motor de busca académico baseado en IA.

Ao teu redor, os ordenadores toman decisións,

e esas decisións afectan á túa vida diaria.

Cando buscas en Internet ou cando te desprazas polas publicacións,

os ordenadores deciden o que ves.

Os ordenadores xa poden recoñecer a túa cara e entender a túa voz,

axiña estarán conducindo coches e detectando enfermidades,

incluso mellor que os humanos.

Como é posible todo isto?

Posiblemente teñas escoitado falar da IA ou intelixencia artificial.

Para a verdadeira intelixencia artificial aínda faltan décadas.

Pero hai un tipo de IA chamada aprendizaxe automática

coa que xa contamos na actualidade.

É unha forma de IA coa que probablemente interactúas

todos os días sen sequera darte conta.

Axúdanos a abordar algúns dos maiores desafíos do mundo.

A aprendizaxe máquina é a maneira que teñen os ordenadores

de recoñecer patróns e tomar decisións

sen que haxa que programalos de forma explícita.

O máis fascinante é que se trata dun xeito completamente diferente

de programar ordenadores co que faciamos ata agora.

Coa aprendizaxe máquina, en vez de programar o ordenador paso a paso,

podes programalo para que aprenda como o fas ti,

a través do ensaio e erro, e moita práctica.

A aprendizaxe acádase coa experiencia,

e na aprendizaxe automática, tamén.

Neste caso, "experiencia" significa unha chea de datos.

A aprendizaxe automática pode traballar con calquera tipo de datos:

Imaxes, vídeo, son ou texto,

e empezar a recoñecer patróns neles.

Unha vez que recoñece patróns nos datos, tamén pode realizar predicións

baseadas neses patróns.

Por exemplo, diferenciar entre a imaxe dun coche e a dunha bicicleta.

A IA e a aprendizaxe automática están a desempeñar

un papel cada vez máis importante na sociedade en xeral,

e están a moldear o noso futuro.

Por iso é tan importante entender como funciona, con algún exercicio práctico.

Estás a piques de adestrar o teu propio modelo de aprendizaxe automática.

Lembra que a IA é como todas as ferramentas:

Primeiro aprendes como funciona, logo tes o poder!