MS4 Release Video 08

Hallo daar, my naam is Martin Keary en dis vir my
heerlik om die vrystelling van MuseScore 4 aan te kondig -

'n reusehersiening wat... wel,
alles aanroer! Kom ek wys jou.

Eerstens sien dit heeltemal nuut daar uit.
Die ligte en donker temas is beide

opgeknap, en hulle het selfs
verstelbare aksentkleure.

Diegene met gesiggestremdhede kan ook 'n
verstelbare hoëkontrasmodus aanskakel.

Naas die visuele veranderings, het ons baie tyd aan die
verbetering van die ervaring bestee om jou te help

om dinge makliker te kry en vinniger te noteer.
Die boonste nutsbalk bevat byvoorbeeld nou n-ole

en artikulasie en het vele meer opsies wat
vertoon en versteek kan word deur hier te klik.

Ons het die Inspekteur, wat ons 'Eienskappe'
herdoop het, heeltemal herontwerp en

allerlei klein funksies en
verbeteringe bygevoeg sodat dit baie

nuttiger is as voorheen is. Dis ook baie slimmer.
Maak nie saak hoeveel dinge jy op jou partituur kies nie,

dit sal altyd die toepaslike opsies kan
vertoon sodat jy dit gou kan verander.

Ons het ook die stelsel vir die oopmaak en pasmaak
van partye vereenvoudig. Kies 'Partye' hier,

kies die toepaslike party en dan kan jy - deur
hierdie nuwe instrumente-paneel te gebruik - enige

bygaande instrumente wat jy ook wil sien vertoon,

herrangskik en selfs hul instellings wysig.
En terloops, jy kan ook hierdie instrumente-paneel

gebruik om notebalke by te voeg of gekoppelde notebalke
te skep, wat baie handig is vir kitaartablatuur.

Hier is 'n halleluja-oomblik vir jou: MuseScore
ondersteun uiteindelik die terugspeel van tempo-lyne,

soos accelerando en ritardando.

Ons het ook die skakel met MuseScore.com verbeter,

wat dit vir jou makliker maak om jou werk
privaat op die wolk te bewaar.

Jy kan dan kies om jou werk te publiseer op
MuseScore.com wanneer die partituur voltooi is.

Maar dis net die begin.

Volgende is die reusehersiening van ons
uitleg. Bladmusiek in MuseScore het

'n gedaantewisseling ondergaan sodat dit nou hoogs professioneel
by verstek is. Een aspek hiervan is ons nuwe stelsel

vir horisontale spasiëring. Om maar een
voorbeeld van hoeveel dit dinge verbeter, te noem:

beskou hierdie notasie uit MuseScore
3, wat nou só lyk. Ons het ook

ons stelsels vir balke, frasering- en verbindingsboë en notasie
oor verskillende notebalke herskryf. Behalwe daarvoor...

...is die plasing van honderde verskillende simbole spanne
beter as voorheen. Dinamiese aanduidings word

by verstek akkurater geplaas. Jy
kan notasie aanpas om reguit of

tradisionele vlaggies te hê. Ons het nuwe notasie-
tipes, soos Maestro en Broadway, bygevoeg - en

ons eie vlagskip-notasietipe, Leland,
heelwat verbeter en uitgebrei.

Maar dis steeds nie al nie, want ek het nog
nie die heel grootste verandering genoem nie,

naamlik dat MuseScore 'n splinternuwe klankenjin
en terugspeel-stelsel het. Dit het ons in staat gestel

om VST-instrumente en effekte te ondersteun, wat met
ons nuwe menger opgestel kan word, soos volg. 'n Nog

meer opwindende gevolg van ons klankenjin is te
vinde as mens ons nuwe "Muse Hub"-program oopmaak,

waar jy iets genaamd "Muse Sounds" sal sien, -
'n orkestrale inpropstuk waaraan ons twee jaar

van ontwikkeling bestee het. Sodra Muse Sounds
geïnstalleer is, sal terugspel nie meer só klink nie:

Dit sal só klink:

Geen verstelling of ingewikkelde
bedrading word benodig nie en dis gratis.

MuseScore 4 is die vrug van toegewyde
samewerking tussen my span en die oopbron-

gemeenskap, wat ons met oneindig
baie hulp met ontwerp en implementering

sowel as vertalings, dokumentasie en
gebruikersondersteuning voorsien het.

Ons het verskeie tutoriale vrygestel vir diegene
wat so gou moontlik aan die gang wil kom.

Dit kan bekom word vanuit MuseScore 4 self
of deur op hierdie kanaal te soek.

Ons het nou die gesofistikeerde tegniese
fondasie in MuseScore 4 wat ons

nodig het om nuwe funksies baie vinniger te
bou in die toekoms. Daar is baie groot dinge binnekort

op pad. As jy belangstel om daarvan te hore
te kom, teken gerus in op hierdie kanaal.

Baie dankie, en pas jouself op!