Պատրիցիա Ռայան. Մի' պարտադրեք անգլերենը

TEDxDubai-ի ընթացքում, անգլերենի վաստակավոր ուսուցիչ Պատրիցիա Ռայանն պրովոկացիոն հարցադրում է անում. արդյո՞ք անգլերեն ուղղվածություն ունեցող աշխարհում կանխվում է հոյակապ մտքերի տարածումը այլ լեզուներով: (Օրինակ. ի՞նչ կլիներ, եթե Էյնշտեյնը ստիպված լիներ TOEFL հանձներ). Սա շատ եռանդուն պաշտպանություն է ուղղված թարգմանությանը և մտքերի տարածմանը:

Ես գիտեմ, թե դուք ինչ եք մտածում:

Դուք մտածում եք ես մոլորվել եմ

և ինչ-որ մեկը մի րոպեից կբարձրանա այստեղ

և բարեկիրթ ձևով կխնդրի վերադառնալ իմ նստարանին:

(Ծափահարություններ)

Դուբայում միշտ այդ իրավիճակի մեջ էի:

«Դուք այստեղ հանգստանում ե՞ք»:

(Ծիծաղ)

«Եկել եք երեխաներին այցելելու՞:

Որքա՞ն եք մնալու»:

Իրականում, հույս ունեմ, որ դեռ երկար կմնամ:

Ես արդեն 30 տարի ապրում և

դասավանդում եմ Ծովածոցում:

(Ծափահարություններ)

Եվ այդ ժամանակից սկսած, ես շատ փոփոխություններ եմ տեսել:

Այժմ այդ վիճակագրությունը

բավական ցնցող է:

Ես ձեզ հետ այսօր ուզում եմ խոսել

լեզուների կորստի և

անգլերեն լեզվի համատարածման մասին:

Ես ուզում եմ պատմել ձեզ իմ ընկերոջ մասին,

ով մեծահասակներին անգլերեն էր սովորեցնում Աբու Դաբիում:

Մի հրաշալի օր,

նա որոշում է ուսանողներին տանել այգի,

որպեսզի բնության հետ կապված բառեր սովորեն:

Եվ ամեն ինչ վերջացավ նրանով, որ հենց ինքը սկսեց սովորել

տեղի բույսերի արաբական անվանումները,

ինչպես նաև դրանց օգտագործման եղանակները

բժշկական, կոսմետոլոգիական,

խոհարարական և բուսական:

Որտեղի՞ց էին ուսանողները ստացել այդ գիտելիքները:

Իհարկե, իրենց մեծ ծնողներից,

կամ նույնիսկ ավելի մեծ սերունդներից:

Կարիք չկա ձեզ պատմելու, թե ինչքան կարևոր է

կարողանալ հաղորդակցվել

սերունդների հետ:

Դժբախտաբար այսօր,

լեզուները մահանում են

անընդունելի տեմպերով:

Յուրաքանչյուր 14 օրը մեկ մի լեզու մահանում է:

Եվ միևնույն ժամանակ,

անգլերենն անկասկած հանդիսանում է համընդհանուր լեզու:

Կարո՞ղ է այստեղ կապ լինել:

Ես չգիտեմ:

Բայց ես հաստատ գիտեմ, որ ես շատ փոփոխություններ եմ տեսնում:

Երբ ես առաջին անգամ դուրս եկա Ծովածոցից, ես գնացի Քուվեյթ

այն օրերին, երբ այնտեղ դեռ հաղորդակցման խնդիր կար:

Իրականում ոչ այսքան վաղ:

Սա մի քիչ ավելի վաղ ժամանակ է:

Բայց այնուամենայնիվ,

ինձ և ևս 25 այլ ուսուցիչների

հավաքագրեց Բրիտանական խորհրդիը:

Եվ մենք դարձանք առաջին ոչ մուսուլման ուսուցիչները,

ովքեր պետք է դասավանդեին Քուվեյթի դպրոցներում:

Մեզ տարել էին, որ անգլերեն սովորեցնենք,

քանի որ իրենց կառավարությունը ցանկանում էր արդիականացնել երկիրը

և զարգացնել քաղաքացիներին կրթության միջոցով:

Եվ, իհարկե, Միացյալ Թագավորությունն օգտվեց

նրանց նավթի սիրելի պաշարներից:

Լավ:

Այժմ այն գլխավոր փոփոխությունը, որ ես տեսա`

ինչպես անգլերենի ուսուցումը

փոխշահավետ

փորձառությունից վերածվեց

և դարձավ առօրյա մասսայական միջազգային բիզնես:

Այն արդեն ընդամենը դպրոցում ուսուցանվող առարկա չէ:

Եվ արդեն ոչ մենակ մայր Անգլիայի

միակ ոլորտը:

Այն դարձել է համընդհանուր շարժում

աշխարհի յուրաքանչյուր անգլախոս երկրում:

Իսկ ինչու՞ ոչ:

Ի վերջո, լավագույն կրթությունը,

համաձայն Աշխարհի համալսարանների դասակարգման վերջին ցուցակի,

լավագույնները գտնվում են

Միացյալ Թագավորությունում և ԱՄՆ-ում:

Եվ դրա համար ամեն ոք ուզում է ունենալ անգլերեն կրթություն, բնականաբար:

Բայց եթե այն քո մայրենին չէ,

դու պետք է թեստ հանձնես.

Հիմա, ինչքանո՞վ է արդարացի

մերժել ուսանողին հիմնվելով միայն

լեզվական կարողությունների վրա:

Գուցե դուք գիտեք համակարգչային գիտությունների մասնագետի

ով պարզապես հանճար է:

Արդյո՞ք նա կարիք ունի իմանալու նույն լեզուն, ինչ իրավաբանը, օրինակ:

Համենայն դեպս ես այդպես չեմ կարծում:

Մենք` անգլերենի ուսուցիչներս միշտ հերքում ենք դա:

Մենք դնում ենք կանգ առնելու նշան

և կանխում ենք նրանց ճանապարհը:

Նրանք չեն կարող հետևել իրենց երազանքին,

քանի դեռ անգլերեն չսովորեն:

Այժմ թույլ տվեք այլ տեսանկյունից նայել.

եթե ես հանդիպեի միալեզու հոլանդացու,

ով գտել է քաղցկեղի բուժումը,

արդյո՞ք ես կարգելեմ նրա մուտքը որևէ բրիտանական համալսարան:

Չեմ կարծում:

Բայց իրականում հենց դա ենք մենք անում:

Մենք` անգլերենի ուսուցիչներս դարպասապահ ենք:

Եվ դուք պետք է առաջին հերթին մեզ ապացուցեք,

որ անգլերենի ձեր իմացությունը բավական լավն է:

Չափազանց վտանգավոր է

այսքան մեծ իշխանություն տալ

հասարակության փոքր մասին:

Արգելքները կարող է չափազանց համընդհանուր պատնեշ դառնալ:

Լավ:

Բայց, գիտեմ, հիմա դուք կասեք,

«Իսկ ի՞նչ անենք վերլուծությունների հետ:

Դրանք անգլերեն են»:

Գրքերն անգլերեն են,

ամսագրերը նույնպես անգլերեն են,

և դա գիտելիքի ինքնաբավարաման գործընթաց է:

Դա լրացնում է անգլերենի իմացության պահանջը:

Եվ այդպես շարունակ:

Ես ձեզ հարցնում եմ, ի՞նչ պատահեց թարգմանությունների հետ:

Եթե հիշենք Իսլամական Ոսկեդարը,

ապա բազում թարգմանություններ կգտնենք:

Նրանք արաբերեն և պարսկերեն էին թարգմանում

լատիներենից և հունարենից,

ապա դրանք թարգմանվում էին

գերմանա-եվրոպական և

և ռոմանա-գերմանական լեզուներով:

Եվ այդպես լույսը շողաց Եվրոպայի մութ դարերի վրա:

Ինձ սխալ չհասկանաք.

ես դեմ չեմ անգլերեն սովորելուն,

դուք բոլորդ անգլերենի ուսուցիչներ եք:

Ինձ դուր է գալիս, որ անգլերենը համընդհանուր լեզու է:

Մենք իրոք այդպիսի լեզվի կարիք ունենք:

Բայց ես դեմ եմ, որ այն օգտագործենք

որպես արգելք:

Արդյո՞ք մեզ իրականում անհրաժեշտ է սպանել 600 լեզու

և թողնել մեկ խոշոր լեզու` անգլերենը կամ չինարենը:

Մեզ ավելին է հարկավոր: Որտե՞ղ պետք է լինի սահմանագիծը:

Այս համակարգը

հավասարեցնում է մտավոր կարողությունը

անգլերենի իմացությանը,

ինչը բավական վիճելի է:

(Ծափահարություններ)

Եվ ես ցանկանում եմ ձեզ հիշեցնել,

որ այն հսկաները, ում ուսերին

«կանգնած է» այսօրվա մտավորականությունը

պարտադիր չէր, որ անգլերեն իմանային,

նրանք պարտավոր չէին անգլերենի թեստ հանձնել:

Վառ օրինակ` Էյնշտեյնը:

Նա, ի դեպ, դպրոցում հատուկ վերապատրաստում էր անցնում,

քանի որ, նա, իրականում, դիսլեքսիկ էր:

Ի բարեբախտություն աշխարհի,

նա պարտավոր չէր անգլերենի թեստ հանձնել:

Քանի որ դրանք չէին անց կացվում մինչև 1964թ.

երբ սկսեց կազմակերպվել TOEFL-ը

անգլերենի ամերիկյան թեստը:

Այժմ դա տարածվում է:

Կան անգլերենի բազում, շատ-շատ թեստեր:

Եվ միլիոնավոր ուսանողներ,

ովքեր ամեն տարի հանձնում են այս թեստերը:

Հիմա դուք կմտածեք, դուք և ես,

այս վճարները այդքան էլ վատ չեն, սովորական են,

բայց դրանք չափազանց շատ են

միլիոնավոր աղքատ մարդկանց համար:

Եվ անմիջապես մենք հերքում ենք դրանք:

(Ծափահարություններ)

Սա հիշեցնում է մի վերնագիր, որ տեսա վերջերս.

«Կրթություն. Մեծագույն բաժանում»

Հիմա ես այն հասկանում եմ,

ես հասկանում եմ, թե ինչու են մարդիկ շեշտադրում անգլերենը:

Նրանք ցանկանում են իրենց երեխաներին կյանքի լավագույն շանսը տալ:

Եվ դա անելու համար նրանք պետք է ունենան արևմտյան կրթություն:

Քանի որ, իհարկե, լավագույն աշխատատեղերը

տրամադրվում են արևմտյան համալսարանների շրջանավարտներին,

ինչի մասին քիչ առաջ ասացի:

Սա մի շրջան է:

Լավ:

Թույլ տվեք ձեզ երկու գիտնականների մասին մի պատմություն պատմեմ,

երկու անգլիացի գիտնականների մասին:

Նրանք գենետիկայի հետ կապված

փորձարկում էին անում,

որը կապված էր կենդանիների առջևի և հետևի վերջույթների հետ:

Բայց նրանք չէին ստանում իրենց ցանկալի արդյունքը:

Նրանք իսկապես չգիտեին ինչ անել,

մինչև եկավ մի գերմանացի գիտնական,

ով բացահայտեց, որ նրանք օգտագործում են 2 բառ

առջևի և հետևի վերջույթների համար,

մինչդեռ գենետիկան դրանք չի տարբերակում,

ինչը չի անում նաև գերմաներենը:

Եվ բինգո,

խնդիրը լուծվեց:

Եթե դուք չեք կարող մտածել,

ապա դուք հապաղում եք:

Բայց, եթե այլ լեզուն կարող է «մտածել» այդ միտքը,

ապա, համագործակցելով,

մենք կարող ենք հասնել և սովորել շատ ավելին:

Իմ աղջիկը,

եկավ Անգլիա Քուվեյթից:

Նա բնական գիտությունները և մաթեմատիկան սովորել էր արաբերեն:

Դա արաբական միջին դպրոց էր:

Աղջիկս ստիպված էր թարգմանել դրանք անգլերեն իր քերականության դպրոցում:

Եվ նա լավագույն արդյունքներն ուներ

այդ առարկաներից դասարանում:

Սա մեզ ասում է այն մասին,

որ, երբ ուսանողները գալիս են արտասահմանից,

մենք հավանաբար չենք տա նրանց բավարար կրեդիտներ

իրենց գիտելիքների համար,

ինչքան կտայինք իրենց մայրենի լեզվով հանձնելու դեպքում:

Երբ լեզուն մահանում է,

մենք չգիտենք, թե ինչ ենք կորցնում այդ լեզվի հետ միասին:

Սա, ես չգիտեմ տեսել եք արդյոք CNN-ով,

նրանք տվել են Հերոսի մրցանակ

այս երիտասարդ քենիացի հովվին,

ով չէր կարողանում սովորել իր գյուղում,

ինչպես գյուղացի մյուս երեխաները,

քանի որ նավթի լամպը

ծուխ էր անում և վնասում աչքերը:

Բացի դրանից, երբեք բավարար նավթ չէր լինում,

քանի որ ի՞նչ կգնեք օրական մեկ դոլարով:

Այդպիսով նա հայտնագործեց

անվճար արևային լամպը:

Եվ այժմ իր գյուղի երեխաները

ստանում են նույն գնահատականները,

ինչ իրենց տանը էլեկտրականություն ունեցող երեխաները:

(Ծափահարություններ)

Երբ նա ստացավ իր մրցանակը,

նա ասաց այս հրաշալի բառերը.

«Երեխաները կարող են առաջնորդել և դուրս բերել Աֆրիկան այսօրվա ներկա իրավիճակից,

մռայլ մայրցամաքից,

դեպի պայծառ մայրցամաք»:

Պարզ միտք, որը կարող է

ունենալ այնքան հեռու գնացող հետևանքներ:

Մարդիկ, ովքեր լույս չունեն,

թե ֆիզիկական, թե փոխաբերական առումով,

չեն կարող հանձնել քննությունները,

և մենք երբեք չենք իմանա, թե նրանք ինչ գիտեն:

Եկե'ք չթողնենք նրանց և մեզ

մթության մեջ:

Եկե'ք տոնենք բազմազանությունը:

Մտածեք ձեր լեզվով:

Օգտագործեք այն հրաշալի մտքերը տարածելու համար:

(Ծափահարություններ)

Շատ շնորհակալ եմ:

(Ծափահարություններ) Բազում ծաղիկներ ծնվում են աննկատ ամաչելու համար և տարածում են իրենց քնքշությունը անապատի օդում: (Թոմաս Գրեյ, Էլեգիա` գրված գյուղական գերեզմանատանը)