Como funcionaría unha pílula anticonceptiva masculina

O andrólogo John Amory está desenvolvendo un método anticonceptivo innovador para os homes, que lles dá unha nova opción para responsabilizarse por si mesmos da prevención de embarazos non desexados. Explica a ciencia que se está a desenvolver -e por que o mundo precisa desta pílula.

Cando lle digo á xente

que tento desenvolver unha pílula
anticonceptiva para homes,

as respostas varían dependendo do sexo.

As mulleres din cousas coma:

" Que ben! Xa era hora. Para cando?"

(Risas)

Os homes só teñen dúas respostas.

Ou ben lles soa ben

ou miran cara a min preocupados

mentres pensan en que ando a argallar
para os seus testículos.

(Risas)

Entón, por que é necesaria
unha pílula masculina?

Que pensades cando vos digo que

dos 6 millóns
de embarazos anuais nos EE.UU.

3 millóns son non desexados?

Iso é a metade.

É un número moi sorprendente.

E eses 3 millóns non desexados

explican os máis dun millón
de abortos anuais

que se levan a cabo nos Estados Unidos.

Por sorte, a taxa de embarazos
non desexados minguou

nos últimos anos
ao redor dun 10 %.

Isto débese a que máis mulleres
usan métodos anticonceptivos

efectivos, reversibles e a longo prazo.

Pero aínda queda moito por facer.

Unha estratexia que á fin
estase volvendo realidade

é a de mellores opcións
anticonceptivas para homes.

Pensádeo.

Temos unha ducia de métodos
anticonceptivos femininos:

pílulas, parches, DIU,
inxeccións, esponxas, aneis...

Para os homes sempre tivemos
as dúas mesmas opcións

durante máis dun século:

preservativos e vasectomía.

A pesar de termos só dúas opcións,

ambas as dúas teñen grandes desvantaxes.

Os homes representan o 30 %
do uso total de anticonceptivos,

das cales un 10 % das parellas
confían na vasectomía

e un 20 % usan o preservativo.

Por que o 20 % das parellas
confían no preservativo

se estes teñen un índice
de erro anual de máis do 15 %?

Débese a que as mulleres
ou ben non poden tomar de forma segura

os anticonceptivos dispoñibles
por motivos como coágulos de sangue,

ou ben non dan tolerado
os efectos secundarios.

Así que se pensamos que sería útil
un anticonceptivo masculino,

o seguinte é preguntarse
como poderiamos desenvolvelo.

Ben, hai dous enfoques xerais.

O primeiro é tentar interferir
no xeito en que o esperma

nada cara ao óvulo ou se une a el.

Este enfoque resulta ser
verdadeiramente complicado

porque é difícil concentrar medicación
abondo nese pequeno volume de esperma

e que siga facendo efecto ao longo
do tracto reprodutor feminino.

Por iso se investigou moito máis
na segunda opción,

que trata de frear totalmente
a produción de esperma.

Tamén é unha técnica desafiante.

Por que? Resulta que os homes
producen moito esperma.

(Risas)

Un home produce mil
espermatozoides por segundo

e para obter un anticonceptivo eficaz

tense que reducir ese nivel de produción

ao 1 % do seu valor normal.

As boas novas son que isto é posible,

ou case.

A técnica máis estudada foi usar hormonas
para deter a produción de esperma.

A testosterona e a proxesterona,
administradas á vez,

reprimen os sinais do cerebro
aos testículos para crearen esperma,

e nun 90 % dos homes,

a produción cesa despois de 3-4 meses.

Por desgraza, o 10 % dos homes
non responden a estes tratamentos

por razóns descoñecidas.

Nos últimos anos,
os meus compañeiros e mais eu

estivemos a desenvolver unha vía
distinta para a pílula masculina,

unha que non implique hormonas.

Concretamente, buscamos impedir
a función da vitamina A nos testículos.

Por que? Ben, sábese
dende hai máis de 90 anos

que a vitamina A é necesaria
para producir esperma.

Os animais privados de vitamina A
na súa dieta

deixan de producir esperma

e comezan a producilo cando a vitamina A
se reintroduce de novo.

A vitamina A que nós consumimos

é transformada en ácido retinoico
por unha familia de enzimas.

Un destes enzimas
atópase só nos testículos.

Nós tentamos bloquear este enzima.

Ao bloquear este enzima, deberíase
privar aos testículos de ácido retinoico

e paralizar a produción de esperma

sen afectar as funcións da vitamina A
no resto do corpo.

Estamos probando esta técnica con animais

e esperamos iniciar as probas
en humanos moi axiña.

Por suposto, o impacto
deste anticonceptivo masculino

vai máis aló da bioloxía reprodutiva.

É interesante especular
sobre os efectos que tería

nas relacións entre homes e mulleres.

Unha posibilidade interesante

é que os homes poderían monitorizar o seu
estado contraceptivo en calquera momento.

Nos últimos anos,

dous grupos presentaron aparellos
de análise de esperma

que funcionan co teléfono móbil

e son sinxelos de usar.

Poderíase facer
un reconto de espermatozoides

e compartir o resultado coa parella.

Se o reconto fose cero, sentiríanse
cómodos ao confiar no método.

Unha ferramenta coma esta,
xunto co contraceptivo masculino,

podería axudar o papel do home
na prevención de embarazos non desexados.

Os investigadores que traballan nisto

intentan facer un futuro
mellor para as parellas,

un futuro onde a anticoncepción non
sexa considerada só "cousa de mulleres",

senón unha cousa que as parellas
deben decidir xuntas.

Entón, por que o mundo precisa
unha pílula masculina?

Ben, eu penso que a pílula masculina

axudaría a reducir as enormes taxas
de embarazos non desexados e de abortos,

e permitiríalles aos homes participar
en igualdade de condicións

na anticoncepción.

Grazas.

(Aplausos)