新聞嘅改造 | Coleen Christie | TEDx 溫哥華

呢次演講喺一個本地嘅 TEDx 場合舉行，並喺 TED 大會架構以外獨立製作。

Coleen Christie 嘗試透過電視力量，致力將世界變得更臻完美。喺過去十年，佢擔任一個晚間新聞報導嘅主播，令觀眾接收資訊之餘，亦可以更加接近重大時事同其他人。佢今日將鏡頭背後、鮮為人知嘅記者生活帶到台上，講解資訊年代下嘅人點樣使用傳媒。

我喺 Twitter 嘅自我介紹係

「我既多疑又樂觀」

我相信科學，亦相信無限可能

我所講嘅正係我今日會講嘅題目

如果我哋身處一個真正公開透明嘅社會

我哋嘅世界會點樣

一個社會大致上清楚

我哋每日都面對嘅方方面面
包括社會、政治、環境、經濟

但係，新聞文化表明

我哋可以更加知情

嗨，我係 Coleen Christie

我係一位新聞主播
如果你鍾意，可以叫我廣播記者

我……我會猶疑咁講出呢個名
係因為我最近至知道

原來新聞廣播係業員
喺最受鄙視職業排行榜上排第六

（笑聲）
係呀

我哋比稅務精算師高一名

咁又係嘅

因為大部分人都鍾意稅務精算師
多過廣播記者

（笑聲）
真係。唔錯

就好似當莎莉．菲爾德
發表奧斯卡獲獎致謝辭嗰陣

佢心裏其實想講
你憎我、你恨我

（笑聲）

唔只係我一個人講
可以嘅話請畀我幾分鐘試試

（笑聲）

但我哋至少比律師做得好
佢哋排第三

就係咁畀咗我希望

（笑聲）

我任職嘅溫哥華 CTV
係加拿大最大電視台嘅附屬機構

我嘅生涯從一個唔尋常嘅方式開始

我一開始喺市場同推廣方面工作嘅經歷
令我對新聞有一個獨特嘅視野

你睇，我已經明白到

新聞係一種產品
佢需要推銷

仲係一件好重要嘅產品

我喺一個好注重新聞嘅家庭長大

當我阿媽唔需要返工嗰陣

佢就會將成份報紙刨曬

佢知道曬裏面嘅
所有新聞、所有球員消息

但佢嘅學歷只有八年級

作為一家人
我哋會一齊睇晚間新聞報導

我哋係專心咁睇

我諗係因為我父母出身貧苦嘅緣故

佢哋認為畀我哋了解事物
同教育我哋都係好重要

晚飯傾計話題經常係
政治議題、時下城中熱話

「遞鐵板汁過黎。
我唔信你係咁社會主義 !

你要多啲薯仔嗎？」
之類嘅話題

（笑聲）
係呀

講番轉頭
我哋宜家嘅新聞選材比以前多

呢個無容置疑

以前無論我哋喺邊度搵到消息

我哋都相信呢單消息係可信可靠嘅

但係各位，一切都變曬，係唔係？

喺依家嘅新聞新時代
資訊就係力量

但我哋駕馭資訊嘅能力
面臨著前所未有嘅危機

過去十年
我哋使用新聞嘅習慣

有咗明顯嘅改變

大部分原因係因為數碼媒體爆炸性增長

爆炸性增長促使更多競爭

衝擊我哋喺報章同電視行業嘅領導地位

又改變我哋所謂嘅新聞價值

最近有個調查

你或者會覺得有趣

就係接近九成嘅北美洲人
話佢哋好想收到每日嘅新聞

但留意

接近五成嘅人話佢哋唔信報導

信唔信係一個問題

而我認為部分原因係
因為我哋覺得新聞有偏頗

當然，當出現極端嘅新聞機構
例如右翼嘅福斯廣播公司

同左翼嘅微軟國家廣播公司
偏頗嘅報導就會出現

但身為從業員

我認為話所有傳媒都有偏頗
就將問題睇得太簡單

事實上，我今日會話畀你聽

問題嘅根本唔係傳媒有偏頗

你先係今日新聞嘅問題所在

其實我唔係問緊
你可以信邊單報導

而係，你信唔信自己
可以明辨是非？

新聞就係對事實嘅報導

每日，記者透過報導發放資訊

但係我哋嚟睇清楚

有兩種新聞來源

一種係主流可信嘅新聞材料
其餘嘅就係另一種

仲有根據你對材料嘅相信程度

嗰條分辨是否可信嘅界綫
對你嚟講似乎好模糊

當然有例外
例外成日都出現

可信新聞嘅最簡單定義係︰

經過嚴格步驟
確定資料正確同平衡各方立場後

所得出嘅資訊

多數人每日接收新聞

聽咗之後就忘記咗
甚至從來都冇思考過

我認為明白呢個過程好重要

例如，喺電視裏面
新聞資訊黎自唔同地方

我哋項目編輯嘅職責
就係整合呢啲資訊

列出可能會報導嘅項目

宜家，下一步可能會令你感到驚訝

我哋真係會辨論、討論每個新聞素材

而我哋就係一班具備經驗同訓綀

有知識、唔同性格嘅人

但其實，新聞工作室裏面
想參與嘅任何人

都可以一齊去衡量每篇新聞嘅價值

呢啲係唔係我哋觀眾想要、想睇嘅？

下一步，我哋分配新聞畀報導員
佢哋準備就緒

然後外出採訪、整合資料

寫好新聞嘅內容

的確，有啲新聞比較複雜
但一般黎講

如果到最後

一篇新聞冇足夠新聞價值

或者未通過評估
佢就唔能夠出街

呢個就係全世界新聞工作室嘅運作

呢個程序好多時都有效

但你知道
唯一我哋未能避開嘅

就係偏頗睇法

我哋極力避免呢樣嘢

但畢竟我哋唔能夠喺我哋嘅報導裏邊
避免偏頗嘅睇法

舉個例子

當我哋報導一個競選計劃嘅時候
我哋因為某啲原因而受到指責

因為同時支持現任
同支持挑戰現任者嘅人

我哋俾人話

（笑聲）
每次都係，每次都係咁

當然，我哋唔會偏幫任何一方

你睇，主流媒體冇政治取態

你可能會話「吓？」

但的確係千真萬確

主流媒體冇政治取態

雖然我哋有右翼保守媒體

但係同時，有左翼媒體平衡返

但我講嘅係主流傳媒

對於我哋嗰啲行中間路線嘅人嚟講

政黨陰謀論

絕對係無稽之談

除咗嗰次月球登陸
嗰個係大話，從來都冇發生過

（笑聲）
從來都冇發生

當然，利用敘述式新聞

去推廣某種思識形態、政治立場嘅機構

情況當然唔同

甚至宜家呢啲組織更難被察覺

尤其當網絡上嘅新聞資訊愈嚟愈多

呢啲冇經過記者檢查同平衡嘅資訊

會誤導人錯信

被認為係偏見嘅錯誤係有可能出現嘅

但我認為呢啲機構唔係
你想像中咁別有用心

當呢種錯出現嗰陣

多數可靠嘅傳媒都會
恪守佢哋自己嘅原則

喺超過一百年嘅歷史當中
新聞媒體一直都喺度改正錯誤

無論我哋滿唔滿意

呢種改正工作的確係存在嘅

所以操守係職業嘅一大部分

但對嚟講，呢個唔係工作最難嘅地方

宜家，你可能唔知道
當我喺早上返工

我唔需要擔心感染傳染病

俾人開槍射、綁架、虐待
強暴、處決

好似我一啲同事一樣

我只需要同身處現場嘅佢哋通話就可以
而佢哋就要冒險

（掌聲）

係嘅，係通話，係通話

唔，我呢份工作實在好好

雖然辦公室嘅一日辛勞會令我頭髮變差

（笑聲）

咁對我嚟講并唔艱難
但對你哋就係，因為你要睇新聞

見到嗎？

宜家，我工作最難嘅地方就係收聲

我唔係講緊晏晝嘅會議

當然喺會議度同事都想我收聲

我喺講喺我報導新聞嗰時

我唔可以對充滿分歧嘅事
加入個人意見

我只係唔可以做

我唔會冒險去做

身為傳訊者
我嘅職責係令你明白報導內容

但我冇責任去話你知點樣思考

我唔可以去冒險
我哋都唔可以冒險

你所睇到嘅真相係

主流傳媒唔能夠承受採取立場嘅後果

我會用「承受」呢個詞語

偏頗對於商業經營嚟講係壞嘅

等我話你聽現金喺呢度嘅作用

我依家只會講現金

我哋民主社會需要獨立嘅新聞

令我哋可以一直知情同自在

而新聞同新聞行業需要客戶去維持經營

對於電視行業，觀眾就係顧客

觀眾愈多，收視愈高

收視愈高，廣告收益愈高

廣告收益令開支預算可以維持落去

開支預算則支付記者嘅薪酬
令佢哋收集令我哋自在嘅新聞

呢個就係成個運作機制

如果我哋有意偏頗嘅話

好可能會引起廣大觀眾嘅對抗

咁就唔好嘞

偏頗喺新聞界唔係好嘢

最近一啲調查發現

我哋一啲消費習慣嘅有趣數據

我必須強調我哋大部分人
仍然由電視獲取新聞

但我哋接收新聞嘅形式愈黎愈多樣化

大部分北美洲人宜家
喺多個平台獲取新聞

仍然，我哋接近九成仍然

由單一新聞機構接收新聞

所以等我話你知成件事係點樣

你喺屋企度
電視播住 CNN 頻道

你用平板電腦上 CNN 網站

又用手機喺 Twitter
跟進 CNN 嘅突發新聞

你冇社交生活

（笑聲）

近視？

係嘅，有可能

除非你有樣嘢畀 Wolf Blitzer
嗱，唔好講咩呀

（笑聲）

諷刺嘅係

今年一個調查顯示

北美洲人話佢哋感覺比以前更加知情

當我哋感到更多知情嘅時候
我哋好像係接收更加多嘅新聞

但我哋往往獲得嘅都只係同一單新聞

新聞資訊以愈嚟愈快嘅速度
嚟到我哋面前

我哋喺統計上知道

我哋專注時間正變得愈黎愈短

呢個正改變我哋對新聞類型嘅口味

集中專注力係前所未有嘅難

電視上每則新聞嘅平均長度
少於兩分鐘

有時短到 20 秒

大家可以諗下

嘩

沉悶令你嘅睇法傾側

如果我哋唔能令你參與其中
你就會離開

我哋並唔想你離開

喺電視上，我哋洗成日搜集
你可以信賴、有質量嘅資訊

雖然你哋之中有五成唔相信

（笑聲）

你嘅「資訊晚餐」上枱喇
我哋仲同你加咗「甜品」

真嘅，真嘅。至於流行影片

你知道，只要係古怪嘅
逗笑嘅、有趣嘅影片

都會喺大部分嘅新聞報導裏面播

仲要喺收視率最高時段播出

真嘅，真嘅，係呀

小心，我哋知道
要令新聞睇起黎唔重要

我哋好小心唔去咁做

但我哋同喬恩 ‧ 史都華競爭緊

（笑聲）

我哋開足馬力工作
令你哋可以一直享受娛樂同收到資訊

於是你會依住部電視

但你可能問︰「喂，電子新聞
喺我需要嗰陣畀到我想要嘅嘢」

呢個絕對正確，但同樣恐怖

你上網嘅習慣會被翻睇、跟進、塑造

你嘅每次點擊

都會留低紀錄
於是你就俾人推介更多相關嘅新聞

所以社交媒體就造成咗你嘅偏見

自從 2009 年

社交媒體新聞頁面嘅瀏覽量
上升咗 60%

最近北美洲有七成受訪者

話佢哋將社交媒體當成一種新聞來源

我唔係要講社交媒體嘅壞話
我都好鍾意佢嘅

Twitter 對於交流、發佈突發新聞黎講

係好好嘅工具

但如果你用社交媒體
作為你基本嘅新聞來源

咁你就要小心喇
因為試諗下

你嘅鄰居或者同事

佢鍾意貓嘅影片
又係你嘅新聞統籌主任

（笑聲）

你知嗎？

你 Facebook 上面嘅編輯團隊

水平同你 Facebook 嘅朋友一樣

真嘅

仲有 Twitter
係冇新聞統籌主任，真係冇

# 競爭 # 情感
# 金．卡達夏

（笑聲）

我剩係講 Kim Kardashian

因為我希望當某個人
喺網上搜索佢嘅名字時

呢場演講會顯示出嚟

（笑聲 )

# 唔知醜

你係你自己世界裏面嘅新聞裁縫師

我哋喺統計上知道你鍾意
喺同你諗法差唔多嘅人嗰度獲取新聞

呢個係事實

除此之外，想喺網絡上面非常知情嘅話

你就要畀啲功夫

你只會㩒吸引你嘅嘢，係嗎？

諗一諗，情況就好像去食自助餐

你唔會獲分兩份沙律一樣

( 笑聲）

但你知，你睇到啲甜品喺嗰度
佢哋睇起身好好食

冇人睇住

攞兩份。咩呀？

我哋都係人

我哋都鍾意薄批

我哋嘅個人喜好滿足我哋嘅偏向

我哋對新聞內容嘅選擇
足以證明呢個道理

通過定義同設計，數碼媒體
提供咗我哋喜好之外更多嘅嘢

你想要嘅話
就可以建立一個自己嘅資訊播放列表

佢就好似——我唔知係唔係
新聞裏邊嘅音樂串流程式

呢個系統畀到你需求以外更多嘅嘢

佢係唔錯，但你係點樣接觸到新事物？

你係點用另一個角度睇嘢嘅？

如果你仍然收聽 80 年代嘅頻道 8

你又點會聽到新音樂？

係嗎（笑聲）

唔理我哋有冇認清

我哋潛意識嘅傾向
都喺度控制我哋使用新聞嘅習慣

咁令我哋比以前知情得更少

你知嗎？我哋知道有咩發生咗

當我哋對傳媒嘅信任跌至新低

就代表咗我哋

尋找新同更廣新聞來源嘅意欲消失咗

同時我哋嘅偏見變得更為嚴重

我哋每日都睇到咁樣嘅嘢︰

當一方嘅陣營喺一邊
另一方陣營喺另一邊嘅時候

兩派人都唔聽對方講嘢

佢哋唔想聽，因為缺乏信任

一切都緣於自我、害怕

拒絕對方，最後冇進展

我哋表現得好似細路咁
如果係嘅話，我哋就會受罰

但係，喺呢件事上
採取呢種態度嘅人

會收睇佢哋自己嘅電視節目

又或者，佢哋收集嘅節目

畫家同社會分子魯本 ‧ 布雷德斯
寫過一句好有說服力嘅話︰

「我哋怕睇到社會最知情嘅狀態

墮落到人人漠唔關心嘅地步」

（掌聲）

所以當我哋個人傾向
令我哋困喺一個惡性循環裏邊

不斷畀我哋同類資訊嘅時候

我哋點可以實現一個真正知情嘅社會？

例如，當我哋喺平常習慣以外

揀第二或第三個新聞來源嘅時候

有咩會發生？

新聞更多元化可以令我哋知情更多

肯定令我哋喺婚禮、Mitzvahs 酒吧

同 TED 會議上表現更聰明

（笑聲）

但表現聰明唔係目標

同我哋所講嘅無關

我哋係講緊自由

新聞傳媒係我哋自由嘅守衛

政府向我哋問責
我哋就向你問責

你可以自由選擇任何你鍾意嘅新聞來源

但如果你都選擇類似嘅，仲係自由咩？

選擇嗰啲可以加強你諗法嘅新聞
會令你感覺良好

但呢個其實係一種安全感嘅錯覺

仲唔會令你更深入認識事物

呢種安全感肯定唔會挑戰我哋
去挑戰我哋自己嘅觀念

所以我哋點先知道
我哋所睇嘅新聞足夠多元化？

如果你對所睇嘅一切感到滿意

你可能要加入一啲唔同嘅新聞來源

你知嗎？
新聞傳媒亦需要咁樣做

我哋需要令新聞睇起嚟更切合個人
尤其是我負責嘅嗰個新聞組別

我哋需要令人明白

點解一個新聞故事係重要嘅
一單新聞點影響到佢哋

任何人都可以獲得真相

而我哋就需要提供內容

當一個人點擊更加誘人嘅內容時

西方古語「吃佢吧，佢對你有益」
就唔啱用喇

如果冇咗你啲，我哋就輸咗喇

結果係大家一齊輸

著名廣播記者 Charlie Rose 講得好：

「就算我哋唔同意其他人，
我哋亦會向佢哋學習，

尤其是當我哋意見唔同嗰時」

我哋愈係講求

忍耐、多元、理解嘅真諦

我哋愈係能夠放低嗰啲

令到世界紛亂嘅仇恨同極端

所以我懇請你啲放低成見

畀你自己可以接收更廣泛嘅新聞

或者可能，只係可能
我哋可以締造一個知情嘅社會

一個真正知情嘅社會
然後邁進一個快樂嘅新時代

多謝

（掌聲）