The Internet: How Search Works

ஹாய், என் பெயர் ஜான்.

நான் Google-இல் தேடல் மற்றும் இயந்திரக் கற்றல் குழுக்களின் தலைவர்.

உலகம் முழுவதும் உள்ள மக்கள் சாதாரணமான

கேள்விகளைக் கேட்கவும், நம்ப முடியாத அளவுக்கு

முக்கியமான கேள்விகளைக் கேட்கவும் தேடுபொறிகளைப் பயன்படுத்துகிறார்கள் என்பது

எனக்கு மிகுந்த ஆச்சரியத்தை அளிக்கிறது.

என்னால் இயன்ற சிறப்பான பதில்களை அவர்களுக்குக்

கொடுப்பது என்பது ஒரு பெரிய பொறுப்பு.

ஹாய், எனது பெயர் அக்‌ஷயா. நான் Bing தேடல் குழுவில் பணிபுரிகிறேன்.

செயற்கை நுண்ணறிவு மற்றும் இயந்திரக் கற்றல் பற்றி

நாங்கள் பல முறை ஆராயத் தொடங்குவோம்,

ஆனால் பயனர்கள் இதை எப்படி பயன்படுத்தப் போகிறார்கள் என்பதை நாங்கள் சொல்லியாக வேண்டும்,

ஏனெனில் ஒவ்வொரு நாளின் முடிவிலும் நாங்கள் சமூகத்தில் ஒரு தாக்கத்தை ஏற்படுத்த விரும்புகிறோம்.

நாங்கள் ஒரு எளிமையான கேள்வி கேட்கிறோம்.

செவ்வாய் கிரகத்திற்குச் செல்ல எவ்வளவு நேரம் ஆகும்?

இந்த முடிவுகள் எங்கிருந்து வருகின்றன,

மற்றும் இது ஏன் இதற்கு முன்னதாக உள்ளது?

சரி, இதைப் பற்றி நாம் விரிவாகப் பார்க்கலாம், உங்கள் கோரிக்கையை

தேடுபொறி எப்படி ஒரு முடிவாக மாற்றுகிறது என்பதைப் பார்க்கலாம்.

ஒரு தேடலை மேற்கொள்ளும்போது நீங்கள் தெரிந்துகொள்ள வேண்டிய முதல் விஷயம்,

நிகழ் நேரத்தில் உங்கள் தேடலை இயக்க தேடுபொறி உண்மையில்

உலகலாவிய வலைக்குச் செல்வதில்லை.

ஏனென்றால் இணையதளத்தில் கோடிக்கணக்கான வலைத்தளங்கள் இருக்கின்றன மற்றும் ஒவ்வொரு

நிமிடத்திலும் நூற்றுக்கணக்கான வலைத்தளங்கள் உருவாக்கப்பட்டுக் கொண்டிருக்கின்றன.

எனவே நீங்கள் விரும்பும் ஒரு வலைத்தளத்தைக் கண்டுபிடிக்க

ஒவ்வொரு வலைத்தளமாக தேடுபொறி பார்க்க வேண்டியிருந்தால்,

அது எப்போதும் தேடிக்கொண்டே தான் இருக்க வேண்டும்.

எனவே உங்கள் தேடலை விரைவுபடுத்த,

தேடுபொறிகள் எதிர்காலத்தில் உங்கள் தேடலுக்கு உதவக்கூடிய தகவல்களைப் பதிவு செய்வதற்காக

முன்கூட்டியே வலைத்தளத்தை தொடர்ந்து ஆராய்ந்துகொண்டே இருக்கின்றன.

இவ்விதமாக, செவ்வாய் கிரகத்திற்கு பயணம் செய்வது பற்றி நீங்கள் தேடும்போது,

உடனடியாக உங்களுக்கான பதிலைக் கொடுப்பதற்குத் தேவைப்படும் விஷயங்களை

தேடுபொறி ஏற்கனவே தன்னிடம் வைத்துள்ளது.

அது எப்படி வேலை செய்கிறது எனப் பார்க்கலாம்.

இணையதளம் என்பது ஒன்றோடொன்று ஹைப்பர்லிங்க்குகள் மூலம் இணைக்கப்பட்ட பக்கங்களின் வலை ஆகும்.

தேடுபொறிகள் ஸ்பைடர் எனப்படும் ஒரு நிரலை தொடர்ச்சியாக இயக்குகின்றன,

இது அவற்றைப் பற்றிய தகவல்களைச் சேகரிக்க இந்த

வலைப் பக்கங்கள் அனைத்தையும் கடந்து செல்கிறது.

ஒவ்வொரு முறையும் ஒரு ஹைப்பர்லிங்கை கண்டுபிடிக்கும்போது,

முழு இணையதளத்திலும் காணக்கூடிய ஒவ்வொரு பக்கத்தையும்

பார்வையிடும் வரை அதைப் பின்தொடர்கிறது.

ஸ்பைடர் பார்வையிடுகின்ற ஒவ்வொரு பக்கத்திற்கும்,

தேடலுக்குத் தேவைப்படுகின்ற எந்தவொரு தகவலையும் தேடல் அட்டவணை என

அழைக்கப்படுகின்ற சிறப்பு தரவுத்தளத்தில் சேர்ப்பதன் மூலம் பதிவு செய்கிறது.

இப்போது, முந்தையதில் இருந்து அந்தத் தேடலுக்கு திரும்பிச் சென்று,

தேடுபொறி முடிவுகளை எப்படிக் கண்டறிகிறது

என்பதை நாம் கண்டுபிடிக்கலாம்.

செவ்வாய் கிரகத்திற்குச் செல்ல எவ்வளவு நேரமாகும் என நீங்கள் கேட்கும்போது,

இணையதளத்தில் அந்த வார்த்தைகளைக் கொண்ட அனைத்துப் பக்கங்களின்

பட்டியலையும் உடனடியாகப் பெறுவதற்கு தேடல் அட்டவணையில்

இந்த வார்த்தைகள் ஒவ்வொன்றையும் தேடுபொறி தேடுகிறது.

ஆனால் இந்தத் தேடல் வார்த்தைகளை வெறுமனே

தேடினால் அது கோடிக்கணக்கான பக்கங்களைக் காண்பிக்கும்,

எனவே உங்களுக்கு எதை முதலில் காண்பித்தால் மிகவும் பொருத்தமாக இருக்கும்

என்பதை தேடுபொறி தீர்மானிக்க வேண்டும்.

இங்கு தான் அது ஒரு தந்திரம் செய்கிறது, ஏனெனில் நீங்கள் எதைத்

தேடுகிறீர்கள் என்பதை தேடுபொறி ஊகிக்க வேண்டியிருக்கிறது.

ஒவ்வொரு தேடுபொறியும் நீங்கள் என்ன விரும்புகிறீர்கள் என அது நினைப்பதன் அடிப்படையில் பக்கங்களை

தரவரிசைப்படுத்த தனது பிரத்தியேகமான நிரல் நெறிமுறையைப் பயன்படுத்துகிறது.

உங்கள் தேடல் வார்த்தை பக்கத் தலைப்பில் காண்பிக்கப்படுகிறதா

என்பதை தேடுபொறியின் தரவரிசை நிரல் நெறிமுறை பரிசோதிக்கும்,

எல்லாச் சொற்களும் அடுத்தடுத்து காண்பிக்கப்படுகிறதா,

அல்லது நீங்கள் எந்தப் பக்கங்களைப் பார்க்க விரும்புகிறீர்கள்,

எதை நீங்கள் பார்க்க விரும்பவில்லை என்பதையும் தெளிவாகத் தீர்மானிக்க

உங்களுக்கு உதவக்கூடிய மற்ற கணக்கீடுகளையும் அது பரிசோதிக்கும்.

கொடுக்கப்பட்ட பக்கத்துடன் எத்தனை பிற வலைப் பக்கங்கள் இணைக்கப்பட்டுள்ளன

என்பதைக் கணக்கில் எடுத்துக்கொள்வதன் மூலம் ஒரு தேடலுக்கான மிகப் பொருத்தமான முடிவுகளைத்

தேர்ந்தெடுப்பதற்கான மிகப் புகழ்பெற்ற நிரல் நெறிமுறையை Google அறிமுகப்படுத்தியது.

ஒரு வலைப் பக்கம் சுவாரசியமானது என நிறைய

வலைத்தளங்கள் நினைத்தால்,

அநேகமாக அது நீங்கள் தேடுகின்ற ஒன்றாகத் தான் இருக்கும் என்பதே இதில் உள்ள சூட்சுமம்.

இந்த நிரல் நெறிமுறை பேஜ் தரநிலை எனப்படுகிறது,

இது வலைப் பக்கங்களைக் கொண்டு கொடுக்கப்பட்ட பெயர் அல்ல,

இதன் கண்டுபிடிப்பாளரான Google-இன் நிறுவனர்களில் ஒருவரான லாரி பேஜ்

பெயரைக் கொண்டு அழைக்கப்படுகிறது.

பெரும்பாலும் நீங்கள் ஒரு வலைத்தளத்தைப் பார்வையிடும்போது அதனால் பணம் கிடைக்கிறது என்பதால்,

ஸ்பாமர்கள் தங்களுடைய பக்கங்கள் முடிவுகளில் அதிகமாக காண்பிக்கப்படும்

விதமாக தேடல் நிரல் நெறிமுறையை மாற்றியமைப்பதற்கான வழிகளைக்

கண்டறிய தொடர்ந்து முயற்சித்து வருகிறார்கள்.

போலித்தனமான அல்லது நம்பகமில்லாத தளங்கள் முதல் நிலைக்கு வராமலிருக்குமாறு தடுக்க

தேடுபொறிகள் தங்கள் நிரல் நெறிமுறைகளை தொடர்ந்து புதுப்பித்து வருகின்றன.

இறுதியில், வலை முகவரியைப் பார்த்து அது நம்பகமான

ஆதாரம் தான் என்பதை உறுதிசெய்வதன் மூலம்

நம்பத்தகாத இந்தப் பக்கங்களை கண்காணிப்பது உங்களுடைய வேலையாகும்.

தேடல் நிரல்கள் எப்போதுமே நிரல்

நெறிமுறைகளை மேம்படுத்துவதற்கென்றே உருவாக்கப்படுகின்றன,

எனவே அவை தனது போட்டியாளர்களை விட சிறந்த முடிவுகளை விரைவான முடிவுகளை வழங்குகின்றன.

உங்கள் தேடலைக் குறைக்க உதவுவதற்கு இன்றைய தேடுபொறிகள்

நீங்கள் வெளிப்படையாகத் தெரிவிக்காத தகவல்களையும் பயன்படுத்துகின்றன.

எனவே, உதாரணமாக, நீங்கள் நாய் பூங்காக்களைத் தேடினால்,

நீங்கள் உங்கள் இருப்பிடத்தை தட்டச்சு செய்யாவிட்டாலும்

கூட பல தேடுபொறிகள் அருகிலுள்ள நாய் பூங்காக்கள்

அனைத்தையும் உங்களுக்குக் காண்பிக்கின்றன.

நவீன தேடுபொறிகளும் கூட ஒரு பக்கத்தில் உள்ள வார்த்தைகளை

விட சற்றுக் கூடுதலாகவே புரிந்துகொள்கின்றன,

ஆனால் நீங்கள் தேடுகின்ற விஷயத்துடன் மிகச் சிறப்பாகப் பொருந்துகின்ற ஒன்றைக்

கண்டுபிடிப்பது தான் உண்மையிலேயே அவற்றின் நோக்கமாக உள்ளது.

உதாரணமாக, fast pitcher என்ற வார்த்தையை நீங்கள் தேடினால்,

நீங்கள் ஒரு விளையாட்டு வீரரைத் தேடுகிறீர்கள் என்பதை அறிந்துகொள்ளும்.

ஆனால் large pitcher என்ற வார்த்தையை நீங்கள் தேடினால்,

அது உங்கள் சமையலறைக்கான தேர்வுகளைக் காண்பிக்கும்.

வார்த்தைகளை நன்கு புரிந்துகொள்ள, ஒரு வகையான செயற்கை நுண்ணறிவாகிய இயந்திரக்

கற்றல் என்ற வார்த்தையை நாங்கள் பயன்படுத்துகிறோம்.

இது ஒரு பக்கத்தில் உள்ள எழுத்துக்களை அல்லது வார்த்தைகளைத் தேடுவதற்கு மட்டுமே

தேடல் நிரல் நெறிமுறைகளைச் செயல்படுத்துவதில்லை, அந்த

வார்த்தைகளின் அடிப்படை அர்த்தத்தையும் புரிந்துகொள்கிறது.

இணையதளம் அதிவேகமாக வளர்ந்து வருகிறது, ஆனால் தேடுபொறிகளை

வடிவமைக்கின்ற குழுக்கள் வேலைகளை சரியாகச் செய்தால், நீங்கள் விரும்பும் தகவல் எப்போதும்

ஒரு சில எழுத்துக்களைத் தட்டச்சு செய்யும்போதே உங்களுக்குக் கிடைத்துவிடும்.