ՋՈՒԼԻԱՆ ԹՐԵԺԸ: ՍՍ… ԱՌՈՂՋ ԼՍՈՂՈՒԹՅՈՒՆ 8 ՔԱՅԼԻՑ

Ջուլիան Թրեժորի խոսքերով մեր` ավելի ու ավելի աղմկոտ դարձող աշխարհը քայքայում է մեր հոգեկան առողջությունը, անգամ կյանքեր է խլում: Նա առաջարկում է 8 քայլից բաղկացած ծրագիր` մեզ ձայնային հարձակումից պաշտպանելու և մեր վերաբերմունքը ձայնի նկատմամբ փոխելու համար:

Հինդուսները ասում են "Nada brahma", որը

թարգմանվում է` «Աշխարհը ձայն է»:

Ինչ որ տեղ դա ճիշտ է, քանի որ ամեն ինչ շարժման մեջ է:

Իրականում, այժմ այստեղ բոլոր նստածներդ շարժման մեջ եք:

Ձեր մարմնի ամեն մի մասը տատանվում է տարբեր հաճախականությամբ:

Փաստորեն դուք ակորդ եք,

ձեզնից յուրաքնչյուրը անհատական ակորդ է:

Առողջության բնորոշումը կարող է լինել այն,

որ այդ ակորդը ամբողջությամբ ներդաշնակ է:

Ձեր ականջները չեն կարող լսել այդ ակորդները,

իրականում դրանք կարող են լսել զարմանալի բաներ: Ձեր ականջները կարող են լսել 10 օկտավա:

Ի միջի այլոց, մենք տեսնում ենք միայն մեկ օկտավա:

Ձեր ականջները միշտ լսում են, դրանք երբեք չեն փակվում:

Դրանք լսում են, անգամ երբ դուք քնած եք:

Ամենաչնչին ձայնը, որը դուք կարող եք ընկալել,

անցնում է ձեր թմբկաթաղանթով ընդամենը 4 ատոմային տրամագծով:

Ամենաբարձր ձայնը, որ դուք կարող եք լսել,

դրանից տրիլիոն անգամ ավեի հզոր է:

Ականջները ոչ թե պարզապես ձայնը զգալու,

այլ լսելու համար են:

Լսելը ակտիվ հմտություն է,

մինչդեռ պարզապես ձայնը զգալը` պասիվ: Լսողությունը մի բան է, որի վրա մենք պետք է աշխատենք,

դա ձայնի հետ փոխհարաբերությունն է:

Այդուհանդերձ դա ունակություն է, որը մեզ ոչ ոք չի սովորեցնում:

Օրինակ, երբևէ պատկերացրե՞լ եք, որ կան լսողոական դիրքեր,

մասեր, որտեղից դուք կարող եք լսել:

Ահա դրանցից երկուսը:

Ռեդուկտիվ լսողության դեպքում լսում եք «համար»:

Այն կրճատում է ամեն ինչ` թողնելով միայն ամենակարևորը,

և այն բաց է թողնում այն ամենը, ինչ կարևոր չէ:

Տղամարդիկ սովորաբար ռեդուկտիվ տարբերակով են լսում:

Ասենք մեկը ասում է. «Ես այս խնդիրն ունեմ»,

մյուսն ասում է. «Ահա լուծումը: Շատ շնորհակալ եմ, հաջորդը»:

Ահա այսպես ենք մենք խոսում, չէ՞:

Մյուս կողմից էքսպանսիվ լսողության ժամանակ

լսում ես «հետ», ոչ թե «համար»:

Այն որևէ մաս չունի ուղեղում,

այն ուղղակի վայելում է ճանապարհորդությունը:

Կանայք սովորաբար էքսպանսիվ տարբերակով են լսում:

Եթե դուք նայեք այս երկուսին, տեսողական կոնտակտ, որոնք միմյանց են նայում,

հավանաբար երկուսն էլ միառժամանակ են խոսում:

(Ծիծաղ)

Տղամարդիկ, եթե դուք այս խոսակցությունից ոչինչ չեք ստանա,

օգտագործեք էքսպանսիվ լսողությունը

և դուք կարող եք փոփոխություն հաղորդել ձեր հարաբերություններին:

Լսողության խնդիրն այն է, որ մեր լսածի մեծ մասը աղմուկ է,

որ շրջապատում է մեզ ամենուր:

Ըստ Եվրոպական միության` այսպիսի աղմուկը

վատացնում է Եվրոպայի բնակչության

25 տոկոսի առողջությունը

և կյանքի որակը:

Եվրոպայի բնակչության 2 տոկոսի`

այսինքն 16 միլիոն մարդու

քունը խանգարված է

նման աղմուկի պատճառով:

Եվրոպայում աղմուկը

տարեկան սպանում է 200000 մարդ:

Սա իսկապես մեծ խնդիր է:

Հիմա… Երբ դուք փոքր էիք և չէիք ցանկանում աղմուկ լսել,

դուք մատներով փակում էիք ձեր ականջները, և բվվոց:

Մեր օրերում նույն բանը կարող եք անել, պարզապես ամեն ինչ ավելի է կատարելագործվել:

Այն մոտավորապես այսպիսի տեսք ունի:

Ականջակալների համատարած օգտագործումը իրոք առաջ է քաշում

առողջական երեք խնդիրներ:

Առաջինը, որն իսկապես մեծ խնդիր է, հանդիսանում մի բառ,

որը Մըրայ Շեֆրը անվանեց շիզոֆոնիա:

Սա ձեր տեսածի

և լսածի միջև խախտումն է:

Այսպիսով մենք մեր կյանք ենք հրավիրում մարդկանց ձայներ,

որոնք մեզ օտար են:

Ես կարծում եմ անառողջ բան կա նրանում,

որ մենք ամբողջ ժամանակ ապրում ենք շիզոֆոնիայում:

Երկրորդ խնդիրը, որին հանգեցնում է ականջակալների չարաշահումը,

խտացումն է:

Մենք մի կերպ տեղավորում ենք երաժշտությունը մեր գրպանում,

ինչը իր հետևանքներն է թողնում:

Լսեք, սա չխտացված երաժշտություն է:

(Երաժշտություն):

Իսկ այժմ նույն երաժշտությունը. 98%-ով տվյալները հեռացվում են:

(Երաժշտություն):

Ես հույս ունեմ, որ ձեզանից գոնե ոմանք կարող են զգալ

այդ երկուսի միջև տարբերությունը:

Խտացվածության աստիճան կա:

Այն նյարդայնացնում և ջղայնացնում է ձեզ, երբ փորձում եք հասկանալ ամբողջ տվյալները:

Դուք ստիպված եք պատկերացնել դա:

Լավ չէ, եթե դա երկար է տևում:

Ականջակալների հետ կապված երրորդ խնդիրը հետևյալն է` խլություն`

աղմուկից առաջացած լսողության խախտում:

Տաս միլիոն ամերիկացի արդեն ունի այս խնդիրը այս կամ այն պատճառով,

բայց սա, իրոք, մտահոգիչ է,

ամերիկացի անչափահասների 16 տոկոսը`

ուղիղ 6ից մեկը,

տառապում է աղմուկից առաջացած լսողական անկայունությունից,

որն ականջակալների չարաշահման հետևանք է:

Ամերիկյան համալսարաններից մեկում անցկացված ուսումնասիրությունից պարզվել է,

որ առաջին կուրսեցիների 61 տոկոսը

վնասել են իրենց լսողությունը

ականջակալների չարաշահման հետևանքով:

Միգուցե մենք խուլ մարդկանց սերունդ ենք մեծացնում:

Դա արդեն լուրջ հարց է:

Ես ձեզ երեք պարզ խորհուրդ կտամ, որպեսզի պաշտպանեք ձեր ականջները

և փոխանցեք դա ձեր երեխաներին, խնդրում եմ:

Պրոֆեսիոնալ պաշտպանիչ ականջակալները հիանալի են:

Ես դրանցից միշտ օգտագործում եմ:

Եթե դուք պատրաստվում եք ականջակալներ օգտագործել, գնեք ամենալավ տարբերակները, որոնք դուք կարող եք ձեզ թույլ տալ,

քանի որ որակը փաստում է, որ դուք ստիպված չեք լինի այդքան բարձր լսել:

Եթե դուք չեք կարող լսել, որ ինչ որ մեկը ձեզ հետ բարձր է խոսում,

ապա աղմուկը շատ է:

Եվ երրորդ, եթե դուք տհաճ ձայներ եք լսում,

լավ կլինի, եթե դուք ձեռքերով փակեք ձեր ականջները կամ ուղղակի հեռանաք այդտեղից:

Այդպես պաշտպանեք ձեր ականջները:

Եկեք մի փոքր հեռու գնանք վատ ձայներից և ուշադրություն դարձնենք մի քանի ընկերների, որոնց ես ձեզ կոչ եմ անում ձեռք բերել:

ՔՋԹ`

քամի, ջուր, թռչուններ,

պատահական բնական ձայներ`

ստեղծված տարբեր եզակի պատահական իրավիճակներից,

որոնք բոլորն էլ շատ առողջարար են,

բոլոր ձայները, որ մեզ ուղղեկցել են տարիներ շարունակ:

Փնտրեք այդ ձայները: Դրանք ձեզ համար օգտակար են, և դա այդպես է:

Լռությունը գեղեցիկ է:

Էլիզաբեթցիները լեզուն նկարագրել են

որպես «զարդարված լռություն»:

Ես ձեզ խորհուրդ եմ տալիս հեռանալ լռությունից այն միտումով,

որ ստեղծեք արվեստի գործերի նման ձայնային պատկերներ:

Ստեղծեք ձեր առաջին պլանը, ետին պլանը, ամեն ինչ իր չափի մեջ:

Ձայնը ստեղծելուց միայն հաճույք ես ստանում:

Եթե դուք ինքներդ չեք կարող, դիմեք մասնագետին, ով կանի դա ձեզ համար:

Ձայնի ձևումը ապագան է,

և իմ կարծիքով այս կերպ մենք փոխելու ենք այն, թե ինչպես է աշխարհը լսում

Ես ուղղակի ուզում եմ հակիրճ ներկայացնել 8 մեթոդ,

8 տարբերակ, որոնց օգնությամբ ձայնը կարող է բարելավել առողջությունը:

Առաջինը` ուլտրաձայն. մենք դրան քաջ ծանոթ ենք ֆիզիկական թերապիայից,

այսօր այն նաև օգտագործվում է քաղցկեղը բուժելու համար:

Լիթոթրիփսյա ` տարեկան փրկում է հազարավոր մարդկանց վիրադանակից`

մանրացնելով քարերը ձայնային բարձր ինտենսիվությամբ:

Ձայնի միջոցով բուժելը հիանալի մեթոդ է:

Այն հայտնի է հազարավոր տարիներ:

Ես համառորեն ձեզ խորհուրդ եմ տալիս փորձել դա:

Այնտեղ հիանալի հաջողությունների են հասնում, արդեն բուժում են աուտիզմը,

տկարամտությունը և այլ հիվանդություններ:

Եվ երաժշտություն, իհարկե: Ուղղակի երաժշտություն լսելը լավ է ձեզ համար,

եթե դա երաժշտություն է, որը լավ մտադրությամբ է ստեղծված,

և ընդհանրապես, ստեղծված է սիրով:

Աստվածային երաժշտությունը լավ է` Մոցարտ, լավ է:

Կան երաժշտության բազմաթիվ տեսակներ,

որոնք առողջարար են:

Եվ չորս մեթոդներ, որոնց համար դուք պետք է քայլեր ձեռնարկեք

և դրանց մասնակիցը դառնաք:

Նախ և առաջ, ուշադիր լսեք:

Հուսով եմ այս հանդիպումից հետո դուք դա կանեք:

Այն ձեր կյանքում լիովին նոր էջ է բացում, և հիանալի է անցնել այդ էտապը:

Երկրորդ, զգացեք ձեր և ձայնի միջև կապը,

ստեղծեք ձայնը:

Մեր ձայնը գործիք է, որով մենք նվագում ենք,

և, այդուհանդերձ, մեզանից քանիսի՞ն են սովորեցրել օգտագործել մեր ձայնը: Վարժվե'ք:

Սովորե'ք երգել: Սովորե'ք որևէ գործիք նվագել:

Երաժիշտների ուղեղը մեծ է, դա ճիշտ է:

Դուք նաև խմբերում կարող եք դա անել:

Դա շիզոֆոնիայի համար հիանալի հակաթույն է.

երաժշտություն և ձայն ստեղծել մարդկանց խմբում,

որ երաժշտական ոճից որ դուք առավել բավականություն եք ստանում:

Եվ եկեք մեզ շրջապատող ձայների մեջ վերակացուի դերում լինենք:

Պաշտպանե՞լ ականջները, այո, իհարկե:

Գեղեցիկ երաժշտական պատկերներ ստեղծեք ձեր շուրջը,

տանը, աշխատավայրում:

Եվ եկեք թույլ չտանք մարդկանց

վրա տան իրենց աղմուկով,

որ քիչ առաջ լսեցինք:

Այսպիսով ես գնում եմ` թողնելով 7 տարբերակ, որոնցով դուք հենց հիմա

կարող եք բարելավել ձեր առողջությունը ձայնի միջոցով:

Իմ գաղափարը գեղեցիկ ձայներով կյանքի մասին է,

և եթե մենք իրականացնենք այս ամենը,

ապա մենք կանենք դեպի այս ուղին տանող առաջին մեծ քայլերը:

Այսքանով ես ձեզ խորհուրդ եմ տալիս անցնել այդ ուղին:

Ես գնում եմ` առաջարկելով ձեզ ունկնդրել մի գեղեցիկ թռչնի ձայն, շատ օգտակար է ձեզ համար:

Մաղթում եմ ձեզ առո'ղջ լսողություն:

(Ծափահարություններ)