-
स्टीव्ही आणि मोठा प्रोजेक्ट.
-
लेखिका - किकी प्रोट्समॅन.
-
रेखाटने - जेनी लँग.
-
स्टीव्ही एक अतिशय कुशल खार आहे.
-
तिच्या वर्गात ती सर्वांत वेगवान धावपटू आहे
आणि तिच्या शाळेतल्या सर्वोत्तम स्पेलर्सपैकी एक आहे.
-
पण आज, स्टीव्ही खुश नाहीये!
-
ती एका प्रोजेक्टवर काम करत होती आणि
त्यात काहीच धड होत नाहीये.
-
"अरे बापरे," स्टीव्ही स्वत:लाच म्हणाली.
-
"हे अजिबात चांगलं नाहीये!"
-
स्टीव्हीला तिचा चेहरा गरम होतोय
हे लक्षात येत होतं.
-
तिला काळजी वाटली की कोणीतरी बघेल आणि
तिला प्रोजेक्ट करता येत नाहीये, हे कोणाला
-
तरी कळेल आणि त्यांना मग ती आवडेनाशी होईल.
-
"मला इतका राग आलाय!"
-
स्टीव्ही ओरडली.
-
"मला या प्रोजेक्टचा राग आलाय.
-
मला टीचरचा राग आलाय
-
आणि मला माझाच राग आलाय!"
-
असं म्हणून स्टीव्हीनं तिचा प्रोजेक्ट उचलला
आणि जमिनीवर आदळला.
-
त्याचे तुकडे झाले आणि ती त्याला पायदळी
तुडवू लागली.
-
तेवढ्यातच काय झालंय ते पाहायला लॉरेल आला.
-
"स्टीव्ही, काय झालं?"
-
"मला या प्रोजेक्टचा राग आलाय आणि मला
या वर्गाचा राग आलाय!"
-
"अगं, स्टीव्ही," लॉरेल हळुवारपणे म्हणाला.
-
"तू फार वैतागलेली दिसते आहेस."
-
"वैतागलेली?"
-
स्टीव्ही गोंधळून म्हणाली.
-
"होय, वैतागलेली," लॉरेलनं पुष्टी केली.
-
"वैतागणं म्हणजे बरंचसं चिडण्यासारखंच
आहे पण त्याचा अर्थ असा की
-
आत्ता कुठलीतरी एक गोष्ट तुला हवीय तशी
घडत नाहीये."
-
"तुला असं वाटेल की तू टीचरवर चिडली आहेस, स्वत:वर चिडली आहेस किंवा तुझ्या प्रोजेक्टवर चिडली आहेस.
-
तू तुझा राग त्या कात्रीवर किंवा त्या
टेपवरसुद्धा काढशील.
-
जेव्हा तुला वाटेल की तू सगळ्यांवर चिडली
आहेस आणि तुला काहीच सहन होत नाहीये,
-
तेव्हा त्याला वैताग म्हणतात."
-
"मग मी तो कसा घालवू?"
-
स्टीव्ही म्हणाली.
-
"मला असं परत कधीच वाटून घ्यायचं नाहीये."
-
"अनेक गोष्टी वैताग आणतात, स्टीव्ही.
-
महत्त्वाची गोष्ट म्हणजे वैताग ही एक
चांगली गोष्ट आहे, हे माहिती असणं.
-
"चांगली गोष्ट?!"
-
स्टीव्हीला धक्का बसला.
-
"हो!
-
वैताग ही एक अशी भावना आहे, ज्यामुळे आपल्या लक्षात येतं की आपण काहीतरी नवीन शिकणार आहोत.
-
जेव्हा तुम्ही वैतागलेले असता, तेव्हा त्याचा अर्थ असा की एखादी गोष्ट तुमच्या मनाप्रमाणे घडत नाही आहे.
-
तुम्हाला ते कसं असायला हवं आहे, ते तुम्हाला कळलं आणि मग तुम्ही ते दुरुस्त केलंत तर तुम्ही नक्की
-
काहीतरी शिकाल जे तुम्हाला पुढच्या वेळी मदत करेल."
-
"मला काही समजलं आहे, असं मला वाटत नाही,"
स्टीव्ही रडत म्हणाली.
-
"ह्याचा विचार कर.
-
जेव्हा तू सायकल चालवायला शिकत होतीस, तेव्हा काय झालं?"
-
लॉरेलनं विचारलं.
-
"मी सायकल घेऊन जात असे, काही वेळ पेडल्स मारत असे आणि मग पडत असे," स्टीव्ही म्हणाली.
-
"आणि त्यामुळे तुला कसं वाटलं?"
-
लॉरेलने विचारलं.
-
"मला खूप वाईट वाटलं!
-
मी रडले आणि माझ्या आईला सांगितलं की मला
हे जमत नाहीये!"
-
स्टीव्हीनं कपाळाला आठ्या
घालून सांगितलं.
-
"मग काय झालं?" लॉरेलनं विचारलं.
-
"तिनं मला एक मोठा श्वास घ्यायला आणि परत
प्रयत्न करायला सांगितलं.
-
दोन तीन वेळा प्रयत्न केल्यावर मला ते जमलं!"
-
स्टीव्ही आनंदानं म्हणाली.
-
"मग तुला कसं वाटलं?" लॉरेलनं विचारलं.
-
"मला मस्त वाटलं!" स्टीव्ही म्हणाली.
-
"मला स्वत:चा खूप अभिमान वाटला."
-
"तू जर पहिल्याच वेळी प्रयत्न सोडून दिला असतास
आणि कधीच सायकल चालवायला शिकली नसतीस
-
तर तुला आत्ता कसं वाटलं असतं?" लॉरेलनं विचारलं.
-
"बहुतेक मला स्वत:चा राग आला असता.
-
वैताग!
-
आणि अजूनसुद्धा कोणालाही सायकलवर बसलेलं
बघून मला वैताग आला असता."
-
"अगदी बरोबर," लॉरेल म्हणाला.
-
"वैताग येणं हे याचं चिन्ह आहे की तू काहीतरी
छान शिकणार आहेस.
-
तो धडा शिकण्यापूर्वीच तू सोडून दिलास तर तुला
खूप वाईट आणि निराश वाटेल."
-
"असं वाटतंय की तू चिकाटीबद्दलसुद्धा बोलतो आहेस," होरे म्हणाला.
-
"सोडून न देण्यालाच दुसरा शब्द म्हणजे चिकाटी.
-
जर तू एखादी समस्या सोडवण्यासाठी पुरेशा वेळेला
अनेक वेगवेगळ्या मार्गांनी प्रयत्न केलास,
-
तर शेवटी तुला जमेल!"
-
"पण जर मला ते जमण्यापूर्वी मी आठ वेळा प्रयत्न केला,
-
तर त्याचा अर्थ मी सात वेळा अयशस्वी झाले!"
स्टीव्ही म्हणाली.
-
"अयशस्वी होणं ही वाईट गोष्ट आहे, असं तुला का वाटतं?" होरेनं विचारलं.
-
"एखादी गोष्ट कशी करायची ते समजेपर्यंत प्रत्येकजणच अयशस्वी होतो...तू सायकल
-
चालवायला शिकलीस तसंच किंवा एखादं बाळ
चालायला शिकतं तसं.
-
अपयश या शब्दाचा विचार तू शिकण्याचा प्रयत्न
करण्याचा मार्ग, असा करायला सुरुवात केली पाहिजेस.
-
"मी असा विचार कधीच केला नाही!"
स्टीव्ही म्हणाली.
-
"लक्षात ठेव," लॉरेलनं सुरुवात केली, "जेव्हा तुला वैताग येईल, तेव्हा हार मानू नकोस.
-
तुला बरं वाटावं म्हणून काही युक्त्या इथं दिल्या
आहेत, म्हणजे तू चिकाटी दाखवशील.
-
"सावकाश 10 पर्यंत आकडे मोज, काही खोल श्वास घे, तुझ्या चिंता एका वहीत लिही, तुझ्या भावनांबद्दल
-
मित्रमैत्रिणीशी बोल आणि मदत माग."
-
"तू शांत झाल्यावर," होरे पुढे म्हणाला,"मग तू चिकाटी दाखवण्यावर लक्ष केंद्रित करू शकशील आणि
-
काय चुकले याचा विचार करू शकशील.
-
तुला चिकाटी दाखवण्यासाठी मदत करण्याकरता इथं काही टिप्स दिल्या आहेत."
-
"तू आधीच काय प्रयत्न केले आहेस, याची नोंद ठेव.
-
काय होत आहे, याचा विचार कर.
-
काय व्हायला पाहिजे हे समजून घे.
-
ते तुला काय सांगतंय, हे पहा.
-
बदल कर आणि पुन्हा प्रयत्न कर."
-
"धन्यवाद, तुम्हाला दोघांना!" स्टीव्ही ओरडली.
-
"मला आता वैतागलेलं वाटत नाहीये.
-
माझ्या प्रोजेक्टमध्ये मागच्या वेळी काय चुकलं
हे मी शोधलं,
-
आणि आता मी चिकाटी दाखवायला आणि अजून चांगलं करायला तयार आहे."
-
नवीन दृष्टीकोनासह स्टीव्हीनं तिचा
प्रोजेक्ट पूर्ण केला
-
आणि वर्गातला उरलेला वेळ तिनं प्रोजेक्ट तिच्या मैत्रिणींच्या बरोबर टेस्ट करण्यात खर्च केला.
-
समाप्त.
