ڈیریک سیورز: عجیب یا صرف مختلف؟

کہاوت ہے، "ہر تصویر کے دو رخ ہوتے ہیں". اور دو منٹ میں، ڈیریک سیورز یہ بات چند ایسی مثالوں سے ثابت کرتے ہیں جن کی شاید آپ کو توقع نہ ہو.

تصور کریں کہ آپ امریکا کی کسی گلی میں کھڑے ہیں.

اور ایک جاپانی آدمی آپ کے پاس آ کر پوچھتا ہے،

معاف کیجئے گا، " اس بلاک کا نام کیا ہے؟"

اور آپ کہتے ہیں، " میں معافی چاہتا ہوں، یہ اوک سٹریٹ ہے اور وہ ایلم سٹریٹ ہے.

یہ 26 نمبر ہے اور وہ 27."

وہ کہتا ہے، " ٹھیک ہے، لیکن اس بلاک کا نام کیا ہے؟"

آپ کہتے ہیں، "اچھا، بلاکس کے نام نہیں ہوتے.

گلیوں کے نام ہوتے ہیں؛ بلاکس تو مخص

گلیوں کے درمیان بےنام جگہوں کو کہا جاتا ہے."

وہ تھوڑی مایوسی اورالجھن کے ساتھ وہاں سے چلا جاتا ہے.

اب تصور کریں کہ آپ جاپان کی کسی گلی میں کھڑے ہیں،

آپ اپنے پاس ایک شخص سے مڑ کر پوچھتے ہیں،

"معاف کیجئے گا، اس گلی کا نام کیا ہے؟"

وہ کہتے ہیں، "اوہ، وہ سامنے بلاک 17 ہے اور یہ بلاک 16."

اور آپ کہتے ہیں، " ٹھیک ہے، لیکن اس گلی کا نام کیا ہے؟"

اور وہ کہتے ہیں، " گلیوں کے نام نہیں ہوتے.

بلاکس کے نام ہوتے ہیں.

ذرا اس Google Maps پر نظر ڈالیں. یہ رہے بلاک 14 ، 15 ، 16 ، 17 ، 18 اور 19.

ان سب بلاکس کے نام ہیں،

اور گلیاں تو بس ان بلاکس کے بیچ خالی جگہیں ہیں.

تب آپ کہتے ہیں، " تو پھر آپ کو اپنے گھر کا پتہ کیسے معلوم ہو گا؟"

وہ کہتا ہے، " بہت آسان، یہ ڈسٹرکٹ نمبر آٹھ ہے.

یہ بلاک 17 ہے، اور یہ رہا مکان نمبر ایک."

آپ کہتے ہیں، " ٹھیک ہے، مگر اس علاقے میں گھومتے ھوئے

میں نے محسوس کیا ہے کہ گھروں کے نمبر ترتیب سے نہیں ہیں."

وہ کہتا ہے، " بالکل ترتیب سے ہیں. جس ترتیب سے وہ تعمیر ھوئے تھے.

مکان نمبر ایک وہ ہے جو سب سے پہلے تعمیر ہوا تھا.

اس کے بعد جو مکان تعمیر ہوا وہ نمبر2 ہے.

اور پھر نمبر 3 ہے. یہ تو بالکل آسان اور واضح ہے."

تو، میں محبت کرتا ہوں کہ، بعض اوقات ہمیں ضرورت ہے

دنیا کے دوسرے کونے میں جا کر

اپنے اندر موجود ان مفروضات کے احساس ہونے کا جن کے بارے میں اس سے پہلے ہم جانتے تک نہیں تھے،

اور یہ بھی احساس ہوتا ہے کہ ان کا الٹ بھی درست ہو سکتا ہے.

چنانچہ، مثال کے طور پر، چین میں ایسے ڈاکٹر موجود ہیں

جن کا ماننا ہے کہ ان کا کام ہمیں صحت مند رکھنا ہے.

لہٰذا، جس ماہ آپ صحت مند رہتے ہیں، آپ انہیں رقم ادا کرتے ہیں،

اور جب آپ بیمار پڑتے ہیں تو آپ کو انہیں ادائیگی نہیں کرنی پڑتی کیونکہ وہ اپنے کام میں ناکام ہو گئے.

وہ تب دولت مند ہوتے ہیں جب آپ صحت مند ہوں، نہ کہ جب آپ بیمار.

(تالیاں)

زیادہ تر موسیقی میں، ہم "ایک" کو

ڈاؤن بیٹ کے طور پر لیتے ہیں، میوزیکل فقرے کا آغاز: ایک، دو، تین، چار

لیکن مغربی افریقہ کی موسیقی میں، "ایک"

کو فقرے کا آخر تصور کیا جاتا ہے،

جیسے جملے کے آخر پر نقطہ ہوتا ہے.

تو، آپ نہ صرف اسے فقروں میں سنیں گے، بلکہ انکی موسیقی کی گنتی کے طریقے میں بھی پائیں گے:

دو، تین، چار، ایک.

اور یہ نقشہ بھی بالکل صحیح ہے.

(ہنسی)

کہاوت ہے کہ انڈیا کے بارے میں آپ جو بھی درست بات کہتے ہیں،

اس کا الٹ بھی درست ہوتا ہے.

تو کبھی نہ بھولیے، چاہے آپ TED پر ہوں یا کہیں اور،

کہ جتنے بھی شاندار خیالات آپ کے پاس ہیں یا آپ نے سنے ہیں،

ان کا الٹ بھی صحیح ہو سکتا ہے.

بہت بہت شکریہ. (جاپانی زبان میں)