First Orbit - the movie

12 de Abril de 1961
Yuri Gagarin está a punto de ver

o que nunca ninguén vira antes
en toda a historia da humanidade:

a Terra dende o espazo.

Antes de embarcar na súa nave espacial,

Gagarin gravou unha mensaxe
para a poboación mundial.

Prezados amigos,
coñecidos ou descoñecidos.

Meus prezados compatriotas
e xente de todo o mundo.

Dentro de poucos minutos
unha poderosa nave espacial

vai transportarme
aos lonxincuos espazos do universo.

Que podo eu dicir nestes últimos
minutos antes da partida?

Toda a miña vida paréceme agora
un único e belo instante.

Todo o que fixen e vivín até agora
fíxeno e vivino para este momento.

THE ATTIC ROOM PRESENTA

UN FILME DE CHRISTOPHER RILEY

EN ASOCIACIÓN CON YURI GAGARIN 50
E YURI'S NIGHT

IMAXE: PAOLO NESPOLI

MONTAXE: STEPHEN SLATER

COMPOSITOR: PHILIP SHEPPARD

YURI GAGARIN: Imos aló!

AURORA aquí CEDRO. Síntome moi ben.

Vou proseguir o voo.
As forzas G están a aumentar lentamente.

KOROLEV: Desexámosche un bo voo.

Aquí AURORA.1 Que teñas un bo voo. Está todo normal.

YURI GAGARIN: Grazas. Adeus. Até pronto,
queridos amigos. Adeus, até breve.

FIRST ORBIT (PRIMEIRA ÓRBITA)

YURI GAGARIN: AURORA 1, aquí CEDRO.
Feita a separación da cobertura.

Vexo a Terra a través da xanela.
O chan distínguese perfectamente

KOROLEV: CEDRO aquí AURORA 1, todo OK,
a nave está a voar ben. Cambio.

GAGARIN: Comprendido. Vexo ríos e formas
no terreo. Distínguense facilmente.

A visibilidade é boa. Vese todo moi
limpo a través da xanela. Cambio.

KOROLEV: CEDRO aquí AURORA 1,
está todo en orde.

GAGARIN: Comprendido. Informo: vexo
a Terra, a visibilidade é excelente.

A visibilidade é boa. Cambio.

KOROLEV: CEDRO aquí AURORA. Como
se sente? Aquí AURORA. Cambio.

GAGARIN: AURORA aquí CEDRO, síntome
moi ben. Prosigo o voo.

As forzas G aumentan lixeiramente.
Vibración. Aguanto ben.

Estou en excelente condición. Síntome
desperto. Observo a Terra a través da xanela.

Consigo distinguir formas no terreo...
neve... bosque.

Síntome xenial. Como van as cousas
convosco? Cambio.

RADIO MOSCOW:
Aquí vai o noso noticieiro especial.

Hoxe, día 12 de Abril de 1961,

a primeira nave espacial cósmica
Vostok da Unión Soviética

cun home a bordo
estivo a orbitar a Terra.

Este home do ar é o Maior Yuri Gagarin,
piloto da Forza Aérea.

Un cidadán da Unión das Repúblicas
Socialistas Soviéticas.

Foi anunciada a partida con éxito
do foguete multifase.

Despois de atinxir a primeira
velocidade cósmica

e de se ter separado da última
fase do foguete transportador,

a nave espacial iniciou o seu voo libre
nunha órbita arredor da Terra.

GAGARIN: AURORA aquí CEDRO

Foi desconectada a segunda fase.

Cambio.

KOROLEV: CEDRO aquí AURORA 1.
Está todo a funcionar normalmente.

A fase final... Está todo en orde. Cambio.

GAGARIN: Comprendido. Oio o arranque.
Está a traballar. Síntome moi ben.

Consigo ver a Terra, a visibilidade
é boa. Cambio.

KOROLEV: CEDRO, CEDRO, aquí AURORA.
Ben feito, vai todo á perfección. OK.

Aquí AURORA. Cambio.

GAGARIN: AURORA aquí CEDRO,
vexo nubes sobre a Terra...

pequenas, cúmulos e as súas sombras.

É fermoso! Fermoso! Conseguen
oírme ben? Cambio.

RADIO MOSCOW:
De acordo cos datos preliminares

a nave espacial demora 89,1 minutos
en completar unha volta á Terra.

O punto da órbita máis baixo respecto
da superficie terrestre está a 175 quilómetros.

O punto máis alto, a 302 quilómetros.

KOROLEV: CEDRO aquí AURORA.
Oímolo perfectamente. Continúe o voo.

GAGARIN: O voo decorre ben. As forzas G
aumentan devagar de modo insignificante.

Óioo ben. As vibracións son lixeiras.
Síntome de marabilla.

A través da xanela consigo ver a Terra...
cada vez máis cuberta por nubes. Cambio.

KOROLEV: CEDRO aquí AURORA.
Todo marcha moi ben.

Compréndemolo. Oímolo
perfectamente.

Aquí AURORA. Cambio.

RADIO MOSCOW: O estado do aviador
espacial Maior Yuri Gagarin...

durante o lanzamento da nave
espacial Vostok foi normal,

e neste momento séntese ben.

GAGARIN: Está todo a ir ben.
Vexo a Terra.

Vexo o horizonte a través da xanela.

O horizonte desprazouse lixeiramente
cara as miñas pernas.

KOROLEV: CEDRO CEDRO aquí AURORA.
CEDRO aquí AURORA.

Vai todo ben. Como me oe? Como se sente?
Aquí AURORA. Cambio.

GAGARIN: AURORA aquí CEDRO,
oio perfectamente.

Síntome de marabilla.
O voo discorre ben.

Pola xanela vexo a Terra. A visibilidade
é boa. Vese todo claro.

Algunhas zonas están cubertas
por nubes do tipo cúmulo.

Continuamos o voo.
Está todo normal. Cambio.

KOROLEV: CEDRO aquí AURORA.
Comprendido. Bo traballo.

Boa comunicación. Continúe co mesmo
espírito. Aquí AURORA. Cambio.

GAGARIN: Comprendido. Todo marcha ben.
Todo perfecto. Continuamos!

O voo está a decorrer ben.

A terceira fase está en marcha.

A luz da TV traballa ben. Síntome xenial.

Síntome desperto e alerta.

RADIO MOSCOW: O ángulo da
declinación do plano da órbita

respecto do Ecuador é de
65 graos e 4 minutos.

O peso da nave espacial co piloto é de
catro toneladas e 725 quilogramos,

excluíndo o peso da última fase
do transportador do foguete.

Estableceuse e mantense
comunicación bidireccional

co aviador espacial Maior Yuri Gagarin.

GAGARIN: A Terra está cada vez
máis cuberta de nubes.

Cúmulos. Está a ficar cuberta por
nubes do tipo nimbo-estrato.

É unha especie de película sobre a Terra.
A superficie xa apenas se ve.

Interesante... si... agora abre.
Formas xeolóxicas de montañas... bosques.

AURORA 1, AURORA 1, óioo
moi debilmente. Estou ben.

Síntome alerta. Sigo co voo. Todo ben.

A nave funciona normalmente. Cambio.

Nesta fase xa apenas consigo oír AURORA 1.

GAGARIN: Agora os raios de Sol
atravesan a xanela.

A luz é un pouco demasiado brillante.

Agora o Sol.. deixa de bater nos vidros.

O ceo... o ceo está negro. Ceo negro...
mais non se ven estrelas no ceo.

Posibelmente afecte a iluminación.
Vou cambiar a luz de traballo.

GAGARIN: 320 atmosferas. Síntome ben.
Síntome alerta. Vou continuar co voo.

Sinto... Non, non sinto. Vexo unha lixeira
rotación da nave en torno ao seu eixo.

A sensación de ausencia de peso...
o efecto é agradábel.

Non causa ningún daqueles fenómenos.

Enténdeme? Cambio.

GAGARIN: PRIMAVERA aquí CEDRO.

Fíxose a separación do foguete...

ás 9 horas, 18 minutos e 7 segundos
como estaba previsto.

Síntome ben.

Acendido Modo Descendente 1.

Marcador do Sistema de Control
Descendente en posición 2.

Todas as luces do Modo
Descendente están prendidas.

Síntome ben. Síntome alerta.

Condicións na cápsula:
presión 1 atmosfera,

humidade 65, temperatura 20,
presión no compartimento 1 atmosfera.

No sistema manual 155,
no primeiro automático 155

e no segundo automático 157.

A presión no tanque do propulsor
de saída de órbita é de 320 atmosferas.

Levo ben a sensación de ausencia
de peso. É agradábel.

Prosigo co voo en órbita. Como me reciben? Cambio.

GAGARIN: A nave segue rotando.

A rotación da nave pode determinarse
pola superficie da Terra.

A superficie da Terra
desprázase cara á esquerda.

A nave espacial rota lixeiramente cara á dereita...

Ben. Moi bonito... Síntome ben.

Prosigo o voo. Está todo a correr moi ben.

Vai todo perfectamente.

Que acontece aí AURORA?
Non teño recepción.

Que acontece, PRIMAVERA?
Tampouco hai recepción.

PRIMAVERA, PRIMAVERA, aquí CEDRO. Consegue oírme? Cambio.

PRIMAVERA, aquí CEDRO. Non consigo oílo.
Consegue oírme? Cambio.

A sensación de ausencia de peso é interesante.
Todo flota. Todo está flotando.

Fermoso! Interesante!

GAGARIN: AURORA 3 aquí CEDRO,
como me recibe? Cambio.

PRIMAVERA, non oio.
Non oio PRIMAVERA.

Síntome ben. Síntome alerta.

Está todo normal, prosigo co voo.
Non hai problemas coa ausencia de peso.

En xeral o voo está a decorrer ben.
Que me pode dicir? Cambio.

AURORA 3: CEDRO aquí AURORA.
Agora oímolo. Como se sente?

GAGARIN: AURORA 3 aquí CEDRO,
o voo está a decorrer con éxito.

A sensación de ausencia de peso
é normal. Síntome ben.

Todos os instrumentos, todos
os sistemas están a funcionar ben.

Que me pode comunicar?
Oio perfectamente. Cambio.

AURORA 3: CEDRO aquí AURORA 3,
oímolo ben. Todos os instrumentos

funcionan adecuadamente.
Vostede séntese ben.

Que pode dicirme sobre o voo?

Que pode dicirme? Cambio.

CEDRO aquí AURORA 3, sen instrucións
do 20º [Korolev]. Sen instrucións. Todo ben.

GAGARIN: Comprendido, comprendido.
Sen instrucións do 20º.

Déame os seus datos de voo.

Saúdos ao Loiriño! [Alexei Leonov]

RADIO MOSCOVA:
Os transmisores de onda curta

a bordo da nave operan en 9,019
megahertzs e 20,006 megahertzs

na lonxitude de onda curta
exterior de 143,625 megahertzs.

GAGARIN: Hai aquí un halo moi bonito!

Hai un arco iris, primeiro na superficie
da Terra e logo transita cara abaixo.

Moi bonito, vin estes fenómenos
pola fiestra do lado dereito.

Agora a Terra desapareceu
da fiestra. Síntome ben.

RADIO MOSCOVA:
Os transmisores de onda curta

a bordo da nave operan en 9,019
megahertzs e 20,006 megahertzs

na lonxitude de onda curta
exterior de 143,625 megahertzs.

O estado do aviador espacial durante o voo

é observado coa axuda de dispositivos
de radiotelemetría e televisión.

Os sistemas que aseguran
as condicións necesarias para a vida

no interior da cabina da nave espacial
están a funcionar con normalidade.

AXENCIA TASS: Aquí fala
MOSCOVA - aquí fala MOSCOVA.

Retransmiten todas as estacións
de radio da Unión Soviética.

Son as 10:02 en Moscova.

Transmitimos a noticia do primeiro
voo humano ao espazo.

O 12 de Abril de 1961 a Unión
Soviética lanzou a primeira

nave espacial tripulada en órbita
arredor da Terra cun home a bordo.

O piloto e cosmonauta
da nave espacial é

un cidadán da Unión Soviética,
o Maior Gagarin Yuri Alexyvich.

GAGARIN: Vexo as estrelas pola xanela.
Vexo como se desprazan as estrelas.

É un espectáculo moi bonito.
O voo prosegue na sombra da Terra.

GAGARIN: Neste momento, a través da
fiestra da dereita, vexo a estrela.

Cruza a fiestra da esquerda para a dereita.

A estrela pasou... vai, vai.

GAGARIN: Atención, atención.

10 horas, 9 minutos, 15 segundos.
Saio da sombra da Terra.

A través da fiestra dereita
e da xanela vexo aparecer o Sol.

A nave rota. Pode que estea funcionando
o Sistema de Orientación Solar.

GAGARIN: Agora pola xanela vexo a Terra,
vexo a Terra. Estou voando sobre o mar.

A dirección do movemento
sobre o mar é fácil de determinar.

Agora posibelmente estea
desprazándome cara ao lado dereito.

Está un pouco nubrado. Pode detectarse
a dirección do movemento sobre o mar.

RADIO BBC: Este foi o boletín do tempo.
E agora, unha ollada ás noticias.

Hai unha hora os rusos anunciaron a posta
en órbita do primeiro home no espazo.

Un anuncio difundido en inglés
por Radio Moscova dicía que

a Vostok, a primeira
nave espacial cun home a bordo,

foi lanzada hoxe en órbita
á volta da Terra.

O primeiro navegador espacial
é o Maior Yuri Gagarin.

Establecéronse e mantivéronse
radiocomunicacións con el.

Séntese ben e as condicións
na cabina son normais.

O voo da nave espacial prosegue.

GAGARIN: Está todo
funcionando normalmente?

Está todo funcionando normalmente?

12 de Abril de 1961

Logo de facer a primeira
órbita arredor da Terra,

Gagarin reentra na atmosfera.

Exéctase da cápsula 7 km por riba do chan
e descende en paracaídas.

Agradecementos

Órbita Terrestre, 2011.
A bordo da Estación Espacial Internacional.

[TRANSMISIÓN RADIO MOSCOVA]
Foi un noticiario especial sobre

o lanzamento da primeira nave espacial
Vostok que leva a bordo

un cidadán da Unión de Repúblicas
Socialistas Soviéticas,

o Maior Yuri Gagarin.
Aquí Radio Moscova.

Subtítulos en galego: Martin Pawley,
Agrupación Astronómica Coruñesa Ío.