點樣先可以綠化沙漠同埋扭轉氣候變化

Allan Savory 嘅開場白係咁樣講︰「『荒漠化』係一個美化咗嘅詞語，用嚟描述正喺度變成沙漠嘅土地。」最得人驚嘅係，世界上大約三分二嘅草原正喺度沙漠化，以至氣候變化加速，放牧社會陷入混亂狀態。Allan Savory 奉獻一生去制止荒漠化。佢嘅工作證明咗，一個做法就能夠保護草原，甚至復原荒漠化嘅土地。

最大、最勁抽嘅海嘯風暴
就快將我哋打低

依場咁堅嘅完美風暴
將現實變得越嚟越難搞

我哋面對依個現實嘅時候

我哋要相信我哋可以
用技術去解決依啲問題

依樣嘢大家都可以明白嘅

我哋依家面對緊嘅完美風暴
就係由人口增長引致嘅

人口向 100 億增長嘅同時

土地變成荒漠

氣候變化更不在話下

而我哋可以解決嘅問題就只有

點樣用科技去取代石化燃料

石化燃料、碳、煤同埋天然氣
並唔係唯一導致氣候變化嘅嘢

荒漠化表面上係一嗰好鬼靚嘅詞語

用嚟形容土地逐漸變成荒漠

佢嘅發生係因為我哋製造太多荒地

無其他原因

我將重點放喺世界上
大部份變緊做沙漠嘅土地

但係我要畀你哋一個好簡單嘅信息

當中畀到你嘅希望比你哋所想像嘅仲多

有啲環境全年嘅濕度都有保證

依啲地方幾乎無可能有大面積嘅荒地形成

因為無論你點做，植物又會好快生長返

又有啲環境幾個月會有雨水

然之後會有幾個月乾旱

荒漠化就響依度發生

好彩，依家通過太空技術

我哋可以從太空睇到依啲地方

仲可以睇到佢哋嘅比例

總之呢，你哋睇到綠色嘅地方

係唔會荒漠化嘅

而啡色嘅地方就會荒漠化

而啡色依啲係目前地球地表最大嘅部分

我估計地球上有三分二嘅地方正荒漠化緊

依幅相係我響提哈馬沙漠拍嘅

落緊 25 毫米、一吋嘅雨

你哋可以將佢諗成係裝響桶裡面嘅水

每桶有 200 升

每日會有一千桶水落響每公頃嘅土地

到咗第二日，土地就會好似咁樣

咁啲水去咗邊度呢？

有一啲流失咗

不過大多數會滲入泥土，跟住又蒸發咗

同你哋花園發生嘅事一模一樣

如果土壤無遮掩就係咁嘅下場

依家，水同碳嘅命運
因為同土壤裏面嘅有機物質有關

如果我哋破壞土壤，碳元素就會釋出

碳元素就會返到大氣層

我已經講咗好多次

荒漠化只會出現響
地球上乾旱同半乾旱嘅地方

同埋高原，好似依個咁

高原再落多啲雨都無辦法

不過當你唔只睇個草原，睇下土壤嘅表面

你會發現草原裡面大部份嘅土壤

除咗光禿禿之外，就只有一層藻類遮住

亦都係咁加快咗水份流失同蒸發

依樣就係荒漠化嘅致命成因

但我哋直到荒漠化成形先了解到依樣嘢

依家我哋知道荒漠化係由家畜導致嘅

大多數係由於牛、綿羊同山羊
過度放牧而食晒啲植物

令土壤外露同釋放甲烷而導致

呢樣嘢幾乎係人都知道

由諾貝爾獎得主到高爾夫球球僮
都同我一樣知道呢個常識

你哋響度睇到嘅環境

塵土飛揚嘅非洲，就係我成長嘅地方

我鐘意野生動物

所以我細個已經討厭畜牧

因為畜牧破壞生態

我喺大學修讀生態學

令我加強信念

依家，我有好消息畀你哋

我哋曾經相信

世界係平坦嘅

以前我哋錯咗，依家又錯多次

我想請你哋

加入我再教育同探索之旅

我後生嗰陣時

係非洲年輕嘅生物學家

我曾經參與將一啲壯麗嘅地方

規劃成未來嘅國家公園

冇幾耐之後，大概響 1950 年代

我哋禁止咗打獵

反而鼓動大家保護動物

跟住土地開始惡化

依個係我哋建立嘅公園

依家嗰度搵唔到牲畜

於是我哋懷疑嗰度大象嘅數目太多

經我調查，佢哋數量確實太多

我建議將佢哋嘅數量減少

下降到土地能承受嘅水平

對我嚟講依個係好可怕嘅決定

老實講仲係一個政治炸彈

所以我哋嘅政府組織咗一個專家團隊

嚟評估我嘅研究

佢哋評估之後都同意我嘅觀點

之後嘅幾年

我哋射殺四萬隻大象嚟停止土地惡化

只不過情況冇好到，反而轉差

我好鐘意大象

但射殺大象係我人生中最悲傷同做得最錯嘅事

我會一生悔恨至死

但咁樣帶出咗一件好事

呢件事令我下定決心

全情投入去搵出解決方案

當我去到美國時，我好震驚

我見到咁樣一個國家公園

荒漠化嘅程度同非洲一樣咁大

依塊土地

已經超過 70 年無家畜存在

而且我發現美國嘅科學家

除咗話依個係自然現象之外

就無其他解釋

所以我

用盡心機去搵

針對美國西部

因牛隻遷移

而令荒漠化停止嘅證明

但係我卻搵到完全相反嘅證明

就好似我哋響依個研究站見到嘅咁

當年 1961 年仲係一大片青草地

但係到 2002 年已經變成咁樣

我從一份關於氣候改變嘅報告

揾到依啲相

個作者話依個係解釋唔到嘅現象

但好明顯係我哋唔知道

乜嘢導致荒漠化

但就係依樣嘢毀滅咗好多文明

而且威脅緊全球

我哋根本對依樣嘢唔了解

將一平方米嘅土壤

就咁光禿禿咁擺響度

相比起用枯枝落葉去覆蓋佢

我保證你會發現光禿禿咁嘅泥土

日出時份會更加凍

而中午時份就會更加熱

你哋改變咗微觀氣候

而家，當你哋繼續

增加荒地比率

去到超過世界一半嘅土地

咁你哋就係改變緊全球大氣候

但係我哋仍然唔明白

點解依個現象會響一萬年前發生

又點解依家會加劇惡化呢？

我哋真係乜都唔知企咗響度

我哋完全無了解到

依啲隨季節改變濕度嘅環境

佢哋嘅土壤同植物嘅發展

係同過度放牧有關

而依啲被放牧嘅牲畜

係同群體狩獵嘅掠食動物有關

要對抗群體狩獵掠食動物嘅主要方法

就係集合成群

群體愈大，個體就愈安全

依家大群動物響佢哋嘅食物上面排便排尿

佢哋需要遷徙

就係咁樣遷徙

避免咗因過度放牧、動物食晒啲植物

有秩序嘅週期遷徙

可以確保土壤有足夠植被

就好似見到依群動物走過嘅地方一樣

依幅係典型嘅季節性草原嘅相

嗰度啱啱落咗四個月雨

亦都開始為期八個月嘅旱季

留意下佢經歷長期旱季嘅轉變

依家你見到所有地上曝露喺空氣嘅草

都需要響下個生長周期前自然腐爛

如果唔係

成塊草地同土壤都會死

如果佢哋無腐爛

佢哋就會慢慢氧化

最終啲草會窒息同死亡

亦剩返木本植物先生存到

土地就會無遮掩，釋出碳元素

為咗阻止發生依個情況，我哋傳統上會用火燒

不過火都會令到土地無遮掩，亦會釋放出碳元素

更差嘅係

只要燒走一公頃嘅草地

就會釋放出比六千架車

更加多嘅污染物

我哋每年都響非洲燒走

超過十億公頃嘅草地

但幾乎無人關心依件事

作為科學家，我哋認為用火燒係啱

因為咁樣可以消除啲廢物

畀啲植物生長

睇下我哋依片枯乾嘅草地

我哋點樣做先可以令佢健康呢？

提一提，我係講緊世上大部份嘅土地

可以嗎？我哋唔可以一邊減低動物嘅數量去畀啲植物復原

一邊唔造成沙漠化同氣候變遷

我哋無辦法燒走啲植物

而又確保唔會發生荒漠化同氣候變化

咁點算？

只有一個選擇

我再講多一次，只有一個選擇

氣象學家同科學家只可以做一樣嘢

就係做你估唔到嘅嘢

就係

養一大群牲畜兼且要四圍走

當佢哋係以前啲游牧同捕食動物

做到好似大自然咁

講多無謂

行動最實際

所以我哋先用一小塊草地嚟做試驗

我哋模仿大自然運作，養咗小牛去睇下土地負荷

我哋依家做到啦，你睇下

全部土地都生曬草

因為泥土上有糞、尿、枯枝落葉同埋護根

現場觀眾有種開嘢嘅都明白

咁樣嘅泥土已經可以吸收同保留雨水

可以儲存碳又可以分解甲烷

我哋就咁樣做咗

唔駛用火去破壞土壤

啲植物都可以自由生長

到我第一次認識到

身為科學家嘅我哋無得揀

剩係可以用啲臭牲畜

嚟應對氣候變化同荒漠化

我真係進退兩難

啲人類究竟搞緊乜嘢呢？

我哋累積咗一萬年放牧嘅經驗

知道點去放牧

但係亦都造成世界上最大嘅人造沙漠出現

現代科學研究咗降雨已經有一百年

但係之後我哋首先響非洲發現

然後再響美國證實

沙漠化反而加快咗

就好似依幅相咁樣

塊地係由聯幫政府管理嘅

好明顯咁我們需要

比集結同埋放牧做得更多

我哋人類，幾千年以來

從來都無能力解決大自然嘅複雜問題

但係我哋依啲生物學家同生態學家

都無遇到咁複雜嘅問題

所以與其閉門造車

我開始睇下其他領域有無人已經有答案

我發現咗的一啲規劃方法

可以滿足到我哋響生物學上嘅需求

由嗰度開始，我發展咗一套叫做

「整體管理同規劃放牧法」

嘅規劃流程

咁樣就解決到複雜嘅自然問題

以及我哋社會，環境同埋經濟嘅複雜難題

依家好似依位嘅後生女

響非洲教人

點樣將啲動物集合

然後模仿大自然環境咁放牧

同埋喺邊度安排地方畀動物過夜

任由佢哋俾猛獸弱肉強食

因為我哋有好多地，如此類推

佢哋響邊度放牧同過夜

都係為咗有地方種嘢

我哋嘅收成都因為咁而大幅增加

我哋嚟睇下個結果

依塊係近住我哋喺聿巴布韋嘅土地

嗰度啱啱勁落咗四個月雨

就快要到漫長嘅旱季

不過你哋見到，幾乎全部雨水

都響土壤表面蒸發咗

雨停咗，河又乾

而我哋有十五萬人

要長期依賴糧食援助

依家嚟睇一睇同一日隔籬嗰塊地

同樣嘅降雨量，睇下

我哋啲河水又多又乾淨

非常好

草、灌木、樹、野生動植物嘅產量

每樣嘅產量都比以前更加好

我哋唔需要怕旱年

我哋點做到？

我哋增加咗四倍牛羊嘅數目

有計劃咁去放牧去模仿大自然嘅運作

仲要令佢哋同大象、水牛、長頸鹿

同其他動物一齊生活

不過響計畫之前，依塊地係咁樣嘅

就算落咗幾多雨

依塊光禿禿嘅地始終被侵蝕超過 30 年

睇下喺我哋用家畜模仿大自然環境之後

依棵被標記嘅樹有乜變化

依度係另外一個

土地被侵蝕、貧瘠嘅地方

喺依棵做咗標記嘅細樹底下

流走咗 30 厘米嘅土壤，見到嗎？

我哋再睇多一次

只係用家畜去模仿大自然

依家已經有啲樹冧咗落嚟

咁係因為改善咗嘅土地吸引咗大象等等嘅動物走過去

依塊響墨西哥嘅地以前係太爛

我要標記座山

係因為變化太大喇

（掌聲）

我響 1970 年代開始幫助南非卡魯沙漠一個家庭

你哋見到右手邊嘅沙漠

變返做草原

好慶幸，佢哋啲孫仍然住響塊地

仲睇好前景

嚟睇下依個驚人嘅改變

成個峽谷都搞返好啦

無用其他方法，只係用家畜扮野獸

再一次，我哋見到一個家庭嘅第三代

仲係住響嗰度

巴塔哥尼亞上廣闊嘅草原

就係你見到咁變緊沙漠

響中間嗰位係阿根廷研究員

佢記錄咗依塊地點樣

因為人減少羊嘅數目而變差

依家佢哋將二萬五千隻羊集埋一群

好認真咁模仿大自然咁有計劃地放牧

塊地第一年嘅產量

增加咗 50%

依家響有好多暴力發生嘅「非洲之角」

有牧民計劃模仿自然咁放牧

仲公開咁講話依樣嘢係佢哋嘅唯一

能夠拯救佢哋嘅家庭同文化嘅希望

嗰塊地 95％ 嘅人

都係靠動物為生

我要提醒各位

世上大部份嘅土地都係控制緊我哋嘅命運

包括世界上最暴力嘅地區

嗰度 95％ 嘅土地

只有靠動物至能夠餵飽人

人類令到氣候變遷嘅程度

我相信同石化燃料造成嘅一樣大

甚至比石化燃料仲大

但更差嘅係，氣候變化會引起饑荒、貧窮

暴力、社會崩潰同戰爭

就正如我依家同你哋講嘢嘅時候

就已經有數百萬嘅男人、女人同細路

正喺度受苦、瀕臨死亡

而如果咁樣持續落去

即使我哋停止使用石化燃料

我哋都好有可能無辦法阻止氣候變遷

畀大家睇到我哋點樣

以非常低嘅成本同大自然共存

同扭轉一切

我哋已經響全球五大洲

一千五百萬公頃

嘅土地上實行依個計劃

對於嗰一啲

比我更了解碳嘅人

可以清楚咁話畀你聽

如果我哋照住做

我哋就可以將大氣層裡面足夠數目嘅碳

好安全咁鎖響草原土壤裡面

幾千年

如果全球半數嘅草原

都做依樣嘢

我哋就可以將大氣中碳嘅數量減到去工業革命前嘅水平

兼可以養活人口

我真係諗唔到仲有乜嘢

可以畀到地球

細路

同埋佢哋嘅下一代，同所有人類更多嘅希望

多謝

（掌聲）

多謝（掌聲）

多謝，Chris

主持︰多謝

我相信依度好多人包括我

都想問你問題，或者同你擁抱

我想問你一個好短嘅問題

你好多年前引入一批動物嘅時候

嗰陣時仲係沙漠，咁佢哋食啲乜？係點樣運作呢?

你係點樣開始呢？

講者︰我哋已經做咗好長時間

只有復墾礦山嘅時候

我哋需要提供食物畀啲牲畜

因為只有嗰度係完全無植物

不過好多年之前，我哋遇過最差嘅地響津巴布韋

我當時用五英鎊打賭

響一百里範圍內

無人可以

搵到一條草

之後頭一年我哋將動物嘅數量加多兩倍

而且無提供食物畀啲家畜

我哋只係靠遷徙、模仿大自然

同利用 S 形曲線依個原則

要花啲時間去解釋，不過就係咁嘞

主持︰依個嘢真係好有趣同好重要

我哋博客上面嘅人之後會再問你

等我哋對於依個演講有更加多題材可以寫

講者︰太好啦

主持︰依場係震撼人心嘅演講，真係好震撼人心

我諗你都聽到我哋為你做嘅嘢喝采

非常多謝你
講者︰多謝，多謝，多謝 Chris

（掌聲）