Minecraft - Hour of Code: INTRO

Eg heiter Jens Bergensten, men eg er betre
kjent som Jeb. Eg leiar utviklinga av Minecraft

her hos Mojang i Stockholm. Eg var 11 eller
kanskje 12 og starta med programmering

fordi eg ville lage spel. Ein av venene til
faren min sa at for å lage spel måtte du

lære å programmere. Så det var slik eg
starta. Eg likar å lage og tenkje ut korleis

ting skal byggast opp. Det er det eg
likar veldig godt med Minecraft. Den neste

timen skal du lære grunnleggande datafag
ved å programmere Alex eller Steve til å

flytte seg gjennom ein simulert del av verda
i Minecraft. I tradisjonell programmering

skriv me tekst, men i dag nyttar me BLOCKLY:
eit system med blokkar du kan dra og sleppe

for å skrive program. Under hetta lagar du
JacaScript-kode. Idéen er at du skal lære

det same som dataprogrammerarar brukar
kvar dag, og det er grunnmuren i datafaga.

Her hos Mojang brukar me dei same
prinsippa for å få Minecraft til å funke.

Før du startar, må du velje ein figur. Eg
veljer Alex. La oss bygge kode til eit program

som hjelper ho å flytte rundt på skjermen.
Skjermen din er delt i tre hovuddelar.

Til venstre er spelerommet i Minecraft, der
programmet vil køyre. Instruksjonane til

kvart nivå står skrive under. Dette midt-
rommet er verktøykassa, og kvar av blokkene

er ein kommando som styrer Alex sine
rørsler. Det kvite rommet til høgre vert

kalla "arbeidsrommet" og der der vi bygger
eller programmerer. Om me dreg "moveForward"

til arbeidsrommet og så klikkar "Run" ("Køyr"),
kva skjer? Alex flyttar seg ein plass på

rutenettet til venstre. Og kva om me ynskjer å
gjere noko etter at ho har flytta seg ein plass?

Då kan me legge til ein blokk til i programmet.
Eg veljer "turnRight", og eg dreg blokka

under "moveForward"-blokka til ei orange
linje kjem opp. Då slepp eg, og dei to

blokkene vil sitte saman. Når eg
trykker "Køyr" igjen, vil Alex gjere

kommandoane som er sett saman frå
topp til botn i "arbeidsrommet". Og om du

nokon gong vil ta vekk blokker, berre dra
ho tilbake i verktøykassa. For å gjere om

endringar og komme tilbake til der brettet
starta, bruk "Start Over"-knappen øvst til

høgre i "arbeidsrommet". Ein ting til, ser
du den vesle trekanten på "snu"-blokkene?

Når du ser ein slik trekant, tyder det
at du kan velje noko anna frå ei liste.

La oss starte kodinga!