Walay Lugar Para sa Kaligotgot! | Brother Chris

Ge manipula ba sa yawa ang imong relasyon? Pag-baton og kagawasan gikan sa tuyoktuyok nga kasakit og kahiubos og tun-i ang pagsalikway sa kayugot niini nga praktikal nga mensahe kauban si Brother Chris nga ge ulohan, 'Walay Lugar sa Kayugot'.

Komusta sa tanan, Grasya og kalinaw kaninyong tanan diha sa gamhanang ngalan ni Hesus.

Katahoran gikan diri sa matahom nga Aber Falls diri sa North Wales.

Ania na usab kita sa laing edisyon sa Faith Is Natural diri sa Gods Heart TV.

Karon, buot nakong hisgotan ang mahitungod sa usa ka butang nga lalom kaayog kalambigitan

sa atong matag adlaw nga relasyon.

mahulagway nako kini sama sa usa ka virus nga walay bisag usa ang wala maka-agi.

Gani usa kini sa pinaka epektibong hinagiban sa yawa

ug usa sa iyang kasagarang lit-ag

Akong buot pasabot mao ang Kahiubos. Oo, kahiubos.

Bisag unsa ka komplekado o ka simple,

ang posibilidad nga mahiubos walay kataposan

Sa laing pagka sulti - niining kalibotana, imposible nga malikayan ang kahiubos.

Dili isyu kung kinsay nakapahiubos nimo o kanus-a ka nahiubos

o asa gikan ang maong kahiubos.

Ang pangutana mao - unsay imong tubag kung moabot ang kahiubos?

Mga katawhan sa Dios, pangutan-a imong kaugalingon karun:

Sa panahon nga mahiubos ka, ge unsa nimo pagtubag?

Kung adunay maka pasakit kanimo o magkamali kanimo, unsay imong tubag?

Tungod kay kasagaran ang atong pagtubag naghimo kanato nga huyang ngadto sa kaligotgot

Delikado kana.

Kung ang kaligotgot maka gamot sa imong kasingkasing,

kung ang kabalaka dili matanggal - birahon ka niini paubos, linlahon ka niini paubos

ang dalan sa kayugot, kasina, selos, malisya, kasuko og dili pag sinabtanay.

Og delikado kana. Ang kayugot delikado para sa imong espirituhanong kinabuhi.

Ang isyu dili ang kabug-at sa kahiubos sa natural

o ang pagkasayod nimo sa imong katungod nga mahiubos.

Ang isyu mao - ang pagkomkom og kahiubos delikado.

Bisag unsa pay gehimo kanimo o gesulti batok kanimo, ang pagkomkom og kahiubos delikado

mao nga dapat natong bantayan ang atong kasingkasing.

Mga katawhan sa Dios, dapat nimong bantayan imong kasingkasing.

Sa panahon nga mahiubos ta, kasagaran makabati tag sakit og basalon nato ang tawo nga nakapahiubos kanato.

Og tungod kay atong paminaw nga ang atong katungod na abusaran,

og ang atong nagsakit nga kasingkasing dali lang motuo nga katungod nato ang mahiubos

Mao nga mo depensa kita sa atong kasuko og kaligotgot para mangatarungan sa atong pagka walay gusto nga mopasaylo.

Apan kung imong tan-awon pag-ayo

ang basehan sa maong katarungan tawhonon, dili espirituhanon.

Usa ka natural nga balaod, dili espirituhanon nga balaod.

Isip usa ka kristohanon, mao kini atong prinsipyo:

Ikaw man ang tama o mali,

wala kay katungod nga mag gunit og kahiubos.

Mao kana ang atong sukdanan; mao kana ang atong prinsipyo.

kung imong ge angkon ang imong katungod, nan nasayop kana

"Apan wala ka masayod sa akong kaso! Wala ka masayod sa sirkumstansya sa akong sitwasyon!"

Tan-awa, bisag unsang argumento pa ang imong ge ge dawat og gesulayan pag kombinse imong kaugalingon

sa pagka-tinuod sa imong katungod sa imong kaso,

kana dili maka- pausab sa sukdanan sa Ginoo.

ang kaligotgot walay katarungan.

ang kaligotgot walay katarungan. Hunong.

Tama ka man sa mata sa katawhan.

Bation man nimo nga tama ka sa imong panan-aw

apan sa atubangan sa Dios -

ang nanagiya sa imong destinasyon, ang nag gunit sa tanang kasingkasing diha sa iyang mga kamot -

wala kay katungod sa kaligotgot.

Walay unsa kaha, walay mga apan.

Isip kristohanon, wala kay katungod sa kaligotgot. Hunong .

Ang kahiubos moabot, Oo - moabot gayod kana.

Apan dili dapat nato pakan-on ang kahiubos diha sa atong kasingkasing.

Dili nato hatagan og lugar ang kahiubos sa atong kasingkasing.

Tan-awa ra gud, ang mahiubos normal.

Apan ang pagkomkom sa kahiubos usa ka sala.

Ang pagkomkom og kahiubos makapasubo sa Balaang Espiritu.

Usa kana ka desisyon nga ibutang imong kaugalingon labaw sa Ginoo,

ang pag-gunit sa kaligotgot,

imong pangkaugalingong tinguha

nga mas labaw nga awtoridad kaysa sa Pulong sa Ginoo.

Og kung malimbongan ka sa yawa sa pagtuo nga imong katungod ang mahiubos,

ginagamit nimo imong kaugalingong kamot para itali ang gapos nga nag-gapos kanimo.

Og ang makapa-delikado pa niini mao nga wala ka masayod nga nalit-ag na diay ka.

Dali lang ka mahulog niining malinlahon nga paagi sa

pangkaugalingon og kaugalingong pagkulong.

Kay mao kanay dangatan sa pagkinabuhi uban ang mahiubsanong kasingkasing.

Kung imong ipabilin ang kahiubos sa imong kasingkasing, nan gina sala nimo ang tanan pinaagi niana.

Bisan pa og mo adto ka diri sa pag tan-aw niining matahom nga waterfall karun,

imo kining tan-awon pinaagi sa lente sa kahiubos.

Makig-istorya ka pinaagi niini, mokaon ka pinaagi niini, mo katawa ka pinaagi niini.

Bisan mo ampo ka pinaagi niini,

mao nga daghan sa mga pag-ampo karun batok sa mga kaaway imbes sa mga kahuyangon.

Matulog ka pinaagi niini, nga maoy hinungdan sa daghang mga urom karun.

Makig- halubilo ka pinaagi niini,

mao nga daghan sa atoa karun basahon ang kahulogan

sa mga binuhatan sa mga tawo.

Karun, daghan kaayog giyera sa imahinasyon diha sa atong hunahuna

bisan sa mga isyu nga wala gani molungtad sa realidad.

Ge lain nato pagssabot ang mga binuhatan sa mga tao og masipyat kitag hukom sa mga motibo sa mga tao

tungod sa mubo og wala magiyahi nato nga mga panghunahuna.

Dali lang ta maka rason sa atong mga binuhatan apan kita mo hukom og mag salikway sa uban.

Atong ipaabot sa uban ang sukdanan nga bisan gani kita wala makaabot

og ang mga layo ra sa tinuod nga pagdahom magtultol ngadto sa dili maayo nga relasyon

base sa unod, dili sa Espiritu.

Og ang maong relasyon usa ka lit-ag diha sa pagpamahay bisan sa wala pa kini magsugod.

Og ang dagan sa kinabuhi magpadayon nga magpadayon -

nagtuyoktuyok sa sakit, sa kasakit, sa kahiubos.

Mga katawhan sa Dios, dapat kining mohunong!

Dapat kitang mobalik sa krus - sa Krus ni Kristo!

Hinumdomi ang mga pulong ni Hesus didto sa krus. Siya miingon, "Amahan, pasayloa sila!"

Mao kana ang sukaranan sa Ginoo; og mao usab kana ang atong sukaranan isip Kristohanon.

"Amahan, pasayloa sila!"

Kini maghimo kanato nga wala kayugot.

Ang krus ni Kristo naghimo nga walay kayugot.

wala kini maghatag og katungod sa kayugot.

Tungod kay homan niining tanan, kitang tanan mobarog atubangan sa Ginoo uban ang dakong pagkinahanglan sa iyang pagpasaylo

og ang Bibliya nag-ingon sa Santiago 2:10-11 -

ang Dios lang ang maka ingon kung ang usa ka sala mas dako kaysa sa ubang sala.

Samtang akong dal-on sa kataposan ang mensahe karong adlawa,

ako kamong pahinumdoman sa sambingay mahitungod sa way kaluoy nga sulogoon diha sa Mateo 18.

Hoamn niini nga mensahe, ako kang dasigon nga basahon ang maong sambingay.

og samtang magbasa ka, pangutan-a imong kaugalingon

nganung kuptan man sa usa ka tawo

ang gasa nga libreng gihatag kanimo sa Ginoo?

Sa atong kasingkasing, adunay kanunay nga pakig bugno tali sa unod og espiritu.

Apan hinumdomi kini - sa matag higayon nga magkomkom ka og kahiubos diha sa imong kasingkasing,

ikaw nag submitar sa unod.

Hinumdomi ang libro sa Roma 8:6-8.

Nag-ingon diha nga ang tanang nagkinabuhi sa unod dili makapahimuot sa Dios.

Mao, hinginli ang yawa karon pinaagi sa pag-salikway sa kayugot!

Hinginli ang yawa karon pinaagi sa pag balibad sa kahiubos. Unsaon?

Kung imong makita nga ang tanang gebuhat kanimo gebuhat ngadto sa Amahan.

Kung insultohan ko nila, ge insulto nila ang Amahan.

Kung ge maltrato ako nila, ge maltrato nila ang Amahan.

Kung ila akong bakakan, ge bakakan nila ang Amahan

tungod kay wala akoy gahom sa akoang kaugalingon.

Wala akoy lugar sa kayugot sa akong kasingkasing

tungod kay nasayod ko nga wala koy katungod sa kayugot.

Sa mga pulong ni Prophet TB Joshua:

"Wala koy dili kayang dili panumbalingon tungod og para kang Hesus!"

Panultihon 19:11

Karon, mga katawhan sa Dios, mag ampo kita.

Buhii imong kaugalingon

pinaagi sa pagpasaylo ang tanang nagkamali kanimo.

Pinaagi sa awtoridad sa ngalan ni Hesus Kristo,

ma buhian ka sa tanang gapos sa kayugot karon dayon!

ma buhian ka sa gapos sa kasakit karon dayon!

ma buhian ka!

Mabuhian ka, sa gamhanang ngalan ni Hesus Kristo!

Ako naga deklara sa imong emosyon og kagawasan gikan sa kahiubos karon dayon!

Kagawasan, sa gamhanang ngalan ni Hesus Kristo!

Tanang kadena sa kahiubos diha sulod sa imong espiritu - mabadbad ka karon dayon!

Tanang kadena sa kaligotgot diha sulod sa imong espiritu - ma badbad ka karon dayon!

Tanang kadena sa kasuko diha sulod sa imong espiritu - ma badbad!

Sa gamhanang ngalan ni Hesus Kristo!

Unsa mang kadena nga gegamit ni satanas nga makonekta siya diha kanimo-

sa imong pamilya, negosyo, kaminyuon, pinansyal -

Ako nag-ingon mabungkag ka karon dayon!

Ma bugto, sa gamhanang ngalan ni Hesus Kristo!

Amen!

Akong nakita ang maong mga kadena nga na badbad karon!

Akong nakita nga nangatangtang ang mga kadena sa ngalan ni Hesus Kristo!

Karon, sugdi pagpasalamat ang Ginoo sa imong kagawasan,

kay kung ang Anak sa Dios nagpahigawas kanimo, gawasnon kana gayod!

Salamat, Hesus Kristo.