Ndugu Chris Akijibu Maswali ya PAPO KWA HAPO!

Ikiwa uko kwenye uhusiano na mtu na moyo wako unafadhaika

na unaendelea kusema, 'Sina hakika',

Ningependekeza kwako, yeye sio 'yule' - yeye sio 'yule'.

Hivi sasa, nataka kukupa fursa ya kuuliza maswali yoyote.

Ikiwa una swali la kuuliza, onyesha tu kwa kuinua mkono wako.

Ningependa kujua - tunapokuwa na karama na talanta nyingi,

tunawezaje kujua kusudi letu mahususi ni nini?

Sawa. Kwa hivyo kwako, kaka, tujizungumzie wenyewe. Ni talanta gani unayozungumzia?

Muziki.

Sawa. Muziki - ni mfano mzuri.

Tunajua kutoka katika Biblia kwamba muziki ni zawadi kutoka kwa Mungu.

Lakini angalia jamii leo.

Watu wengi wanatumia zawadi wanayopokea kutoka kwa Mungu kumtukuza shetani.

Ndugu, ikiwa Mungu amekupa kipawa katika eneo la muziki - vizuri ajabu!

Fanya muziki kwa utukufu wa Mungu, sio kusherehekea ulimwengu,

sio kusherehekea pesa, tamaa au mambo haya yote ya kipumbavu na ya bure. Kwa Mungu!

Ikiwa unatumia karama yako kwa utukufu wa Mungu, Mungu ataendelea kuizidisha.

Wala hatakupeleka mahali ambapo tabia yako haitastahimili kupamudu.

Kwa sababu watu wengi leo - wanaweza kufikia mahali fulani na vipawa

lakini wanaanguka haraka kwa sababu hawana tabia.

Ikiwa umejaliwa kipawa

na ukagundua kuwa haupo mahali unapotarajia kuwa na kipawa ulichonacho,

pengine Mungu anakuhifadhi ili uifanyie kazi tabia yako.

Zawadi huanza; tabia hukamilisha.

Kwa hiyo, asante ndugu. Mungu akubariki! Ni swali zuri.

Habari za mchana. Jina langu ni Dayron.

Ukiwa kama kijana aliyekulia chini ya ulezi wa Nabii TB Joshua

unaweza kutupa mifano ya jinsi ya kuwa na uhusiano wa ndani zaidi na Roho Mtakatifu,

kufikia kiwango ambacho Mungu alikuwa akitenda kazi katika SCOAN?

SAWA! Ni swali zuri.

Nilisema kitu jana, kwamba safari yangu ni tofauti na yako.

Na imani haijikiti katika kuiga.

Inategemea Neno la Mungu mioyoni mwetu na usadikisho unaotokana na hilo.

Kwa hiyo, naweza kukutajia leo baadhi ya mambo mahususi ambayo nilifanya.

Lakini mimi si wewe na wewe si mimi.

Unahitaji kujua, kupitia Neno la Mungu, kile anachotaka ufanye katika hali yako,

kulingana na wito wako katika maisha.

Lakini naweza kukupa baadhi ya kanuni

ambazo inaweza kusaidia kila mtu, bila kujali Mungu anataka ufanye nini.

nitakupa moja.

Unapoamka asubuhi, mtu wa kwanza unayepaswa kumsalimia ni Mungu.

Wengi wetu leo ​​tukiamka asubuhi kitu cha kwanza kukisalimia ni simu zetu.

Ikiwa unaweza kuanza siku yako kwa kupiga magoti katika maombi,

unaanza siku kwenye msingi sahihi.

Nabii TB Joshua aliishi maisha ya maombi.

Hatuzungumzii juu ya maombi ya Jumapili au wakati wa ibada.

Aliishi maisha ya maombi kila siku.

Alisema, “Nilitunza kina cha uhusiano wangu na Mungu

na Yesu alisimamia upana wa mafanikio yangu.”

Kwa hivyo, watu wa Mungu, hakuna fomula maalum linapokuja suala la ukuaji wa kiroho.

Ikiwa unataka kujenga uhusiano wako na Mungu, lazima uwe tayari kutoa wakati mzuri.

Ni maisha ya kujitolea.

Kwa sababu kutoa wakati huo,

kuna maeneo mengine ya maisha yako utalazimika kuyatoa dhabihu.

Lakini nawaambieni, chochote mtakachopoteza kwa ajili ya Mungu,

utapata mara elfu.

Kwa hiyo, asante, ndugu. Nimekupa moja tu lakini ni kitu cha wewe kujilisha.

Ok, hebu sikia kutoka kwa ndugu yetu hapa.

Jina langu ni Diolio na nina umri wa miaka 24.

Swali langu ni - ungetoa ushauri gani kwako mwenyewe,

pamoja na uzoefu wako katika Bwana, kama ungelikuwa na umri wa miaka 24.

Mimi bado ni kijana; Mimi sio mzee hivyo!

Nina umri wa miaka 35.

Kwa hivyo, najiona bado ni kijana.

Tuna vishawishi vingi sana vinavyotuzunguka.

Lakini ushawishi bora ni Roho Mtakatifu.

Ikiwa kuna kitu ningefanya tofauti,

ingekuwa kutumia wakati mwingi zaidi kutafuta uhusiano wangu na Mungu -

hata muda zaidi katika maombi, hata muda zaidi katika Neno,

hata muda zaidi katika uwepo wa Mungu kwa sababu haya ni mambo ambayo thamani yake haipimiki.

Ikiwa kitu kina thamani isiyopimika, unapaswa kuwa tayari kulipa gharama yoyote kwa hicho.

Yesu alisema, 'Mkono wako wa kuume ukikukosesha, ukate.'

Lipa gharama yoyote ili kuujenga uhusiano wako na Kristo.

Sawa, tunataka kusikia kutoka kwa dada. Asante, dada.

Baraka. Jina langu ni Yunet.

Ninawezaje kubaki katika upendo na hofu ya Mungu?

Kwa sababu imekuwa ngumu sana kwangu.

Kwa hiyo, hebu tukuulize wewe, dada. Ukijichunguza, ni mambo gani hayo ambayo

yanaathiri upendo wako kwa Mungu au hofu yako ya Mungu.

Taja tu lolote kati ya mambo hayo.

Tamaa na hasira.

Kwa hiyo, jana, kwa neema ya Mungu, niliombea watu ukombozi.

Ukombozi unamaanisha kung'oa kitu chochote cha kiroho

ambacho kinakusukuma kufanya jambo kinyume na mapenzi yako.

Sasa umekombolewa, una chaguo la kusema ndiyo au hapana.

Usiwe na haraka sana kupiga makofi.

Kwa sababu ukombozi hautaondoa majaribu.

Na kwa kweli, ukombozi utaongeza majaribu.

Kwa sababu shetani hataki uwe huru.

Ndio maana lazima uwe umaanishe katika uhusiano wako na Mungu ili kudumisha kile unachopokea.

Kwa hiyo, hebu tuzungumze kuhusu tamaa.

Watu wengi leo wanamlaumu shetani kwa kuingia kwenye milango wanayoiacha wazi kwake.

Wewe ndiye uliyemfungulia mlango na unashangaa anapoingia na kushambulia.

Unamjaribu shetani ili akujaribu.

'Mungu, niokoe kutoka kwenye roho ya tamaa' - lakini angalia simu yako.

Picha nyingi kwenye simu yako, ikiwa utaniuliza niangalie -

ungetaka kuzifuta.

Kwa hivyo, ninachosema kwa dada yangu ni kwamba ikiwa unatambua maeneo ya maisha yako

ambayo yanaathiri uhusiano wako na Mungu,

kutambua maeneo hayo lazima sasa yakulete mahali pa kujitoa kwa kina zaidi kwa Mungu

kuyashinda majaribu hayo.

Tukijichunguza kwa dhati,

sababu ya kutokuwa na mahusiano ya kudumu na Mungu

haipo mbali sana na sisi wenyewe.

Kwa hivyo, jibu liko mikononi mwako.

Ukipokea ujumbe uliopokea katika mkutano huu,

umeandaliwa kudumisha hofu ya Mungu.

Asante.

Jina langu ni Mario na nina umri wa miaka 27.

Nina maswali mawili yanayohusiana.

Kwanza, kuna mwelekeo wa kawaida wa kufikiri kwamba ili kufanikiwa, lazima uoe kwa gharama yoyote.

Hata hivyo, tumeona katika maisha yako kwamba kulikuwa na mchakato

na Mungu akiwa ni sehemu muhimu zaidi, kwa wakati ufaao, Alimleta mtu sahihi.

Nini kinapaswa kuwa lengo letu kama vijana tukiwa na Mungu akiwa sehemu muhimu zaidi ya maisha yetu?

kuwa na imani kuwa ni mtu sahihi anayekuja na mwenye nia sahihi?

Pili, tunawezaje kujua kama wito wetu haujumuishi ndoa?

Sawa. Asante kwa swali.

Kwa hivyo, kwanza kabisa, wacha niseme kwa kila mtu - huyu ni mke wangu.

Ninaweza kutoa ushauri juu ya suala hili kutokana na uzoefu wa vitendo sasa.

Nilifikia wakati nilijiambia, 'Ikiwa sitaoa, nimeridhika.'

Na nilipofika mahali pa kuridhika.

suala la ndoa halikuwa mzigo tena.

Na wakati haukuwa mzigo tena, Mungu alinipa mke wangu kutoka Mbinguni.

Kwa nini nasema hivi?

Ikiwa unatafuta ndoa kuliko Mungu,

unaweza kuingia katika ndoa ambayo itaathiri uhusiano wako na Mungu.

Kwa hiyo, suala la ndoa ni zaidi kuhusu ukomavu.

Ikiwa umekomaa kiroho

na wakati ulioamriwa na Mungu umefika wa wewe kuoa.

kutakuwa na makubaliano ya moyo sambamba na kutafuta kusudi.

Angalia, tunapozungumza juu ya makubaliano ya moyo,

huhitaji mtu mwingine yeyote kukuthibitishia; unajua!

Ikiwa uko kwenye uhusiano na mtu na moyo wako unafadhaika

na unaendelea kusema, 'Sina hakika',

Ningependekeza kwako, yeye sio 'yule' - yeye sio 'yule'.

Mungu anazungumza na mioyo yetu.

Hatakuongoza kwenye uhusiano ambao utaathiri maisha yako vibaya.

Kwa hivyo, ikiwa uko mahali pazuri na Mungu,

na wakati wa Mungu unawadia kwako kuoa,

Roho wa Mungu atashuhudia pamoja na roho yako.

Kwa haraka, nitawashikirisha hadithi fupi.

Mungu alipoweka moyoni mwangu kuongea na Allison,

ndani ya dakika tatu, nilitoka katika kusema hisia zilizokuwa moyoni mwangu

hadi kusema, 'Je, utanioa?'

Dakika tatu!

Sasa, nataka kusisitiza kwamba sisemi kwamba namna ilivyotokea kwangu itakuwa sawa nanyi nyote.

Ninachosema ni kwamba wakati Mungu anapozungumza na moyo wako, utajua.

Kwa hivyo, wasiwasi wako unapaswa kuwa mahali sahihi na Mungu.

Unapokuwa mahali sahihi na Mungu

na wakati wake umefika wa wewe kuoa, itatokea kwa hiari yake.

Na kwa kuzingatia swali la ndugu yetu, ikiwa si mapenzi ya Mungu uoe,

utaendelea na safari yako kwa kuridhika, sio kuelemewa.

Kwa hiyo, huo ni ushauri wangu kuhusu hilo.

Siku hizi, wengi katika kanisa wameabudu familia kuliko Mungu

na kuipa familia umakini mkubwa katika maisha yao.

Lakini Biblia inasema wale walio tayari kumfuata Yesu

lazima wawe tayari kutoa dhabihu familia, biashara, wakati wa ndoa.

Kwa hivyo, bila kuondoa thamani ya familia,

kuleta hoja ya Mungu tunayotamani hapa Cuba

na kutanguliza uhusiano wetu na Mungu,

tunapaswa kuwa tayari kwa kadiri gani kujidhabihu kwa namna hii?

Kwa hiyo, hebu nikupeleke kwenye Kitabu cha Marko 3 kutoka mstari wa 31.

“Mama yake Yesu na ndugu zake wakaja, wakasimama nje wakatuma watu kwake kumwita.

Umati wa watu ulikuwa umeketi kumzunguka;

wakamwambia, Tazama, mama yako na ndugu zako wako nje wanakutafuta.

Lakini Yesu akawajibu, "Mama yangu ni nani au ndugu zangu?"

Akatazama pande zote, akawatazama walioketi wakimzunguka, akasema,

Hawa hapa ndio mama yangu na ndugu zangu!

Kwa maana yeyote anayefanya mapenzi ya Mungu ndiye ndugu yangu na dada yangu na mama yangu.

Sasa, Yesu hasemi hapa kwamba anaikana familia yake ya kibiolojia.

Tunajua jukumu ambalo mama yake Yesu alitimiza katika huduma Yake na baadaye, ndugu zake pia.

Kwa hiyo, Maandiko haya hayasemi, 'Sina mama, ndugu au jamaa.' Hapana!

Yesu anachosema hapa ni kwamba Roho ni mzito kuliko damu.

Yesu alikuwa huko kwa ajili ya jukumu kutoka kwa Mungu, akiwafundisha watu.

Jukumu hilo la koroho lilikuwa muhimu zaidi wakati huo

kuliko shinikizo la mama yake na ndugu zake kutaka kumwona.

Kwa hivyo, suala la kusimamia familia yako, majukumu yako ya kibinadamu -

lazima ufanye hivyo, ni vizuri, hakuna ubaya na hilo -

lakini si katika gharama ya maisha yako ya kiroho.

Ni suala la kuelewa vipaumbele vyako.

Unawezaje kuwa baba, mama, kaka au dada mzuri anayeonyesha upendo

na kusaidia familia yako ikiwa hauko mahali sahihi pamoja na Mungu?

Njia kuu zaidi unayoweza kusaidia familia yako ni kutunza uhusiano wako na Mungu.

Kwa sababu kufurika kwa uhusiano wako na Mungu kutawabariki wale wanaokuzunguka.

Kwa hivyo, ikiwa sasa unakabiliwa na kudumaa kiroho kwa sababu unatoa

muda mwingi, usikivu, kuzingatia, maslahi kwa familia yako - jiangalie mwenyewe.

Familia ni muhimu sana.

Lakini unaposimama mbele ya Yesu siku ya mwisho,

mke wako hatakuwepo.

Baba yako hatakuwepo; mama yako hatakuwepo.

Ni wewe na Yesu.

Asante.

Baraka. Jina langu ni Carla; mimi nina miaka 23.

Ikiwa una tamaa ya kumtumikia Mungu wakati wote, unajua ni wakati gani huo ndio wakati unaofaa?

Nitajuaje kama mawazo yanayokubaliana na hili sio mawazo yangu tu

na mawazo dhidi yake si mashambulizi kutoka kwa adui

lakini ni kweli Mungu ananiambia anataka nifanye hivi, kwamba huu ndio wakati mwafaka?

Kazi ya Mungu si suala la ustahili wa kibinadamu.

Yesu alipomwagiza Petro katika Yohana 21,

Hakumuuliza ikiwa alikuwa mwalimu wa Biblia anayestahili au msemaji mwenye kipawa.

Alimuuliza swali, 'Je, wanipenda Mimi?'

Ni upendo wetu kwa Kristo ambao ndio msingi wa huduma yenye ufanisi.

Ikiwa unatunza uhusiano wako na Mungu na Yeye amekuita kwenye huduma,

matukio yatatokea nje ya uwezo wako ambayo yatakusukuma kwenye wito wako.

Haitakuwa swali la 'Sina hakika, ni mawazo yangu au ni mawazo ya Mungu?'

Itakuwa ni ishara isiyoweza kufahamika na mwanadamu.

Kwa hiyo, unachopaswa kukizingatia wewe ni - upendo wangu kwa Yesu.

Hilo ndilo jambo muhimu zaidi.

Ili kumfanyia Yesu mambo makuu, ni lazima uwe na upendo mkuu kwa Yesu.

Asante.

Kwa hiyo, ndugu yangu, endelea.

Jina langu ni Fernando na nina umri wa miaka 18.

Swali langu ni je vijana tufanye nini kwa ajili ya moto wa Mungu

na hamu ya kumtumikia ili isizimishwe katika maisha yetu?

Kwa hiyo, nikuulize ndugu. Unafikiri ni nini kinachozima moto wa Mungu?

Dhambi.

Sawa, umetoa jibu.

Hakuna aliye mkamilifu hapa.

Sisi sote hufanya makosa.

Lakini kuna tofauti kati ya kufanya makosa katika kutafuta kusudi

na kutenda dhambi kwa kutafuta kujiridhisha.

Je, ni ushahidi gani kwamba Roho Mtakatifu anatawala mioyo yetu?

Ni pale tunapofanya makosa na kuhukumiwa kuwa na dhambi.

'Mungu, samahani! Sitaki kufanya lolote kuvunja uhusiano wangu na Wewe.'

Unakimbilia kwa Mungu kwa toba - Na Yeye anakurejesha, na moto hauzimiki.

Lakini jichinguze.

Ikiwa utafanya vibaya na jibu lako la kwanza

ni kutoa visingizio, kujihesabia haki,

inaonyesha Roho wa Mungu hatawali moyo wako.

Roho Mtakatifu husukuma dhamiri zetu kutubu.

Lakini ikiwa unahalalisha kosa lako kwa ndani, unaondoa hitaji la toba.

Wakati huo, moto unazimwa.

Kwa sababu Roho wa Mungu hawezi kushiriki moyo unaotawaliwa na dhambi.

Ninaweza tu kukupa mfano rahisi sana.

Wengi wetu hapa huja kwenye tukio kama hili

na kusema, Moto wa Roho Mtakatifu, unianguke!

Lakini bado tunahifadhi kutokusamehe mtu fulani.

Roho Mtakatifu hawezi kushiriki moyo wa kutosamehe.

Kwa sababu, katika kesi ya kosa, ni kwa sababu mtu amekukosea,

ni rahisi kwako kujisikia haki ya kukataa kusamehe.

Unaweza kujisikia kuwa na haki mbele ya mwanadamu, lakini mbele za Mungu huna haki ya kushikilia kosa.

Kwa sababu Yesu alikufa Msalabani na kusema, 'Baba, uwasamehe.'

Ikiwa hakutunyima msamaha,

sisi ni nani hata kumnyima mtu msamaha?

Ninakupa mfano mmoja tu wa mambo yanayoweza kuzima moto wa Roho Mtakatifu.

Moyo uliojaa machukizo.

Kwa hiyo, asante kwa swali, ndugu.

Habari za mchana. Baraka, kanisa! Jina langu ni Gema. Ninatoka Mayabeque.

Hili ni swali langu.

Umekuwa ukizungumza sana kuhusu tabia, Neno la Mungu na ushirika na Baba yetu.

Tunawezaje kujua katika maisha yetu ikiwa tuna wito au karama ya kudhihirisha utukufu wa Mungu

kutoa na kubadilisha maisha kwa kiwango kile kile tulichokuona ukifanya kati yetu jana?

Neno la Mungu huakisi tabia yake.

Linapokuja suala la mhusika, hakuna njia za mkato.

Maisha haya ni marathon, sio mbio.

Nitamnukuu Nabii TB Joshua. Alisema, "Lazima tuthamini usindikaji zaidi kuliko matokeo."

Usindikaji hujenga tabia.

Badala ya kuzingatia moto, zingatia mafuta.

Moto ni zawadi; mafuta ni tabia.

Kwa hivyo, zingatia zaidi mafuta,

ambayo inahusiana na uhusiano wako na Mungu.

Kwa sababu sio tu kupata mahali fulani au kufanikisha jambo fulani.

Ni juu ya kuitunza hadi mwisho.

Ushahidi wa ukweli ni uthabiti.