Sovaiži voi vīnkuorši cytaiduok?

Irā pasacīņs — „sevkura vāza ar div goli”, i 2 mynotūs Dereks Saiverss nagaidomā pajiemīnī tev daruodeis, kai tei tīšom irā taisneiba.

Tai, aizguodojītis, kai stuovot nazkur Amerikā iz ūļneicas,

i pī jiusim daīt japanīts i prosa:

„Atlaidit, kai sauc itū kvartalu?”

Jius atsaceijat: „Atlaidit. Nu, itei ir Oukstrita, tei ir Elmstrita.

Tei ir 26. sāta, tei — 27.”

„Lobi,” jis atsacej, „a kai sauc itū kvartalu?”

I jius atsokat: „Nu, kvartalim nav pasauku.

Pasaukys irā ūļneicom; kvartali irā tik

vītys bez pasaukom iz vyds ūļneicu.”

Jis nūīt drupeit sasadūrstejs i apsamuonejs.

Tān aizsaguodojte, kai stuovat iz ūļneicas nazkur Japanejā,

jius pasagrīžat pret sūpluok byunūšū cylvāku i vaicojat:

„Atlaidit, kai sauc itū ūļneicu?”

Jis atsoka: „Nu, itys irā 17. kvartals, itys — 16. kvartals.”

I jius atsokat: „Lobi, i kai sauc itū ūļneicu?”

I jis atsoka: „Nu, ūļneicīm nav pasauku.

Pasaukys irā kvartalim.

Pasaverit Google Maps. Vei, 14.,15., 16., 17., 18., 19. kvartals.

Vysim kvartalim irā pasaukys.

Ūļneicys irā tik vītys bez pasauku vydā kvartalu.

I tod jius vaicojat: „Lobi, a kai tod jius zynit sovu sātys adresi?”

„Parostai,” jis atsoka, „itys ir ostoitais kvartals.

Es dzeivoju 17. kvartalā, sātā numer vīns.”

„Lobi,” jius sokat, „a, staiguojout pa apvydu,

es ītiemieju, ka sātu numeri nav saksteigi.”

Jis atsoka: „Skaidrys, ka irā. Tuos ir numereitys piec tū pastateišonys saksteibys.

Pyrmuo kvartalā pastateituo sāta ir sāta numer vīns.

Ūtrei pastateituo sāta ir sāta numer div.

Trešuo ir sāta numer treis. Vīgli! Logiski!”

Deļtuo maņ pateik, kai šaļtim myusim

irā juosalaiž iz ūtru pasauļa molu,

kab atmaneitu paļuovumys, kurus mes agruok nazynuojam

i atmaneitu, kai taipoš i preteimeiba var byut pareiza.

Tai, pīvadumam, Kinejā uorsti skaita,

kai jūs dorbs irā ryupētīs, kab tu byutu vasals.

Deļtuo sevkuru mienesi, kuru asat vasals, jius jim moksuojot,

i, kod asat navasals, jiusim navajag jīm moksuot, deļtam ka jī nav parādiski darejuši

sovu dorbu. Jī tīk bogotuoki, kod jius asat vasali, a na navasali.

(Plaukšīni)

Leluokajā daļā muzykys mes skaitom „vīns”

kai pyrmū sitīni, muzykalys frazys suokys. Vīns, div, treis, četri.

Tok Vokoru Afrikys muzykā „vīns”

teik skaiteits par frazys beigom,

taipoš kai punkts sacejuma golā.

Tū var dzierdēt na tik frazejumā, bet taipoš i tymā, kai jī skaita ritmu.

Div, treis, četri, vīns.

Taipoš i itei karta ir pareiza.

(Smīklys)

Irā pasacīņs, ka, vysleidz kaidu pareizu lītu jius pasaceitu par Indeju,

taipat i pretemeiba byus patīseiga.

Deļtuo naaizmierssim, vysvīns, voi TED voi vysur cytur,

ka, vysleidza kaidys genialys idejis ir jyusim voi cytim,

taipat i preteimeiba var byut patīseiga.

Lels jiusim paļdis!