Դերեկ Սիվերես՝ Տարօրինա՞կ, թե պարզապես տարբեր

<<Ամեն ինչ իր հակառակ կողմն էլ ունի>> այսպիսի մի ասացվածք կա ու Դերեկ Սիվերեսը մի երկու րոպեում ապացուցում է դրա ճշտությունը շատ անսպասելի եղանակներով:

Այսպիսով պատկերացրեք, դուք կանգնած եք Ամերիկայում ինչ որ մի փողոցում

ու մի ճապոնացի մոտենում է ձեզ եւ հարցնում.

-Ներեցեք, կարող եք ասել ինչ է այս շենքերի զանգվածի անունը:

Դուք երեւի կպատասխանեք. <<Կներեք ինչ ի նկատի ունեք: Սա Օակ փողոցն է, այն Ելմ փողոցն է:

Սա համար 26 շենքն է, այն 27 շենքն է >>:

Նա կասի . <<Բարի, բայց ինչ է զանգվածի անունը >>:

Դուք կասեք. <<Բայց զանգվածները անուներ չունեն:

Սովորաբար փողոցներն են անուններ ունենում, իսկ զանգվածները, դրանց միջեւ ընկած

տարածություններն են, որոնք անվանումներ չեն ունենում >>:

Նա երեւի կհեռանա մի քիչ շփոթված եւ հիասթափված:

Այսպես, հիմա պատկերացրեք, դուք եք կանգնած Ճապոնիայում ինչ որ մի տեղ,

եւ շրջվելով դեպի ձեր կողքին կանգնած մարդուն հարցնում եք.

<<Ներեցեք, կարող եք ասել ինչ է այս փողոցի անունը>>:

Նրանք կպատասխանեն. << Դա 17-րդ զանգվածն է, իսկ սա 16-ը>>

Եվ դուք կասեք. <<Լավ, բայց ինչ է փողոցի անունը>>:

Նրանք կպատասխանեն. <<Բայց փողոցներն անուններ չունեն:

Զանգվածներն են, որ անուններ ունեն:

Հապա նայեք Google Map-ը: Սա զանգված 14-ն է, 15, 16, 17, 18, 19:

Բոլոր այս զանգվածներն անուններ ունեն:

Փողոցները դրանց միջեւ ընկած տարածություններն են, որոնք անվանումներ չեն ունենում >>:

Դուք էլ կհարցնեք. <<Լավ իսկ որն է ձեր տան հասցեն>>:

Նա էլ կպատասխանի. <<Սա 8-րդ շրջանն է,

17-րդ զանգված, տուն համար մեկ>>

Դուք կասեք. <<Լավ, բայց այս տարածքում քայլելիս

ես նկատեցի, որ համարները հաջորդականությամբ չեն նշված>>:

Նրանք կպատասխանեն. <<Չէ այդպես չէ: Նրանք այն հաջորդականությամբ են նշված, ըստ որի կառուցվել են:

Այն տունը, որը առաջինն է կառուցվել է այս զանգվածում համար մեկն է:

Այն տունը, որը երկրորդն է կառուցվել համար երկուսն է:

Երրորդ կառուցվածը երեքն է: Դա շատ հեշտ է հիշել: Չէ որ դա ակնհայտ է>>:

Այսպիսով, ուզում եմ ասել, որ երբեմն մենք պետք է

գնանք աշխարհի մյուս ծայրը,

որպիսի ընդունենք այն ենթադրությունները, որոնք չենք էլ ունեցել

եւ հասկանանք, որ դրանց հակառակն էլ միանգամայն ճշմարիտ կարող է լինել:

Օրինակ, Չինաստանում բժիշկներ կան,

որոնք հավատացած են, թե իրենց գործը ձեզ առողջ պահելն է:

Եվ ամեն ամիս, եթե դուք առողջ եք, դուք վճարում եք նրանց,

եվ երբ հիվանդ եք ապա, չեք վճարում, քանի որ նրանք իրենց գործը վատ են կատարել:

Նրանք հարստանում են, երբ դուք առողջ եք, եւ ոչ թե հիվանդ:

/Ծափահարություններ/

Շատ երկրներում 1-ը համարվում է

երաժշտական ռիթմի սկիզբը: Մեկ, երկու, երեք, չորս:

Իսկ Արեւմտյան Աֆրիկայում 1-ը

համարվում է երաժշտական ռիթմի վերջը,

ինչպես օրինակ վերջակետը նախադասության վերջում:

Դա կարելի է լսել ոչ միայն արտահայտությունների մեջ, այլ նաեւ թե ինչպես են նրանք հաշվում երաժշտական ռիթմը:

Երկու, երեք, չորս, մեկ:

Եւ այս քարտեզն էլ նմանապես ճշգրիտ է:

/Ծիծաղ/

Մի ասացվածք կա, որ Հնդկաստանի մասին ինչ ճշմարտություն էլ որ ասես

ապա դրա հակառակն էլ է ճշմարիտ:

Ուրեմն եկեք երբեք չմոռանաք, որ անկախ TED- ում կլինենք, թե մեկ ուրիշ տեղ,

ինչ հիանալի գաղափար էլ ունենաք կամ լսեք հիշեք,

որ դրա հակառակն էլ կարող է ճշմարիտ լինել:

Domo arigato gozaimashita.