Derek Sivers: Kuyaw ra, o lahi ra gyud?

"Naay baligtad ang tanan," matod pa nila, og sa sulod sa 2 minutes, gipasundayag ni Derek Sivers nga tinuod diay ni, diha sa mga butang nga wala ta magdahum.

Kuntahay nga nagtindog ka sa usa ka dalan sa Amerika

og niduol ang usa ka Japanese og nangutana,

"Excuse me, unsay ngalan aning block?"

Og nitubag ka, "Ay, pasayloa ko. Mao kini ang Oak Street, og kana ang Elm Street.

Kani ang 26th, og kana ang 27th."

Ingon na pod siya, "Ah okay. Kanang block, unsay ngalan ana?"

Motubag pod ka, "Ay, walay ngalan ang mga blocks."

Naay ngalan ang mga dalan; kanang blocks kay

mga lote ra na sila nga naa sa tunga sa mga dalan."

Nihawa dayon siya, morag wala nalipay og nalibug hinuon.

Karon, kuntahay nga nagtindog ka sa usa ka dalan didto sa Japan,

niduol ka sa usa ka tawo og nangutana,

"Excuse me, unsay ngalan aning dalana?"

Muingon siya, "Ah, kana kay block 17 og kana kay block 16."

Moingon pod ka, "Okay, apan unsay ngalan anang dalana?"

Motobag pod siya, "Ah, walay ngalan ang mga dalan.

Naay ngalan ang mga blocks.

Tan-awa ning Google Maps. Kana ang block 14, 15, 16, 17, 18, 19.

Kaning tanan nga blocks naay ngalan.

Kanang mga dalan kay mga bakanteng agi-anan sa tunga sa mga blocks.

Og mangutana na pod ka, "Okay, unsaon man nimo pagkahibalo sa address sa balay?"

Moingon siya, "Ah, dali ra, kani ang District Eight.

Kana ang block 17, pinakaunang balay."

Moingon ka, "Okay. Nituyok-tuyok ko sa palibot diri,

morag dili man sunod-sunod ang mga numbers sa balay."

Ingon pod siya, "Sunod-sunod oy. Ginaapod-apod ang number sa kung kinsay naunang magtukod.

Ang pinakaunang balay nga gitukod sa block kay ang number one.

Ang ikaduha nga balay nga gitukod kay ang number two.

Ang ikatulo kay number three. Dali ra god. Obvious baya."

Busa, usahay didto pa nato mahibal-an

sa pikas bahin sa kalibutan

aron masayod ta sa mga butang nga abi natog wala ra,

og maingon nga ang baligtad ana nila kay tinuod pod.

Naay mga doktor sa China

nga mituo nga ang ilang trabaho kay himuon ka nilang baskog pirminti.

Busa, magbayad ka sa ila sa mga bulan nga limsog imong pamati,

apan kung naa kay sakit dili ka magabayad kay wala nila nahimo

ang ilang trabaho. Modato sila kon himsog ka, dili kon naay kay sakit.

(Gipalakpakan)

Sa kadaghanan nga music ang "usa"

kay ang downbeat, ang maoy sugod sa musical phrase. Usa, duha tulo upat.

Pero sa West African music ang "usa"

maoy tumoy sa phrase,

nga morag period sa tumoy sa sentence.

Busa, madungog nimo dili lang kay phrasing, apil pod ang pag-ihap nila sa music.

Duha, tulo, upat, isa.

Og kaning mapa kay sigo ra pod.

(Ningkatawa tanan)

Naay ginaingon nga sa India kung unsa man ang tinuod,

ang baligtad kay tinuod pod.

Busa, dili unta nato kalimtan, sa TED o sa bisag asa pa,

nga tanang kuyaw nga butang na atong makita o madungog,

basin tinuod pod ang iyang baligtad.

Daghang salamat sa inyo nga tanan.