Зошто родовата еднаквост е добра работа за сите-вклучително и за мажите.

Да, сите знаеме дека тоа е исправно. Но, Мајк Кимел, на практичен и забавен начин зборува за еднаквост на улогите на мажите и жените во домот и на работните места. За него тоа не е игра во која само еден победува туку игра во која двете страни се победници и која на сите им дава повеќе можности и поголема среќа.

Овде сум за да регрутирам мажи да ја
поддржат родовата еднаквост.

(Овации)

Чекајте, чекајте. Што?

Што имаат мажите со родовата еднаквост?

Родовата еднаквост е за жените, нели?

Зборот род е за жените, така?

Всушност, еве ме како зборувам како
белец од средната класа.

Не бев секогаш белец од средната класа.

Тоа се случи пред 30-ина години
кога бев на факултет

и еден ден се
собравме група студенти

и заклучивме дека
многу се

пишува и размислува во
рамки на феминистичката теорија,

но сеуште нема предмет.

Го направивме она што обично го прават
студенти во вакви ситуации.

Рековме, ајде ќе направиме студиска група.

Ќе прочитаме текст, ќе расправаме

и ќе правиме заедничка вечера.

(Смеа)

Така, секоја недела 11 жени и јас
се собиравме.

(Смеа)

Читавме текстови од феминистички
теории и разговаравме.

За време на една наша дискусија,

бев сведок на една интеракција која
ми го смени животот засекогаш.

Тоа беше разговор помеѓу две жени.

Едната беше бела а другата црна.

Белата жена рече:

ова ќе звучи многу анахроно сега-

таа рече: „Сите жени го чувствувуваат
истото угнетување како жени.

Сите жени се наоѓаат во слична
ситуација во патријархатот

и затоа имаат некоја интуитивна
солидарност или сестринство.

Црната жена на тоа рече:„Не сум сигурна.

Да те прашам нешто.“

Црната жена ѝ рече на белата жена:

„Кога се будиш наутро
и се гледаш во огледало,

што гледаш?“

Белат жена одговори: „Гледам жена.“

Црната жена рече:„ Ете, тоа е мојот
проблем.

Затоа што кога се будам наутро
и се гледам во огледало,

јас гледам цркиња.

За мене расата е видлива.
За вас е невидлива. Вие не ја гледате.

Потоа рече нешто навистина изненадувачко.

Рече:` Така фунционира привилегијата.

Привилегијата е невидлива
за оние кои ја имаат.

Им зборувам на белците
во оваа просторија-тоа е луксуз,

да не мораш да мислиш на расата
секоја секунда од животот.

Привилегијата е невидлива
за тие што ја имаат.

Значи јас бев единствениот маж во групата,

и кога го дожиеав ова, реков:„ Ах, не“.

(Смеа)

И некој рече:„Зошто таква реакција?“

Реков: Па, кога се будам наутро
и се гледам во огледало,

гледам човечко суштество.

Јас сум еден вид на обична личност.

Припаѓам на средната класа белци.
Немам раса, ниту класа, ниту род.

Јас сум универзално генерализиран.

(Смеа)

Мислам дека тој беше мигот кога станав
белец од средна класа,

таа класа, родот и расата
не се однесуваа на другите луѓе,

тие на мене.

Морав да почнам да размислувам за нив,

и токму заради привилегијата
не можев да ги видам дотогаш.

Посакувам приказнава да
завршеше пред 30 години

во таа мала група за дискусии,

но неодамна се потсетив на неа
на универзитетот каде предавам.

Имам колешка со која предаваме
социологија на родовите

во различни семестри.

Таа е предавач-гостин на моите предавање,

а јас исто на нејзините предавања.

Еден ден влегувам на нејзиниот
час да одржам предавање

на околу 300 студенти,

и како што влегував еден од студентите
ме погледна и рече:

„Конечно објективно мислење.“

Цел семестар, кога и да изустеше
нешто мојата колешка,

студентите гледаа жена.

Ако на моите студенти им речевте:

„Постои структурална нееднаквост
на родова основа во САД“,

ќе речат: „ Се разбира дека така
ќе велите"

Жена сте и пристрасна сте. “

Кога јас го велам тоа, велат:„Интересно.

Ќе го имаме тоа на испитот?
Како се пишува `структурална`?

(Смеа)

Се надевам можете да видите

како изгледа објективноста.

(Смеа) (Аплауз)

Бестелесна западна рационалност.

(Смеа)

Тоа е причината што мажите
често носат кравата.

(Смеа)

Зашто ако сакате да ја отелотворите
бестелесната западна рационалност,

ќе ви треба знак,

а има ли подобар знак за бестелесната
западна рационалност

од облека која на еднот крај има јазол
а со другиот е насочена кон гениталиите?

(Смеа) (Аплауз)

Тоа е дуализам помеѓу умот и телото.

Да се направи родот видлив за мажите

е првиот чекор кон вклучување на мажите
во поддршка на родовата еднаквост.

Кога маж првпат ќе чуе за
родова еднаквост,

кога ќе почне да размислува за тоа,

најчесто мисли, повеќето мислат,

тоа е во ред, тоа е фер,

тоа е етички императив.

Но не сите мажи.

Некои мажи мислат-ќе им светне сијалицата,

и ќе речат: „Господе, да,
родова еднаквост,“

и веднаш ќе почнат погрешно
да го толкуваат притисокот.

За нив заложбата за родова еднаквост
е слична на коњаница,

„Благодариме што ни
укажавте на проблемот дами,

од овде ние преземаме. “

Ова резултира во синдром кој го нарекувам
`преурането само-честитање`.

(Смеа) (Аплауз)

Има и друга група која активно се противи
на родовата еднаквост,

и сметаат дека тоа е штетно
за машкиот род.

Бев во една ТВ емисија наспроти
четворица бели мажи.

Ова е почетокот на книгата што ја напишав
„ Лути бели мажи“.

Овие беа четворица лути бели мажи

кои веруваа дека белите мажи во Америка

се жртви на спротивната дискриминација
на работните места.

Сите раскажуваа како тие се квалификувани
за работа,

за унапредувања,

кои не ги добиле, беа навистина лути.

Причината зашто ви го кажувам ова
е насловот

на оваа емисија.

Насловот беше цитат од еден од мажите,

и гласеше вака:

`Една црнкиња ми ја украде работата.“

Сите ја раскажаа својата приказна,

квалификувани за работа, за унапредувања,

не ги добија, лути се.

Тогаш ми дојде мене редот да зборувам

и реков: „Имам само едно
прашање за вас момци,

а тоа е за насловот на емисијата,

„Една цркиња ми ја украде работата“.

Всушност за еден збор во насловот.

Сакам да знам за зборот „мојата“

Од каде идејата дека таа е вашата работа?

Зошто насловот не е
„Една цркиња ја доби работата“?

или `Црнкиња доби работа“

Мажите имаат чувство дека работите
ним природно им припаѓаат, на кое треба

да му се спротивставиме доколку сакаме

да разбереме зошто толку многу мажи
се противат на родовата еднаквост.

(Аплауз)

Погледнете, ние мислиме дека
вака изгледа рамно игралиште,

и кога некој закон барем малку
ќе го израмни,

мислиме „Леле, реката тече
нагоре.

Тоа е обратна дискриминација кон нас.“

(Смеа)

Да бидам појасен:

белите мажи во Европа и САД

се корисници на најголемата афирмативна
акциона програма

во историјата на светот,

која се вика „ Историја на светот“.

(Смеа) (Аплауз)

Утврдив неколку пречки
за вклучување на мажите во ова,

но зошто да ја поддржуваме
родовата еднаквост?

Се разбира, таа е фер, исправна
и праведна.

Но повеќе од тоа,

родовата еднаквост е во интерес и на нас
мажите.

Ако ги слушате мажите што сакаат
во нивните животи

родовата еднаквост е токму начинот
на кој сакаме да живееме.

Родовата еднаквост е добра за државите.

Се гледа од повеќе студии,

дека земјите каде родовата еднаквост
е најзастапена

се оние земји кои се на врвот на скалата
на среќни луѓе.

Тоа не е само затоа што се во Европа.

(Смеа)

Дури и во Европа земјите со најзастапена
родова еднаквост

се на највисокото ниво на скалата
на среќни луѓе.

Еднаквоста е добра и за компаниите.

Истражувањата на Каталист и многу други
покажуваат

колку повеќе родова еднаквост
има во компаниите

толку подобро е за работниците,

многу посреќни се вработените.

Работниците поретко даваат отказ
и имаат помали загуби.

Полесно вработуваат нови сили.

Имаат повисок профит
поголема сатисфакција,

повисоки стапки на продуктивност.

Во компаниите најчесто ме прашуваат:

„Боже, оваа работа со родовата еднаквост
ќе биде скапа, нели?“

Јас им велам:„Не, всушност треба
да почнете да сметате

колку веќе ве чини родовата нееднаквост.

Таа е екстремно скапа.“

Значи, за бизнисот таа е добра.

Другата работа е тоа што
таа е добра за мажите.

Добра е за да го живееме животот
кој го сакаме,

зашто помладите мажи значително
се изменија

и сакаат да имаат живот кој е исполнет

со прекрасни врски со нивните деца.

Тие очекуваат нивните партнерки,
сопруги, жени

да работат надвор од домот

и да се посветени на нивните
кариери како нив.

Ви зборував за да ви прикажам
дел од оваа промена.

Некои од вас можеби го паметат ова.

Кога бев многу помлад имаше
една гатанка што ни ја поставуваа.

Некои можеби ќе се наежат
кога ќе ја чујат.

Гатанката гласи вака:

Еден маж и неговиот син
се возат на автопат,

им се случува ужасна несреќа,

таткото умира,

а синот го носат во болница,
во операциона сала

и кога го внесуваат во салата

хирургот го погледнува момчето и вели:

„Не можам да го оперирам, тој ми е син.“

Како е можно тоа?

Бевме многу збунети.

Не се досетивме.

(Смеа)

Одлучив да направам мал експеримет
со мојот 16 годишен син.

Тој има многу пријатели кои
често се кај нас

и гледаат спорт на ТВ.

Решив да им ја кажам загатката

за да видам колку се промениле нештата.

16 годишни момчиња,

веднаш се свртија кон мене велејќи:
Тоа е неговата мајка, нели?“

Без проблеми, само тоа.

Освен син ми кој рече:
„ Може имал двајца татковци.“

(Смеа) (Аплауз)

Тоа е показател како нештата се промениле.

Мажите денес сакаат да балансираат
меѓу работата и семејството.

Тие сакаат двојни кариери,
двојни грижи околу децата.

Сакаат заедно да балансираат
со своите партнерки.

Сакаат да бидат посветени татковци.

Изгледа дека

колку повеќе еднаквост има во врските

толку се посреќни двајцата партнери.

Податоците на психолозите и социолозите
упатуваат на тоа.

Имаме убедлив докази кои
им покажуваат на мажите дека

од родовата еднаквост
корист имаат сите.

Еве што покажуваат резултатите.

Сега кога мажите започнаа да балансираат

меѓу работата и семејството,

најчесто употребуваме две фрази
за она што го работиме.

Придонесуваме и помагаме.

(Смеа)

Ќе предложам нешто порадикално,

еден збор „споделуваме“.

(Смеа)

Бидејќи еве ги податоците:

кога мажите се грижат за домот и децата

децата се подобри на училиште.

Тие деца поретко отсуствуваат,

и имаат подобар успех.

Поретко имаат хиперкинетичко нарушување.

Поретко мора да посетуваат
детски психијатар.

Поретко примаат лекарства.

Кога мажите учествуваат во грижата
за домот и децата,

нивните деца се поздрави и посреќни,

а мажите го сакаат тоа.

Кога мажите се грижат за домот и децата,

нивните жени се посреќни. Мислам.

Не само тоа, нивните жени се поздрави.

Нивните жени поретко бараат
советодавна помош,

поретко имаат депресија,

поретко земаат лекарства,
почесто одат во теретани,

и имаат поголемо задоволство
од бракот.

Ако мажите помагаат
околу домот и децата,

нивните жени се поздрави и посреќни,

и мажите ова навистина го посакуваат.

Ако мажите помагаат
околу домот и децата,

и мажите се поздрави.

Помалку пијат и пушат, поретко земаат
рекреативни дроги.

Поретко одат на лекар

но почесто прават рутински контроли.

Поретко бараат психијатриска помош,

поретко имаат депресија,

поретко земаат лекарства.

Кога мажите помагаат
околу домот и децата,

и мажите се посреќни и поздрави.

И кој не го посакува ова?

И на крај,

Ако мажите помагаат
околу домот и децата,

тие имаат почесто секс.

(Смеа)

Од сите овие четири чудесни откритија

кое мислите дека е на насловната страна
на списанието Менс Хелт?

(Смеа)

„Домашните обврски ја палат.

(Но не кога таа ги врши)“

(Смеа)

Сега ќе речам,

само да ги потсетам мажите во публиката,

овие податоци се собирани
во долг временски период,

и не би сакал слушателот да рече:

„Добро, вечер ќе ги измијам садовите.“

Податоците се собирани навистина
долго време.

Тие покажуваат нешто што е важно,

дека кога Менс Хелт го стави
на насловна страна

го нарече, ќе ви се допадне,
`домашна предигра`.

Значи, откривме нешто важно,

дека родовата еднаквост,

е во интерес на државата,

на компаниите и на мажите,

и нивните деца и партнерки

и родовата еднаквост е добра за сите.

Нема победници и губитници.

Таа е игра во кој секој победува.

Истотака знаеме,

дека не можеме целосно
да ги еманципираме жените

ако не ги вклучиме и мажите.

Го знаеме тоа.

Мојот став е

на мажите им се потребни токму оние нешта
кои жените ги препознале

и кои им се потребни да го живеат
животот кој го посакуваат

за да го живеат животот
кој и ние го посакуваме.

Во 1915 г. вечерта, пред најголемите
демонстрации за женски права

на 5-та Авенија во Њујорк,

напишана е статија во весник

со наслов:

„Феминизам за мажи“.

Ова е првиот ред на статијата:

„Феминизмот ќе овозможи за првпат
мажите да бидат слободни.“

Ви благодарам!

(Аплауз)