12 настай апп хөгжүүлэгч

Ихэнх 12 настай хүүхдүүд видео тоглоом тоглох дуртай байдаг. Харин Томас Саурез нь хэрхэн тэдгээрийг бүтээхийг өөртөө заасан юм. Нүхнээс гарсан амьтанг цохиураар цохидог тоглоом шиг "Бастин Жибер" гэх апп-уудыг хөгжүүлсний дараа одоогоор сурсан мэдлэгээ ашиглан бусад хүүхдүүдэд хөгжүүлэгч болоход нь Томас тусалж байна.

Би үргэлж л компьютер болон технологийг
бишрэн шүтдэг байсан.

Тэгээд би iPhone, iPod Touch,
iPad-д зориулан

хэдэн аппликейшн хийсэн.

Өнөөдөр та бүхэнд хэдийг нь
сонирхуулъя гэж бодлоо.

Миний анхны апп бол

таны ирээдүй ямар байхаас шалтгаалж
өөр өөр өнгөтэй дэлхийг харуулдаг

Дэлхийн хувь тавилан нэртэй
ирээдүйг зөгнөгч апп байсан юм.

Миний хамгийн дуртай бөгөөд
хамгийн амжилт олсон апп бол

Бастин Жибэр
(Инээд)

Энэ нь Жастин Бибэрийг цохих
тоглоом байсан юм.

Үүнийг хийсэн шалтгаан бол

манай сургуульд олон хүн
Жастин Бибэрийг үзэн яддаг байсан юм.

Тиймээс би үүнийг хийхээр шийдсэн.

Тэгээд би үүнийг програмчлах
ажилдаа орсон.

Тэгээд 2010 оны амралтаас өмнө гаргасан.

Олон хүн надаас
чи үүнийг яаж хийв ээ гэж асуудаг.

Ихэнх тохиолдолд ийм асуулт
асуудаг хүн

өөрөө апп хийх сонирхолтой байдаг.

Өнөө цагт олон хүүхэд
тоглоом тоглох дуртай болсон.

Гэвч одоо тэд үүнийг хийхийг хүсч байна.

Мэдээж хэцүү.

Учир нь тийм ч олон хүүхэд

програм зохиох аргыг
хаанаас сурахаа мэддэггүй.

Хөлбөмбөг тоглож суръя гэвэл
хөлбөмбөгийн баг руу очно.

Хийл тогломоор байвал
хийлийн хичээлд сууна.

Харин апп зохионо гэвэл яах вэ?

Зарим эцэг эхчүүд багадаа

эдгээр зүйлсийг хийж үзсэн
байх л даа.

Гэвч тийм ч их эцэг эх
апп бичиж байгаагүй байх аа. (Инээд)

Чи апп зохиомоор байвал
хаашаа очих ёстой вэ?

Тэгэхээр би үүний ингэж эхэлсэн.

Юун түрүүнд би
олон програмын хэлнүүд дээр

код бичиж тэдгээр хэлүүдийг сурсан.

Жишээлбэл Пайтон, Си, Жава гэх мэт.

Тэр үед Apple компани
iPhone-г гаргасан.

iPhone-ы програм хангамж
хөгжүүлэх хэрэгсэл

мөн програм хөгжүүлэх бусад хэрэгслийн
тусламжтайгаар

iPhone-д апп зохиож мөн програмчлах
боломжтой болсон.

Энэ нээлт нь надад боломжоор дүүрэн
шинэ ертөнцийг нээж өгсөн.

Програм хөгжүүлэх хэрэгслийг
нилээд оролдсоны эцэст

би нилээн хэдэн апп болон
зарим нэг туршилтын апп хийсэн.

Тэдгээрийн нэг нь Дэлхийн хувь тавилан
байсан бөгөөд

App Store-д тавихад бэлэн болсон байсан.

Мөн би аав, ээжээрээ App Store-д
апп тавихад шаарддаг

99 долларын төлбөрийг төлүүлэхээр ятгасан.

Тэд зөвшөөрч, би App Store-д
өөрийн апп-ыг байршуулсан.

Би маш их сонирхол болон урам зоригийг

гэр бүлийнхэн, найзуудаасаа, багш нар

тэр ч байтугай
Apple Store-ийнхнаас авч байсан.

Энэ нь надад том дэмжлэг
болж байсан.

Би Стив Жобсоос маш их урам авч

сургуульдаа апп клуб нээсэн.

Багш нар ч үүнийг
дэмжих хандлагатай байсан.

Сургуулийн ямар ч хүүхдэд нээлттэй бөгөөд

тэнд тэд нар хэрхэн
апп зохиохыг сурах болно.

Энд би өөрийн туршлагыг
бусдад хувааж чадна.

Зарим дүүрэгт

iPad-н туршилтын хөтөлбөр байдаг.

Надад түүний нэг хэсэг болох
аз тохиосон юм.

Тэнд байсан нэг том сорилт бол
iPad хэрхэн хэрэглэгдэх болон

iPad дээр ямар апп-ууд зохиох вэ
гэсэн асуулт байлаа.

Тэгээд бид сургуулийн багш нараас

ямар төрлийн апп таалагддаг эсэхийг
судалсан юм.

Бид апп-аа дотоодын дүүргүүд үнэгүй,

харин гадны дүүргүүдэд үнэтэй зарж

тэндээс олсон бүх мөнгөөрөө

дотоодын боловсролын санд өгөх болно.

Одоо цагт шавь нар нь багш нараасаа

илүү технологи мэддэг болжээ. (Инээд)

Тэгээд... (Инээд)

Уучлаарай. (Инээд)

Энэ нь багш нар болон
сурган хүмүүжүүлэгч нарт

эдгээр нөөцийг танин мэдэх,
зөвөөр ашиглах шаардлагатайг ойлгуулсан.

Би ирээдүйд юу хийх гэж байгаагаа хэлж
өнөөдрийн яриагаа дуусгахыг хүслээ.

Юун түрүүнд би өшөө олон
апп болон тоглоом бүтээмээр байна.

Би гуравдагч талын компанитай хамтран
апп хийж байгаа.

Би андройд програм хөгжүүлэлт рүү
ормоор байна.

Мөн би апп клубээ үргэлжлүүлж

хүүхдүүдэд мэдсэнээ бусдад түгээх
олон арга замыг хайж олмоор байна.

Баярлалаа. (Алга ташилт)