ویکیپیڈیا کی پیدائش

جمی ویلز یاد کرتا ہے کہ کیسے اُس نے عام اور کمپیوٹر سے بے بہرہ رضاکاروں کو آلات دیئے تاکہ وہ باہمی تعاون کر سکیں اور وکیپیڈیا معرضِ وجود میں آ گیا، ایک خود منتظمی، خود تصحیحی اور نہ ختم ہونے والی آن لائن دائرۃ المعارف (انسائکلوپیڈیا)

چارلس وین ڈورن جو کہ بعد میں بریٹانیکا کا
مدیر اعلی بھی رہا نے کہا تھا

مثالی انسائکلوپیڈیا بے باک ہونا چاہئے --

یعنی اسے غیر محتاط ہونا چاہئے۔

لیکن اگر آپ برٹانیکا کی 1962 کے بعد کی
تاریخ کے بارے کچھ جانتے ہوں،

تو وہ بالکل بھی بے باک نہیں ہے:

یعنی اب بھی بالکل محتاط اور
خشک قسم کا انسائکلوپیڈیا ہے۔

وکیپیڈیا نے دوسری جانب
انتہائی بیباکی کے ساتھ آغاز کیا،

اور ہم سب کو ایک ایسی دنیا کا تصور کرنا ہے

جس میں اس سیارے پر موجود ہر ایک فرد کو

مجموعہ انسانی علم تک مفت رسائی حاصل ہو۔

اور ہم یہی کر رہے ہیں۔

تو وکیپیڈیا پر --

آپ نے اسی کام کا چھوٹا سا
ایک مظاہرہ دیکھا --

یہ ایک مفت اور خود مختار دائرۃ المعارف ہے۔

اسے ہزاروں رضاکار لکھتے ہیں

پوری دنیا میں، بہت سی زبانوں میں۔

اور یہ وِکی سافٹ وئیر کو استعمال کر کے
لکھا جاتا ہے --

یہ اسطرح کا سافٹ وئیر ہے
جسکا مظاہرہ ابھی کیا گیا --

تو کوئی بھی فوری ترمیم کر کے
محفوظ کرسکتا ہے،

اور وہ فوراً ہی انٹرنیٹ پہ شائع ہوجاتا ہے۔

اور ویکیپیڈیا کا تمام انتظام
رضاکارعملہ چلاتا ہے۔

تو جب یوکھائے نظم کے نئے اطوار
کے بارے میں بات کر رہا ہے،

وہ ہو بہو ویکیپیڈیا کی وضاحت کر رہا ہے۔

اور آج میں آپ کو

مزید آگاہی دوں گا کہ حقیقت میں اس کا
اندرونی طریقہ کار ہے کیا۔

ویکیپیڈیا، اصل میں
ویکی میڈیا فاؤنڈیشن کی ملکیت ہے۔

جسے میں نے قائم کیا تھا،

جو ایک غیر منافع بخش ادارہ ہے۔

اور ہمارا مقصد،
وکی میڈیا فاؤنڈیشن کا بنیادی ہدف،

یہ ہے کہ کرہ ارض پہ ہر آدمی کو مفت
انسائکلوپیڈیا دیا جائے۔

اگر آپ سوچ رہے ہیں کہ اس سے کیا مراد ہے،

اس کا مطلب ایک شاندار ویب سائٹ
بنانے سے کہیں زیادہ ہے۔

ہم ڈیجیٹل رسائی سے محرومی کے تمام
امور میں دلچسپی رکھتے ہیں،

عالمی غربت،

ہر علاقے کے لوگوں کو اُنکی ضرورت کے علم
کے حصول میں خود مختار بنانا

تاکہ وہ بہتر فیصلے کریں۔

اور ہمیں اس کے لئے
بہت زیادہ کام کرنا ہو گا

جس میں انٹرنیٹ کے علاوہ بھی کام ہیں۔

جیسے ہم نے کیوں مواد کی فراہمی کے لیے
مفت اجازت کا طریقہ اختیار کیا،

اس لئے کہ مقامی استمعال کنندگان یا
کوئی بھی جو چاہتا ہو --

ہمارا مواد لے کر اس کے ساتھ
جو کرنا چاہیں کریں --

آپ اسے نقل اور تقسیم کرسکتے ہیں --

تجارتی و غیر تجارتی مقاصد کے طور پر۔

تو وکیپیڈیا کی وجہ سے
بہت سے مواقع پیدا ہوں گے

دنیا بھر میں۔

ہمیں عوام مالی عطیات دیتی ہے،

اور اس بارے میں ایک مزے کی بات یہ ہے کہ

حقیقت میں کتنی کم رقم سے
ویکیپیڈیا چلتا ہے۔

یوکھائے نے گراف سے آپ کو بتایا کہ
چھاپہ خانہ کی لاگت کیا ہوتی تھی۔

اور میں بتاؤں گا کہ
ویکیپیڈیا کی لاگت کتنی ہے۔

لیکن اس سے قبل بتاؤں گا کہ
یہ کتنا بڑا منصوبہ ہے۔

ہمارے پاس 6 لاکھ سے زائد
انگریزی مضامین ہیں۔

جبکہ بہت سی مختلف زبانوں میں
20 لاکھ مجوعی مضامین ہیں۔

ان میں سب سے بڑی زبانیں
جرمن، جاپانی، فرانسیسی ہیں --

تمام مغربی یورپی زبانیں کافی بڑی ہیں۔

جبکہ ہمارے ناظرین میں سے ایک تہائی

انگریزی ویکیپیڈیا پر جاتے ہیں،

جو بہت سوں کے لئے حیران کن ہے۔

بہت سے لوگوں کا گمان ہے کہ
انٹرنیٹ صرف انگریزی زبان میں ہے،

لیکن ہم، حقیقی معنوں میں عالمی ہیں۔

ہم بہت سی زبانوں میں کام کرتے ہیں۔

ہم کتنے مشہور ہیں --
ہم پہلی 50 ویب سائٹس میں ہیں

اور ہم نیو یارک ٹائمز اخبار سے
زیادہ مشہور ہیں۔

اب ہم یوکھائے کی بحث پر آتے ہیں۔

یہ رہی ویکیپیڈیا کی ترقی --
ہم نیلی سطر ہیں --

اور وہ نیو یارک ٹائمز اخبار ہے۔

اس کے بارے میں دلچسپ بات یہ ہے کہ

نیو یارک ٹائمز کی ویب سائٹ بہت بڑی ہے،
انہتائی بڑی کارپوریٹ سرگرمی

مجھے کوئی اندازہ نہیں کہ ان کے
کتنے سو ملازمین ہیں۔

جبکہ ہمارا صرف ایک ملازم ہے،

وہ ہے ہمارا سافٹ وئیر بنانے والا
مرکزی شخص۔

اور وہ فقط جنوری 2005 سے
ہمارے ساتھ کام کر رہا ہے،

جب ہم کافی ترقی کر چکے تھے ...

ہمارے کمپیوٹر سرور کو چلانے والے
عام رضاکار ہیں۔

تمام تر ترامیم بھی رضاکار ہی کرتے ہیں۔

اور جس طرح ہم کام کرتے ہیں

یہ عام رائج طریقہ کار سے مختلف ہے۔

لوگ ہمیشہ پوچھتے ہیں،
"اس شعبے کا ذمہ دار کون ہے؟"

اور "وہ کام کون کرتا ہے؟"

اور جواب ہوتا ہے: جو بھی یہ کرنا چاہے۔

یہ غیر معمولی اور افرا تفری والی چیز ہے۔

اب ہمارے 90 سے زائد کمپیوٹر سرور
3 جگہوں پہ ہیں۔

ان کا انتظام آن لائن
رضاکار ناظمین چلاتے ہیں۔

میں کبھی بھی دن یا رات میں
آن لائن ہو سکتا ہوں

اور مجھے 8 سے 10 لوگ میرے منتظر ملتے ہیں

کسی سوال کے جواب کے لئے، سرور کے متعلق۔

آپ کسی ادارے میں ایسا کرنے کے
متحمل نہیں ہو سکتے۔

کسی طرح بھی ممکن نہیں ہوتا

24 گھنٹے آن لائن منتظر عملہ حاصل کرنا

اور ویسا کرنا جیسا وکیپیڈیا کر رہا ہے۔

ماہانہ ہمیں 1.4 ارب مرتبہ دیکھا جاتا ہے،

یہ اب بہت بڑی چیزبن چکی ہے۔

سب کچھ رضاکار ہی چلاتے ہیں۔

ہماری بینڈوڈتھ کی ماہانہ مجموعی لاگت
تقریباً 5 ہزار ڈالر ہے۔

اور یہی ہمارا بڑا خرچہ ہے۔

ہم اسے ملازم کے بغیر چلا سکتے ہیں۔

ہم نے برائن کی خدمات اس لئے حاصل کیں کہ
وہ دو سال تک اپنا جُز وقتی کام کرتا رہا

اور کل وقتی وکیپیڈیا کے لئے،

تو ہم نے اسے رکھ لیا،

تاکہ وہ اپنی زندگی جی سکے اور
کبھی فلمیں دیکھنے جا سکے۔

اصل سوال یہ ہے کہ اتنا بڑا بے ترتیب ادارہ

آخر بیکار کیوں نہیں؟

یہ ویب سائٹ اتنا اچھی کیسے ہے؟

اولاً، کتنی اچھی ویب سائٹ ہے یہ؟

یہ کافی اچھی ویب سائٹ ہے۔

یہ بے عیب نہیں ہے،

لیکن آپ کی امید سے کافی بہتر ہے،

ہمارے بے ترتیب ڈھانچے کو مدنظر رکھتے ہوئے۔

تو جب آپ نے اسے دیکھا میرے صفحے پر
مضحکہ خیز ترمیم کرتے ہوئے،

آپ نے سوچا ہوگا "اسی طرح سے ترمیم کر کر کے
اسے بکواس بنا دیا جائیگا"۔

لیکن ہم نے دیکھا
اسکا معیار پر پرکھا جانا --

جو کہ ابھی مزید اور ہونی تھیں

اور میں چاہتا ہوں کہ لوگ مزید کریں،

ویکیپیڈیا کا روایتی چیزوں سے
مقابلہ کرتے ہوئے --

ہم بلا مقابلہ جیتتے ہیں۔

ایک جرمن رسالے نے
جرمن وکیپیڈیا کا تقابل کیا،

جو انگریزی ویکیپیڈیا سے بہت چھوٹا ہے،

مائیکروسافٹ انکارٹا اور
بروخاؤس ملٹی میڈیا سے،

اور ہم کُلی طور پر جیت گئے۔

انہوں نے مضامین کا معیار جانچنے کے لئے
ماہرین کی خدمات حاصل کیں،

ہم نتائج سے بہت خوش تھے۔

بہت سے لوگوں نے ویکیپیڈیا بش- کیری تنازع
کے بارے سنا ہوگا۔

میڈیا نے تفصیلی طور پر اسے نشر کیا۔

یہ ریڈ ہیرنگ میں ایک مضمون سے شروع ہوا۔

اخباری نمائندوں نے مجھے کال کی اور ---

مجھے یہ کہنا ہے کہ انہیں
میرے نام کے ہجے آتے تھے،

لیکن دراصل وہ کہنا چاہتے تھے کہ
بش - کیری چناؤ اتنا متنازع ہے،

کہ اس کی وجہ سے
ویکیپیڈیا برادری ٹوٹ رہی ہے۔

اور وہ میرے بیان کا حوالہ دیتے ہیں،

"وہ سب سے زیادہ متنازع ہیں
ویکیپیڈیا کی تاریخ میں۔"

جب کہ میں نے کہا تھا کہ
وہ بالکل متنازع نہیں ہیں۔

تو یہ تھوڑا سا غلط حوالہ ہوا۔

(قہقہے)

ان مضامین میں کافی زیادہ ترامیم کی گئیں۔

اور یہ حقیقت ہے کہ ہم نے ان مضامین پہ
ترمیم بند کی تھی

ایک دو مرتبہ۔

ٹائم رسالے نے حال ہی میں خبر دی کہ

"کبھی کبھی انتہائی اقدام لیا جانا چاہیے،

اور ویلز نے کیری اور بش کے مضامین میں
ترمیم پہ 2004 میں پابندی لگائی۔"

یہ اس کے بعد ہوا جب میں نے صحافی کوبتایا
کہ ہمیں پابندی لگانا پڑی کہ --

مختلف اسباب کی وجہ سے۔

حقیقت یہ ہے کہ تنازعات کی عمومی اقسام

جو کہ آپ کے خیال میں
ویکیپیڈیا برادری میں ہوتی ہیں

اصل میں تنازعات ہوتے ہی نہیں۔

متنازع مضامین میں بہت زیادہ ترامیم
ہوتی ہیں،

لیکن ایسے مضامین برادری میں
زیادہ تنازع نہیں کھڑا کرتے۔

اس لئے کہ اکثر لوگ غیر جانبداری
کی ضرورت کو سمجھتے ہیں۔

اصل مسئلہ دائیں اور بائیں بازو
کے مابین نہیں ہے --

زیادہ لوگوں کا یہی گمان ہوتا ہے --

لیکن اصل مسئلہ سمجھداروں

اور احمقوں میں ہوتا ہے۔

اور سیاسی سوچ کے دائرے میں

ان خوبیوں پر کسی کی اجارہ داری نہیں۔

کیری بش واقعے کی اصل حقیقت

یہ ہے کہ کیری بش مضامین

پر پابندی 2004 کے ایک فیصد وقت پر لگی،

اور اس لئے نہیں کہ وہ متنازع تھے؛

بلکہ اس لئے کہ اس صفحہ پر
اُکھاڑ پچھاڑ معمول بن گئی تھی --

جو کبھی کبھار سٹیج پر بھی ہو جاتی ہے ۔۔۔

(قہقہے)

کئی مرتبہ صحافیوں نے مجھے بتایا کہ
انہوں نے ویکیپیڈیا پہ اُکھاڑ پچھاڑ کی

اورحیران ہوئے کہ کتنی جلدی
اسے ٹھیک کردیا گیا۔

اور میں نے کہا -- میں ہمیشہ کہتا ہوں،
برائے مہربانی ایسا نہ کریں۔

یہ کوئی اچھی چیز نہیں۔

تو ایسا ہم کرتے کیسے ہیں؟

ہم معیار پہ قابو کیسے رکھتے ہیں؟

یہ کام کیسے کرتا ہے؟

کچھ عناصر ہیں اس کے لئے،

اکثر تو سماجی حکمت عملی اور کچھ سافٹ وئیر۔

سب سے بڑی اور اہم چیز

ہماراغیر جانبدارنقطہ نظر ہے۔

ِجسے میں نے ابتداء میں ہی لاگو کردیا تھا،

یہ برادری کا بنیادی ناقابل بحث اصول ہے۔

یہ باہمی تعاون کا سماجی تصور ہے،

ہم سچائی اور معروضیت کے بارے میں
زیادہ بات نہیں کرتے۔

اس لئے کہ اگر ہم کہیں

کہ ہم کسی موضوع کے بارے میں
صرف "سچ" ہی لکھیں گے،

یہ ہمارے لیے ذرہ برابر بھی فائدہ مند نہیں
کہ کیا لکھیں،

اس لئے کہ میں آپ سے متفق نہیں
کہ سچ کیا ہے۔

لیکن ہماری ایک اصطلاح ہے 'غیر جانبداری'،

برادرای میں اس کی اپنی ایک لمبی تاریخ ہے،

جو کہتی ہے کہ جب بھی متنازع معاملہ ہو،

ویکیپیڈیا کی اپنی کوئی رائے
نہیں ہونی چاہئے۔

ہمیں صرف فریقین کے ناموروں کی
بات پہنچانی ہے۔

غیر جانبداری کا یہ اصول
ہمارے لئے بہت اہم ہے

اسلئے کہ یہی تو مختلف سوچ کے لوگوں کو
یکجا کرتا ہے

تاکہ وہ اکٹھے ہو کر کوئی کام کر سکیں۔

ہمارا ساتھ دینے والے مختلف طرح کے لوگ ہیں

سیاسی، مذہبی، ثقافتی طور پر۔

لیکن اس مضبوط غیر جانبداری کے اصول میں،

جو شروع ہی سے ناقابل بحث ہے،

اسی وجہ سے لوگ مل کر کام کرتے ہیں

اور ان کے اندراج لڑائی نہیں بنتے

دائیں اور بائیں بازو والوں کے درمیان۔

اگر آپ اس اصول کی خلاف ورزی کریں
تو آپ کو برادری چھوڑنے کا کہا جائے گا۔

تو اُسی وقت معاونین کا جائزہ۔

ہر ایک ترمیم و تبدیلی
"حالیہ تبدیلیوں" کے صفحہ پر آجاتی ہے۔

جیسے ہی اس نے ترمیم کی
وہ "حالیہ تبدیلیوں" کے صفحہ پر چلی گئی۔

اور وہ حالیہ تبدیلیوں والا صفحہ ایک
آئی آر سی چینل پر بھی چڑھا دیا گیا،

جو کہ ایک انٹرنیٹ چیٹ کا چینل ہے

جس کی لوگ سافٹ وئیر کی مدد سے
نگرانی کر رہے ہیں۔

اور اسی طرح لوگ آر ایس ایس کے ذریع
اطلاع بھی وصول کر سکتے ہیں --

تبدیلی ہونے کی ای میل بھی وصول کرسکتے ہیں۔

اور ایسے ہی صارفین اپنی ذاتی
فہرستِ نگہبانی بنا سکتے ہیں۔

میرا صفحہ بہت سارے
رضاکاروں کی فہرستِ نگہبانی میں ہے،

کیوں کہ اس کی کبھی کبھی
اُکھاڑ پچھاڑ کی جاتی ہے۔

اور پھر ہوتا یہ ہے کہ کوئی رضاکار
اس تبدیلی کا جلد ہی جائزہ لے گا،

اور وہ اسکو پرانی شکل میں بحال کردیتے ہیں۔

"نئے صفحات کی اطلاع" بھی آتی ہے، مثلاً

آپ ویکیپیڈیا کے کسی صفحے پر جائیں

اور ہر نیا صفحہ دیکھیں جیسے ہی وہ بنے۔

یہ بہت ضروری ہے

کیونکہ بہت سے نئے صفحات صرف کچرا ہوتے ہیں
جنھیں حذف کرنا ہوتا ہے،

جیسے "ا ب پ ت ٹ ث"۔

لیکن اس میں بہت سی دلچسپ اور مزاحیہ
چیزیں بھی ہوتی ہیں،

کچھ نئے صفحات میں۔

لوگ کسی دلچسپ عنوان پہ صفحہ شروع کرتے ہیں،

دوسروے لوگوں کو اس میں تجسس ہوتا ہے

وہ اس میں ہاتھ بٹاتے ہیں اور
اسے بہت بہتر بنا دیتے ہیں۔

پوشیدہ لوگوں کی جانب سے ترامیم ہوتی ہیں،

یہ وکیپیڈیا کی متنازع ترین اور
پر تجسس چیزوں میں سے ایک ہے۔

تو کرس نے اپنی ایک ترمیم کی --
اسے لاگ ان وغیرہ کرنا نہیں پڑا؛

وہ ویب سائٹ پہ گیا اور ترمیم کر ڈالی۔

لیکن معلوم ہوتا ہے کہ صرف %18

تمام ترامیم کا ویب سائٹ پر

لوگ پوشیدہ طور پر کرتے ہیں۔

اور یہ سمجھنے کیلئے بہت ضروری ہے:

ترامیم کی ایک بڑی تعداد جو
ویب سائٹ پہ کی جاتی ہے

وہ باہم جڑی ہوئی 600 سے 1000
لوگوں کی برادری کرتی ہے

جو مستقل آپسی رابطے میں رہتے ہیں۔

ہمارے 40 IRC چینل ہیں،
40 ای میل کی فہرستیں ہیں۔

یہ تمام لوگ ایک دوسرے کو جانتے ہیں۔

انکا رابطہ رہتا ہے۔
ہم دو بدو ملاقتیں کرتے ہیں۔

یہی لوگ ویب سائٹ کا زیادہ کام کرتے ہیں،

اور ایک طرح سے یہ لوگ
اپنے کام میں نیم پیشہ ور ہیں۔

ہم نے جو معیار اپنے لئے متعین کئے

وہ پیشہ ورانہ معیار کے مساوی یا بہتر ہیں۔

ہمیشہ ہم اس معیار تک تو نہیں پہنچ پاتے،
لیکن کوشش ضرور کرتے ہیں۔

یوں یہ چھوٹی سی برادری
اپنی ویب سائٹ کا خیال رکھتی ہے،

یہ ذہین ترین لوگوں میں سے ہیں
جن سے میں کبھی بھی ملا ہوں۔

ظاہر ہے میں نے ایسا ہی کہنا ہے
لیکن یہ حقیقت بھی ہے۔

جو لوگ جو صرف مزے کے لئے
انسائیکلوپیڈیا لکھتے ہیں

عموماً وہ کافی ذہین ہوتے ہیں۔

سافٹ وئیر و آلات:
ہمارے بہت سے آلات ہیں --

جو ہمیں یعنی برادری کو --

خود نگہبانی اور
تمام کام کی نگرانی کے قابل بناتے ہیں۔

یہ ایک مثال ہے
"چپٹی زمین" صفحے کی تاریخ کی،

اور آپ کی گئی کچھ ترامیم
کو دیکھ سکتے ہیں۔

اس صفحے کی اچھی بات یہ ہے کہ
جیسے ہی آپ اسے دیکھیں فوراً

کہیں گے
" ٹھیک ہے، اب میں سمجھ گیا"۔

جب کوئی جاتا ہے اور اسے دیکھتا ہے --

وہ دیکھتے ہیں کہ کسی پوشیدہ IP نمبر نے،

میرے صفحے پر ترمیم کی ہے۔

یہ تو مشکوک بات ہے۔
کون ہے یہ شخص؟

کوئی اسے دیکھتا ہے --

وہ فورا ہی سجمھ جاتے ہیں
سرخ رنگ سے نمایاں

تمام تر تبدیلیاں ہیں جو کی گئیں تھیں --

اچھا، یہ الفاظ بدلے گئے،
ایسی چیزیں۔

یہ ایک آلہ ہے جو ہم استعمال کر سکتے ہیں

جلدی سے اگر ہم کسی صفحے کی
تاریخ دیکھنا چاہیں۔

ایک اور چیز جو ہم برادری میں کرتے ہیں

ہم ہر چیز کو بہتری کے لئے
قابل ترمیم رکھتے ہیں۔

اکثر سماجی قواعد اور کام کے طریقہ کار

کو سافٹ وئیر میں قابل ترمیم رکھتے ہیں۔

اور یہ سب کچھ صرف وکی صفحات پہ ہی ہے۔

سافٹ وئیر میں کچھ ایسا نہیں
جو قواعد کو نافذ کرے۔

جیسے یہ مثال
صفحے کو حذف کرنے کیلئے ووٹ ڈالنا۔

جسے پہلے بتایا لوگ "ا، ب، پ، ت، ٹ"
لکھ دیتے ہیں --

اس کا حذف ہونا ضروری ہے۔

ایسے معاملات میں
منتظمین بس حذف کردیتے ہیں۔

اس بارے میں کسی بڑے مباحثے کی
ضرورت نہیں۔

لیکن آپ تصور کرسکتے ہیں
بہت سے دیگر معاملات میں سوال ہوتا ہے کہ

کیا یہ اس قابل ہے کہ
انسائیکلوپیڈیا میں جائے؟

کیا یہ معلومات قابل تصدیق ہیں؟
یہ افواہ ہے؟ سچ ہے؟ یہ ہے کیا؟

ایسے میں اس جواب کے لئے
ہمیں ایک سماجی طریقہ کی ضرورت تھی۔

تو برادری میں ایک فطری طریقہ کار ابھرا

یعنی صفحہ حذفی کے لئے ووٹ کا طریقہ تھا۔

اس موجودہ مثال میں جو یہاں ہے،

یہ ایک فلم ہے " ٹوئسٹڈ ایشوز"،

پہلا آدمی کہتا ہے،

"قیاساً یہ ایک فلم ہے۔ یہ بری طرح سے
گوگل پر جانچ میں ناکام ہوا۔"

گوگل جانچ یہ ہے کہ آپ گوگل میں
دیکھتے ہیں آیا یہ وہاں ہے،

کیونکہ اگر کوئی چیز گوگل پہ نہیں
تو شائد وہ وجود ہی نہیں رکھتی۔

ہمیشہ ایسا نہیں ہوتا،

لیکن تیز تحقیق کیلئے یہ اچھا نقطہ آغاز ہے۔

تو کوئی کہے گا "اسے حذف کر دیں۔
حذف کریں -- یہ قابلِ ذکر نہیں۔"

اور پھر کوئی کہے گا،
"صبر، مل گیا، مجھے ایک کتاب میں ملا ہے،

'فلم تھیڑ رہنما کتاب میں: دیکھنے لائق
20 بہترین اوجھل فلمیں۔"

تو اگلا آدمی کہے گا، "اسے صاف کردو."

کوئی اور کہے گا، مجھے IMDB پہ مل گیا۔
رکھو، رکھو، رکھو۔"

اور اس میں دلچسپ بات یہ ہے کہ سافٹ وئیر --

یہ ووٹ صرف صفحات پر لکھے جاتے ہیں۔

ویسے حقیقت میں یہ ووٹ نہیں
بلکہ ایک مکالمہ ہوتا ہے۔

ویسے یہ سچ ہے کہ آخر میں،

ایک منتظم اس کو دیکھے گا اور کہے گا،

"تو 18 ووٹ حذف کے لئے، 2 رکھنے کے لئے:
ہم حذف کریں گے۔"

لیکن کبھی کبھی یوں بھی ہوتا ہے کہ
18 حذف کے لئے، 2 رکھنے کے ووٹ ہوتے ہیں،

اور اس کے باوجود ہم رکھتے ہیں،
اگر وہ دو کہیں،

"صبر، کسی اور نے نہیں دیکھا
مگر مجھے یہ ایک کتاب میں ملا،

اور ایک لنک ملا ایک صفحے کا
جو اسکی تشریح کرتا ہے،

میں کل اسے ہٹا دوں گا،
تو ابھی اسے حذف نہ کریں۔"

تو یوں وہ باقی رہے گا.

ووٹروں پہ بھی منحصر ہے
کہ کون لوگ ووٹ کر رہے ہیں.

جیسے میں کہتا ہوں،
یہ باہمی جڑی ہوئی برادری ہے۔

یہاں نیچے لکھا ہوگا،
"رکھو، اصلی فلم ہے، رِک کے۔"

رِک کے ایک بہت مشہور وکیپیڈین ہے
جو بہت کام کرتا ہے

اُکھاڑ پچھاڑ، افواہوں، اور حذفی رائے شماری
کے حوالے سے۔

برادری میں اس کی بہت زیادہ سنی جاتی ہے

کیونکہ اسے پتہ ہے وہ کیا کر رہا ہے۔

تو اس سب کی نگہبانی کیسے ہوتی ہے؟

لوگ منتظمین وغیرہ کے بارے میں
جاننا چاہتے ہیں۔

وکیپیڈیا کی نگہبانی کا طریقہ،
برادری کی نگہبانی،

بہت ہی الجھا ہوا ہے،
لیکن یہ کام اتفاقِ رائے کا ملاپ ہے --

مطلب یہ کہ ہم مضامین کے مواد پر
رائے شماری نہیں کرتے،

کیونکہ اکثریتی رائے ضروری نہیں کہ
غیر جانبدار بھی ہو --

کچھ جمہوریت --

تمام تر منتظمین --

وہ لوگ ہیں جنہیں
صفحہ حذفی کے اختیارات حاصل ہیں۔

اس کا یہ مطلب نہیں کہ انہیں صفحے حذف
کرنے کا حق حاصل ہے۔

انہیں اصولوں پر کاربند رہنا ہوتا ہے --
لیکن انہیں برادری والے چنتے ہیں۔

کبھی کبھی لوگ --
ادھر اُدھر کے فتنہ گر انٹرنیٹ پر --

مجھ پر منتظمین کو
چننے کا الزام لگاتے ہیں

تاکہ وکیپیڈیا کے مواد کو نشانہ بنائیں۔

میں ہمیشہ اس پر ہنستا ہوں کیونکہ مجھے
کچھ پتہ نہیں وہ کیسے چنے جاتے ہیں۔

کچھ کچھ اشرفیہ کی عملداری بھی ہے۔

آپ کو اندازہ ہوا ہو گا جب
میں نے کہا تھا،

'رِک کے' کی بات کو وزن دیا جاتا ہے

ان کی نسبت جنھیں ہم نہیں جانتے۔

یہ تقریر میں کبھی کبھی
انجیلا کیساتھ مل کر کرتا ہوں،

جو کہ بورڈ میں پھر سے چنی گئی ہے
برادری کی جانب سے --

یعنی بنیادی مجلس شوری میں،

ہارنے والے سے دگنے ووٹوں سے کامیاب ہوئی۔

میں اسے ہمیشہ شرمندہ کردیتا ہوں
جب کہتا ہوں،

"مثلاً انجیلا،

کچھ بھی کر لے وکیپیڈیا میں
اس سے پوچھ نہ ہوگی,

کیونکہ وہ اتنی ہردلعزیز اور طاقتور ہے۔"

لیکن ستم ظریفی یہ ہے کہ انجیلا یہ سب
اس لئے کرسکتی ہے کیونکہ وہ

سب جانتے ہیں کہ وہ کبھی بھی وکیپیڈیا
کا کوئی اصول نہیں توڑے گی۔

میں یہ بھی کہنا چاہتا ہوں
وہ واحد شخصیت ہے

جو اصل میں وکیپیڈیا کے تمام اصول و ضوابط
سمجھتی ہے ...

پھر آتی ہے بادشاہت،

یعنی برادری میں میرا کردار، تو ...

(قہقہے)

میں ایک دفعہ برلن میں یہی بتا رہا تھا،

اور اگلے دن اخبارات میں شہ سرخی لگی،

"میں انگلستان کی ملکہ ہوں۔"

(قہقہے)

لیکن میں نے ایسا کچھ نہیں کہا تھا،
لیکن --

(قہقہے)

بات یہ ہے کہ برادری میں میرا کردار --

مفت سافٹ وئیر کی دنیا میں،
ہمیشہ سے روایت رہی ہے

خیر خواہ آمر کے ماڈل کی۔

اگر آپ تمام بڑے مفت سافٹ ویر
کے منصوبوں کو دیکھیں،

ان کا ایک واحد شخص ہی ذمہ دار ہوتا ہے

جس پہ سب متفق ہوتے ہیں
مخیر آمر ہونے پر۔

مجھے یہ اصطلاح پسند نہیں
"مخیر آمر"،

اور نظریات سے بھری دنیا میں
نہ ہی یہ میرا کام ہے یا کردار ہے

کہ میں انسانی علم کے مستقبل پر آمر بنوں

جسے دنیا نے مرتب کیا ہو۔

یہ بالکل بھی صحیح نہیں ہے۔

لیکن پھر بھی کچھ آمریت کی ضرورت رہتی ہے،

ہاں تھوڑی سی --

کبھی کبھی ہمیں کوئی فیصلہ کرنا ہوتا ہے

جس کی وجہ سے ہم پھنسنا نہیں چاہتے

رسمی فیصلہ سازی کے مراحل میں۔

مثلا یہ کیوں اہم ہے:

حال ہی میں ایک صورتحال پیدا ہوئی جہاں جدید
نازی نواز ویب سائٹ نے ویکیپیڈیا دریافت کیا

اور انہوں نے کہا،
"ارے، یہ تو بھیانک ہے،

ویکیپیڈیا یہودی سازش ہے،

اور ہم اپنے چند ناپسندیدہ مقالات کو
حذف کروا دیں گے۔

اور چونکہ وکیپیڈیا رائےشماری سے حذف
کرتا ہے، تو ہم رائے دیں گے --

ہمارے 40,000 ارکین ہیں جو یہ کام کریں گے

یہ سب ووٹ ڈالیں گے اور
وہ صفحات حذف ہوں گے۔"

خیر، ان کے 18 لوگ ہی رائے دینے آئے۔

یہ جدید نازی نوازوں کا حساب کتاب تھا۔

اور وہ یہی سوچتے رہے کہ ان کے
40000 اراکین ہیں جبکہ صرف 18 تھے۔

لیکن ان کے 18 لوگ آئے جنہوں نے
بڑے بھونڈے انداز سے ووٹ ڈالے

ایک انتہائی معقول مضمون کو
حذف کروانے کے لئے۔

ظاہر ہے حتمی ووٹ گنتی کے بعد 85 اور 18تھے،

یوں ہمارے جمہوری نظام کو
بھی کوئی خاص خطرہ نہ ہوا۔

دوسری جانب لوگ کہتے ہیں،
"تو ہم کیا کریں گے؟

یعنی یہ واقعی میں ہو سکتا ہے۔

اگر کوئی انتہائی منظم جماعت آئے

اور ووٹ ڈالنا شروع کردے؟"

تب میں نے کہا،
"بھاڑ میں جائے، تب ہم اصول بدل دیں گے۔"

یہ میرا کام ہے برادری میں:

کہ ہم اپنے مواد کی آزادی اور کشادگی

کو لے کر معیار کمزور نہ ہونے دیں۔

اور جب تک لوگ میرے کردار پر
بھروسہ رکھیں گے،

تب تک یہی کردار میرے لئے بہتر ہے۔

ظاہر ہے مفت استعمال کی اجازت کی وجہ سے،

اگر میں برا کام کروں،
رضاکار بخوشی چھوڑ سکتے ہیں --

میں کسی کو حکم نہیں دے سکتا کہ
کیا کرنا ہے۔

آخری نقطہ یہ ہے کہ ویکیپیڈیا کا طریقہ کار
سمجھنے کے لئے،

یہ سمجھنا ضروری ہے کہ
ہم وکی ڈھانچے پر ہی چلتے ہیں،

لیکن ہم انٹرنیٹ کے متعصب انتشاری نہیں ہیں۔

درحقیقیت، ہم سماجی منہج پہ
بہت لچکدار ہیں،

کیونکہ آخرمیں برادری کا جذبہ

کام کے معیار کے لئے ہے،

نہ کہ اس عمل کے لئے جو ہم استعمال
کرتے ہیں اس کی پیداوار کے لیے۔

شکریہ۔

(تالیاں)

بن سانڈرز: میرا نام بن سانڈرز ہے۔

جمی، آپ نے غیر جانبداری کو
وکیپیڈیا کی کامیابی کی وجہ بتایا۔

مجھے خیال آیا کہ اکثر درسی کتب
جو ہم بچوں کو پڑھاتے ہیں

وہ مورثی طور پر متعصب ہوتی ہیں۔

کیا آپ نے استادوں کو وکیپیڈیا
استعمال کرتے پایا ہے

اور آپ کیا دیکھتے ہیں
وکیپیڈیا تعلیم کو کیسے بدل رہا ہے؟

جمی ویلز: جی ہاں بہت سے اساتذہ
نے وکیپیڈیا کا استعمال شروع کیا ہے۔

میرا خیال ہے میڈیا میں وکیپیڈیا کے بارے
میں غلط مہم بھی چلی تھی۔

اس کی بنیاد وہ مضمون ہے جس میں
بلاگر اور اخبار کا تقابل کیا گیا ہے۔

اس مضمون کے مطابق ویکیپیڈیا کوئی
مجنونانہ چیز ہے،

لیکن معلم اور اساتذہ
اس سے نفرت کرتے ہیں۔

جو کہ حقیقت نہیں۔

مجھے ایک صحافی نے ای میل بھیجی کہ،

"معلم ویکیپیڈیا سے اتنی
نفرت کیوں کرتے ہیں؟"

میں نے اپنے ہارورڈ کے
ای میل سے جواب دیا

کیونکہ حال ہی میں مجھے
وہاں معلم نامزد کیا گیا ہے۔

اور میں نے لکھا، "سب نفرت نہیں کرتے۔"

(قہقہے)

لیکن میرا خیال ہے
کہ اس کا بہت گہرا اثر ہو گا۔

ہمارا ایک منصوبہ ہے جس کے بارے میں،
میں خود بہت پر جوش ہوں،

وکی کتب کا منصوبہ،

جو کہ تمام زبانوں میں درسی کتب
بنانے کی ایک کاوش ہے۔

جو کہ بہت بڑا منصوبہ ہے۔

اور اس کے فوائد
20 سال میں ملنا شروع ہوں گے۔

لیکن اس کی تکمیل ہمارے مشن کا حصہ ہے

کہ کرہ زمین پہ ہر ایک کو
انسائکلوپیڈیا میسر ہو۔

ہمارا یہ مطلب نہیں کہ ہم اس کی فالتو
سی ڈیوں کی طرح بوچھاڑ کر دیں۔

ہم انہیں ایک آلہ دینا چاہتے ہیں
جسے وہ استعمال کر سکیں۔

اور دنیا کے بہت سے لوگوں کے لیے،

اگر میں آپ کو انسائکلوپیڈیا دوں
جو کہ جامعہ کی سطح پہ لکھا گیا ہو،

وہ آپ کے لئے فائدہ مند نہیں
بنیادی خواندگی کے مواد کے بغیر

اس سطح پہ لانے کیلئے کہ آپ
اسے استعمال کر سکیں۔

وکی کتب منصوبہ
یہی کرنے کی ایک کاوش ہے۔

اور آئندہ ہم دیکھیں گے --
شائد یہ منصوبہ اگلی نسل مکمل کرے؛

اس میں ہر قسم کی جدت آ رہی ہے۔

لیکن استعمال کیلئے مفت درسی کتب
تعلم میں اگلا بڑا انقلاب ہو گا۔