اپنے خوابوں کو تباہ کرنے کے پانچ طریقے

ہم سب ایک معرکۃ الآرا شے بنانا چاہتے ہیں، ایک کامیاب ادارہ شروع کرنا چاہتے ہیں، سب سے زیادہ بکنے والی کتاب لکھنا چاہتے ہیں، اور حقیقت میں ہم میں سےصرف چند ہی ایسا کرپاتے ہیں۔ برازیلین مصنف و تاجر بیل پیسے پانچ بڑی آسانی سے یقین کی جاسکنے والی حقیقتوں سے پردہ اٹھا رہی ہیں جن کے وجہ سے آپ کے خواب سودمندی کی منزل تک نہیں پہنچ پاتے۔

میں نے گزشتہ دوسال یہ بات
سمجھنے کے لئے وقف کردیئے

کہ لوگ اپنے خوابوں کو
حقیقت روپ کیسے دیتے ہیں

ہم جب اپنے خوابوں کے بارے میں سوچتے ہیں

اور وہ نشان جو ہم اس کائنات
پر ثبت کرنا چاہتے ہیں

یہ دیکھ کردھچکا لگتا ہے کہ

ہمارے خوابوں اورنامکمل منصوبوں
کا ایک بڑا حصہ آپس میں مدغم ہے

[ سامعین کی ہنسی ]

آج آپ کے سامنے میری گفتگو ہوگی

ان پانچ طریقوں کے بارے میں جن سے آپ نے
اپنے خوابوں کی تعبیر نہیں ڈھونڈنی چاہیئے

پہلا: راتوں رات کامیابی پر یقین

آپ وہ کہانی تو جانتے ہوں گے نا؟

وہ ایک شخص جس نے ایک موبائل ایب بنائی
اور تیزی سے بیچ کر بہت سا پہسہ بنایا

ہوسکتا ہے کہ کہانی صحیح دکھتی ہو
لیکن شرطیہ طور پر نامکمل ہے

اگرآپ مزید گہرائی میں جائیں

وہ شخص اس سے پہلے 30 ایبس بنا چکا تھا

اس نے اس کام میں ماسٹر کی ڈگری لی تھی
اور ایک .Ph.D

وہ اس موضوع پر پچھلے 20 سال سے
کام کر رہا تھا

یہ بڑے مزے کی بات ہے

برازیل میں خود میری اپنی ایک کہانی ہے
جسے لوگ راتوں رات کامیابی سمجھتے ہیں

میرا تعلق ایک شائستہ خاندان سے ہے

MIT میں داخلے کی درخواست جمع
کرانے کی آخری تاریخ سے محض دو ہفتے قبل

میں نے اپنی درخواست
پر کام کرنا شروع کیا تھا

اور لیجئے۔۔ مجھے داخلہ مل گیا

لوگ اسے ایک راتوں رات کامیابی
سمجھ سکتے ہیں

مگر یہ صرف اس وجہ سے ممکن ہوا
کیونکہ پچھلے سترہ سال

میں نے زندگی اور تعلیم کوسنجیدگی سے لیا

آپ کی راتوں رات کامیابی
ہمیشہ نتیجہ ہوتی ہے

ان تمام کاموں کا جو آپ نے اب تک کی
زندگی میں انجام دیئے ہوتے ہیں

دوسرا : یہ یقین کرنا کہ آپ کے
سوالوں کے جواب کسی اور کے پاس ہوسکتے ہیں

لوگ مسلسل مدد کرنا چاہتے ہیں۔۔۔
ہیں نا؟

تمام لوگ، آپ کے خاندان والے، آپ کے دوست
کاروباری شراکت دار،

ان سب کی اپنی اپنی رائے ہے
کہ آپ کو کس راستے پر جانا چاہئیے

مجھے کہنے دیجئے کہ
اس تنگ راہ سے گزریں

مگر جب آپ اندر پہنچیں گے
توانتخاب کے لئے مزید راستے نظر آئیں گے

اور آپ کو وہ فیصلے خود ہی کرنا ہوں گے

کسی اور کے پاس آپ کی زندگی سے متعلق
سوالات کا صحیح جواب نہیں

اور آپ کو ان فیصلوں کو
خود ہی لیتے جانا ہے۔۔ ٹھیک؟

یہ تنگ راستے بے شمار ہیں
اور یہاں سر پھوٹنے کا اندیشہ بھی ہے

مگر یہ اس تمام عمل کا ایک جز ہے

تیسرا: یہ بہت پیچیدہ اور اہم بات ہے

قیام کا ارادہ اس وقت کرنا
جب ترقی یقینی ہو

تو جب آپ کی زندگی بہترین جا رہی ہو

ہر شے ایک بہترین ٹیم
کی مانند ہوچکی ہو

اور آپ کی آمدنی بڑھ رہی ہو
اور سب کچھ بالکل پرسکون ہو

یہ وقت ہے ٹھہر جانے کا

جب میری پہلی کتاب شائع ہوئی

میں نے اسے برازیل کے ہر کونے میں
پہنچانے کےلئے بہت بہت محنت کی

جیسے تیس لاکھ سے زائد
لوگوں نے اسے ڈاون لوڈ کیا

پچاس ہزار سے زائد نے
مطبوعہ کتاب خریدی

پھر جب میں نےاسی کے تسلسل میں
دوسری کتاب لکھی تو کچھ اثرات تو یقینی تھے

حالانکہ اس بار میں نے کم محنت کی
مگر فروخت مناسب ہی ہوگی

مگر صرف ٹھیک کبھی ٹھیک نہیں ہوتا

جب آپ ایک بلندی کی طرف جارہے ہوتے ہیں

توآپ کو پہلے سے زیادہ محنت کرنا ہوتی ہے
تاکہ مزید بلندیوں کا امکان حاصل ہو

ہوسکتا ہے اگر میں نے کچھ کم محنت کی ہوتی
تو کچھ سو افراد اسے پڑھ لیتے

اور وہ بھی اچھا ہی ہوتا

لیکن اگر میں پہلے سے زیادہ محنت کروں گی

تو میں یہ تعداد لاکھوں میں پہنچا سکتی ہوں

اسی لئے فیصلہ کیا، کہ اپنی نئی کتاب
کے لئے برازیل کی ہرریاست میں جاؤں گی

مجھے پہلے سے ہی مزید
ایک اور بلندی واضح نظرآرہی ہے

ٹھہرنے کا وقت ہی نہیں۔

چوتھا مشورہ، : اور یہ بہت ہی اہم ہے

یہ سوچنا کہ غلطی کسی اور کی ہے

میں لوگوں سے بیشترسنتی ہوں
" یہ تو میرا بہترین منصوبہ تھا

مگر کسی کو اتنی سمجھ نہیں تھی کہ
وہ اس پر سرمایہ کاری کرتا "

اوہ میں نے یہ بہترین شے بنائی ہے

مگر مارکیٹ بہت خراب ہے
فروخت اچھی نہ ہوسکی

یا "مجھے باصلاحیت لوگ نہ مل سکے
میری ٹیم امیدوں سے بہت کم ہے"

اگر آپ خواب دیکھتے ہیں

تو یہ آپ کی ذمہ داری ہے کہ
انھیں سچ کردکھائیں

ہاں، ممکن ہے باصلاحیت
لوگوں کا ملنا مشکل ہو

ہاں، ہوسکتا ہے مارکیٹ واقعی خراب ہو

اگر کوئی آپ کے خیال پر
سرمایہ نہ لگا سکا

اگر کسی نے آپ کی
مصنوعات نہ خریدیں

یقیناً کہیں کچھ تو ہے
جو آپ کی غلطی ہے

[ سامعین کی ہنسی ]

واقعی میں ۔۔۔

آپ کو اپنے خوابوں کو خود ہی
تعبیر دینی ہے

اورکوئی بھی اپنے مقصد تک
کبھی اکیلا نہیں پہنچا

لیکن اگر آپ انھیں تعبیر نہ دے سکے
تو یہ آپ کی غلطی ہے کسی اور کی نہیں

اپنے خوابوں کی ذمہ داری خود لیجئے

اور ایک آخری مشورہ :
اور یہ بھی بہت اہم ہے

یہ یقین رکھنا کہ خود خواب
ہی سب سے اہم چیز ہے

ایک بار میں نے ایک اشتہار دیکھا تھا
جس میں بہت سارے دوست تھے

وہ ایک پہاڑ پر چڑھ رہے تھے
جو کہ ایک بہت اونچا پہاڑ تھا

جو بہت مشقت کا کام تھا

اور دکھ رہا تھا کہ ان کے پسینے چھوٹ
رہے تھے اور کتنا مشکل ہے وہ سب

اور وہ اوپر چارہے تھے
اوربالآخر وہ چوٹی پر پہنچ گئے

یقیناً انھوں نے جشن کا سوچا
ہیں نا؟

ہم جشن منائیں گے کیونکہ

"ہم نے کردکھایا اور اب ہم چوٹی پرہیں"

دولمحوں کے بعد ایک نے
دوسرے کی طرف دیکھا اور بولا

چلو، اب نیچے چلتے ہیں

(ہنسی)

زندگی مقاصد حاصل کرنے
کے لئے کبھی نہیں بنی

زندگی تو سفر کے لئے ہے

یقیناً ہم کو مقاصد پر ضرور جشن منانا چاہیے

مگر لوگ یہ سمجھتے ہیں کہ آپ کے خواب ہیں

اور جب آپ ان میں سے کسی خواب
کی تعبیر پانے لگتے ہیں

تو ایک ایسی جادوئی جگہ کا احساس ہوتا ہے
جہاں ہر طرف خوشی ہی خوشی ہوتی ہے

خواب کی تعبیر کو پالینا
محض ایک وقتی احساس ہے

مگر آپ کی زندگی لمحاتی نہیں

اپنے تمام خوابوں کی تعبیر
پالینے کا واحد راستہ

اپنے اس سفر کے ہر ہرقدم سے
پوری طرح لطف اندوز ہونا ہے

اور یہی بہترین طریقہ ہے

آپ کا یہ سفر تو بہت سادہ ہے
جو قدموں سے بنتا ہے

کچھ قدم بالکل صحیح پڑیں گے

اور کبھی آپ پھسل جائیں گے

اگرقدم صحیح جگہ ہے تو جشن منائیے کیونکہ
کچھ لوگ جشن منانے کا بہت انتظار کرتے ہیں

اور اگر پھسل گئے ہیں تو
اسے اپنے لئے ایک سبق بنا لیں

اگر ہر قدم کسی سبق کا
یا کسی جشن کی وجہ بن جائے

تو آپ اس سفر سے ضرور محظوظ ہوں گے

تو پانچ مشورے:

راتوں رات کامیابی پر یقین رکھنا

یقین کرنا کہ آپ کے سوالوں کے جواب
کسی اور کے پاس ہیں

اس بات کا یقین کرکے ٹھہرجانا
کہ اب ترقی یقینی ہے

یقین کرنا کہ غلطی آپ کی نہیں
کسی اور کی ہے اور یہ یقین کرنا کہ

مقاصد بذات خود اہم ہیں
یقین کیجئے اگرآپ ایسا کریں گے تو

آپ اپنے خوابوں کو
خود اپنے ہاتھوں سے قتل کردیں گے

( حاضرین کی ہنسی )

( تالیاں )

شکریہ