اساتذہ طلباء کو صدمے سے باہر نکالنے میں کس طرح مدد کر سکتے ہیں

مُعلّمہ لیزا گوڈ ون کہتی ہیں کہ "ایک بچے کی زندگی میں فرق پیدا کرنے کے لئے ... میں نے اپنی ذاتی کہانی سنانے کا عہد کیا تھا۔" اس ولولہ انگیز گفتگو میں، وہ اساتذہ اور اسکول کی مشیر کی پرسکون، مستقل حمایت کے ساتھ اپنے بچپن کے صدمے پر قابو پانے کے تجربے کو بیان کرتی ہیں- اور دکھاتی ہیں کہ مُعلّمِین کیسے اپنی کہانیاں بانٹ کر طلباء اور خاندانوں کو مشکلات سے باہر لانے میں مدد کرسکتے ہیں۔

ہر ایک کے پاس ایک کہانی ہے،

اور وہ کہانی ابواب سے بھری ہوئی ہے

جنہوں نے ہمیں وہ بنایا جو ہم آج ہیں۔

اُس کہانی کے ابتدائی ابواب

کبھی کبھی وہ ہوتے ہیں
جو ہماری سب سے زیادہ پہچان ہوتے ہیں۔

امراضِ قابو کے مرکز نے

اندازہ لگایا ہے کہ
ہماری قوم کے نصف سے زیادہ بچے

کم سے کم بچپن کے صدمے کی ایک
یا دو اقسام کا تجربہ کر چکے ہیں۔

اس تکلیف کے دیر پا اثرات ہو سکتے ہیں۔

جب مجھے مواقع ملنا
شروع ہوئے کہ میں تقاریر کر سکوں

اور طلباء اور اساتذہ کے لئے وکالت کر سکوں،

میں نے اپنے آپ کو انوکھے مقام پر پایا

کہ بچپن کے صدمے پر بات کر سکوں۔

لیکن مجھے پہلے ایک فیصلہ کرنا تھا۔

مجھے فیصلہ کرنا تھا کہ،

کیا میں اپنی زندگی کے صرف روشن
اور چمکدار حصے بیان کرنا چاہتی تھی،

وہی، جو ہم لوگ سوشل میڈیا پر ڈالتے ہیں

جس سے ہم سب کو کامل نظر آتے ہیں،

یا میں خود کو غیر محفوظ بنانا چاہتی تھی

اور ایک کھلی کتاب بن جاتی؟

انتخاب بہت واضح ہو گیا۔

ایک بچے کی زندگی میں فرق پیدا کرنے کے لئے،

مجھے شفاف بننا پڑا۔

تو میں نے اپنی ذاتی
کہانی سنانے کا عہد کیا۔

اور یہ کہانی اُن لوگوں سے بھری پڑی ہے
جنہوں نے مجھ سے پیار کیا

اور میری دیکھ بھال کی اور مجھے بڑا کیا۔

اور مجھے قابو پانے اور
صحت مند بنانے میں میری مدد کی۔

اور اب وقت آگیا ہے کہ میں دوسروں
کو بھی ایسا ہی کرنے میں مدد کروں۔

جب میں نے پہلی بار اسکول شروع کیا،
میں ہر طرح سے عام تھی۔

میں اچھے خاندان سے تھی،

میں ہمیشہ اچھے کپڑے پہنتی تھی،

میرے چہرے پر مسکراہٹ ہوتی تھی،

میں اسکول کے لئے تیار تھی۔

لیکن میری زندگی معمول سے بالکل ہٹ کر تھی۔

اس وقت تک، میں پہلے ہی
جنسی استحصال کا شکار بن چکی تھی۔

اور یہ اب بھی جاری تھا۔

میرے والدین لاعلم تھے،

اور میں نے کسی اور کو نہیں بتایا تھا۔

جب میں نے اسکول شروع کیا، مجھے ایسا لگا
جیسے یہ میرا محفوظ ٹھکانہ بننے والا تھا۔

تو میں پُرجوش تھی۔

تو میری مایوسی کا تصور کریں جب
میں نے اپنے استاد سے ملاقات کی،

مسٹر رینڈولف۔

اب مسٹر رینڈولف میرے ساتھ
زیادتی کرنے والے نہیں تھے۔

لیکن مسٹر رینڈولف مظہر تھے

ان سب چیزوں کا جو مجھے زندگی میں
سب سے زیادہ خوفزدہ کرتی تھیں۔

میں نے خود کو بچانے کی یہ تکنیکیں
پہلے ہی شروع کر دی تھیں

جہاں میں اپنے آپ کو اُن جگہوں سے ہٹا دیتی
جب میں ایک آدمی کے ساتھ تنہا ہو سکتی تھی۔

اور یہاں میں تھی، بحیثیتِ طالب علم،

روزانہ ایک آدمی کے ساتھ کمرہِ جماعت
میں موجود ہونے والی تھی،

اسکول کے ایک سال تک.

میں خوفزدہ تھی؛
مجھے اُن پر اعتبار نہیں تھا۔

لیکن آپ کو پتہ ہے،

ہوا یہ کہ مسٹر رینڈولف میرے
سب سے بڑے وکیل نکلے.

لیکن شروع میں ،

اوہ، میں نے اس بات کو یقینی بنایا کہ وہ
جان لیں کہ میں انھیں ناپسند کرتی ہوں۔

میں نا فرمان تھی؛

میں وہ بچی تھی جو بے پروا تھی۔

اور حقیقتاً میں نے اپنے
والدین کے لیے بھی مشکل بنا دیا تھا۔

میں اسکول نہیں جانا چاہتی تھی،

لہذا میں ہر صبح،
بس میں سوار ہوتے اُن سے لڑائی کرتی۔

رات کو، میں سو نہیں پاتی تھی،

کیونکہ میری بے چینی بہت زیادہ ہوتی تھی۔

تو میں کلاس میں تھکی ہاری جا رہی تھی۔

جو تھکے ہوئے بچے ہوتے ہیں
وہ خبطی بچے ہوتے ہیں ،

اور اُنھیں پڑھانا آسان نہیں ہوتا،

یہ آپ جانتے ہیں.

مسٹر رینڈولف میرے ساتھ جھنجلاہٹ والا رویہ
رکھ سکتے تھے،

جیسے بہت سارے اساتذہ
مجھ جیسے طلبا کے ساتھ کرتے ہیں۔

لیکن وہ نہیں۔

انھوں نے ہمدردی کے ساتھ مجھ سے رابطہ کیا

اور لچک کے ساتھ۔

میں اس کے لئے نہایت مشکور تھی۔

وہ پہچان گئے کہ یہ چھ سالہ بچی
تھکی ہوئی اور روگی تھی۔

اور لہذا مجھے تفریح کے لئے
باہر بھیجنے کے بجائے،

وہ مجھے اندر ہی رہنے دیتے
اور قیلولہ کرنے دیتے،

کیونکہ وہ جانتے تھے کہ
مجھے آرام کی ضرورت ہے۔

لنچ کے وقت اساتذہ کی میز
پر بیٹھنے کے بجائے،

وہ طلباء کی میز پر آتے اور
طلباء کے ساتھ بیٹھ جاتے۔

وہ مجھے اور میرے تمام ہم جماعتوں کو
بات چیت میں مشغول کرتے۔

اوراب میں پیچھے مڑ کر دیکھتی ہوں
اور میں جانتی ہوں

اس سب کا ان کا ایک مقصد تھا،

وہ سن رہے تھے، وہ سوالات پوچھ رہے تھے۔

انہیں یہ جاننے کی ضرورت تھی
کہ کیا ہو رہا ہے.

انہوں نے میرے ساتھ ایک تعلق قائم کیا۔

انہوں نے میرا اعتماد حاصل کر لیا۔

اور آہستہ پر یقیناً،

وہ دیواریں جو میں نے
اپنے آس پاس کھڑی کی تھیں

انہوں نے انہیں توڑنا شروع کر دیا،

اور بالآخر مجھےاحساس ہوا
وہ اچھے لوگوں میں سے ایک تھے۔

میں جانتی ہوں کہ انھیں ایسا لگا
جیسے وہ کافی نہیں تھے۔

کیونکہ انھوں نے میری ماں سے
بات کرنے کا قدم اٹھا لیا۔

اور میری ماں کی اجازت لی

کہ مجھے اسکول کے ایک مشیرِ رہنمائی
کو دکھانا شروع کریں،

محترمہ میک فاڈین۔

میں نے محترمہ میک فاڈین کو ہفتے میں
ایک یا دو بار ملنا شروع کر دیا

اگلے دو سال کے لئے۔

یہ ایک عمل تھا۔

اس وقت کے دوران،

میں نے ان کو کبھی بھی زیادتی
کے متعلق نہیں بتایا،

کیونکہ یہ ایک راز تھا؛

مجھے بتانا نہیں چاہیے تھا۔

لیکن انہوں نے نقطے ملا لیئے،
جانتی ہوں انہوں نے ایسا کر لیا،

کیونکہ وہ سب جو انہوں نے میرے ساتھ کیا

مجھے بااختیار بنانے اور میری آواز
تلاش کرنے میں میری مدد کرنے کے لئے تھا۔

انہوں نے مجھے ذہنی تصاویر
استعمال کرنے کا طریقہ سکھایا

تاکہ اپنے خوف سے باہر آ سکوں.

انہوں نے مجھے سانس لینے کا فن سکھایا

اضطراب کے ان دوروں سے باہر آنے کے لئے

جو مجھے اکثر پڑتے تھے۔

اور وہ میرے ساتھ کردار ادا کرتیں۔

اور اس بات کو یقینی بنایا

کہ میں ایسے حالات میں
اپنے لئے کھڑی ہو سکوں۔

اور وہ دن آ گیا

جہاں میں کمرے میں اپنے
ساتھ زیادتی کرنے والے

اور ایک اور بالغ کے ساتھ تھی۔

اور میں نے اپنا سچ بتا دیا۔

میں نے زیادتی کے بارے میں بتا دیا۔

فوراً ہی، میرے ساتھ زیادتی کرنے والا
انکار کرنے لگا،

اور جس شخص کو میں نے بتایا تھا،

وہ اس ہولناک انکشاف سے
نمٹنے کے لئے تیار نہیں تھے

جو میں نے ان پر ابھی کیا تھا۔

زیادتی کرنے والے پر یقین کرنا آسان تھا

بجائے ایک بچے کے.

تو مجھ سے دوبارہ کبھی بھی
اس بارے میں بات نہ کرنے کا کہا گیا۔

مجھے، پھر سے، ایسا محسوس کروایا
گیا جیسے میں نے کچھ غلط کیا ہے۔

یہ تباہ کن تھا۔

لیکن کیا آپ جانتے ہیں،

اس دن سے کچھ اچھا نکلا۔

میرے ساتھ زیادتی کرنے والا جان گیا
کہ میں اب خاموش نہیں رہنے والی تھی۔

طاقت منتقل ہو گئی۔

اور بدسلوکی رک گئی۔

(تالیاں)

لیکن شرم

اور اس کے دوبارہ ہونے کا خوف

ساتھ رہا۔

اور وہ میرے ساتھ ہی رہا

بہت سے، آنے والے کئی سالوں کے لئے۔

مسٹر رینڈولف اور محترمہ میک فاڈین،

انہوں نے مجھے اپنی آواز
تلاش کرنے میں مدد دی۔

انہوں نے روشنی تلاش کرنے میں میری مدد کی۔

لیکن کیا آپ جانتے ہیں،

بہت سارے بچے ہیں جو میرے جتنے
خوش قسمت نہیں ہیں۔

اور وہ آپ کے پاس کمرہ جماعت میں ہیں۔

میرا آج آپ سے بات کرنا اس لئے بہت اہم ہے،

تاکہ آپ واقف ہوں

اور آپ سوالات پوچھیں جن کے
پوچھنے کی ضرورت ہے

اور ان طلباء پر توجہ دیں،

تاکہ راہ تلاش کرنے میں
آپ بھی ان کی مدد کر سکیں۔

بطور کنڈرگارڈن استاد،

میں اپنے سال کا آغاز کرتی ہوں

جہاں میرے بچے سوانح حیات کے ڈبے بناتے ہیں۔

یہ میرے دو شاگرد ہیں۔

اور میں ان کی حوصلہ افزائی کرتی ہوں

کہ ان ڈبوں کو ان چیزوں سے پُر کریں جو
مجھے ان کے بارے میں آگہی دیتی ہیں

اور ان کی زندگی کے متعلق،

وہی، کہ آپ کے لئے کیا اہم ہے؟

وہ انہیں سجاتے ہیں،

میرا مطلب ہے، وہ واقعی وقت لیتے ہیں،

وہ انھیں اپنے اہل خانہ اور پالتو جانوروں
کی تصاویر سے بھرتے ہیں،

اور پھر میں انہیں اپنے اور کلاس کے
سامنے پیش کرنے دیتی ہوں۔

اور اس دوران،
میں ایک غور سے سننے والی ہوتی ہوں۔

کیونکہ جو کچھ وہ کہتے ہیں،

جو چہرے کے تاثرات وہ مجھے دیتے ہیں،

جو باتیں وہ نہیں کہتے

وہ میرے لئے سرخ جھنڈے بن سکتے ہیں

اور مجھے ان کی ضروریات
پتہ کرنے میں مدد کرسکتے ہیں۔

انہیں کیا چیز جذبہ دیتی ہے

شاید وہ رویے اپنانے کا جو وہ مجھے کلاس میں
دکھا رہے ہیں۔

میں کیسے ایک بہتر استاد بن سکتی ہوں

ان کی پکارسن کر؟

میں اُن کے ساتھ فروغِ تعلقات کے لیے
وقت نکالتی ہوں،

ویسا جیسا مسٹر رینڈولف نے
میرے ساتھ کیا تھا۔

میں ان کے ساتھ دوپہر کے کھانے کی میز پر
بیٹھتی ہوں،

وقفوں میں ان سے گفتگو کرتی ہوں،

ہفتے کے اختتام پر
ان کے کھیلوں میں جاتی ہوں،

ان کے رقص کی مشق میں جاتی ہوں۔

میں ان کی زندگی کا حصہ بن جاتی ہوں۔

کیونکہ کسی طالب علم کو جاننے کے لئے،

آپ کو اپنے آپ کو ان کی
زندگیوں میں شامل کرنا ہے.

میں جانتی ہوں آپ میں سے
بعض مڈل اسکول اساتذہ

اور ہائی اسکول اساتذہ ہیں،

اور شاید آپ سوچ رہے ہوں کہ وہ بچے

ایک طرح سے پہلے ہی سے
تیار ہیں، یعنی،

وہ اس وقت خود کار چلتے ہیں۔

لیکن دھوکہ نہ کھا جائیے گا۔

خصوصاً جو آپکےنزدیک پراعتماد بچے ہیں،

کیونکہ انہی کو آپ کی سب سے
زیادہ ضرورت پڑ سکتی ہے۔

اگر آپ میری سالانہ کتاب کو دیکھیں تو،

آپ کو میں ہر صفحے پر نظر آؤں گی،

کیونکہ میں ہر چیز میں شامل تھی۔

یہاں تک کہ میں نے اسکول بس بھی چلائی۔

(قہقہ)

تو میں وہ بچی تھی

جو اساتذہ کے نزدیک حد سے زیادہ
حاصل کرتی ہے،

ہر دلعزیز شخصیت،

جو ہر لحاظ سے پر اعتماد ہے۔

لیکن لوگو، میں کھوئی ہوئی تھی۔

میں کھوئی ہوئی تھی،

اورمیں چاہتی تھی کوئی پوچھے،

"لیزا، تم یہاں ہر وقت کیوں رہتی ہو،

تم خود کو ان سب چیزوں میں
کیوں پھینک رہی ہو؟"

کیا انہیں کبھی تعجب ہوا ،

کیا میں کسی سے بھاگ رہی تھی،

کیا میں کسی چیز سے بھاگ رہی تھی؟

میں کیوں نہیں رہنا چاہتی تھی
اپنی برادری میں

یا اپنے گھر میں؟

میں ہر وقت اسکول میں کیوں رہتی تھی؟

کسی نے کبھی نہیں پوچھا۔

اب مجھے غلط مت سمجھیٔے گا،

آپکے اسکولوں کے تمام
حد سے زیادہ کامیاب

زیادتی یا صدمے کے متاثرین نہیں ہیں۔

لیکن میں صرف چاہتی ہوں کہ آپ
متجسس ہونے کا وقت نکالیں.

ان سے پوچھیں کیوں؟

آپ کو پتہ چل سکتا ہے کہ
اسکے پیچھے کوئی وجہ ہے۔

ہو سکتا ہے کہ آپ کی وجہ سے
وہ آگے بڑھ سکیں

اپنی کہانی کے ساتھ۔.

احتیاط کریں کہ خود سے فرض نہ کریں

کہ آپ ان کی کہانی کا اختتام
پہلے ہی سے جانتے ہیں۔

جہاں ایک متوسط وقف ہونا چاہیئے
وہاں ایک نکتہ نہ لگائیں۔

اس کہانی کو جاری رکھیں

اور ان کی یہ جاننے میں مدد کریں
اگر کچھ برا ہوا ہے تب بھی،

ان کی زندگی جینے کے لائق ہے۔

ان کی کہانی بتانے کے قابل ہے۔

اب ایسا کرنے کے لیئے،

مجھے لگتا ہے کہ بطور معلم ہمیں اپنی
ذاتی کہانیوں کو گلے لگانا ہے۔

آپ میں سے بہت سے لوگ وہاں بیٹھے

اور سوچ رہے ہوں گے، "ہاں۔

یہ میرے ساتھ ہوا تھا۔

لیکن میں بتانے کے لیے تیار نہیں ہوں۔ "

اور یہ ٹھیک ہے۔

وقت آئے گا

جب آپ اسے اپنی روح کے اندر محسوس کریں گے

کہ اپنے دردِ ماضی کو موڑنے کا وقت آ گیا ہے

مستقبل کے مقصد میں.

یہ بچے ہمارا مستقبل ہیں۔

میں بس اسکو دن بہ دن لینے
کی حوصلہ افزائی کرتی ہوں.

کسی سے بات کریں۔

آمادہ ہوں اور بس اظہار کردیں۔

میری زندگی کی کہانی مکمل دائرے میں آ گئی

2018 کے موسم بہار میں،

جہاں مجھے تقریر کرنے کے لئے
مدعو کیا گیا تھا

نئے اساتذہ اور معلمین کے ایک گروہ سے۔

میں نے اپنی کہانی سنائی،
جیسے آج آپ کے ساتھ،

اور اس کے بعد ایک عورت میرے پاس آئی۔

اس کی آنکھیں اشک بار تھیں
اور وہ آہستگی سے بولی،"آپ کا شکریہ۔

گفتگو کرنے کا شکریہ.

میں اپنے والد کو بتانے کا
انتظار نہیں کرسکتی

وہ سب کچھ جو میں نے آج سنا ہے۔"

اس نے میرے حیرت زدہ چہرے کو دیکھا ہو گا،

کیونکہ بعد میں اس نے یہ کہا،

"مسٹر رینڈولف میرے والد ہیں۔"

سامعین: اوہ۔

لیزا گوڈ ون: "اور وہ اکثر سوچتے رہتے ہیں:

کیا میری وجہ سے کوئی فرق پڑا؟

آج، میں گھر جا کر ان سے کہوں گی،

"آپ کی وجہ سے یقیناً فرق پڑا ہے۔"

کیا تحفہ ہے۔

کیا تحفہ ہے۔

اور اس چیز نے مجھے ابھارا

کہ میں محترمہ میک فاڈین کی بیٹی
تک بھی پہنچوں،

اور ان کو بھی بتاوں

محترمہ میک فاڈین کا کیا اثر پڑا ہے۔

اور میں چاہتی تھی کہ وہ جان جائیں

کہ میں نے مزید رقم کی گزارش کی ہے

رہنمائی مشیروں کے لئے،
اسکول کے سماجی کارکنوں کے لئے،

ماہرین نفسیات کے لئے، نرسوں کے لئے،

کیونکہ وہ ذہنی و جسمانی
صحت کے لئے بہت اہم ہیں

ہمارے بچوں کی.

میں محترمہ میک فاڈین کی مشکور ہوں۔

(تالیاں)

میں نے ایک بار کسی کو کہتے سنا،

خود کو اندھیرے سے نکالنے کے لئے،

آپ کو روشنی تلاش کرنا ہو گی۔

آج، میں امید کرتی ہوں کہ
آپ اس جگہ سے جائیں

اور آپ روشنی بننے کے مواقع تلاش کریں۔

نہ صرف طلبا کے لئے

بلکہ بڑوں کے لئے جو آپ کے کمرہ جماعت میں،

آپ کے اسکولوں میں، آپ کی برادریوں میں ہیں۔

آپ کے پاس تحفہ ہے

کہ کسی کی مدد کرسکیں اس پار لگانے میں

ان کے صدمے کے دوران

اور ان کی کہانی کو قابل بیان بنانے میں۔

شکریہ.

(تالیاں)