-
तथ्यलाई दृश्यमा प्रस्तुत गर्नु मेरो पनि आफ्नो कामको मुटुमा पर्छ।
-
म विश्वव्यापी स्वास्थ्यका बारे पढाउंछु।
-
र मलाई थाहा छ यसबारे तथ्यांक मात्र भएर पुग्दैन।
-
मैले त्यसलाई यस्तो तरीकाले प्रस्तुत गर्न पर्छ की मानिसहरुले रमाइलो मानुन् र बुझुन्।
-
अब म आफूले पहिले कहिल्यै नगरेको काम गर्न गैरहेको छु:
-
त्यो हो तथ्यांकलाई वास्तविक धरातलमा एनिमेशनबाट प्रस्तुत गर्नु,
-
त्यसका लागि मलाई यहांका यी साथीहरुको प्राविधिक सहयोग प्राप्त छ
-
त शुरु गरौं: पहिले यो एक्सीस स्वास्थ्य को।
-
औसत आयु २५ बर्ष देखि ७५ बर्ष सम्म।
-
यहां मुनि अर्को एक्सिस बनाउं सम्पत्तिको:
-
प्रतिव्यक्ति आय: ४००, ४,००० र ४०,००० डलर।
-
भनेपछि गरिब र रोगीहरु यहां तल पर्ने भए,
-
यता माथि चाहिं धनी र निरोगीहरु।
-
अब म तपाईंलाई २०० बर्ष अघिको संसार देखाउंछु,
-
सन् १८१० तिरको।
-
यि भए संसारका सबै देशहरु:
-
युरोप खैरो, एशिया रातो, मध्यपूर्व हरियो, साहारादेखि दक्षिणको अफ्रीका नीलो,
-
र अमेरिकाज पहेंलो।
-
देशको नामको आकारको फोकाले त्यहांको जनसंख्या जनाउंछ।
-
र सन् १८१० मा यहां मुनि भिडभाड निकै थियो होइन त?
-
सबै देशहरुमा रोग र गरिबी व्याप्त थियो,
-
सबै देशमा मानिसहरुको औसत आयु ४० बर्षभन्दा मुनि थियो
-
र खाली युके र नेदरल्याण्ड्स मात्र केहि राम्रो अवस्थामा थिए,
-
तर त्यति धेरै पनि होइन।
-
अब म यो विश्वलाई गतिशिल बनाउंछु।
-
औद्योगीक क्रान्तिले युरोप र अन्यत्रका मुलुकलाई
-
बांकी भन्दा टाढा लैजान्छ,
-
तर एशिया र अफ्रीकामा उपनिवेश बनाइएका देशहरु
-
यहां तल अल्झिएर बसेका छन्।
-
पश्चिमा देशहरु विस्तारै विस्तारै निरोगी हुंदै जान्छन्।
-
अब युद्धको र रोगको प्रभाव केहि विस्तारै हेरौं,
-
पहिलो विश्वयुद्धको
-
र स्पेनी फ्लू महामारीको। यसबेला कस्तो ठूलो विपद भएको रहेछ।
-
अब तिब्र गतिमा अघि बढ्दै १९२० र १९३० को दशकतिर हेरौं।
-
ग्रेट डिप्रेशन भनिएको महा-आर्थिक मन्दीको बेलामा पनि
-
पश्चिमा देशहरु अघि बढी ने रहेका देखिन्छन्
-
अझ बढी सम्पन्नता र निरोगीपन तिर।
-
जापान र अरु देशहरु पछ्याउने प्रयास गर्छन्
-
तर धेरैजसो देशहरु यहां तल तिर नै अड्कीएका छन्।
-
अब, दोस्रो विश्व युद्धको वियोगहरु पछि
-
सन् १९४८ को संसार हेर्न एकैछिन अडिऔं।
-
१९४८ महान बर्ष थियो: लडाईं सकिएको थियो,
-
हिउंदे ओलिम्पिक्सको पदक तालिकामा स्वीडेन शिर्षस्थानमा थियो
-
र त्यही साल म पनि जन्में।
-
तर संसारका देशहरु बीचको भिन्नताको खाडल
-
पहिले कहिल्यै भन्दा बढी फराकिलो थियो।
-
संयुक्त राज्य अमेरिका अग्रस्थानमा थियो, जापान त्यसलाई पछ्याउंदै थियो
-
ब्रजील निकै पछाडी थियो,
-
तेलधनबाट इरान केहि सम्पन्न हुंदै थियो तर औसत आयु अझै पनि कमै थियो
-
र विशाल एशियाली अर्थतन्त्रहरु:
-
चिन, भारत, पाकिस्तान, बांग्लादेश र इन्डोनेशिया
-
तिनीहरु यहां मुनितिर अझै गरिब र रोगी नै थिए,
-
तर अब हेर्नुस् के हुनेछ!
-
लौ अब फेरि अघि बढौं।
-
मेरो जीवनकालमै, पहिलेका उपनिवेशहरु स्वतन्त्र भएका छन्,
-
र अन्तत: तिनीहरु विस्तारै निरोगी बन्न शुरु भएको छ
-
झन निरोगी
-
झन झन निरोगी।
-
र सन् १९७० को दशकमा, एशिया र ल्याटिन अमेरिकाका देशहरु
-
पश्चिमा देशहरुकै हाराहारीमा आउन थाले:
-
तिनीहरु उदाउंदो अर्थतन्त्र बन्न पुगे।
-
अफ्रीकाका केहि देशले तिनलाई पछ्याए
-
तर केहि अफ्रीकीहरु भने गृहयुद्धको चपेटामा परे
-
अरुलाई एचआइभीको मार पर्यो।
-
र अब हामी अहिलेको विश्व देख्न सक्छौं,
-
उपलब्ध भएसम्मको ताजा तथ्यांकहरुको दृश्यमा।
-
अहिले धेरैजसो मानिसहरु बीचको भागमा छन्।
-
तर यति नै बेला एकदम ठूला भिन्नताहरु पनि छन्
-
धनी देशहरु र गरिब देशहरुका बीचमा
-
र ति देशहरुभित्रै पनि ठूला असमानताहरु छन्।
-
यि फोकाहरुले देशहरुको औसतलाई देखाउंछन्
-
तर म तिनलाई विभाजीत गर्न सक्छु।
-
चिनलाई लिउं, म यस्लाई प्रान्तहरुमा विभाजीत गर्छु।
-
त्यो सांघाई भयो।
-
त्यहां अहिले इटलीमा जत्तिकै सम्पत्ति र निरोगीपना छ।
-
र यहां गरिब भित्री प्रान्त गुईझु छ,
-
यो पाकिस्तान जस्तो छ।
-
यस्लाई अझै थप टुक्रा पार्ने हो भने
-
यहांका ग्रामिण भेकहरु अफ्रीकाको घाना जस्तै छन्।
-
तैपनि, यत्तिका विशाल असमानताहरु अहिले विद्यमान छंदा छंदै
-
हामीले गत दुईसय बर्षमा भएका उल्लेखनीय प्रगतिहरुलाई देख्यौं।
-
त्यो ठूलो ऐतिहासिक खाडल
-
जुन पश्चिम र बांकी विश्वका बीच थियो त्यो अब पुरिंदैछ।
-
हामी नितान्त नयां एकिकरणमुखी संसार बन्न पुगेका छौं
-
र म भविष्यको दिशामा स्पष्ट परिवर्तनहरु देखिरहेको छु
-
सहायता, व्यापार, हरित प्रविधि र शान्ति सहितको।
-
सबै देशहरुले त्यस्तो लक्ष्य हासिल गर्न एकदमै सम्भव छ
-
जुन यो स्वस्थ र सम्पन्नहरुको कुनामा पर्छ।
-
र यसरी वितेका केहि मिनेटमा तपाईंले जे देख्नु भयो
-
त्यो विश्वका दुई सय देशहरुको
-
दुई सय बर्ष र त्यो भन्दा पनि अघि देखिको कथा हो।
-
त्यो देखाउनका लागि एकलाख बीस हजार अंकहरुको संयोजन गर्नु परेको थियो।
-
गज्जब होइन त?
