Harrojini blerjet. Së shpejti mund t'i shkarkoni veshjet tuaja të reja

Veshjet e shkarkuara, të printuara mund të bëhen pjesë e dollapit tuaj. Çka filloi për dizajneren Danit Peleg vetëm si projekt në shkollën e modës, u kthye në një koleksion dizajnesh të printuara në 3D që kanë rezistencën dhe elasticitetin e veshjeve të përditshme. "Moda është diçka shumë fizike," thotë ajo. "Pyes veten se si do të dukej bota kur veshjet tona do të ishin të digjitalizuara."

Muajt e fundit, kam udhëtuar
për javë të tëra

me vetëm një valixhe rrobash.

Një ditë, isha e ftuar në një
ngjarje të rëndësishme

dhe doja të vishja diçka të veçantë
dhe të re.

Fillova të shikoj në valixhen time
dhe s'mund të gjeja asgjë të vesh.

Për fat isha në një konferencë
teknologjike atë ditë,

dhe kisha qasje në printera 3D.

Kështu shpejt e shpejt e dizajnova
një fund në kompjuterin tim,

dhe e ngarkova dosjen në printer.

I printova pjesët gjatë mbrëmjes.

Mëngjesin tjetër,
i morra të gjitha pjesët,

i qepa së bashku në dhomën time në hotel,

dhe ky është fundi që kam të
veshur tani.

(Duartrokitje)

Nuk ishte hera e parë që
veshjet e mia i printova.

Për koleksionin tim përfundimtar te
shkollës së dizajnit të modës,

vendosa të provoj t'i printoj 3D
të gjithë koleksionin prej shtëpisë sime.

Problemi qëndronte që nuk dija shumë
për printime 3D,

dhe kisha vetëm nëntë muaj kohë te kuptoj
se si t'i printoj pesë komplete të modës.

Gjithmonë ndihem më krijuese
kur punoj nga shtëpia.

E adhuroja të eksperimentoja
me materiale të reja,

dhe gjithmonë jam munduar të
zhvilloja teknika të reja

që të bëja tekstile nga më të veçantat
për projektet e mia të modës.

Më pëlqente shumë të shkoja në fabrika
të vjetra dhe në dyqane të çuditshme

në kërkim të mbetjeve të pluhrosura
dhe materialeve të çuditshme,

dhe pastaj t'i sillja në shtëpi
që të eksperimentoja.

Ndoshta e kuptoni,

që shoqeve te dhomes nuk
i ka pëlqyer kjo fare.

(Të qeshura)

Kështu që vendosa të vazhdoja të
punoja me makina të mëdha,

nga ato që nuk m'i nxinte dhoma.

Më pëlqen puna që bëj dhe se si e bëj

me të gjitha llojet e teknologjisë
së modës,

si makinat për thurje, prerjet me
lazer dhe stampimin e pelhurave.

Në një pushim veror, erdha këtu në
Nju Jork për një praktikë

në një shtëpi të modës në Chinatown.

Kemi punuar në dy fustane të
jashtëzakonshme që ishin printuar në 3D.

Ishin të mrekulleshme --
siç edhe mund të shihen.

Por hasa në disa pengesa me to.

Ishin bërë nga plastika të forta
dhe prandaj ishin shumë të thyeshme.

Modelet nuk mund të uleshin me to,

madje ato edhe janë gërvishur
nga plastika nën krahët e tyre.

Me printime 3D, dizajnerat kishin
shumë liri

që t'i bënin fustanet të dukeshin
ashtu siç dëshironin,

por ende, ishin goxha të varur në printera
industriale të mëdha dhe të shtrenjtë

që ishin vendosur në një laborator
larg prej studios së tyre.

Më vonë atë vit, një shok më dha
një qafore të printuar 3D,

e printuar në një printer shtëpie.

E dija që këto printera
ishin shumë më të lira

dhe më të përdorshme se sa
ato që i kishim përdorur tek praktika ime.

E shikova qaforen,

dhe mendova, "Nëse mund të printoj
një qafore nga shtëpia,

pse mos t'i printoj rrobat e mia
nga shtëpia, gjithashtu?"

Vërtet më pëlqeu ideja që nuk duhej
të shkoja në treg

dhe të zgjidhja materiale që
dikush tjetër vendos t'i shese --

Unë mund t'i dizajnoja vetë ato
dhe t'i printoja direkt nga shtëpia.

E gjeta një hapësirë të vogël krijuesish,

ku mësova gjithçka që di për printimet 3D.

Menjëherë, ata m'i dhanë çelësat
e laboratorit,

në mënyrë që të eksperimentoja
natën, çdo natë.

Sfida kryesore ishte të gjeja
filamentin e saktë për të printuar rrobat.

Cfarë është filamenti?

Filamenti është materiali
që ia ushqen printerit.

Dhe kam shpenzuar gati një muaj
duke eksperimentuar me plastikë,

që është material i thyeshëm, i fortë
dhe gërvishtës.

Zbulimi erdhi kur gjeta Filaflex,

që është një filament i ri.

Është i fortë, megjithatë është
edhe elastik.

Dhe me të, isha e gatshme të
shtypja veshjen e parë,

xhaketën e kuqe që e kishte fjalën
të shtypur "Liberté" --

"liri" në gjuhën frënge --

të ngulitur në të.

E zgjodha këtë fjalë sepse u ndjeva
aq e fuqishme dhe e lirë

kur mund të dizajnoja një veshje
nga shtëpia ime

dhe pastaj t'a shtypja vetë atë.

Dhe faktikisht, mund t'a shkarkoni shumë
lehtë këtë xhaketë,

dhe lehtë të ndryshoni fjalën
në diçka tjetër.

Për shembull, emrin tuaj ose
emrin e të dashurit tuaj.

(Të qeshura)

Pllakat e printerit janë të vogla,

kështu që më është dashur që t'i bashkoja
veshjet, si të ishte një gjëzë.

Dhe doja që të zgjidhja një tjetër sfidë.

Doja të printoja tekstile

që do t'i përdorja si materiale
të zakonshme.

Ky ishte momenti ku gjeta
një dosje të burimit të hapur

nga një arkitekt i cili kishte dizajnuar
një model që e adhuroj.

Dhe me të, unë isha e aftë të
shtypja një tekstil të bukur

që do t'a përdorja si të ishte
një material i zakonshëm.

Dhe faktikisht duket pak si dantellë.

Kështu që e morra dosjen e tij dhe
e ndryshova pak, luajta me të --

bëra shumë versione prej saj.

Dhe m'u desh të printoja edhe 1,500 orë

që të përfundoja koleksionin tim.

Kështu që solla gjashtë printera në
shtëpinë time dhe printova 24-7.

Dhe në fakt ky është një proces
shumë i ngadalshëm,

por le ta kujtojmë që edhe Interneti
ishte goxha i ngadalshëm para 20 vjeteve,

pra printimi 3D gjithashtu do të avancoje

dhe shumë shpejt do të jeni në gjendje
të shtypni një bluzë nga shtëpia juaj

në më pak se disa orë ose edhe minuta.

Atëherë njerëz, dëshironi të shihni
se si duket?

Publiku: Po!

(Duartrokitje)

Danit Peleg: Rebeka ka veshur
një ndër pesë veshjet e mia.

Gati të gjitha që i ka veshur,
i kam printuar nga shtëpia ime.

Madje edhe këpucët janë të printuara.

Publiku: Wow!

Publiku: Interesant!

(Duartrokitje)

Danit Peleg: Faleminderit, Rebeka.

(Nga publiku) Faleminderit juve!

Kështu që mendoj në të ardhmen,
materialet do të zhvillohen,

dhe do të duken e ndjehen njësoj si
materialet që i kemi sot,

si pambuku ose mëndafshi.

Imagjinoni veshjet individuale që
do të i'u përshtateshin masave të juaja.

Muzika në fillim ishte diçka fizike.

Ju duhej të shkonit t'i blinit
CD-t në një dyqan disqesh,

por tani mundeni vetëm ta shkarkoni
muzikën --

muzikën digjitale --

direkt në telefonin e juaj.

Moda gjithashtu është diçka shumë fizike.

Dhe pyes veten se si bota jonë
do të dukej

kur veshjet tona do të ishin
të digjitalizuar, sic është ky fundi.

Faleminderit shumë.

(Duartrokitje)

(Faleminderit)

(Duartrokitje)