Galician subtitles

← Como podemos cambiar o futuro do cambio climático

Get Embed Code
38 Languages

Showing Revision 12 created 09/01/2020 by Xosé María Moreno.

  1. Estou aquí para falar do cambio climático,
  2. pero realmente non son un ecoloxista.
  3. De feito nunca me considerei
    unha persoa moi conectada coa natureza.
  4. Nunca fun de campamento,
    nin fixen sendeirismo
  5. e nunca criei unha mascota.
  6. Vivín toda a miña vida en cidades,
  7. máis ben nunca única cidade.
  8. E aínda que me gusta viaxar
    para visitar a natureza,
  9. sempre pensei nela como algo
    que ocorría noutro lugar,
  10. moi lonxe,
  11. e que a vida moderna
    era una fortaleza contra as súas forzas.
  12. Noutras palabras,
  13. como practicamente todas
    as persoas que coñezo,
  14. vivía a miña vida
    satisfeito conmigo mesmo
  15. e ignorando
  16. a amenaza do quecemento global.
  17. Cousa que pensaba
    que acontecía lentamente,
  18. a unha gran distancia
  19. e representaba tan só unha leve
    amenaza para a miña forma de vida.
  20. Respecto a todas estas formulacións
  21. estaba pero que moi equivocado.
  22. Agora a maioría da xente,
    cando fala do quecemento global

  23. conta unha historia sobre o futuro.
  24. Se eu a contase, diría:
  25. "Segundo a ONU, se non cambiamos o rumbo,
  26. para finais de século,
  27. é probable
    que chegemos aos 4º C de quecemento.
  28. Isto significaría,
    segundo algúns científicos,
  29. o dobre de guerras,
  30. a metade de alimentos,
  31. un PIB global posiblemente dun 20 % menos
    do que sería sen o quecemento global.
  32. Isto suporía un impacto máis grave
    que o da Gran Depresión,
  33. e sería permanente.
  34. Pero en realidade os impactos
    vanse producir moito antes do 2100.

  35. Para o ano 2050, estímase
  36. que moitas das grandes cidades
    de Asia do Sur e Oriente Medio
  37. serán literalmente inhabitables
    debido á calor que fará no verán.
  38. Estas son cidades que hoxe en día
    acollen a 10, 12 ou 15 millóns de persoas.
  39. E en tan só tres décadas,
  40. non se podería pasear por elas
  41. sen arriscarse a un golpe de calor
    ou a unha posible morte.
  42. Hoxe en día o planeta
    é 1.1º C máis quente

  43. do que o era antes da industrialización.
  44. Pode que non pareza moito,
  45. pero en realidade sitúanos totalmente
    fóra do escaparate de temperaturas
  46. que envolven toda a historia humana.
  47. Isto quere dicir que todo
    o que coñeciamos como especie,
  48. a evolución do animal humano,
  49. o desenvolvemento da agricultura,
  50. o da civilización rudimentaria,
  51. a civilización moderna e a industrial;
  52. todo o que coñeciamos sobre nós mesmo
    como criaturas biolóxicas,
  53. como criaturas socias,
    como criaturas políticas,
  54. todo iso é o resultado
    das condicións climáticas
  55. que xa deixamos atrás.
  56. É como se aterrásemos
    nun planeta totalmente diferente,
  57. cun clima totalmente diferente.
  58. E agora temos que descubrir
  59. que parte da civilización
    que traemos connosco
  60. pode sobrevivir a estas condicións
  61. e cal non.
  62. E as cousas empeorarán a partir de agora.
  63. Durante moito tempo

  64. contáronnos que o cambio climático
    era como unha saga lenta.
  65. Comezaba coa Revolución Industrial
  66. e tocábanos arranxar
  67. a desfeita que os nosos avós deixaron,
  68. para que os nosos netos
    non lidasen coas consecuencias.
  69. Foi unha historia que durou séculos.
  70. De feito, a metade das emisións
  71. que producimos
    pola queima de combustibles fósiles
  72. ao longo da historia da humanidade
  73. producíronse tan só nos últimos 30 anos.
  74. Dende que Al Gore publicou o seu primeiro
    libro sobre quecemento global.
  75. E dende que a ONU estableceu o seu
    organismo de cambio climático do IPCC
  76. causamos máis dano
  77. que en todos os séculos
    e milenios anteriores.
  78. Agora mesmo teño 37 anos,

  79. o que significa que a miña vida
    contén toda esta historia.
  80. Cando eu nacín parecía
    que o clima do planeta era estable.
  81. Hoxe en día
  82. estamos ao bordo da catástrofe.
  83. A crise climática
    non é o legado dos nosos antepasados.
  84. É obra dunha única xeración.
  85. A nosa.
  86. Estas poden parecer malas noticias.

  87. En realidade son moi malas noticias.
  88. Pero penso que tamén implican
  89. algunhas boas noticias,
    aínda que sexa de forma relativa.
  90. Estas consecuencias son
    terriblemente grandes.
  91. Pero penso que tamén son estimulantes.
  92. Porque son basicamente un reflexo
  93. do grandísimo poder
    que temos sobre o clima.
  94. Se chegamos a esas horribles situacións
  95. será porque nós mesmos
    fixemos que ocorresen,
  96. porque escollemos deixar que ocorresen.
  97. O que significa que podemos escoller
    que ocurran outras situacións tamén.
  98. Pode que sexa un pensamento moi optimista

  99. e, de feito,
    os obstáculos políticos son enormes.
  100. Pero é algo moi simple.
  101. A causante do quecemento global
    é a actuación humana:
  102. canto carbono aportamos á atmosfera?
  103. As nosas mans están nesa panca.
  104. Nós mesmos podemos escribir
    a historia do futuro clima do planeta.
  105. Non só podemos, senón que o faremos.
  106. Dado que a inactividade
    é un tipo de actividade,
  107. escribiremos esta historia
    queiramos ou non.
  108. Non é unha historia calquera,
  109. a de todos nós sostendo
    o futuro do planeta nas nosas mans.
  110. É o tipo de historia que
    adoitabamos identificar só na mitoloxía
  111. e na teoloxía.
  112. Unha única xeración
  113. que puxo o futuro da humanidade en dúbida
  114. e agora ten como tarefa
    asegurar un novo futuro.
  115. Como sería este?

  116. Poderiamos ter un planeta
    cuberto de paneis solares,
  117. mirásemos a onde mirásemos.
  118. Podería supor que, no caso de desenvolver
    unha tecoloxía mellor,
  119. nin sequera precisásemos
    implementalos tan ampliamente,
  120. xa que se calcula que
    tan só un chisco do deserto do Sáhara
  121. absorbe suficiente enerxía solar
    para cubrir as necesidades mundiais.
  122. Pero probablemente precisariamos
    unha nova rede eléctrica,
  123. unha que non perda dous terzos
    da súa enerxía en calor residual
  124. como ocorre hoxe en día nos EEUU.
  125. Quizais poderiamos utilizar
    máis enerxía nuclear,
  126. aínda que tería que ser un tipo
    de enerxía nuclear totalmente diferente,
  127. porque a tecnoloxía actual non é
    competitiva en custos
  128. coa enerxía renovable, cuxos
    prezos están caendo rapidamente.
  129. Precisariamos un modelo novo de avión,

  130. porque non creo que sexa
    especialmente práctico
  131. pedirlle ao mundo enteiro
    que non viaxe por aire,
  132. sobre todo xa que
    gran parte do sur global,
  133. por primeira vez,
    ten cartos para facelo.
  134. Precisamos avións
    que non produzan carbono.
  135. Precisamos un novo modelo de agricultura,
  136. porque non podemos pedirlle á xente
    que renuncie á carne e se volva vegana.
  137. Suporía unha nova forma de criar reses.
  138. Ou quzais unha antiga forma,
  139. dado que xa sabemos que as prácticas
    tradicionais de pastoreo
  140. poden converter as granxas de gando
  141. que se coñecen como fontes
    de carbono, que producen CO2,
  142. en sumidoiros de carbono, que as absorben.
  143. Se prefiren un remedio tecnolóxico
  144. quizais poderiamos crear
    carne en laboratorios.
  145. Probablemente poderiamos
    alimentar as reses con algas,
  146. xa que iso reduciría as súas emisións
    de metano ata nun 95 ou 99 %.
  147. Probablemente teriamos
    que facer todo isto,

  148. porque como en todos os aspectos
    deste crebacabezas,
  149. o problema é demasiado grande e complicado
  150. para que se resolva de forma milagrosa.
  151. E non importa
    cantas solucións implementemos,

  152. probablemente non seremos capaces
    de descarbonizar a tempo.
  153. Enfrontámonos a uns números aterradores.
  154. Non podemos derrotar ao cambio climático,
  155. tan só podemos vivir con el e limitalo.
  156. Probablemente necesitariamos
  157. certa cantidade
    do que chamamos emisións negativas,
  158. que tamén eliminan carbono da atmosfera.
  159. Billóns de árbores novos,
    ou quizais trillóns.
  160. Plantacións enteiras de máquinas
    que capturen carbono.
  161. Quizais unha industria o doble
    ou o cuádruple de grande
  162. que o negocio do gas e o petróleo actual
  163. para emendar o dano causado
    por eses negocios nas últimas décadas.
  164. Precisariamos
    un novo tipo de infraestrutura,

  165. construída a base dun tipo
    diferente de cemento,
  166. porque actualmente,
    se este fose un país
  167. sería o terceiro emisor
    máis grande do mundo.
  168. E China emprega tanto cemento
    cada tres anos
  169. como os EEUU en todo o século 20.
  170. Teriamos que construír
    quebraondas e diques
  171. para protexer
    a todas as persoas que viven nas costas,
  172. pero moitas son moi pobres
    para poder facelo actualmente.
  173. Isto debería supor a fin das xeopolíticas
    estreitamente nacionalistas
  174. que permiten definir o sufrimento
    dos que viven en calquera lugar do mundo
  175. como insignificante,
  176. incluso cando o recoñecemos.
  177. Este futuro mellor non será sinxelo.

  178. Pero o único obstáculo son os humanos.
  179. Pode que non sexa un gran sosego,
  180. se saben o mesmo ca min
    sobre a crueldade e a indiferenza humana,
  181. pero prométolles que é mellor
    que a alternativa.
  182. A ciencia non nos impide tomar medidas
  183. e a tecnoloxía tampouco.
  184. Posuímos as ferramentas que precisamos
    hoxe en día para comezar.
  185. Por suposto, tamén temos as ferramentas
    necesarias para rematar coa fame,
  186. as enfermidades epidémicas
  187. e tamén o maltrato ás mulleres.
  188. E é por iso que máis que ferramentas
    precisamos novas políticas,
  189. unha maneira de vencer
    todos os obstáculos humanos:
  190. a nosa cultura, a nosa economía,
  191. a tendencia a esta situación,
  192. o noso desinterese por tomarnos en serio
    calquera cousa que temamos.
  193. A nosa falta de visión.
  194. O noso sentido do interese propio.
  195. E o egoísmo dos ricos
    e poderosos do mundo,
  196. que teñen unha motivación mínima
    para cambiar algo.
  197. Agora si, eles tamén sufrirán,
  198. pero non tanto
    como os máis desfavorecidos,
  199. que farán o posible
    por producir menos quecemento
  200. e serán os menos beneficiados
  201. polos procesos que nos trouxeron
    a este punto da crise,
  202. pero levarán unha carga maior
    nas vindeiras décadas.
  203. Unha nova política
  204. fará que manexar esa carga,
  205. onde cae e con que intensidade,
  206. sexa a principal prioridade da nosa época.
  207. Fagamos o que fagamos, o quecemento
    global transformará a vida moderna.

  208. Certa cantidade de quecemento
    xa está aí e é inevitable,
  209. o que supón que seguramente
    tamén exista un sufrimiento adicional.
  210. E aínda que tomemos medias drásticas
  211. e evitemos algunhas destas
    verdadeiramente terroríficas situacións,
  212. significaría vivir un planeta
    totalmente diferente.
  213. Cunha nova política, unha nova economía,
  214. unha nova relación coa tecnoloxía
  215. e unha nova relación coa natureza:
  216. un mundo totalmente novo.
  217. Pero relativamente habitable.
  218. Relativamente próspero.
  219. E verde.
  220. Por que non o iamos escoller?
  221. Grazas.

  222. (Aplausos)