അന്തരീക്ഷത്തിൽ നിന്ന് CO2 നീക്കം ചെയ്യുന്നതിലൂടെ നമുക്ക് കാലാവസ്ഥാ വ്യതിയാനം നിർത്തുവാൻ സാധിക്കുമോ?

കാലാവസ്ഥാവ്യതിയാനം നമുക്ക് ചികിത്സിക്കുവാൻ സാധിക്കുമോ? ഭൗമ എഞ്ചിനിയറിങ് ഗവേഷകൻ ടിം ക്രൂഗർ ഇത് പരീക്ഷിച്ച് നോക്കുവാൻ ആഗ്രഹിക്കുന്നു. പ്രതീക്ഷ നൽകുന്ന ഒരു സാദ്ധ്യത അദ്ദേഹം നമ്മോട് പങ്കിടുന്നു. പ്രകൃതിവാതകം ഉപയോഗിച്ച് അന്തരീക്ഷത്തിൽ നിന്ന് കാർബൺ ഡയോക്സൈഡ് നീക്കം ചെയ്യുന്ന തരത്തിൽ വൈദ്യുതി ഉത്പാദിപ്പിക്കുന്ന രീതി. ഇപ്പോൾ തന്നെ ഭീകരരൂപം പ്രാപിച്ചിരിക്കുന്ന ആഗോളതാപനത്തിന് തടയിടാനുള്ള സൃഷ്ടിപരവും കരുതിക്കൂട്ടിയുള്ളതുമായ ശ്രമം നടത്തുവാൻ ആഗ്രഹിക്കുന്ന ഈ വിവാദപരമായ മേ ലയെപ്പറ്റി കൂടുതൽ അറിയൂ -- സാദ്ധ്യതകളും അപകടങ്ങളും --.

അപകടകരമായ കാലാവസ്ഥാ വ്യതിയാനം തടയാനായി

വാതക ബഹിർഗമനം വളരെപ്പെട്ടെന്ന്
തടയേണ്ടതുണ്ട്.

ഈ പ്രസ്താവനയോട് വലിയ
എതിർപ്പുണ്ടാകേണ്ട കാര്യമില്ല

പ്രത്യേകിച്ച് എനിക്ക് മുന്നിലുള്ള
പ്രേക്ഷരിൽ.

കുറച്ചുകൂടി എതിർപ്പുണ്ടാക്കിയേക്കാവുന്ന
ഒരു പ്രസ്താവന ഇതാ:

കാര്യം നടക്കാൻ ഇത് മാതം പോര.

നമുക്ക് ലഭ്യമായ കാർബൺ ബജറ്റ് നാം
വളരെപ്പെട്ടെന്ന് ഉപയോഗിച്ചുതീർക്കും

ഇത് ഒന്നര ഡിഗ്രിയാണ്

കുറച്ചു വർഷങ്ങൾ മാത്രം മതി ഇത്

രണ്ട് ഡിഗ്രി ബജറ്റാവാൻ

നമുക്ക് രണ്ട് പതിറ്റാണ്ട് മതി.

വാതക ബഹിർഗമനം വളരെപ്പെട്ടെന്ന് കുറയ്ക്കുക
എന്നത് മാതമല്ല നമ്മുടെ ആവശ്യം

കാർബൺ ഡൈ ഓക്സൈഡ് അന്തരീക്ഷത്തിൽ
നിന്ന് നീക്കം ചെയ്യുക കൂടി വേണം

നന്ദി.

(ചിരി)

ഇതിനായി നിർദ്ദേശിക്കപ്പെട്ടിട്ടുള്ള പല
പദ്ധതികളും പരിശോധിക്കുകയാണ് എന്റെ ജോലി

ഇവ ഫലപ്രദമാണോ എന്ന പരിശോധന

CO2 നീക്കം ചെയ്യാനായി നമുക്ക് സസ്യങ്ങളെ
ഉപയോഗിക്കാവുന്നതാണ്

മരങ്ങളിൽ ശേഖരിച്ച്

ആഴത്തിൽ മണ്ണിനടിയിലോ സമുദ്രത്തിലോ
സൂക്ഷിക്കാം.

കൃത്രിമ മരങ്ങൾ എന്ന് വിളിക്കാവുന്ന വലിയ
യന്ത്രങ്ങൾ നിർമിച്ച്

CO2 വായുവിൽ നിന്ന് നീക്കം ചെയ്യാവുന്നതാണ്.

ഈ ആശയങ്ങൾ പ്രാവർത്തികമാവുന്നതിന്

ഇവ നടപ്പിൽ വരുത്തുന്നതിനെപ്പറ്റി
കൂടുതൽ അറിവ് നേടേണ്ടതുണ്ട്

സുരക്ഷിതവും, ലാഭകരവും പൊതു സ്വീകാര്യത
ഉള്ളതുമായ രീതിയിൽ വലിയ തോതിലായിരിക്കും ഇത് ചെയ്യുക

ഈ ആശയങ്ങൾക്കെല്ലാം ഗുണദോഷവശങ്ങളുണ്ട്

ഇവയൊന്നും കുറ്റമറ്റവയല്ല

പക്ഷേ പലതും പ്രതീക്ഷ നൽകുന്നുണ്ട്.

ഒരു ആശയവും സ്വന്തം നിലയിൽ ഈ
പ്രശ്നം പരിഹരിക്കാനുള്ള സാദ്ധ്യത വിരളമാണ്

വജ്രായുധങ്ങളൊന്നുമില്ല

പക്ഷേ ഒരുമിച്ച് നോക്കുമ്പോൾ
ഇവയെല്ലാം ചേർന്ന ആവനാഴി

കാലാവസ്ഥാ വ്യതിയാനത്തെ തടഞ്ഞുനിർത്താൻ
മതിയായേക്കാം.

ഞാൻ ഒരു ആശയം സംബന്ധിച്ച്
സ്വതന്ത്രമായി പ്രവർത്തിക്കുകയാണിപ്പോൾ.

പ്രകൃതി വാതകം ഉപയോഗിച്ച്
വൈദ്യുതി ഉണ്ടാക്കുന്നതിനോടോപ്പം

കാർബൺ ഡൈ ഓക്സൈഡ് അന്തരീക്ഷത്തിൽ
നിന്ന് നീക്കം ചെയ്യുന്നതാണിത്.

ങേ? അതെങ്ങനെ നടക്കും?

ഓറിജൻ പവർ പ്രോസസ്സ് ഒരു ഫ്യൂവൽ
സെല്ലിലേയ്ക്ക് വൈദ്യുതി കടത്തി വിടുന്നു

ഏകദേശം പകുതി രാസോർജ്ജം
വൈദ്യുതിയായി മാറ്റുന്നു,

ബാക്കി താപമായി മാറുന്നു,

ഇതുപയോഗിച്ച് ചുണ്ണാമ്പുകല്ല്

ചുണ്ണാമ്പും കാർബൺഡയോക്സൈഡുമായി മാറ്റുന്നു.

എനിക്ക് വട്ടാണെന്നായിരിക്കും ഒരുപക്ഷേ
നിങ്ങൾ ഇപ്പോൾ ചിന്തിക്കുന്നത്.

ഇത് ശരിക്കും കാർബൺഡയോക്സൈഡ്
ഉണ്ടാക്കുകയാണ്.

പക്ഷേ കാതലായ വിഷയം, ഉണ്ടാകുന്ന
കാർബൺഡയോക്സൈഡ് മുഴുവൻ,

ഫ്യൂവൽ സെല്ലിലും ചുണ്ണാമ്പ് ചൂളയിലും
നിന്നുണ്ടാകുന്നത്, ശുദ്ധമാണ് എന്നതാണ്.

ഇത് വളരെ പ്രാധാനമാണ്.

ഇതിനർത്ഥം ഒന്നുകിൽ ആ കാർബൺ
ഡയോക്സൈഡ് ഉപയോഗിക്കാം എന്നോ

അല്ലെങ്കിൽ കുറഞ്ഞ ചിലവിൽ അത് മണ്ണിനടിയിൽ
സൂക്ഷിച്ച് വയ്ക്കാം എന്നോ ആണ്.

ഉത്പാദിപ്പിക്കുന്ന ചുണ്ണാമ്പ് വ്യവസായ
ആവശ്യങ്ങൾക്കായി ഉപയോക്കുകയുമാവാം

ഇതിലൂടെ ചുണ്ണാമ്പ് അന്തരീക്ഷത്തിൽ നിന്ന്
CO2 നീക്കം ചെയ്യും.

പ്രക്രിയ മൊത്തമായെടുത്താൽ കാർബൺ ന്യൂനമായതാണ്.

ഇത് കാർബൺ ഡയോക്സൈഡ് അന്തരീക്ഷത്തിൽ
നിന്ന് നീക്കം ചെയ്യുന്നു.

പ്രകൃതിവാതകത്തിൽ നിന്ന് സാധാരണ രീതിയിൽ
വൈദ്യുതി ഉത്പാദിപ്പിച്ചാൽ

ഓരോ കിലോവാട്ട് അവറിനും 400 ഗ്രാം CO2

അന്തരീക്ഷത്തിലേയ്ക്ക് വിടുന്നുണ്ട്

ഈ പ്രക്രിയയിൽ ഇത് മൈനസ് 600 ആണ്.

ഈ കാലഘട്ടത്തിൽ ഊർജ്ജോത്പാദനമാണ്

ആകെ കാർബൺ ഡയോക്സൈഡ് ബഹിർഗമനത്തിന്റെ
നാലിലൊന്നിനും കാരണമാകുന്നത്.

ഊർജ്ജോത്പാദനം മുഴുവൻ ഈ പ്രക്രിയയിലൂടെയാണ്
എന്ന് സങ്കല്പിച്ചാൽ

ഊർജ്ജോത്പാദനം മൂലമുള്ള ബഹിർഗമനം
മുഴുവൻ ഇല്ലാതാകും എന്ന് മാത്രമലല്ല

മറ്റുള്ള മേഖലകളിൽ നിന്നുള്ള ബഹിർഗമനം
നീക്കം ചെയ്യാനും സാധിക്കും.

കാർബൺ ബഹിർഗമനത്തിന്റെ 60% ഈ
രീതിയിലൂടെ ഇല്ലാതാക്കാൻ സാധിച്ചേയ്ക്കും.

ഈ പ്രക്രിയയിലൂടെ കിട്ടുന്ന ചുണ്ണാമ്പ്

സമുദ്രങ്ങളിലെ അമ്ലതയെ ചെറുക്കാനായി
കടൽ വെള്ളത്തിൽ നേരിട്ട് ചേർക്കാവുന്നതുമാണ്

അന്തരീക്ഷത്തിലെ CO2 ഉണ്ടാക്കുന്ന മറ്റ്
പ്രശ്നങ്ങളിൽ ഒന്നാണിത്.

ചിലവാക്കുന്ന പണത്തിന് കൂടുതൽ മൂല്യം!

കടൽ വെള്ളത്തിൽ ചേർക്കുമ്പോൾ ഇരട്ടി കാർബൺ
ഡയോക്സൈഡ് ആഗിരണം ചെയ്യപ്പെടുന്നു

വ്യവസായങ്ങളെ അപേക്ഷിച്ച് നോക്കുമ്പോളാണിത്.

ഇവിടെയാണ് കാര്യങ്ങൾ സങ്കീർണമാകുന്നത്.

സമുദ്രങ്ങളിലെ അമ്ലത കുറയ്ക്കുന്നത്
നല്ല കാര്യമാണെങ്കിലും

ഇതിന്റെ പാരിസ്ഥിതിക ഫലങ്ങൾ എന്തൊക്കെ
എന്ന് നമുക്ക് പൂർണ്ണമായി മനസ്സിലായിട്ടില്ല

ഈ ചികിത്സ യഥാർത്ഥത്തിൽ

രോഗത്തേയ്ക്കാൾ മെച്ചമാണോ എന്ന്
പരിശോധിക്കേണ്ടിയിരിക്കുന്നു

ഘട്ടം ഘട്ടമായുള്ള മേൽനോട്ടം
നടപ്പിലാക്കേണ്ടതുണ്ട്

ഇതിന്റെ സുരക്ഷ സംബന്ധിച്ച
പരീക്ഷണങ്ങൾക്കായി.

മാത്രമല്ല, ഇതിന്റെ അളവ്:

അപകടകരമായ കാലാവസ്ഥാവ്യതിയാനം

ഒഴിവാക്കുവാനായി നമുക്ക് നൂറുകണക്കിന് കോടി

നൂറ് തന്നെ. കേട്ടത് തെറ്റിയിട്ടില്ല

ടൺ കാർബൺ ഡയോക്സൈഡ് അടുത്ത പതിറ്റാണ്ടുകളിൽ
അന്തരീക്ഷത്തിൽ നിന്ന് നീക്കേണ്ടതുണ്ട്.

ഇതിന്റെ ചിലവ് ആഭ്യന്തരോത്പാദനത്തിന്റെ
ഏതാനം ശതമാനം വരും. സൈനികച്ചിലവോളം.

ധാരാളം വ്യാവസായിക പ്രക്രിയകളും

ഒഴിവാക്കാനാകാത്ത ദൂഷ്യഫലങ്ങളും ഉണ്ടാകും.

അളവ് വളരെ വലുതാണ് എന്ന് തോന്നുന്നുവെങ്കിൽ

അതിന്റെ കാരണം പരിഹരിക്കാൻ
ശ്രമിക്കുന്ന പ്രശ്നത്തിന്റെ

വ്യാപ്തി അത്ര വലുതാണ് എന്നതാണ്.

വളരെ ബൃഹത്തായ പ്രശ്നമാണിത്.

ഈ കുഴഞ്ഞ പ്രശ്നങ്ങൾ ഇനി നമുക്ക്
കണ്ടില്ല എന്ന് നടിക്കാനാവില്ല.

ഏത് ദിശയിൽ തിരിഞ്ഞാലും നാം അപകടമാണ്
മുന്നിൽ കാണുന്നത്:

കാലാവ്യസ്ഥാവ്യതിയാനം മാറ്റിമറിച്ച ലോകം

അല്ലെങ്കിൽ കാലാവ്യസ്ഥാവ്യതിയാനവും അതിനെ
ചെറുക്കാനുള്ള ശ്രമങ്ങളും മാറ്റിമറിച്ച ലോകം

ഇങ്ങനെ ആകരുതായിരുന്നു..

പക്ഷേ ഇനി നമുക്ക് കണ്ണുകളൂം കാതുകളും
അടച്ചിരുന്നുകൊണ്ട്

ലാ-ലാ-ലാ എന്ന് പറയാൻ കഴിയില്ല.

നമ്മുടെ പ്രവൃത്തികളുടെ ഫലം നേരിടാനുള്ള
പക്വത നാം ആർജ്ജിക്കേണ്ടിയിരിക്കുന്നു.

(കരഘോഷം)

കാലാവ്യസ്ഥാവ്യതിയാനം ചികിത്സിക്കാനുള്ള
ചർച്ച ബഹിർഗമനം കുറയ്ക്കാനുള്ള ഇച്ഛ

അട്ടിമറിക്കുമോ? ഇത് ഉത്കണ്ഠാജനകമാണ്,

ഇതിനാൽ ബഹിർഗമനം കുറയ്ക്കുന്നതിന്റെ
പ്രാധാന്യത്തിന് ഊന്നൽ കൊടുക്കേണ്ടതുണ്ട്.

ഈ ആശയങ്ങൾ എന്തുമാത്രം ഊഹങ്ങളാണ് എന്നതിനും.

എന്നിരുന്നാലും നമുക്ക്
ഇവ പരിശോധിക്കേണ്ടതുണ്ട്.

കാലാവസ്ഥാവ്യതിയാനം പരിഹരിക്കാനാകുമോ?

എനിക്കറിയില്ല. പക്ഷേ ശ്രമിച്ചില്ലെങ്കിൽ
അത് എന്തായാലും സാധിക്കില്ല.

ധിക്കാരമില്ലാത്ത ഉല്ക്കര്ഷേച്ഛയാണ്
നമുക്ക് വേണ്ടത്.

അന്തരീക്ഷത്തെ പൂർവ്വസ്ഥിതിയിലാക്കാനുള്ള
ഇച്ഛ നമുക്ക് ആവശ്യമാണ്.

കാർബൺ ഡയോക്സൈഡിന്റെ അളവ് കുറയ്ക്കുവാൻ

ആരോഗ്യമുള്ള സമുദ്രങ്ങളും സുസ്ഥിരമായ
കാലാവസ്ഥയും ഉള്ള അളവിൽ തിരികെക്കൊണ്ടുവരാൻ

ഇത് വളരെ വലിയ ഒരു ഉദ്യമമാണ്.

ഒരു ഭദ്രാസനപ്പള്ളി പണിയുന്നതുമായി
ഇതിനെ താരതമ്യപ്പെടുത്താം.

ആദ്യമേ ഇതിൽ ഉൾപ്പെടുന്നവർ

പദ്ധതിയുടെ രൂപരേഖ തയ്യാറാക്കുകയും
അടിത്തറ കുഴിക്കുകയുമാവാം ചെയ്യുന്നത്.

പക്ഷേ അവരായിരിക്കില്ല ഗോപുരത്തിന്റെ
മുകളറ്റം നിർമിക്കുന്നത്.

ആ ജോലി, ആ വിശേഷഭാഗ്യം

നമ്മുടെ സന്തതിപരമ്പരയ്ക്കാകും ലഭിക്കുക

അത് കാണാൻ നമ്മളാരും ഉണ്ടാവുകയില്ല,
പക്ഷേ നാം അത് തുടങ്ങിവയ്ക്കേണ്ടതുണ്ട്

ഭാവി തലമുറകൾ അത് പൂർത്തിയാക്കും എന്ന
ശുഭപ്രതീക്ഷയോടെ..

നിങ്ങൾക്ക് ലോകം മാറ്റണം എന്ന് ആഗ്രഹമുണ്ടോ?

എനിക്കില്ല.

ലോകം മാറ്റുകയല്ല എന്റെ ലക്ഷ്യം.

ലോകം അതുപോലെ നിലനിറുത്തുക
എന്നതാണ് എന്റെ ലക്ഷ്യം.

നന്ദി.

(കരഘോഷം)

ക്രിസ് ആൻഡേഴ്സൺ: നന്ദി. ഒന്നുരണ്ട്
ചോദ്യങ്ങൾ കൂടി ചോദിക്കട്ടെ.

കടലിൽ ചുണ്ണാമ്പ് കലക്കുക എന്ന ആശയം
സംബന്ധിച്ച് വിശദീകരിക്കാമോ?

ഒറ്റ നോട്ടത്തിൽ ഇത് വളരെ ആകർഷകമാണ്

സമുദ്രങ്ങളിലെ അമ്ലതയ്ക്കെതിരായത്

ഇത് കൂടുതൽ CO2 ആഗിരണം ചെയ്യുന്നു.

ഇത് പരീക്ഷണ വിധേയമാക്കുന്നതിനെപ്പറ്റി
താങ്കൾ പറഞ്ഞല്ലോ

യുക്തമായ പരീക്ഷണത്തിന്റെ ഘടന
എങ്ങനെയുണ്ടാകും?

ടിം ക്രൂഗർ: പരീക്ഷണങ്ങളുടെ ഒരു തുടർച്ച
തന്നെ വേണ്ടിവരും

ചെറിയ ഘട്ടങ്ങളായാണ് ഇവ ചെയ്യേണ്ടത്.

ഒരു പുതിയ മരുന്ന് പരീക്ഷിക്കുമ്പോൾ

നേരിട്ട് മരുഷ്യരിൽ പരീക്ഷിക്കില്ലല്ലോ.

ഒരു ചെറിയ പരീക്ഷണമാണ് വേണ്ടത്.

പൂർണ്ണമായും കരയിലായിരിക്കണം ആദ്യത്തെ
പരീക്ഷണങ്ങൾ ചെയ്യേണ്ടത്.

പരിസ്ഥിതിയിൽ നിന്ന് അകലെ പ്രത്യേക, നിയന്ത്രണാതീതമായ
സംവിധാനങ്ങളിൽ

ഇത് സുരക്ഷിതമായി നടത്താനാകും എന്ന ധൈര്യം
ലഭിച്ചുകഴിഞ്ഞാൽ

അടുത്ത ഘട്ടത്തിലേയ്ക്ക്..

ധൈര്യം ലഭിച്ചില്ലെങ്കിൽ അത് പാടില്ല

ഓരോ പടവുകളായി വേണം ഇത്

സിഎ: ഈ പരീക്ഷണങ്ങൾക്ക് ആര്
പണം മുടക്കും?

ഇവ ഏതെങ്കിലും ഘട്ടത്തിൽ ഭൂമി മുഴുവനും
പ്രഭാവമുണ്ടാക്കുമല്ലോ?

അതാണോ ഈ വിഷയത്തിൽ ഒന്നും നടക്കാത്തത്?

ടികെ: രാജ്യങ്ങളുടെ നിയന്ത്രണത്തിലുള്ള ജല
സഞ്ചയങ്ങളിൽ ചെറിയ പരീക്ഷണങ്ങൾ ആകാം

ഓരോ രാജ്യങ്ങളിലെയും സംരംഭകർക്കായിരിക്കും
അതിന്റെ ചുമതല.

പക്ഷേ അന്തിമമായി നിങ്ങൾക്ക് സമുദ്രങ്ങളിലെ
അമ്ലത ഈ മാർഗ്ഗമുപയോഗിച്ച് നേരിടണമെങ്കിൽ

ലോകമാസകലം വരുന്ന അളവിൽ

അന്താരാഷ്ട്ര സമുദ്രങ്ങളിലും
ഇത് വേണ്ടി വരും

ഇതിന് അന്താരാഷ്ട്ര സമൂഹം ഇടപെടേണ്ടതുണ്ട്

സിഎ: രാജ്യങ്ങളുടെ
ജലത്തിലാണെങ്കിലും, ഇതെല്ലാം ഒരേ കടലാണല്ലോ?

ചുണ്ണാമ്പ് അതിലേയ്ക്കാണ് പോകുന്നത്

ഭൂമിയുടെ മേൽ പരീക്ഷണം നടത്തുന്നത്
കയ്യേറ്റമായി ജനങ്ങൾ കരുതും,

നാം കേട്ടിട്ടുണ്ടല്ലോ?

നിങ്ങൾ അത് എങ്ങനെ നേരിടും?

ടികെ: നിങ്ങൾ വളരെ പ്രാധാന്യമുള്ള ഒരു
വിഷയമാണ് സ്പർശിച്ചത്.

പ്രവർത്തികാനുള്ള ഒരു സാമൂഹിക അനുമതിയാണ്
വിഷയം

ഇത് അസംഭവ്യമായിരിക്കാം എന്നാണ്
എനിക്ക് തോന്നുന്നത്,

പക്ഷേ ശ്രമിച്ചുനോക്കാനുള്ള ധൈര്യമാണാവശ്യം

മുന്നോട്ട് പോകാൻ

എന്ത് സാധിക്കും എന്ന് കാണാൻ

തുറന്ന് ഇടപെടാൻ

സുതാര്യമായ രീതിയിലാവണം ആൾക്കാരുമായി
സംവദിക്കേണ്ടത്

മുൻകൂർ അവരുടെ അനുമതി വാങ്ങേണ്ടതുണ്ട്

എനിക്ക് തോന്നുന്നത്, ചിലപ്പോൾ

ചോദ്യത്തിനുള്ള മറുപടി ഇതാകും എന്ന സാദ്ധ്യത
സ്വീകരിക്കാൻ നാം തയ്യാറായിരിക്കണം

“വേണ്ട, ഇത് ചെയ്യേണ്ട“ എന്നത്.

സിഎ: വളരെ നന്ദി
മനം കവരുന്ന പ്രഭാഷണം

ടികെ: നന്ദി. (കരഘോഷം)