Ĝisdatigo kaj Mi bezonas Helpon (Ne Mensan)!

En ĉi tiu videoblogo, mi donas al vi ĝisdatigon kaj petas vian helpon pri subtekstigado de miaj filmoj al la angla!

Fejsbuka Paĝo: https://www.facebook.com/EvildeaGAMING/
Fejsbuka Komunumo: https://www.facebook.com/groups/Evildea/
Verdulo-Paĝo: http://verduloj.com/u/evildea

Saluton al ĉiuj, jen Evildea via dio.

Kaj hodiaŭ mi simple volas doni al vi

ĝisdatigon pri la nuna stato de mia kanalo,

kaj ankaŭ mi volas doni resumon de la historio

de ĉi tiu kanalo por tiuj novaj abonantoj.

Kaj trie, mi volas ankaŭ ...

fakte mi forgesis la trian.

Mi supozas, ke mi simple parolos

ĝis mi memoros la trian.

Jes, estas bela loko ĉi tie.

La muro estas tre blanka, ĝi estas bela muro.

Vi vere devas vidi mian muron.

Kaj mi ne povas memori la trian!

La tria estas ...

Ha jes! Mi memoras nun:

Mi havas problemon!

Do, la tria estas problemo,

kiun mi renkontis lastatempe,

kaj mi bezonas vian helpon.

... Dio mia, tio estis fekita!

Do, unue, ĉio iras bone en la kanalo,

ĝi ĉiutage pli kaj pli kreskiĝas,

ĉiam estas novaj abonantoj,

ĉiam estas novaj komentoj,

ĉiam estas novaj troloj ...

Sed fakte, ĉio iras bone, mi pensas, laŭ mi.

Kaj nun, pri la historio de ĉi tiu kanalo,

por tiuj, kiuj ne scias,

mi komencis ĉi tiun kanalon en ...

je la komenco de Aprilo, mi supozas,

kaj unue kiam mi komencis ĝin, mi havis kelkajn celojn.

La plej grava celo estis simple amuzi min,

sed ankaŭ amuzi vin ĉiujn.

Ĉar se ĝi ne amuzus min,

mi simple ne plu volus fari ĝin,

kiel preskaŭ ĉiuj hazardaj retejoj de Esperantujo,

kiuj aperis, kaj poste, simple malaperis denove.

Tio ofte okazis en Esperantujo.

Do vi vere devas ami tion, kion vi faras.

Sed due, ankaŭ, mi volas krei lokon,

kie en Esperantujo, oni povas esti certa,

ke ĉiutage estus novaj, interesaj, freŝaj enhavaĵoj.

Kaj mi pensas, ke mi jam plenumis tiun celon,

sed kompreneble mi devas daŭri fari ĝin estontecen.

Sed, jes, mi ... mi estas kontenta pri tiu celo.

Kaj trie, la malfacilaĵoj, kiun mi havas.

Eble estas kelkaj malfacilaĵoj ... ne gravas.

Lastatempe ... ne lastatempe ... antaŭ kelkaj semajnoj,

mi iris al Jutuba kunveno,

kaj mi renkontis multajn homojn,

kaj kelkaj el ili abonis mian kanalon,

kaj poste diris al mi,

ke fakte ili tre ŝatas mian kanalon.

Kompreneble, ili estas Angle-parolantoj,

do ili ne komprenas Esperanton,

ili ne antaŭe priaŭdis Esperanton.

Sed, ili diris, ke ili tre ŝatas mian kanalon,

sed nur tiujn filmetojn, kiujn ili povas kompreni.

Ili bezonas subtekstojn, sed mi ne havas la tempon

por subtekstigi ĉiujn el miaj filmoj.

Kaj por tiuj, kiuj ne scias,

preskaŭ ĉiuj el miaj filmoj

jam estas subtekstigitaj al Esperanto

de unu aparta Esperantisto. Lia nomo estas Vanege.

Li daŭras subtekstigi miajn filmojn,

li eĉ iras al tre malnovaj filmoj,

kaj subtekstigis ilin, por tiuj estontecaj spektantoj.

Mi supozas.

Vere, la laboro, kiun li jam faras estas ege grava,

kaj mi tre ŝatas ĝin,

sed nun mi havas peton por aliuloj,

aliaj abonantoj de ĉi tiu kanalo:

Se vi ŝatas ĝin, eble vi povas helpi min,

kaj ankaŭ helpi Esperantujon,

per subtekstigado de miaj filmetoj al la Angla.

Mi farus ĝin mem.

Vere mi farus ĝin, se mi havus la tempon.

Por tiuj, kiuj ne scias,

kiam mi unue komencis ĉi tiun kanalon, mi pensis,

ke eble mi devus elspezi tridek minutojn tage,

por fari filmojn,

sed vere mi devas elspezi pli ol du horojn,

kutime, nur por simpla videoblogo,

por prepari ĝin por la kanalo.

Ĉar mi devas filmi, mi devas trovi la tempon,

kaj mi devas prepari la muntadon, kaj tiel plu,

kaj testi ĝin, kaj tiam alŝuti ĝin,

priskribi ĝin, diskonigi ĝin,

kaj pli kaj pli kaj pli ...

Estas multaj aferoj, kiujn mi devas fari

nur por unu filmo.

Do mi vere ne havas la tempon

por subtekstigi miajn filmojn,

sed, mi ne volas perdi tiujn novajn homojn,

kiuj jam abonis al mia kanalo,

sed ili ne estas Esperante-parolantoj.

??? Kaj mi pensas, ke se mi subtekstigus ĉiujn filmojn,

al la Angla,

eble tio pli interesigus novajn abonantojn,

pri Esperanto, se ili neniam antaŭe aŭdis pri ĝi.

Kaj ankaŭ ĝi povas helpi komencantojn, mi supozas.

Do, se vi volas helpi min,

simple, skribu sube en la komentejo,

sendu al mi mesaĝon per Fejsbuko, ne gravas.

Ĉar vere, mi bezonas ĝin,

kaj mi pensas ke ĝi povas multe helpi mian kanalon,

kaj ankaŭ Esperantujon,

se ni povus subtekstigi miajn filmojn al la Angla.

Sed ankaŭ, se vi ne volas subtekstigi ilin al la Angla,

eble vi volus subtekstigi ilin al aliaj lingvoj.

Vere ne gravas!

Ju pli da lingvoj, des pli bone, ĉu ne?

Do, mi supozas ke tio estas ĉio,

se vi ŝatis ĉi tiun filmeton,

ŝatu ĝin, diskonigu ĝin,

abonu mian kanalon, se vi ankoraŭ ne abonis,

kaj mi vidos vin en la venonta filmo,

kaj se vi ne estos tie,

mi trovos vin,

kaj mi ŝtelos vian t-ĉemizon!

[timigaj ridoj]