Velaquí o que fai aos empregados felices no traballo

Hai tres mil millóns de persoas que traballan neste planeta, e só o 40 por cento delas din que están contentas no traballo. Michael C. Bush comparte o seu punto de vista sobre o que fai aos traballadores infelices, e como as empresas poden mellorar os seus balances fomentando a satisfacción.

Consultamos directivos, policías,
camioneiros, cociñeiros, enxeñeiros.

Entrevistamos a calquera
que estivera traballando.

E o que sabemos,
en canto á súa felicidade:

é que todos os traballadores
queren o mesmo.

[Como traballamos]

Hai tres mil millóns
de traballadores no mundo.

E preto do 40 % deles dirían
que son felices no traballo.

Isto significa que uns 1.800 millóns,
ou case dous mil millóns de persoas,

non están felices no traballo.

Que supón iso,

tanto para esas persoas como
para as organizacións en que traballan?

Falemos de cartos.

As organizacións que teñen
unha morea de empregados felices

triplican o crecemento dos ingresos,

en comparación con organizacións
onde iso non ocorre.

E multiplican por tres
a evolución da bolsa.

E se miran a rotación de traballadores,

é a metade da das organizacións
que teñen moitos empregados infelices.

O milagreiro é,

que non hai que gastar
máis cartos para facer isto.

Non se trata de mesas de ping-pong,
masaxes e paseos para mascotas.

Non se trata dos beneficios.

Trátase de como os tratan os seus líderes

e a xente con que traballan.

Así que quería compartir algunhas ideas
que crean empregados felices.

Idea número un:

Nas organizacións que teñen
empregados felices,

atopanse dúas cousas:

confianza e respecto.

Os líderes adoitan dicir:

"Confiamos nos nosos empregados.

Apoderamos os nosos empregados. "

E cando un empregado precisa un portátil,

--é un exemplo real--

15 persoas teñen que aprobalo.

Así que para o empregado,
as palabras están ben,

pero, 15 niveis de aprobación
para un portátil de 1.500 dólares?

En realidade gastáronse máis cartos
na aprobación ca no portátil.

E o empregado sente
que quizais non se fían de verdade.

Entón, que pode facer unha organización
para ter un alto nivel de confianza?

A primeira organización
que me vén á mente é Four Seasons.

Posúen magníficas propiedades
arredor do mundo.

E dixéronlles aos seus empregados:

"Fai o que creas correcto
cando atendas ao cliente. "

Darlles esa confianza aos seus empregados
para que fagan o que eles crean correcto

fai que se sintan de marabilla.

E por iso son coñecidos
por ofrecer algúns dos mellores servizos

no mundo.

Idea número dous: equidade.

O que erosiona a confianza
nunha organización

máis rápido que calquera outra cousa

é que os empregados sintan
que son tratados inxustamente.

Eles queren recibir o mesmo trato,

independentemente do seu rango,
contrato, idade,

experiencia ou categoría profesional,

en comparación cos demáis.

Cando penso en grandes organizacións
que teñen equidade,

a primeira que me vén á mente é Salesforce

Eles descubriron que homes e mulleres
que facían o mesmo traballo

co mesmo nivel de competencia

gañaban salarios diferentes.

Así que de inmediato,
calcularon a diferenza,

e investiron tres millóns de dólares
para tentar equilibrar as cousas.

A idea número tres é escoitar.

Para ser un oínte que se conecta
con todo tipo de persoas,

temos que desaprender algunhas cousas.

A todos nos ensinaron
a escoita activa e o contacto visual,

unha mirada intensa

e unha mirada compasiva.

Iso non é escoitar.

Repetir o que di a persoa non é escoitar.

Ser humilde,

sempre rastrexando e buscando
a mellor idea posible,

iso é escoitar.

E os empregados poden sentir
se o estás a facer ou non.

Cando falan contigo
e comparten unha idea, queren saber

se se tivo en consideración
ao tomar a decisión?

O único que todo o mundo aprecia
e quere cando está falando

é saber que o que di importa tanto

que pode provocar o teu cambio de opinión.

Se non, cal é o sentido da conversa?

Todos sabemos o que precisamos cambiar,

o que precisamos facer doutro xeito.

Como te comportas, como tratas a outros,

como respondes, como apoias,

definen a experiencia laboral
para todos os que te rodean.

Cambiar para ser unha mellor persoa,

--o mundo está cheo deses fallos.

Pero cambiar porque cres en algo,

porque tes algún propósito,

polo que estás disposto
a arriscar case todo

porque é moi importante para ti,

esa é a razón para cambiar.

Se non, quizais deberías
traballar nun lugar diferente.