د.ريم عرنوق / الالتهابات النسائية القسم الأول

[NX] [F1] مسا الخير يا صبايا يا حلوين، وكل عام وأنتم بخير. أأ- اليوم بدنا نعمل حلقة عن ال- الالتهابات النسائية. وبدنا نحكي عن أا- أسبابها وكيف الوقاية منها. أأ- بتمنى تكونوا معي، أنا لهلأ ما شفت ولا مشاهدة يمكن لأنه النت ضعيف.

[NX] [F1] أوكي بلّشنا. أا- كيفكم، أول شي أنا بعتذر منكم هاي الحلقة تأخرت كتير، كان لازم تكون قبل هلأ بكتير. أأ- بس الظروف عنا متل ما بتعرفوا ظروف الكهربا نوعًا ما سيئة بهالفترة. وبالتالي أا- صعب أنا إني أعمل حلقة إذا ما كان في عندي أأ- مصدر للكهربا شبه متواصل، حتى ما يصير في انقطاع بالبث. وهادا الشي بيشكّل

[NX] [F1] عقوبة. لك تسلمي لي يا خوزامة الرفاعي، وأنت ما تبلي يا قمر. أوكي؟ أا- هادا بيشكل صعوبة بالبث وصعوبة بتحميل ال- الفيديو ع اليوتيوب. لأنه بنتي المستشارة الكمبيوترية إلي هيك قالت لي. أنا بفهم متل ما قلت لك مرة، بفهم بالنسوان، ولكني لا أفهم بالموبايلات والكمبيوترات والتقنيات يللي أأ- يعني جيلنا

[NX] [F1] متخلف جدًا بالنسبة إلها. أأ- صبحت عليكم وعيّدت عليكم وكل سنة وأنتم سالمين وإن شاء الله سنة مباركة عليكم جميعًا. غيرت لون شعراتي إذا منتبهين، عملتهم أغمق شوي. وأنا شو ما عملت بجنن والأشقر يليق بي والأسود يليق بي وكل شيء يليق بي. اليوم بدنا نحكي عن الالتهابات النسائية، أوكي؟ طيب. حتى نبدى بالحديثنا عن الالتهابات النسائية. بدنا نحكي شوي عن

[NX] [F1] الجهاز التناسلي للمرأة ماشي. هادا المجسم الموجود عندي بالعيادة اللي فيه تصوير للجهاز التناسلي للمرأة. جهاز تناسلي المرأة من برة عنا هادول الفرج والأشفار. الشفر الكبير والشفر الصغير. من هون فوهة المهبل والمهبل، الرحم فيه عنق رحم، وجسم رحم.

[NX] [F1] شوفوا من هالجهة في عنا بيطلع من الرحم البوق، البوق بيروح باتجاه المبيض اللي هو هاد. موقع الرحم جوات الحوض اللي هو بالحوض الحقيقي يعني أسفل البطن. قدامه بتيجي المثانة وهادا الإحليل تبع المثانة. وخلفه بيجي المستقيم والشرج. أوكي. حبيت أحكيكم

[NX] [F1] عن تشريح مشان تشوفوا العلاقة بين فوهة التبول وبين المهبل قديش قراب وقديش بسهولة بتطلع الالتهابات النسائية من المهبل باتجاه الإحليل والمثانة وليش المرأة بيصير عندها التهابات نسائية متكررة أكتر بكتير من الرجل. ماشي، لأنه عندها فوهة المهبل قريبة من [SX] منين بتيجي السوائل

[NX] [F1] الطبيعية عند المرأة. قبل ما نبدى نحكي بالمرض، بدنا نحكي بالشي الطبيعي، ماشي؟ في كتير نساء بيسألوني، من أكتر الأسئلة اللي بنسألها دكتورة أنا عندي ميّات بشكل دائم، أنا معي التهابات. من- عدد هائل من الإفرازات اللي بتنزل للمرأة، هي إفرازات طبيعية لأنه متل ما في جوات التم لعاب، ماشي متل ما في بالجهاز الهضمي سوائل وعصارات، الجهاز التناسلي للمرأة في له إفرازات

[NX] [F1] طبيعية وكذلك الجهاز التناسلي للرجل. ماشي؟ منين بتيجي ال- الرطوبة تبع الجهاز التناسلي وسبق أن أجبت عن هذا السؤال لما حكينا عن الطرق الطبيعية بمنع الحمل. وقلت بتطق- شوفوا الألعاب تبع بنتي بمناسبة عيد الميلاد. شوفتوهم لأني أنا انخوتت فيهم، هادا الشغل شاغتله بنتي بنرجع لموضوعنا. سبق وحكيت بإنه أأ- ال-أا-

[NX] [F1] الطرق الطبيعية بمنع الحمل بيسألوني كتير بإنه العزل أو القسم الخارجي بيعمل جفاف عند المرأة، فأجبتهم إنه رطوبة المرأة ما بتيجي من السائل المنوي عند الرجل ولو كانت تيجي من سائل منوي عند الرجل كان كل مرة غير متزوجة، أو كل مرأة أا- زوجها أو كل مرأة ما عم بيصير عندها جماع لسبب من الأسباب هي عندها جفاف شديد بالمهبل. بالواقع رطوبة المرأة بتيجي من المرأة نفسها. من وين مصدر السوائل

[NX] [F1] الطبيعية عند المرأة. أكتر السوائل عند المرأة بتيجي من عنق الرحم. في غدد بعنق الرحم بتفرز السوائل. لذلك كي عنق الرحم سيء جدًا لأنه بيحرق الغدد تبع عنق الرحم المسؤولة عن إفراز السوائل. معظم السوائل عند المرأة بتيجي من عنق الرحم. مخاط عنق الرحم بيختلف إفرازه حسب الدورة الشهرية، هو بيتأثر كتير كتير بالهرمونات. فهو بالنص

[NX] [F1] الأول من الدورة الشهرية وخصوصًا قبل موعد الإباضة. المخاط بيكون شفاف ورائق وبيمط وكلكم بتلاحظوا هالشي. أنا بشبهوا تمامًا بزلال البيض، لما بتكسروا زلال البيض النيّ، بياض البيض النيّ، لما بتكسروا البيضة. أا- امسكوا الزلال وشوفوا المطة تبعه. ليش الزلال بيمط لأنه هو من البروتين وليش مخاط عنق الرحم بيمطّ لأنه هو كمان بروتين. أوكي؟

[NX] [F1] أأأ- الهدف إنه يكون في هالمخاط الرائق الشفاف هو، دقيقة بدي أشعل الضو [NX] لأنه اليوم أول مرة بعمل بث مباشر بالنهار شي حلو كتير. فالإضاءة هيك شوي اختلفت. من أين بجي المخاط الرائق، شو الهدف من وجود المخاط الرائق الشفاف بموعد الدورة.

[NX] [F1] الهدف منه عفوًا بموعد الإباضة هو تسهيل حركة النطاف الداخلة لجوة، لذلك أنا شرحت إنه كيّ عنق الرحم بيقلل الإفراز وبيزيد العقم، لأنه النطاف ما بقى فيها تسبح من منطقة القذف يللي هي هون. يعني بال-أا- الجدار الخلفي من المهبل. هاد اسمه الرجّ الخلفي، ما فيها تسبح وتدخل بالرحم لأنه مخاط العنق بيكون قليل. بعد الإباضة صار الهدف إنه

[NX] [F1] نحمي الرحم والبقين من أي افرازات تانية. فبيصير مخاط عنق الرحم كثيف وبينسدّ تقريبًا عنق الرحم. أا- فالإفراز أأ- بيصير أنا بشبهوا لزلال البيض لما تحطي البيضة لتسلقيها وتكون مكسورة وينزل منها شوي من بياض البيض في المي. شلون بتصير شوي مخاطية، بيض البروشيت متخيلينوا؟ هيك تمامًا المخاط تبع عنق الرحم بالنص الثاني من الشهر.

[NX] [F1] فالمفرزات الطبيعية بتيجي بشكل أساسي من مخاط عنق الرحم. ماشي، كمان بيجي سوائل من الرحم، من البوقين، وبيجي سوائل من المهبل. المهبل ما فيه غدد، بس بيجي سوائل بالرشح لأنه، بالرشح يعني شلون وقت بتحطي اللبنة جوات ال- أأ- عفوًا الكيس اللي بتعملي منه اللبنة فبيرشح المصل. هيك بيصير في رشح عبر

[NX] [F1] المهبل للسوائل. وبيجي كمان من أأ- الغدد يللي أا- بالفرج يللي هي غدد أأ- بشكل أساسي وظيفته جنسية، بتفرز سائل لتسهّل عملية الجماع وتزلّق عملية الجماع يللي هي غدد [SX] الموجودة بالشفر، التلت السفلي للشفر الصغير. وغدد [FX] الموجودة بالأعلى. غدد بارتولين هي بتسمعوا إنه أحيانًا بتنسدّ قناتها

[NX] [F1] وبتتضخم وبتعمل كيس غدة بارتولين أو خراج غدة بارتولين. بالإضافة لهالسوائل الطبيعية في عنا سوائل جراثيم المهبلية. عفوًا نعم ما سمعت، شلون في جراثيم مهبلية، وشلون سوائلها طبيعية. ما هي هي آلية الحماية الأساسية للمهبل. منين تيجي الحماية من الالتهابات النسائية ماشي؟ التهابات النسائية هي التهاب الفرج المهبل الرحم، البوقين بالحالات الشديدة

[NX] [F1] بيصير عنا التهاب بالبوريتون أو بالحوض، ماشي. فكيف نحن أأ- عنا جراثيم وكيف عنا التهابات. هلأ رح جاوبكم عن هالشي بس بالبداية بس حابة وضّح لكم إنه السوائل الطبيعية تبع المرأة بتتغير بعوامل عديدة. هي بتزيد فترة الإباضة بسبب زيادة الإستروجين ولحتى متل ما إنها تسهّل حركة النطاف هي بتزيد بالحمل، وهي بتزيد

[NX] [F1] أثناء ممارسة الجنس معنا تلات شغلات بيزيدوا السوائل الطبيعية عند المرأة. هي الإباضة، الحمل، الجنس. الحالة الرابعة اللي بتزيد السوائل عند المرأة هي وجود مفرزات مهبلية جراثيم مهبلية طبيعية، يللي هي بتعطيها هالسوائل والسوائل أأ- عند المرأة الطبيعية بتتناقص كتير بعد سن اليأس. هلأ شفنا هوني هادا المهبل، بدنا نحكي شو عم يصير جوات المهبل

[NX] [F1] وشو هي خطوط الدفاع عن الرحم وعن عنق الرحم حتى ما تدخل التهابات لجوة. منطقة الفرج هي جراثيم متل الموجودة على جلدنا. كلنا على جلدنا إذا بناخد مسحة فيها جراثيم ممرضة، جراثيم بكمية عادية. منطقة عنق الرحم ما فيها جراثيم لا هو ولا المهبل. كيف الجراثيم ما بتدخل من جلد الفرج لعنق الرحم وبتعمل التهاب عنق الرحم. بسبب وجود خط دفاعي

[NX] [F1] جوات المهبل الخط الدفاعي اسمه الجراثيم المفيدة. ماشي، الجراثيم المفيدة، إلها اسم ثاني للي بيحب الأسماء العلمية. اسمها الفلورا المهبلية. والفلورا المهبلية هي جراثيم مفيدة بتيجي على رأسها عصيّات اللبنية. رح أشرح لكم. الإستروجين هو هرمون الأنوثة. الإستروجين هو هرمون الأنوثة. بيفرز

[NX] [F1] طول الحياة التناسلية للمرأة، وبشكل أساسي من سن البلوغ لسن اليأس. بيفرز كتير بالحمل أوكي؟ طيب هادا الإستروجين بيأثر على خلايا المهبل. بيخلي خلايا المهبل فيها مادة اسمها القليقوجين. هي سبق وحكيت لكم عنها لما حكينا عن تحديد جنس الجنين صبي ولا بنت، قلت لكم نطاف الإناث مليئة بالجليكوجين. الجليكوجين اسمه جاي

[NX] [F1] من الإنجليزي يعني مولد الجلوكوز، مولد السكر. أوكي. منرجع بنعيد. الإستروجين، الهرمون الأنثوي بيجي على خلايا المهبل بيزيد فيها مولد السكر. فبتزيد السكر جوات المهبل، السكر في جراثيم اسمها العصيّات اللبنية هي نفسها اللي بتحول الحليب للبن. العصيات اللبنية بتاخد هادا

[NX] [F1] السكر وشو بتعمل له بتحمضه بتحوله للبن. ماشي، الإستروجين على الخلايا المهبلية، الخلايا المهبلية بتعمله سكر، بتاخده للعصيات اللبنية بتخمره وبتحوله لحمض اللبن يعني بتحوله للبن. فبيصير جو المهبل جو حامضي ماشي، أأ- اتفقوا كيميائيًا إنه يسموا الحمض [FX]

[NX] [F1] قليل. يعني السبعة اللي ما هو حامضي ولا إنه قلوي. رح أعطيكم مثال عن القلوي، القلوي مثل الصابون، مثل السائل المنوي. ماشي، متل الأدوية كلها المنظفات هي قلوية مثل الأترونة هاي المادة اللي بيحطوها ليفتحوا تواليت، هي قلوية. أأ- متل الغسول يللي بنستعمله وقت الصبيان هادا قلوي البيكنج صودا. أما الحمض فهو متل أي حمض تاني. أأ- لما بيكون

[NX] [F1] السائل لا هو حمضي ولا هو قلوي بيكون سبعة، بيعطوا رقم سبعة. لما بيكون حامضي بيكون تحت السبعة. لما بيكون قلوي بيكون فوق السبعة. ماشي، المهبل [FX] درجته علامته اللي بياخدها هي تلاتة ونص لأربعة ونص، ماشي؟ يعني حموضته منيحة كتير، تلاتة ونص لأربعة ونص. لأحطكم بصورة الوضع إنه الدم

[NX] [F1] [FX] تبعه سبعة لسبعة ونص، يعني الدم عادي لا هو حامضي ولا هو قلوي. ماشي. ال- أأ- حنان حبيبي عم تقولي لي عم يقطع الصوت وأنا بعرف إنه عم بيقطع الصوت ونشكر الله بإنه أا- في عنا تقنية أنا ما بعرفها طبعًا بنتي بتعرفها، بتنزل هالفيديو كاملًا على اليوتيوب ووقتها فيكم تشوفوه بدون ما يقطع الصوت

[NX] [F1] رح أرجع وقول بإنه المهبل السائل تبعه حامضي بسبب وجود حمض اللبن. حمض اللبن اللي بتفرزه الجراثيم المفيدة يللي اسمها العصيّات اللبنية، يللي بتحول الحليب للبن، ماشي؟ [FX] المهبل أأ- [FX] المهبل هو تلاتة ونص لأربعة ونص يعني [FX] حامضي. شو

[NX] [F1] أأ- هاي الحموضة بتمنع دخول الجراثيم لجوة. إذا بدي شبه لكم إياها وأنا بشبه كتير بعيادتي، بشبه لكم إياها للمخلل. لما بنحط الخيار جوات المي، الخيار بينتزع لأنه المي بي آشها سبعة. لا هي حامضية ولا هي قلوية, كيف بنحول الخيار لمخلل بنحط له حمض الخل، بنحط له خل. الخل

[NX] [F1] الخل ليش بيحافظ ع الخيار ما بيخليه ينتزع أو على المخلل ما بيخليه ينتزع، لأنه هو بما إنه حامضي بيمنع نمو الجراثيم. لذلك أنا دائمًا بنصح مريضاتي إنه إياكم تستعملوا الصابون بغسل الخضار الخضراء متل الخل والبقدونس لأنه معلقة خل. لأنه معلقة الخل هي حمض بيقتل الجرائيم ماشي. والحمض الموجود بالمهبل بيقتل الجراثيم. اتفقنا.

[NX] [F1] على هالشي. معناتها نحن عنا جوات المهبل مخلل حمضه تمام زابط وراكز وبدون فترة طويلة، أي شي بيغير حموضة المهبل، أي شي بيغير وبينقص أتراميز المخلل معناتها المخلل رح ينتزع لأنه رح تنمو الجراثيم. متفقين معي لحد هلأ، ماشيين معي؟ أي شيء بيغير حموضة المهبل

[NX] [F1] ب- أأ- وبيخلي الحموضة تبع المهبل أخف شو رح يصير، رح تنمو الجراثيم. شو رح يصير، رح تنمو الجراثيم، شو رح يصير رح يصير التهاب. ماشي طيب، أنا رح أبدى هلأ بهاد. هاد عبارة عن ألوان عند بنتي الصغيرة زاتها هي أم الألعاب. هادا عبارة عن بنتي الصغيرة هلأ قالت لي بنتي الصغيرة، لأنه هي طالبة كلية طب يعني إنه مانا صغيرة. المهم بنتي الأصغر بين

[NX] [F1] البنتين. هادا عبارة عن ميّ، مضاف له ألوان مائية لون أصفر. أنا شبهتها لحموضة المهبل، ليش لأنه بتشبه ال-أأ شو اسمها الحمض تبع اللمونادة. اخترت اللون الأصفر لأنه بدنا نعتبره حامضي، ماشي. هادا مهبل طبيعي فيه سائل حامضي ما فيه التهاب. أجت السيدة قررت تتناضف

[NX] [F1] على حالها، فقامت راحت جابت ميّ، جبيلي كاسة فاضية. قبل ما السيدة تتناضف على حالها بدي أشرح لكم موضوع تاني لبين ما بنتي تجيب الكاسة. قبل ما السيدة تتناضف على حالها، السيدة بنت ما هي متزوجة، ما هي سيدة يا بنات يا صبايا، يا بنات ويا صبايا ويا آنسات. لأنكم كلكم آنسات لو كنتم متزوجات، وأنا آنسة أيضًا.

[NX] [F1] لأني مؤنسة بأنّس جوزي، يعني بعمل له أنس. هادا عبيلي ياها إيه، أا- هادا المهبل عند مرأة مانا متزوجة، أو عند مرأة متزوجة طبيعية، حياتها ماشية طبيعية. ماشي؟ رح آخد شوي من السائل الأصفر يا صبايا وحطه بهالكاسة الفاضية. عم تشوفوا؟ رح صبها صب، أوكي شايفينه؟ هادا مهبل مرأة طبيعية عندها

[NX] [F1] حمض، ما عندها التهاب. هادا سائل أزرق قلوي، ماشي. هادا عبارة عن سائل المنوي، السائل المنوي سائل قلوي بشدة [FX] تبعه فوق والسبعة ونص. مانو قلوي بشدة بس قلوي، [FX] فوق السبعة ونص. أما السائل المهبلي الأصفر فال [FX] تبعه تلاتة ونص لأربعة. إجى الزوج

[NX] [F1] نام مع زوجته. حط السائل المنوي جوات المهبل، شو صار لون السوائل ضمن المهبل؟ صار لونه أخضر، ليش لأنه راحت حموضته. صار قلوي، ماشي. وين الحماية؟ ما عاد فيه حماية، صار في عنا التهاب مهبل. أكتر سؤال بنسأله على الإطلاق بحياتي، ليش بتصير

[NX] [F1] الالتهابات معي ع طول يا دكتورة وكيف خرج أخلص منها. فأنا أجيب قائلةً بس تتركي جوزك بيبطل عندك التهابات. طول ما، ما بتتركيه بالفرشة، معلش إذا ضليتي معه بأوضة القعدة ما بصير في قلوية لأنه عادةً في أولاد بأوضة القعدة. أا- المهم فكل عملية جماع هي عملية وضع سائل قلوي ضمن سائل حامضي و

[NX] [F1] تحويل سائل الحامضي المخلل إلى سائل قليل الحموضة قلوي وبالتالي هي العملية روحت الدفاع الطبيعي عن المهبل، راحوا الجراثيم العصيات اللبنية ودخلت الالتهابات. شو معناتها ما منعمل جماع؟ لأ أبدًا رح أشرح لكم عن الوقاية من الالتهابات النسائية. ماشي؟ حكينا عن الجماع، شو اللي بيضعّف قوة المهبل

[NX] [F1] الجماع. رح نحكي عن موضوع تاني، ماشي؟ بعد الجماع الزوجة فلنفترض بدون جماع بدون جماع، بالحمام، الزوجة قامت، جبيلي كاسة فاضية. الزوجة قامت وقررت إنه هي تعمل غسول مهبلي. ماشي، فقامت راحت هادا المهبل تبعها للزوجة، هاي الحموضة تبع المهبل بدون جماع زوجة عادية

[NX] [F1] ماشي، راحت الزوجة قررت بإنه هي تغسل المهبل وتتناضف ع حالها حتى ما يطلع لها ريحة، وحتى تكون متل ما نشرت لكم امبارح عبقة ونضرة بالروائح الطيبة. قامت راحت جابت ميّ أو غسول حطته بالمهبل. راحت الحموضة، شايفين؟ هادا مهبل طبيعي فيه حمض طبيعي. هاد مهبل غسّلته المرأة بطل فيه حمض طبيعي صار

[NX] [F1] ممدد؟ شو صار؟ نميت الجراثيم، والأسوأ من هيك إنه معظم المطهرات النسائية هي مكونة من صابون. وقلنا إنه الصابون شو هو قلوي، فأجت المرأة لتتناضف على حالها، راحت استعملت مو بس ميّ، استعملت معه غسول قلوي. متل أنواع عديدة ما بدي أذكر اسمها، شو صار، هي المرة قبل

[NX] [F1] الغسول والحقان والتنضيف وهي المرأة بعد التنضيف. أنو الحامضي؟ هاد. لذلك ممنوع منعًا باتًا تغسيل أي مهبل بالغسولات النسائية الاعتيادية أو بالصابون أو بالعطور أو بالما بعرف شو. لأنه كل عملية تغسيل للمهبل هي عبارة عن عملية نزع حموضة المهبل، وكسر دفاعات المهبل، وتفجير الحاجز الطبيعي

[NX] [F1] يعني عملية هادا تفخيخية تفجيرية بالحاجز الطبيعي يللي بدافع عن المهبل، أوك. معناتها شغلتني بيضعفوا حموضة المهبل، هنا الزوج والغسول، ماشي. الاتنين بيضعفوا حموضة المهبل وبيساعدوا على حدوث الالتهابات. الدورة، وهادا

[NX] [F1] سائل الدورة. شايفينه؟ قالت المرأة أنا أجتني الدورة ماشي، وهادا المهبل الحامضي [OX] بعدها ليكها، هادا المهبل عندي شي سبعمئة مهبل من هادولا، هه ما تخافوا. شارية لأني مقطوعة المي، هادول عم نستعملهم. إيه ماشي. هاي الحموضة الطبيعية بالمهبل

[NX] [F1] أجت الدورة، شوفوا الدورة حمرة؟ نزلت على حموضة المهبل. شو عملت فيها خففتها. الدم قلوي نوعًا ما بيآشو سبعة ونص تقريبًا. أجت قلوية الدم هيك صار المهبل عند المرأة وهيك كان قبل الدورة،

[NX] [F1] ماشي؟ فبالتالي [OX] إيه فبالتالي متل ما أنكم شايفين أي عامل بيغير حموضة المهبل، بيؤدي إلى نمو الجراثيم. هلأ صار الجماع وعملنا الغسول وعملنا الأشياءات كلها، صار عنا التهابات نسائية. شو هي أنواع الالتهابات النسائية ماشي، أنا هلأ بدي أحكي عن أنواعها وعلاجها بعدين بحكي

[NX] [F1] عن الوقاية. مشي؟ الالتهابات النسائية هي بشكل أساسي تسعين بالمئة من الالتهابات النسائية ما بتضر، ماشي، أنا رح أحكي عنه عين الالتهابات النسائية. الالتهابات النسائية الشائعة الكتيرة الموجودة عند كل النساء اللي سببها الشغلات اللي قلت عنهم الجماع والزواج يعني مو الزواج بحد ذاته الجماع والسائل المنوي والغسول

[NX] [F1] والب-أا- كذا كذا كذا كذا أأ- هالنوع من الالتهابات النسائية، بنسميه الالتهابات النسائية الشائعة وهي عادةً بسيطة وما بتعمل مشاكل كبيرة، وما بتنتقل من المهبل لعنق الرحم، أو الرحم، ولا البقين ولا بتعمل انسداد بقين وكوارث، ولا بتأذي كتير الحمل في حال حدوث عمل. سؤال فني هل الالتهابات تعيق الحمل؟ ال-أا الالتهابات نايا رح

[NX] [F1] جاوبك بعد شوي. الالتهابات ما بتعيق الحمل عادةً لأنه إذا الالتهابات بدها تعيق الحمل، كان ما لقيتوا مرأة حامل. إذا كل واحد عزّل عشان تحتيه وحدة رقاصة، البلد كلها هتبات في الشارع، وإذا كل مرأة مع التهابات ما رح يصير عندها حمل، رح تنقرأ- تنقرض العالم. عملية الحمل بحد ذاتها بالجماع هي سبب من أسباب حدوث الالتهابات. أوكي؟ خلصنا فبدنا نحكي هلأ عن نوعين من الالتهابات، عن

[NX] [F1] تسعين بالمية من الالتهابات هي عبارة عن التهابات بسيطة، طبعًا ما بقصد بسيطة، بس غير خطيرة. وشائعة جدًا، وعن عشرة بالمية من الالتهابات رح أحكيكم عنها الخطيرة جدًا. هالتسعين بالمية من هالالتهابات الخطيرة، خمسين بالمية منها جرثومي، وعشرين بالمية منها بنوع اسمه التريكومونس، يللي هو مو جرثومة نوع من أنواع الطفيليات، وعشرين بالمية منها فطور

[NX] [F1] لذلك إذا كان عشرين بالمية فقط من الالتهابات هي فطرية، ليش أنا بلاقي إنه المرأة كل ما صار معها التهابات، أا- بتركض ركض على تحاميل الفطور؟ لك ما تمانين بالمية من الالتهابات ماتها فطرية، عشرين بالمية فقط فطرية. فما لازم ناخد تحاميل فطرية مثل الجينوزول والميكوزول والنستاتين والكوريمازول، وهالشلة وكانستال ومانستال، هادولا كلهم بيطيبو عشرين بالمية من

[NX] [F1] الالتهابات. رح نبدأ بالالتهابات الجرثومية، الالتهابات الجرثومية مسؤولة عن خمسين بالمية من الالتهابات النسائية، الالتهابات الجرثومية بتتميز إنه المية تبعا بتكون، أو هي أشيع أنواع الالتهابات، حليبية. أا- ضايعات غزيرة مثل الحليب، وبتعطي ريحة بشعة بتشبع ريحة الزنخة، وحدة بتشم على الكلوت ريحة زنخة متل ريحة السمك، متل ريحة البحر وقت

[NX] [F1] يكون وسخ، و-أأ- هالالتهابات إذا نزلت على الكلوت أحيانًا بتصفر شوي مو كتير، يعني هي ضايعات حليبية صفرة. أا- وهي الالتهابات بتتعالج نادرًا ما تعدي الشريك، نادرًا ما تسبب أأ- دقيقة، نادرًا ما تعدي الشريك، ونادرًا ما تعمل أذيات بالحمل للجنين أو

[NX] [F1] للحمل بشكل عام، وهي معالجتها بمضاد جرثومي مع تحاميل بتحوي أا- مضاد جرثوني، ماشي؟ أفضل أنواع المضادات الجرثومية على الإطلاق للالتهابات الجرثومية هي الأزيترومايسيل اللي اسمه اللي له أسماء كثير بالسوق، مثل أزيتروسيل إلى أخره، هادا بتلت أيام بيخلص، بالحالات الشديدة يفضل يأخذ الزوج كورس معالجة، يعني ياخد علبة

[NX] [F1] مع التحاميل، في تحاميل كتير بالسوق اسمه جينوتريه، يللي هو جينوتريه، يللي هو ثري يعني ثلاثة، يللي هي فيها ضد الأنواع التلاتة الشائعة، فيها ضد الجراثيم وضد الشاعرات المهبلية، التريكونونس، وفيها ضد الفطور. أوك، وأكيد أي معالجة للالتهابات النسائية بدها منع جماع لمدة أسبوع حتى تطيب الالتهابات النسائية. في كتير مريضات بيقولوا لي دكتورة عالجينا الالتهابات بدون تحاميل، ما بنحب التحاميل بقول لهم

[NX] [F1] أنتم أا- محل ما عم بيوجعكم أنا بعطيكم المعالجة. متل إذا واحد عينه ملتهبة ورمانة، راح عند دكتور عيون، قال له لو سمحت يا دكتور اكتب لي قطرة الأدن أنا ما بحب أحط قطرات بالعين، بلكي عيني بتطيب من قطرة الأدن، أو اكتبلي تحاميل شرجية بتطيب عيني لأ. العين بدها قطرة بالعين، والأدن بدها قطرة بالأدن، والالتهابات المهبلية بدها تحاميل مهبلية، والالتهابات النسائية بدها تحاميل نسائية. ماشي فالمعالجة

[NX] [F1] الموضوعية إجبارية ويفضل يكون في معها معالجة أا- فموية يعني حب الأزيتروسين. أنا في عندي بالعيادة وصفات للالتهابات النسائية وهي الوصفات معظمها جاهزة لأنه الالتهابات النسائية أأ- أسبابها متل ما أنا قلت معروفة ومحدودة أأ- ولا وصفة من هالوصفة وصفت فيها إبر، فلا الروفليفكس، كل ما صار معنا شوية ميّات ناخد روفليفكس، ولا الهادا، لأنه

[NX] [F1] الكتر أدوية الالتهابات، نسيت أحكيها أهم سبب للالتهابات النسائية، كتر أدوية الالتهابات، ماشي، ليش؟ لأنه الصدات الحيوية [SX] وإبر الالتهاب والكلاموكس تبع التهاب البلعوم وإلى أخره إلى آخره بتموّت كل راثيم المهبل ماشي؟ يعني بتخلي المهبل يصير هيك. ما فيه

[NX] [F1] لا جراثيم مفيدة ولا جراثيم ضارة. فكترة أدوية الالتهابات بتزيد الالتهابات لأنه بتموت كل أنواع الجراثيم الموجودة بالمهبل بما فيها الجراثيم المفيدة يللي هي العصيات اللبنية. أا- بدي مي، عطشت. مم- اسكبي لي قهوة ماما موجودة بالركوة، شرفة قهوة ما بدي مي بس قهوة. المهم بنرجع

[NX] [F1] المهم بنرجع عم أقرى شوية تعليقات، بنقول إنه أدوية الالتهابات، الالتهابات الجرثومية الشائعة اللي بتشكل خمسين بالمئة من الالتهابات ما بدها إبر بروفليفكس، سبعمئة ألف إبره، ولا بدها أا- شو اسمه؟ أأ- يا رشا أنت عم تسأليني إنه أنت بآخر الحمل الشهر السادس وعندك وجع فظيم بعظام الحوض، وحلقتنا اليوم هي عن الالتهابات النسائية. ما فيني ضيّع أأ- يعني

[NX] [F1] الموضوع بموضوع تاني [OX] وفيني جاوبك بالتعليقات، لأني أنا بنهاية كل بث بدخل على التعليقات، ماشي، أنا نشرت بوست من فترة إنه ساعة أا- بدي أا- ساعة حرة بدي أردّ فيها على التعليقات أجاني خمسمئة استشارة رديت على متين وخمسة وسبعين استشارة، اشتغلت ست ساعات منهم ساعتين بالليلة نفسها، وامبارح فقت اشتغلت من الستة للعشرة بأردّ ع التعليقات. مع ذلك أنا ما فيني رد على كل التعليقات

[NX] [F1] لأنه معناتها أنا لازم أكون تلت عشر ريم عرنوق مو ريم عرنوق وحدة، لحتى يكفي وقتها إنها ترد على كل التعليقات