-
Երկու ընկերներ են լինում,
Ջոնը և Ջիմը:
-
Ջիմը շուն է ունենում:
-
Մի օր տղաները տղաները գնում են
զբոսնելու և Ջիմն ընկերոջը ասում է.
-
- Գիտե՞ս, ես իմ շանը սովորեցրել եմ սուլել:
-
- Իրո՞ք,- զարմանում է Ջոնը,-
բայց նա ոնց-որ թե չի սուլում:
-
- Գիտեմ,- ասում է Ջիմը:
-
- Ես ասացի, որ սովորեցրել եմ,
չասացի, որ նա սովորել է:
-
Այս անեկդոտի հետ կապված մի
անձնական պատմություն պատմեմ:
-
Մոտ 4 տարի առաջ,
-
երբ ես լրացնում էի Անգլիայում
համալսարանի ընդունելության դիմումս,
-
հարցերից մեկն էր՝
ինչու՞ եմ ես ուզում իրենց մոտ սովորել:
-
Ես էլ մեծ-մեծ գրել էի,
-
որ ինձ համար շատ կարևոր է կրթության
քաղաքականության ոլորտը,
-
դա շատ կարևոր է իմ ապագայի համար, բլաբլա:
-
Երկու տարի հետո, երբ արդեն
ուսումս գալիս էր իր ավարտին,
-
մեր վերջնական հանդիպումն էր
դասախոսների հետ մեկտեղ,
-
և դասախոսներիցս մեկը հարցրեց.
-
-Հիմա ի՞նչ կասեք,
-
այս ծրագիրը, ձեր պատկերացումներին,
սպասումներին համապատասխանու՞մ էր:
-
Ես էլ ասեցի,
-
-Գիտե՞ք, ես ոնց որ թե կրթության
քաղաքականության ոլորտ այդպես էլ չսովորեցի,
-
բայց դրա տեղը ստացա
շատ ու շատ այլ բաներ:
-
Կատակում եմ, իհարկե,
սովորածիս չափը ահռելի էր,
-
և ինչպես իմ ընկերներիցս մեկն է կատակում,
-
տեղեկացվածության և գիտելիքի առումով այս
համալսարանում
-
մենք զիջում էինք միայն ՆԱՍԱ-ին:
-
Ինձ համար ամենակարևորը սովորածիս
ոչ նյութական, ոչ շոշափելի բաներն էին:
-
Դրանք էին, օրինակ, ինչպես սովորել սովորել
ինչպես մտածել, քննադատել ու քննադատվել,
-
ինչպես լինել բարզմակարծության ու
բազմազանության մեջ և ընդունել այն,
-
ինչպես վերանալ դոգմայից,
ինչպես լինել բաց:
-
Բայց, ամենակարևորը ՝ ինպես լինել
ակադեմիկան համայնքի մաս:
-
Իսկ, ո՞րն էր դա:
-
Երբևէ մտածել եք՝ ինչու է «համալսարան»
բառը կոչվում համալսարան:
-
Հավանաբար, այո՛, շատ հեշտ բառ է,
շատ հեշտ կռահելի:
-
Համա-լսարան, պարզ, բայց շատ կարևոր:
-
Իրականում, լատիներեն բառը ՝ universitas,
ինչը նշանակում է համալսարան,
-
նշանակում է հավաք, համայնք, մարդկանց խումբ
հավաքված մի ընդհանուր վայրում:
-
Համալսարանի գաղափարը հենց
այդ համայնքի մեջ է,
-
հենց այդ համայնքի գաղափարի մեջ է,
այն ոչ միայն ուսումնառության տեղ է ,
-
(չնայած ուսումնառությունը շատ մեծ դեր
ունի համալսարանական կյանքում)
-
բայց այն մի ուրույն վայր է, որտեղ ոչ ոք
իրեն չպետք է զգա անդեմ մեքենայի մաս:
-
Համալսարանը այնքանով է կարողանում
պահպանել իր հանրային տարածքը ,
-
որքանով որ հնարավորություն է տալիս ազատ
ստեղծագործելու, մտածելու , ստեղծելու,
-
քննադատելու, փորձարկելու, քանդելու,
վերսկսելու, վերափոխելու համար:
-
Այն կրիտիկական դեր ունի հասարակության մեջ:
-
Համալսարանի դերը ոչ այնքան պետություն,
որքան հասարակություն կառուցելու մեջ է:
-
Եվ այնքանով, որ համալսարանը կարողանում է
պահպանել իր կրիտիկական դերը՝
-
որպես հանրային տարածք , այդքանով նա
մնում է հանրային տարածք և համա-լսարան:
-
Եթե համալսարանը հանրային է,
հանրային տարածք է, ու՞մ է այն պատկանում:
-
Մի այսպիսի առակ կա:
-
Մի իմաստուն ուսուցչի հարցնում են՝ ինչպես է
նա տարբերում իր ուսանողներին, նա ասում է.
-
- Շատ են իմ ուսանողները և շատ տարբեր,
բայց ես կասեմ հետևյալը:
-
Մի խումբ ուսանողներ կան,
որոնց ես անվանում եմ աստղիկներ,
-
նրանք չեն հավատում իմ ասածներին,
կասկածի տակ են դնում ամեն ասածս,
-
չեն ենթարկվում, քննադատում են, ստիպում են
մտածել, սխալվում են, նորից մտածում:
-
Քիչ են նրանք, բայց ուրախ եմ, որ նրանք կան
և նրանց անուններով բոլորին հիշում եմ:
-
Մնացածներին այլ կերպ եմ վերաբերվում:
-
Նրանք մտածում են, որ իմ տված գիտելիքը կամ
իմ ասածը կգա կկուտակվի իրենց մոտ մի օր:
-
Լսում են, խելոք են,
համաձայնում են ինձ հետ:
-
Շատ են նրանք, նրանց հետ շատ հեշտ է,
բայց նրանց անունները շատ արագ մոռանում եմ:
-
Համալսարանը՝ որպես հանրային տարածք
ունի շատ կարևոր նշանակություն:
-
Այն հատկանշական է նրանով, որ մասնակցային է
-
և կրթության դերն այնտեղ դառնում է
-
դասախոսի և ուսանողի համատեղ
գիտելիքի կառուցումը համա-լսարանում:
-
Համալսարանի դերը այդ դեպքում
դառնում է հնարավորություններ ստեղծել
-
այդ համատեղ գիտելիքի կառուցման համար:
-
Վերջերս մի հետազոտություն էի կարդում
շատ հետաքրքիր էր,
-
կոչվում էր՝ «Անկախության սերունդ»,
-
որտեղ հայ երիտասարդներին հարցրել էին՝
-
ինչ են իրենք մտածում
կրթության և ուսման մասին,
-
և ստացվում էր մի հետաքրքիր բան:
-
Ստացվում էր, որ հայ երիտասարդները
համալսարան գալիս են ավելի շատ
-
իրենց հասակակիցների հետ շփվելու,
հաղորդակցվելու, կապեր ձեռք բերելու,
-
քան կրթություն ստանալու, գիտելիք
ստանալու, գիտելիք ձեռք բերելու :
-
Համալսարանը փաստորեն նրանց համար դարձել է
-
ավելի շատ հասարակական վայր,
բայց ոչ հանրային:
-
Ու ստացվում էր մի շատ հետաքրքիր բան:
-
Իհարկե, մեր ժամանակներում գիտելիք
ձեռք բերելը ամենահեշտ գործն է
-
վերջիվերջո Google-ը դարձել է
ուսանողների ամենամոտ ընկերը,
-
բայց այստեղ հարցն ուրիշ տեղ է՝
-
ի՞նչ անել այդ գիտելիքի հետ,
ի՞նչ որակի է այդ գիտելիքը,
-
ինչպե՞ս այն քննադատության ենթարկել,
քանդել, կառուցել, ստեղծել, տարածել:
-
Այստեղ է համալսարանի առաջնային դերը:
-
Համալսարանը պետք է տա այն
հնարավորությունը, որ դասախոսն ու ուսանողը
-
միմյանց հետ համատեղ կառուցեն
իրենց գիտելիքը, գան ինչ-որ ճշմարտության:
-
Համա-լսարանի դերը դասախոսի և ուսանողի
համատեղ մտավոր գործունեության ապահովումն է
-
Իսկ ի՞նչ ունենք մենք:
-
Մենք ունենք, ցավոք, մի իրականություն,
-
որտեղ համալսարանը ավելի շատ ներկայացվում
և գովազդվում է կոմերցիոն տեսանկյուններից:
-
Իհարկե, համալսարանի տնտեսական
նպատակը չեմ թերագնահատում,
-
բայց երբ որ համալսարանը ներկայացվում է
միայն կոմերցիոն տեսանկյունից,
-
և կրթությունն ասոցացվում է ավելի շատ
դիպլոմ ստանալու, քան ուսանող լինելու հետ,
-
այն երևի թե կորցնում է
իր հիմնական նպատակը:
-
Այնպիսի տպավորություն է, որ
մեր ուսանողները, ինչ-որ անդեմ էակներ են,
-
ովքեր գալիս են համալսարան սնելու համար,
իսկ համլսարաններն էլ,
-
չափազանց կախված լինելով ուսման
վարձից, զբաղվում են միայն ուսանող որսալով
-
և ամեն գնով այդ ուսանողին պահելով:
-
Ուսանողը հաճախորդ չէ,
գնահատող չէ, սպառող չէ, եկամտի աղբյուր չէ,
-
ինչ-որ անհայտ կենսատիպ չէ,
ուսանողը մարդ է:
-
Համակարգի անբաժանելի մաս:
-
Մենք շատ ավելի վատ ենք մտածում
մեր ուսանողների մասին, քան իրականում կա,
-
և ոչ մի ուսումնասիրության
մեջ չկա այն եզրակացությունը,
-
որ ուսանողը գալիս է համալսարան՝
սպառելու ինչ-որ մի բան,
-
կրթությունից օգտվելու՝
որպես ծառայությունից:
-
Ոչ, ամենևին:
-
Համալսարաններն են իրենց
այդպես ներկայացնում:
-
Ավելի շատ վաճառում են գիտելիքը,
այլ ոչ թե ստեղծում հնարավորություն,
-
որ այդ գիտելիքը կառուցվի:
-
Բացեք յուրաքանչյուր համալսարանի
կայքէջ ու կտեսնեք
-
ուսանողների իրավունքներ
և պարտականություններ, ասվում է,
-
որ ուսանողներն իրավունք ունեն շարունակելու
իրենց մասնագիտական կրթությունը
-
ուսանողներն իրավունք ունեն մասնակցելու
որակի ապահովման գործընթացներին,
-
ուսանողներն իրավունք ունեն
մասնակցելու պրոֆեսորադասախոսական կազմի
-
գործունեության արդյունավետությանը:
-
Շատ լավ է, գիտե՞ք ինչից են
ամենաշատը ուսանողները բողոքում,
-
ուսանողները բողոքում են նրանից, որ
ուսանող-դասախոս հարաբերությունները վատ են,
-
որ որոշ դասախոսներ ունեն անհարգալից
վերաբերունք ուսանողների նկատմամբ
-
որ որոշ դասախոսներ ունեն խտրական,
անարդար վերաբերմունք ուսանողների նկատմամբ,
-
բողոքում են
ոչ որակյալ դասախոսություններից,
-
ուսանողները բողոքում են համալսարանի
ոչ համա-լսարան լինելուց:
-
Կրթությունը մարդկային համակարգ է:
-
Այն մարդկանց մասին է, այն
մեխանիկական, անդեմ, գծային համակարգ չէ,
-
այն Հայաստանում ՝ 78.000 ուսանողի և 10.000
պրոֆեսորադասախոսական կազմի մասին է:
-
Կրթությունը ստատիկ չէ:
-
Այն դինամիկ է:
-
Այն ոչ միայն ստանալու և ունենալու
մասին է, այն դառնալու մասին է,
-
լինելու, փոխվելու, վերափոխվելու մասին է:
-
Եվ ինչպես ասում է հայտնի ամերիկացի
փիլիսոփա, մանկավարժ Ջոն Դյուին
-
«Կրթությունը կյանքին պատրաստելը, չէ,
կրթությունը հենց ինքը կյանքն է»:
-
Վայելեք ամենայն պատասխանատվությամբ:
-
Շնորհակալություն
-
(Ծափահարություններ)