Timu la Rubusojn!

En ĉi tiu videoblogo, mi antaŭavertas vin pri la danĝeroj de rubusoj.

Patreon: https://www.patreon.com/evildea
Benson Smith, Jzknuckles, Lupe, Sarah SC, Shayne Power

Fejsbuka Paĝo: https://www.facebook.com/EvildeaGAMING/
Fejsbuka Komunumo: https://www.facebook.com/groups/Evildea/
Verdulo-Paĝo: http://verduloj.com/u/evildea

Saluton al ĉiuj, jen Evildea via dio.

Kaj hodiaŭ nokte, mi ne povas tiom laŭte paroli,

ĉar fakte, mia bopatro surteriĝis en Aŭstralio

antaŭ kelkaj horoj, kaj nun estas en la alia ĉambro,

kaj dormas lite.

Kaj ... kial mi diris "lite"?

Kompreneble, li ne dormas planke.

Do, ĉi tiu videoblogo fakte temas pri la tempo,

kiam mi havis dekdu jarojn,

kaj mia pli juna frato Eric havis naŭ jarojn.

Kaj, por tiuj, kiuj spektis miajn antaŭajn videoblogojn,

Eric simple estas la frato,

kiu rompis liajn dentojn kontraŭ ligno,

kaj poste mensogis, kaj diris,

ke mi rompis liajn dentojn. Kaj mi estis batita.

Sed ĉi tiu videoblogo temas

pri tempo kelkajn jarojn poste.

Kaj mi memoris, ke ni estis en la malantaŭa korto

de nia domo, kaj ĝi ...

estas tre proksima al la arbaro.

Kaj fakte, kiam vi eliras el la malantaŭa korto,

vi simple eniras la arbaron.

Kaj, mi kaj mia frato estis en la arbaro,

kaj ni manĝis multe da rubusoj,

kaj mi memoris, ke ...

Ho unue, mi devas diri:

Por tiuj, kiuj ne scias,

rubusoj simple estas malgrandaj beroj,

kaj ili havas ruĝ-nigran haŭton,

kaj kiam vi manĝas ilin,

ili ruĝigas vian langon, lipojn kaj manojn ...

preskaŭ ĉion, verdire.

Kaj mi memoris, ke ni manĝis ilin multege,

kaj mi tiam rigardis miajn manojn, kaj pensis:

"Ili estas tre ruĝaj. Ili aspektas sangaj."

Kaj tiam, mi turniĝis al mia pli juna frato,

kaj diris: "Rigardu miajn manojn, ĉu ili aspektas sangaj?"

Kaj mia frato diris: "Jes ja!"

Kaj tiam mi diris: "Estus ege amuze,

se vi kurus al la domo, kaj dirus al paĉjo,

ke vi sangigas viajn manojn."

Kaj mia frato, kiu estas la plej inteligenta frato

en la tuta mondo ... diris:

"Jes ja! Estus ege amuze!"

Kaj tiam, kuris al la domo,

kaj mi sekvis lin,

kaj mi memoris, ke li grimpis la ŝtuparon,

kaj mi ĉirkaŭkuris la domon

ĝis mi atingis la fenestron de la salono.

Kaj mi trarigardis la fenestron,

kaj kiam mi faris tion,

mia frato eniris la salonon,

kaj staris kelkajn metrojn for de mia paĉjo,

kiu sidas en la sofo, kaj spektas la televidilon.

Kaj mi memoris, ke li (Erich) levis siajn manojn,

kaj diris: "Paĉjo! Paĉjo!"

Kaj mia patro, kompreneble, rigardis lin,

kaj li (Erich) diris: "Mi sangigis miajn manojn!"

Kaj mia paĉjo, kompreneble, rapide elseĝiĝis,

kaj diris: "Ho fek!"

Kaj kuris al mia frato, prenis liajn manojn,

kaj kompreneble tiam vidis,

ke ili simple estas kolorigitaj per rubusoj,

kaj diris: "Kio oka... KIO?"

Kaj mia frateto, kiu estas la plej inteligenta

en la tuta mondo, diris:

"Mi simple mensogas. Ne estas sango. Simple estas rubus..."

Kaj tiam mia frato estis ĵetita

sur la genuojn de mia paĉjo,

kaj mia paĉjo komencis bategi lian pugon.

Kaj mia frato, kiu tute ne atendis ĝin,

komencis torente ekplori.

Kaj mi, staris ekster la fenestro,

kaj multege ridis pri ĉi tiu situacio.

Kaj ... ŝajnis, ke mi tro laŭte ridis,

ĉar mia paĉjo turniĝis al la fenestro,

vidis min, kaj kompreneble,

agnoskis, ke tio estis mia ideo, por fari ĉi tion,

kaj diris al mi: venu ĉi tien, mi volas bati vin.

Kaj kompreneble, mi ne volis tion.

Mi diris "Fek al tio!",

kaj mi kuris el la malantaŭa korto al la arbaro,

kaj eniris ĝin.

Kaj mia paĉjo eliris el la domo,

staris en la malantaŭa korto,

kaj vokis al la arbaro: "Venu ĉi tien!

Se mi devas atendi longe, mi bategos vin,

des pli multe!"

Kaj mi diris el la arbaro:

"Fek al tio, mi ne revenos iam ajn!"

Kaj mia paĉjo diris: "Vi devas manĝi iam!"

Kaj mi pensis: "Ne. Estas multe da rubusoj ĉi tie,

mi ne devas iri al la domo por manĝi."

Kaj kompreneble, mi restis tie dum kelkaj horoj,

sed mi memoris, ke mi manĝis la rubusojn,

kaj pensis, ke "mi estas tre inteligenta".

Sed tiam, komencis iom post iom noktiĝi kaj malvarmiĝi.

Kaj mi pensis: "Ho fek. Mi devas reveni al la domo.

Eble mia paĉjo jam enlitiĝis."

Do, mi malrapide iris al la domo,

grimpis la ŝtuparon, malfermis la pordon,

kaj trarigardis la fenestrojn. Ĉio estis nigra.

Kaj mi pensis: "Jes, ja. Li jam enlitiĝis

kaj verŝajne forgesis pri la tuta afero."

Kaj mi malrapide iris al mia ĉambro,

sed tiam haltis, kaj rigardis la fridujon,

ĉar mia stomako grumblis kaj mi pensis:

"Eble mi povas trovi ion manĝindan."

Do mi iris al la fridujo, malrapidege malfermis ĝin,

trarigardis la fridujon ...

Sed tiam, mi aŭdis sonon de malantaŭ mi,

kaj mi pensis

...

"Ho fek, ĉu estas paĉjo?"

Kaj mi fermis la fridujon, turniĝis,

kaj tiam, kompreneble, jes ja estas paĉjo.

Li prenis min, ĵetis min sur la genuojn,

komencis bategi mian pugon.

Kaj mi torente ekploris.

Kaj ... mi ne povas memori kiom longe li batis min.

Sed post iom da tempo, li portis min al la ĉambro,

kaj ĵetis min en la ĉambron.

Kaj kompreneble, mia pugo ... estis ege dolorigita

per batado.

Kaj mi prenis ĝin, kaj diris:

"Ho. Ho fek. Ho."

Kaj malrapide iris al la lito,

kaj mi povis vidi, ke mia frato estis en la lito,

kaj li ankoraŭ ne endormiĝis,

ĉar li rigardis min kun larmoj en la okuloj,

kaj diris: "Fek al vi kaj viaj stultaj ideoj!"

Kaj mi pensis: "Fek al mi kaj miaj stultaj ideoj!"

Sed tio estas ĉio.

Se vi ŝatis ĉi tiun rakonton,

ŝatu ĝin, diskonigu ĝin,

abonu mian kanalon, se vi ankoraŭ ne abonis,

kaj mi vidos vin en la venonta filmo,

kaj se vi ne estos tie,

mi trovos vin,

kaj ...

mi donos al vi bonajn ideojn rilate al la rubusoj!