LESSON NO 52

آغاز سبق نمبر باون صفحہ نمبر 241
نفس واحدہ
خلائے نور سے نور کی منتقلی،
علم لدنی کے شعبے،
اسرار اور اللہ تعالٰی،
علم القلم کا عکس لوح محفوظ،
دعائے ماثور،
تجلیات، ابداء، کمالات، عدم نوع،
اللہ تعالٰی کی تجلی کا عرفان،

LESSON NO 52

خلائے نور میں وسائل و اسباب موجود نہ

ہونے کے باوجود اللہ نے جب " کن" فرمایا تو

" کن " کہتے ہی خلائے نور میں شکلیں اور

صورتیں وجود میں آگئیں۔

اس حقیقت سے یہ بات منکشف ہوئی کہ خلائے نور

اور خالق کا ارادہ ایک ہی حقیقت ہیں۔

اور یہی حقیقت کائنات کی تعمیر

کی بساط بھی ہے۔

قرآن پاک میں اس حقیقت کو "تدلی" کا نام دیا گیا ہے۔ سورہ نجم میں اللہ تعالٰی ارشاد فرماتے ہیں۔
" ان کو تعلیم کرتا ہے جس کی طاقت زبردست ہے۔اصل صورت پر نمودار ہوا۔ جب وہ افق اعلی پر تھا، نزدیک آیا اور پھر اور نزدیک آیا جھکا دو کمانوں کے برابر فاصلہ رہ گیا بلکہ کم۔"
یہ وہ مشاہدہ، وہ کیفیات ہیں جو معراج کے وقت حضور علیہ الصلوات والسلام پر منکشف ہوئیں۔ ان آیات میں ان حقائق اور اعلی مراتب کا تذکرہ ہمیں جو حقائق اور اعلی مراتب حضور علیہ الصلوات والسلام کو براہ راست اللہ تعالٰی سے حاصل ہوئے۔
" علم لدنی" کے تین حصے ہیں۔ ایک حصہ "اجمال "، دوسرا حصہ "تفصیل "، تیسرا حصہ "اسرار" جس حصے کو "علم لدنی" کی اصطلاح میں " اسرار" کہا جاتا ہے، اس حصے کی تعلیمات براہ راست اللہ تعالٰی دیتے ہیں۔ "اسرار" وہ علوم ہیں یا تجلیات کے نزول کا نام ہے جو علوم کے حقائق ہیں۔ انہی حقائق کو "علم القلم " کہا جاتا ہے۔ " علم القلم " علوم کا وہ باب ہے وہ حصہ ہے جو لوح محفوظ سے پہلے ہے۔ لوح محفوظ انہی علوم کا عکس ہے۔ یہ علوم لوح محفوظ کے احکامات پر اولیت رکھتے ہیں۔ "علم القلم " جاننے والا کوئی بندہ جب احکامات صادر کرتا ہے تو وہ تمام احکامات " لوح محفوظ " پر نقش ہوجاتے ہیں۔ " لوح محفوظ " کے نقوش ہی دراصل نزول کرکے کائنات بنتے ہیں۔ اور کائنات کے خدوخال میں ظاہر ہوتے ہیں۔ ایسے بندے جو "علم القلم " جانتے ہیں اللہ تعالٰی سے براہ راست تعمیل ہوتی ہے۔ یعنی اس بندے کو خود اللہ تعالٰی علوم پڑھاتے ہیں۔ اور سکھاتے ہیں۔ اس بات کو سیدنا حضور علیہ الصلوات والسلام نے اپنی دعاؤں میں بہت تفصیل سے بیان فرمایا ہے۔
حضور علیہ الصلوات والسلام کی ایک دعا ہے:
یا اللہ! میں تجھے ان ناموں کا واسطہ دیتا ہوں جن کو تو نے مجھ پر ظاہر کیا یا مجھ سے پہلوں پر ظاہر کیا یا اللہ اور میں تجھے ان ناموں کا واسطہ دیتا ہوں جن کو تو نے اپنے علم میں اپنے لئے محفوظ رکھا اور میں تجھے تیرے ان ناموں کا واسطہ دیتا ہوں جو تو میرے بعد کسی پر ظاہر کرے گا۔"
یہ الفاظ غورطلب ہے کہ جو تو میرے بعد کسی پر ظاہر کرے گا۔ یہ نام اللہ تعالٰی کی صفات و کمالات ہیں، زمانہ نور یعنی اللہ کے ذہن میں موجود ہیں۔ انہی صفات و کمالات اللہ کے شعائر و عادات اور قوانین تجلیات ہیں، اللہ تعالٰی کے اسماء قرار دیا گیا ہے۔ یہ علم اللہ تعالٰی ذات کے بعد اور " ابدا " سے پہلے ہے۔اللہ تعالٰی کے اس مرتبے کی معرفت بغیر اسباب و وسائل کے تخلیق و تکوین کی صلاحتیں عطا کرتی ہے۔ کوئی صاحب، علم القلم یہ فیصلہ کرنا ہے کہ یا کوئی حکم صادر کرتا ہے تو خلائے نور کے قوانین کے مطابق اس کے ذہن میں کسی قسم کے وسائل نہیں ہوتے۔ اللہ کے ہر نام میں لاشمار کمالات جمع ہیں۔ کمالات "خلائے نور" سے صادر ہوکر لوح محفوظ کی زینت بنتے ہیں۔ یا لوح محفوظ پر نقش و نگار بن کر ابھرتے ہیں۔یہی لوح محفوظ کے نقش و نگار لوح محفوظ سے نزول کرکے عالم خلق میں ظاہر ہوتے ہیں۔ مرشد کریم قلندر بابا نے "خلائے نور" کو ورائے بےرنگ کہا ہے۔ " خلائے نور " یا ورائے بےرنگ سے نفی یا عدم مراد نہیں ہے۔ بلکہ عدم نور ہے۔ یعنی وہ عالم نور جو قانون نورانیت کا مجموعہ ہے۔ ایک طرح کا لطیف ترین جلوہ ہے۔ اور اسی جلوے سے نور کی تخلیق ہوتی ہے۔ " خلائے نور" اللہ کی ذات نہیں ہے۔ "خلائے نور " ورائے بےرنگ ہے۔ اور ذات باری تعالٰی وراء الوراء بےرنگ ہے۔مفہوم یہ ہے کہ اللہ تعالٰی کی ذات کو بیان کرنے کے لیے ہمارے پاس کسی قسم کے الفاظ کا ذخیرہ موجود نہیں ہے۔ ہم اللہ تعالٰی کی ہستی کو کسی بھی طریقے سے الفاظ میں محدود نہیں کرسکتے۔ اور اللہ تعالٰی کی ہستی کا بیان وہم ، تصور، الفاظ، ہر طرز فہم سے بالاتر ہے۔ انسان جب اللہ تعالٰی سے متعارف ہوتا ہے تو متعارف ہونے کی دو طرزیں ہیں۔ ایک طرز یہ ہے کہ انسان اللہ تعالٰی کی صفات سے متعارف ہوتا ہے۔ دوسری طرز یہ ہے کہ انسان اللہ تعالٰی کی ذات سے متعارف ہوتا ہے۔ جب کوئی انسان صفات سے متعارف ہوتا ہے وہ اللہ کو اللہ کی صفات میں دیکھتا ہے۔ اور اللہ کی صفات میں اللہ کو دیکھنا کسی نہ کسی خدوخال میں دیکھنا ہے۔ اس کے برعکس جب کوئی بندہ اللہ کو اللہ کی ذات میں دیکھتا ہے تو وہ دراصل محض اپنی فکر وجدانی سے اللہ کی قربت کو محسوس کرتا ہے۔ فکر وجدانی سے قربت کو محسوس کرنے والا کوئی بندہ کبھی بھی اللہ کی ذات کو الفاظ یا کسی قسم کے خدوخال میں بیان نہیں کرسکتا۔ دراصل فکر وجدانی کا دیکھنا بھی اللہ کی ذات کو دیکھنا نہیں ہے فکر وجدانی انسان کو ایسے مقام پر پہنچا دیے گی، جہاں انسان تجلی ذات کا مشاہدہ کرسکتا ہے۔ تجلی ذات کا مشاہدہ اور اللہ کی ذات کا دیکھنا الگ الگ باتیں ہیں۔ مفہوم یہ ہے کہ کوئی بندہ جب ذات کو دیکھتا ہے، ذات سے متعارف ہوتا ہے تو وہ دراصل اللہ تعالٰی کی تجلی سے متعارف ہوتا ہے۔ اور تجلی کا عرفان حاصل کرتا ہے۔ اسی مقام میں اللہ تعالٰی سے گفتگو کے مواقع حاصل ہوتے ہیں۔ یہ بات غورطلب ہے کہ اللہ تعالٰی سے گفتگو براہ راست ذات باری تعالٰی سے نہیں ہوتی۔ بلکہ اللہ سے گفتگو بھی تجلی ذات کی معرفت ہوتی ہے۔
سیدنا حضور علیہ الصلوات والسلام کا ارشاد ہے:
" میں نے اللہ کو جس طرح پہچانا ہے، دراصل اس پہچاننے میں حق پورا نہیں ہوا۔"
رسول اللہ صلی اللہ علیہ وسلم کا یہ بھی ارشاد ہے:
" یا اللہ رفیق اعلی سے ملا دے۔"
مطلب یہ کہ حضور اس بات کو فرما رہے ہیں کہ کوئی بندہ، کوئی آنکھ، نہ اللہ سے گفتگو کرسکتی ہے، نہ کوئی بندہ براہ راست اللہ کو دیکھ سکتا ہے، بلکہ اللہ کو دیکھنا اللہ سے گفتگو کرنا، اللہ کی قربت کو محسوس کرنا تجلی ذات کی معرفت ہوتا ہے۔