Ron Gutman: Скриената моќ на насмевката

Ron Gutman анализира серија на истражувања за смеењето, и открива некои изненадувачки резултати. Дали знаевте дека смеењето може да биде показател за тоа колку долго ќе живете - и дека една едноставна насмевка има значителен ефект на вас како битие? Подгответе се да размрдате неколку мускули на лицето и да научите повеќе за овој битен детал од животот.

Кога бев дете, секогаш сакав да бидам супер херој.

Сакав да го спасам светот и потоа сите да бидат среќни.

Но знаев дека ќе ми треба супер моќ

за да си ги остварам соништата.

Често одев на имагинарни патувања

за да најдам интергалактички објекти од планетата Криптон,

што беше навистина забавно,

но немав значителни резултати.

Кога пораснав, и сфатив

дека научната фантастика не беше добар извор за супер моќ,

одлучив наместо тоа да тргнам на патување низ реалната наука,

за да пронајдам покорисни факти.

Патувањето го започнав во Калифорнија

со продолжена 30-годишна студија на универзитетот Беркли

која ги изучуваше фотографиите на студентите

во годишниот алманах

и се обидуваше да се измери нивниот успех

низ нивниот живот.

Со мерење на насмевките на студентите,

истражувачите можеа да предвидат,

колку исполнет и долготраен

ќе биде бракот на испитаникот,

колку добар резултат би направилa

на општите тестови

и колку инспиративна би била за другите.

Во друг алманах, наидов на сликата на Бери Обама.

Кога прв пат ја здогледав сликата,

си помислив дека оваа супер моќ доаѓа од неговата супер крагна.

Но сега знам дека сè било до неговата насмевка.

Друг "аха!" момент

имав во 2010 година на еден проект на Вејн Стејт Универзитетот

кој ги испитуваше безбол сликичките од пред 1950 година

од играчи од главната лига.

Истражувачите открија

дека должината на насмевката на играчот

би можела да ја предвиди должината на неговиот живот.

Играчите кои не се смееле на нивните слики

живееле во просек само 72.9 години

додека играчите со широки насмевки

живееле во просек скоро 80 години.

(Смеење)

Добрата вест е дека ние сме родени насмеани.

Со користење на технологија на ултразвук

сега можеме да видиме дека бебињата се смеат,

дури и во матката.

Кога ќе се родат,

тие продолжуваат да се смеат,

на почетокот, најмногу додека спијат.

Па дури и слепите бебиња се смеат

на звукот на човечкиот глас.

Смеењето е еден од најосновните, биолошки-униформни

изрази на сите луѓе.

Во студии спроведени во Папуа Нова Гвинеја,

Пол Екман,

светски најпознатиот истражувач на изрази на лицето,

открил дека дури и членовите на племето Фори,

кои целосно биле отсечени од Западниот свет,

и исто така познати по своите невообичаени канибалистички ритуали,

вклучувале насмевки во описот на ситуации

на истиот начин на кој вие и јас би го правеле тоа.

Така од Папуа Нова Гвинеја

до Холивуд

па сè до модерниот Пекинг,

се смееме често,

и се смеете за да изразите уживање

и задоволство.

Колкумина од луѓето овде во просторијава

се смеат повеќе од 20 пати дневно?

Подигнете рака доколку сте вие дел од нив.

Надвор од просторијава,

повеќе од една третина од нас се смеат повеќе од 20 пати дневно,

додека 14 проценти од нас

се смеат помалку од пет пати.

Всушност, оние со најголемата супер моќ

се всушност децата

кои се смеат околу 400 пати дневно.

Сте се запрашале зошто кога сте со деца

кои се смеат многу често

и вие се смеете повеќе?

Една скорешна студија од Упсала Универзитетот во Шведска

открила дека е многу тешко да се муртите

додека гледате некој кој се смее.

Ќе прашате, зошто?

Бидејќи смеењето е еволутивно заразно однесување,

и тоа ја намалува контролата

која ние ја имаме на мускулите на лицето.

Имитирањето на насмевка

и покажувајќи ја само физички

ни помага да дознаеме дали нашата насмевка е лажна или вистинска,

за да можеме да ја разбереме емоционалната состојба

на лицето кое се смее.

Во една скорешна студија за имитирање

на Универзитетот Клермонт-Феранд во Франција,

испитаниците биле замолени да одредат

дали насмевката била вистинска или лажна

додека држеле молив во нивната уста

за да ги поттиснат мускулите за смеење.

Без моливот, испитаниците биле одлични во расудувањето,

но со моливот во нивната уста,

кога не можеле да ја имитираат насмевката која ја гледале,

нивното расудување било влошено.

(Смеење)

Како дополнување на теоријата во развој на "Потеклото на видовите",

Чарлс Дарвин исто така напишал

теорија за реагирањето со лицето.

Неговата теорија тврди

дека чинот на смеење сам по себе

нè прави да се чувствуваме подобро,

а не дека смеењето е резултат

на тоа што се чувствуваме добро.

Во неговата студија,

Дарвин всушност го цитира францускиот невролог, Гијом Дишен,

кој користел електрични импулси на мускулите на лицето

за да индуцира и стимулира насмевки.

Ве молам, не го пробувајте ова дома.

(Смеење)

Во слична германска студија,

истражувачите сликале со магнетна резонанција

за да ја измерат мозочната активност

пред и по инјектирањето ботокс

за поттиснување на мускулите на лицето.

Резултатите ја поддржале Дарвиновата теорија

со покажување дека реакциите на лицето

го менуваат нервното процесирање

на емотивната содржина во мозокот

на начин кој ни помага да се чувствуваме подобро кога се смееме.

Смеењето го стимулира нашиот механизам за возвраќање

на начин на кој дури и чоколадото,

како добро познат извор на задоволство,

не може да го направи тоа.

Британските истражувачи откриле дека една насмевка

може да поттикне исто ниво на мозочна стимулација

која би се добила од 2.000 чоколади.

(Смеење)

Чекајте. Истата студија открила

дека смеењето е исто стимулирачкo

како да примите 16.000 фунти во готово.

Тоа е како насмевка од 25.000 долари.

Не е лошо.

И размислувајте на следниот начин:

25.000 помножено со 400 --

прилично многу деца надвор од овде

се чувствуваат како Марк Закерберг секој ден.

И, за разлика од многу чоколадо,

многу смеење може да ве направи и поздрави.

Смеењето може да помогне да се намали нивото

на хормоните кои се лачат при стрес

како кортизол, адреналин и допамин,

да се зголеми нивото на хормоните за добро расположение

како ендорфинот

и да се намали крвниот притисок.

И доколку ова не е доволно,

смеењето може да изгледа добро

во очите на другите.

Една скорешна студија од Пен Стејт Универзитетот

откри дека кога се смеете

не само што изгледате повеќе допадливи и почитувани,

туку вие всушност изгледате многу покомпетентни.

Секогаш кога сакате да изгледате одлично и компетентно,

да го намалите стресот

или да го подобрете вашиот брак,

или да се чувствувате како штотуку да сте изеле еден куп чоколади,

без да се грижите за калориската штета --

или како да сте нашле 25.000 долари во џебот

на старата јакна која не сте ја носеле со години,

или секогаш кога сакате да добиете супер моќ

која ќе ви помогне вас и на сите околу вас

живејте подолго, поздрав, посреќен живот,

смејте се.

(Аплауз)