Ron Gutman: Ang nakatagong kapangyarihan ng ngiti

Sinuri ni Ron Gutman ang mga pag-aaral tungkol sa pagngiti at kanyang ibinahagi ang ilang nakakagulat na resulta. Alam mo ba na maaring matukoy ang magiging haba ng buhay sa pamamagitan ng iyong ngiti - at ang simpleng pagngiti ay nakakaapekto sa pangkalahatang kagalingan? Simulan mo nang igalaw ang mga kalamnan sa mukha, habang nadadagdagan ang iyong kaalaman tungkol sa nakaka-enganyong ugaling ito.

Noong bata pa ako, nais ko nang maging "superhero"

Gusto kong iligtas ang mundo at mapasaya ang lahat ng tao.

Pero alam ko na kailangan ko ng "superpowers"

upang maisakatuparan ang lahat ng aking mga pangarap.

Kaya, dati ay naglalayag ako sa mga kunwa-kunwariang paglalakbay

para maghanap ng mga intergalactic na bagay mula sa planetang Krypton,

na talaga namang nakakatuwa,

ngunit wala naman gaanong saysay.

Noong malaki na ako, napag-isip-isip ko

na ang salaysaying maka-agham ay malabong mapagkunan ng kapangyarihan,

napagdesisyunan ko na simulang lakbayin ang tunay na agham,

upang makahanap ng katotohanan na kapaki-pakinabang.

Nagsimula ang aking paglalakbay sa California

sa isang 30-taong pag-aaral mula sa UC Berkeley

na sinuri ang mga larawan ng mga mag-aaral

sa isang lumang yirbuk

at sinubukang sukatin ang tagumpay at kagalingan

ng buhay ng bawat isa.

Sa pamamagitan ng pagsukat ng mga ngiti ng mga mag-aaral,

nalaman ng mga mananaliksik

kung magiging masaya at matagal ba

ang buhay may-asawa ng estudyanteng yun,

kung magiging mataas ang puntos

niya sa mga pagsusuri ng kagalingan,

at kung nakaka-enganyo ba siya sa ibang tao.

Sa isa pang yirbuk, nakita ko ang larawan ni Barry Obama.

Noong una kong nakita ang larawan,

inisip ko na nanggaling sa kanyang super-kwelyo ang kanyang superpowers.

Ngunit ngayon alam ko na, na dahil iyon sa kanyang ngiti.

Isa pang nakamamanghang sandali

ay mula sa isang pagsasaliksik noong 2010 sa Wayne State University

na pinag-aralan ang mga baseball cards na mas matanda pa sa 1950

at laman ay ang mga manlalaro ng Major League.

Nalaman ng mga mananaliksik

na ang lawak ng isang ngiti ng manlalaro

ay makakapagsabi ng itatagal ng kanyang buhay.

Ang mga manlalarong hindi nakangiti sa kanilang larawan

ay nabuhay lamang ng humigit-kumulang 72.9 na taon,

samantalang ang mga manlalalarong may kaaya-ayang ngiti

ay nabuhay ng humigit-kumulang 80 na taon.

(Tawanan)

Buti nalang, ipinanganak tayong nakangiti.

Gamit ang teknolohiya ng 3D ultrasound,

nakikita na natin kung paano ngumiti ang mga nabubuong sanggol,

kahit pa ito'y nasa loob ng sinapupunan.

Kapag naisilang na sila,

patuloy pa ring nakangiti ang mga sanggol --

na madalas ay sa kanilang pagtulog.

At kahit ang mga bulag na sanggol ay napapangiti

sa tunog ng boses ng tao.

Ang pagngiti ay isa sa mga pinaka-natural

na uri ng pagpapahayag ng tao.

Sa mga pag-aaral na isinagawa sa Papua New Guinea,

natuklasan ni Paul Ekman,

ang pinakatanyag na mananaliksik sa buong mundo sa pagpapahayag gamit ang mukha,

na kahit ang mga miyembro ng tribong Fore,

na noon pa'y hiwalay na sa kulturang Kanluranin,

at bantog rin sa mga kakaibang ritwal ng kanibalismo,

ay na-iuugnay ang mga ngiti sa paglalarawan ng mga sitwasyon

na gaya din natin.

Kaya, mula sa Papua New Guinea

hanggang sa Hollywood

at pati sa modernong sining sa Beijing,

napapangiti tayo madalas,

at ito ay upang ipakita ang galak

at kasiyahan.

Iilan ba sa inyo sa bulwagang ito ang

ngumingiti ng mahigit sa 20 beses sa isang araw?

Maaring pakitaas lang po ng mga kamay. Oh, wow.

Sa labas ng kwartong ito,

mahigit sa tatlumput-tatlong bahagdan ng mga tao ang ngumingiti ng higit sa 20 beses kada araw,

samantalang mas mababa sa 14 na bahagdan

ang ngumingiti ng kulang sa lima.

Sa katunayan, ang mga pinakanakakamanghang superpowers

ay taglay ng mga bata

na ngumingiti ng kasing-dami ng 400 beses sa isang araw.

Nagtataka ka ba kung bakit kapag kasama mo ang mga bata

na palaging nakangiti

ay napapangiti rin kayo lagi?

Sa isang bagong pag-aaral sa Uppsala University sa Sweden

nalaman nila na talagang mahirap sumimangot

kung nakatingin ka sa isang nakangiti.

Bakit kaya?

Dahil ang pagngiti ay nakakahawa, dala ng ebolusyon,

at napipiligan nito ang kontrol

natin sa mga kalamnan ng mukha.

Ang paggaya ng isang ngiti

at ang pagdanas nito

ay makakatulong sa pag-unawa kung ang ating ngiti ay peke o tunay,

at maiintindihan natin ang lagay ng damdamin

ng mga ngumingiti.

Sa isang panibagong pag-aaral ukol sa panggagaya

sa Clermont-Ferrand University sa France,

tinanong nila ang mga tao

kung ang isang ngiti ay totoo o kunwa-kunwari lang,

habang hawak ang isang lapis sa kanilang mga bibig

para mapigilan ang mga kalamnan ng pagngiti.

Noong wala ang lapis, magaling humusga ang mga tinanong,

Ngunit noong may lapis na ang kanilang mga bibig,

at hindi na nila nagagaya ang ngiti dahil sa lapis,

nababawasan ang kanilang kakayahang humusga.

(Tawanan)

Bukod sa ebolusyon na nakasulat sa "The Origin of Species",

sinulat rin ni Charles Darwin

ang teorya ng 'facial feedback response'.

Nakasaad sa teorya

na ang pagngiti

ay nakakabuti sa pakiramdam --

taliwas sa sinasabing ang pagngiti ay resulta lamang

ng mabuting pakiramdam.

Sa kanyang pag-aaral,

pinangalanan ni Darwin ang isang neurologist na Pranses na si Guillaume Duchenne,

na gumamit ng kuryente sa mga kalamnan ng mukha

upang makagawa ng pagngiti.

Pakiusap, huwag niyong gawin sa bahay.

(Tawanan)

Kaugnay nito, isang pag-aaral ng mga Aleman

ang gumamit ng fMRI imaging

upang sukatin ang mga nangyayari sa utak

bago at pagkatapos turukan ng Botox

upang pigilan ang mga kalamnan ng pagngiti.

Ang tuklas na ito ay sumusuporta sa teorya ni Darwin

na ang "facial feedback"

ay nakakapagpabago sa neural processing

sa bahagi ng utak na patungkol sa emosyon

upang mapabuti ang ating nararamdaman sa tuwing tayo ay nakangiti.

Ang pagngiti ay nakakapagsigla ng "reward mechanism" sa ating utak

sa paraan na kahit pa tsokolate --

isang kilalang bagay na nagdudulot ng kaligayahan --

ay hindi makakapantay.

Nalaman ng mga mananaliksik sa Britanya na ang isang ngiti

ay nakakalilikha ng "stimulation" sa utak

na tulad ng 2,000 bareta ng tsokolate.

(Tawanan)

Eto pa. Nalaman din ng naturang pag-aaral

na ang pagngiti ay nakakapagsigla gaya ng

pagtanggap ng halos 16,000 pounds Sterling na pera.

Katumbas niyan ay 25,000 na dolyar bawat ngiti.

Hindi na rin masama.

At isipin nyo pa ito:

25,000 x 400 --

iilan diyan sa labas

bawat araw, naniniwalang sila na susunod kay Mark Zuckerberg,

At kaysa kumain ng napakaraming tsokolate,

ang madalas na pagngiti ay nakakabuti ng kalusugan.

Ang pagngiti ay nakabawas rin ng dami

ng mga hormones na nakakadagdag sa stress

gaya ng cortisol, adrenaline at dopamine,

nakakadagdag ng antas ng hormones na nagpapagaan ng kalooban

gaya ng endorphin

at nakakabawas ng pangkalahatang presyon ng dugo.

At, kung hindi pa yan sapat,

ang pagngiti ay talagang maganda

sa paningin ng iba.

Isang bagong pag-aaral sa Penn State University ang

nakatuklas na kapag ngumingiti ka

hindi ka lang magmumukhang mas kalugud-lugod at magalang,

kundi magmumukhang ka pang may higit na kakayahan.

Kaya, kung gusto mong magmukhang magaling at kaaya-aya,

bawasan ang iyong stress

o pagtibayin ang iyong buhay may-asawa,

o maramdam na nakakain ng isang tambak ng tsokolateng de-kalidad --

at walang dagdag sa calorie cost --

o di kaya'y nakakita ng 25,000 na dolyar sa bulsa

ng isang lumang dyaket na matagal mo nang hindi naisuot,

o kung gusto mo lang humugot ng superpower

na makakatulong sa iyo at sa lahat ng tao sa paligid mo

na mabuhay ng mas mahaba, mas malusog, at mas masaya,

ngumiti ka.

(Palakpakan)