Pse nuk ju pëlqen tingulli i zërit tuaj

Zëri juaj është i padallueshëm nga mënyra se si njerëzit e tjerë ju shohin, por marrëdhënia juaj me të as që afrohet me të qartën. Rébeka Kleinberger studion se si ne përdorim dhe i kuptojmë zërat tanë dhe të të tjerëve. Ajo shpjegon se pse ju nuk mund ta pëlqeni tingullin e zërit tuaj në regjistrime, dallimet midis zërave tuaj të jashtëm, të brendshëm dhe të brendisë suaj- dhe gjërat e jashtëzakonshme që ju komunikoni pa qenë të vetëdijshëm për to.

Nëse pyesni biologët evolucionarë

kur u bënë njerëzit njerëz,

disa prej tyre do të thonë se,

epo, në një pikë ne
filluam të qëndrojmë mbi këmbët tona,

u bëmë dykëmbësh dhe u bëmë
zotërit e mjedisit tonë.

Të tjerë do thonë se meqë truri ynë
filloi të rritej shumë më tepër,

ne ishim në gjendje të kishim
procese mendore shumë më komplekse.

Dhe të tjerë mund të argumentojnë
se është sepse zhvilluam gjuhët

që arritëm të evoluonim si specie.

Çuditërisht, të treja këto
fenomene janë të lidhura.

Ne nuk jemi të sigurt se si
apo në ç'rradhitje,

por ato janë të gjitha të ndërlidhura

me ndryshimin e formës së një kocke
të vogël në pjesën e prapme të qafës

që ndryshoi këndin
mes kokës dhe trupit tonë.

Kjo do të thotë se ne ishim në gjendje
të qëndronim në këmbë

por edhe për trurin tonë
të evoluonte në shpinë

dhe për kordat tona zanore të rriteshin
nga shtatë centimetra për gjitarët

deri në 11 dhe 17 centimetra për njerëzit.

Kjo quhet prejardhja e gurmazit.

Gurmazi është vendqëndrimi i zërit tuaj.

Kur bebet lindin,
gurmazi i tyre ende nuk është formuar.

Kjo ndodh vetëm kur janë rreth tre muajsh.

Pra, metaforikisht, secili prej nesh këtu

ka rijetuar evolucionin
e gjithë species sonë.

Dhe meqë ra fjala tek foshnjet,

kur ju po fillonit të zhvilloheshit
në barkun e nënës suaj,

ndjesia e parë që keni pasur
nga bota e jashtme,

kur ishit vetëm tre javësh,
në madhësinë e një karkaleci deti,

ishte përmes ndjeshmërisë prekëse

që vinte nga dridhjet
e zërit të nënës suaj.

Pra, siç mund ta shohim, zëri njerëzor
është mjaft domethënës dhe i rëndësishëm

në nivelin e specieve,

në nivelin e shoqërisë -

në këtë mënyrë ne komunikojmë
dhe krijojmë lidhje,

dhe në nivele personale e ndërpersonale -

me zërin tonë, ne ndajmë shumë më tepër
se fjalë dhe të dhëna,

ne praktikisht ndajmë se kush jemi.

Dhe zëri ynë është i padallueshëm
nga mënyra se si të tjerët na shohin.

Është një maskë që ne vëmë në shoqëri.

Por marrëdhënia jonë me zërin tonë as
që afrohet me të qartën.

Ne rrallë e përdorim zërin për veten tonë;

e përdorim si një dhuratë
për t'ua dhënë të tjerëve.

Është si e prekim njëri-tjetrin.

Është një estetikë dialektike.

Por çfarë mendojmë ne për zërin tonë?

Ju lutemi ngrini dorën

nëse nuk ju pëlqen tingulli i zërit tuaj
kur e dëgjoni në një pajisje regjistrimi.

(Të qeshura)

Po, falemnderit, me të vërtetë,

shumica e njerëzve tregojnë se nuk i pëlqen
tingulli i zërit të tyre i regjistruar.

Pra, çfarë do të thotë kjo?

Le të përpiqemi ta kuptojmë këtë
në 10 minutat e ardhshme.

Unë jam një hulumtues në MIT Media Lab,

pjesë e grupit të Operës së së Ardhmes,

dhe hulumtimet e mia
fokusohen në marrëdhëniet

që njerëzit kanë me zërin e tyre
dhe me zërat e të tjerëve.

Unë studioj atë që ne mund të mësojmë
nga dëgjimi i zërave,

nga fusha të ndryshme,

nga neurologjia në biologji,
shkencat njohëse, gjuhësia.

Në grupin tonë ne krijojmë
mjete dhe përvoja

për t'i ndihmuar njerëzit të fitojnë një
kuptim më të miraplikuar të zërit të tyre

në mënyrë që të reduktojnë paragjykimet,

për t'u bërë dëgjues më të mirë,

për të krijuar marrëdhënie
më të shëndetshme

ose thjesht për ta kuptuar veten më mirë.

Dhe kjo në të vërtetë duhet të vijë
me një qasje tërësore të zërit.

Sepse, mendoni për gjithë
aplikimet dhe implikimet

që zëri mund të ketë,
teksa zbulojmë më shumë për këtë.

Zëri juaj është një fenomen
shumë kompleks.

Kjo kërkon një sinkronizim të më
shumë se 100 muskujve në trupin tuaj.

Dhe duke dëgjuar zërin,

ne mund të kuptojmë dështimet e mundshme
të asaj që ndodh përbrenda.

Për shembull:

të dëgjuarit lloje shumë
specifike turbulencash

dhe keq-përputhjen e zërit

mund të ndihmojë në parashikimin
e fazave të hershme të Parkinsonit,

vetëm përmes një telefonate.

Dëgjimi i mungesës së frymëmarrjes
mes zërit

mund të ndihmojë në zbulimin
e sëmundjeve të zemrës.

Gjithashtu dimë se ndryshimet e
ritmit brenda fjalëve individuale

janë një shënues
shumë i mirë i depresionit.

Zëri juaj është gjithashtu shumë i lidhur
me nivelet hormonale.

Palët e treta duke dëgjuar zërat e femrave

ishin në gjendje ti vendosnin
saktësisht folëset

në ciklin e tyre menstrual.

Vetëm me informacion akustik.

Dhe tani me teknologjinë
që na dëgjon gjatë gjithë kohës,

Alexa nga Amazon Echo

mund të jetë në gjendje të parashikojë
nëse jeni shtatzënë

edhe para se ju ta dini.

Pra mendoni për -

(Të qeshura)

Mendoni për implikimet etike të kësaj.

Zëri juaj është po ashtu shumë i lidhur me
mënyrën se si krijoni marrëdhënie.

Ju keni një zë të ndryshëm
për çdo person me të cilin flisni.

Nëse marr pak copëz të
zërit tuaj dhe e analizoj atë,

Unë mund të di nëse jeni duke folur
me nënën tuaj, vëllain tuaj,

mikun tuaj apo shefin tuaj.

Ne gjithashtu mund të përdorim,
si një parashikues, qëndrimin vokal.

Domethënë, si merrni vendimin ta vendosni
zërin kur flisni me dikë.

Dhe qëndrimi juaj vokal,
kur flisni me bashkëshortin tuaj,

mund të ndihmojnë parashikimin e jo vetëm
nëse por edhe kur do të divorcoheni.

Pra, ka shumë për të mësuar
nga dëgjimi i zërave.

Dhe unë besoj se kjo duhet të fillojë
me mirëkuptim

se ne kemi më shumë se një zë.

Pra, unë do të flas rreth tre zërave
që shumica prej nesh zotërojnë,

në një model të asaj që unë e quaj maskë.

Pra, kur ju shikoni një maskë,

ajo që shihni është projeksioni
i një karakteri.

Le ta quajmë atë zërin tuaj të jashtëm.

Kjo është gjithashtu mënyra më
klasike për të menduar për zërin,

është një mënyrë për ta projektuar
veten në botë.

Mekanizmi për këtë projeksion
kuptohet mjaft mirë.

Mushkëritë kontraktojnë diafragmën tuaj

dhe kjo krijon dridhje të vetë-qëndrueshme
në organin tuaj vokal,

që krijon një tingull.

Dhe pastaj mënyra si hapni dhe mbyllni
kavitetet në gojën tuaj,

aparati juaj vokal do të
transformojë tingullin.

Pra, të gjithë kanë të njëjtin mekanizëm.

Por zërat janë mjaft unikë.

Është për shkak se dallime mjaft delikate
në madhësi, fiziologji, në nivel hormonesh

do të shkaktojnë dallime mjaft
delikate në zërin tuaj të jashtëm.

Dhe truri juaj është goxha i zoti

në dallimin e atyre diferencave delikate
nga zërat e jashtëm të njerëzve të tjerë.

Në laboratorin tonë, ne po punojmë
me makineri mësimdhënieje

për t'i kuptuar ato dallime delikate.

Përdorim të mësuarit e thellë për të krijuar
një sistem identifikues të kohës reale

për të ndihmuar në ngritjen e vetëdijes

në përdorimin e hapësirës
së përbashkët vokale -

pra ai që flet dhe ai
nuk flet kurrë gjatë takimeve -

për të rritur inteligjencën në grup.

Dhe një nga vështirësitë e kësaj
është se zëri juaj nuk është as statik.

Ne tashmë e thamë se ndryshon
për çdo person me të cilin flisni

por gjithashtu ndryshon në përgjithësi
gjatë jetës suaj.

Ne fillim dhe në fund të udhëtimit,

zërat e meshkujve dhe femrave
janë shumë të ngjashëm.

Është shumë vështirë të dallosh

zërin i një vajze shumë të re
nga zëri i një djali shumë të ri.

Por gjatë mesit, zëri bëhet një
shënues i identitetit tuaj elastik.

Në përgjithësi, për zërat e meshkujve
ka një ndryshim të madh në pubertet.

Dhe pastaj për zërat e femrave,

ka një ndryshim në çdo shtatzëni dhe një
ndryshim të madh në menopauzë.

Pra, e gjithë kjo është zëri që
njerëzit e tjerë dëgjojnë kur ju flisni.

Pra, si ka mundësi që ne jemi kaq
të panjohur me të?

Si ka mundësi që nuk është
zëri që ne dëgjojmë?

Pra, le ta mendojmë këtë.

Kur ju vishni një maskë,
ju në fakt nuk e shihni maskën.

Dhe kur përpiqeni ta vëreni, ajo që do
të shihni është brendësia e maskës.

Dhe ky është zëri juaj i brendshëm.

Për të kuptuar se pse është ndryshe,

le të përpiqemi të kuptojmë mekanizmin e
perceptimit të këtij zëri të brendshëm.

Sepse trupi juaj ka shumë mënyra
për ta filtruar ndryshe

nga zëri i jashtëm.

Pra, për ta perceptuar këtë zë,
së pari duhet të udhëtojë në veshët tuaj.

Dhe zëri juaj i jashtëm
udhëton nëpërmjet ajrit

ndërsa zëri juaj i brendshëm
udhëton nëpërmjet kockave tuaja.

Kjo quhet përçueshmëri kockash.

Për shkak të kësaj, zëri juaj i brendshëm
do të tingullojë në një gamë më të ulët

dhe gjithashtu më harmonike muzikisht
sesa zëri juaj i jashtëm.

Pasi udhëton atje, ai duhet të
hyjë në veshin tuaj të brendshëm.

Dhe ka edhe një mekanizëm tjetër
që ndodh këtu.

Është një filtër mekanik,

është një ndarje e vogël
që vjen dhe mbron veshin tuaj të brendshëm

çdo herë që ju prodhoni një tingull.

Pra gjithashtu zvogëlon atë që dëgjoni.

Dhe pastaj është edhe një filtër i tretë,
një filtër biologjik.

Koklea juaj - është një pjesë e veshit
tuaj të brendshëm që përpunon zërin -

është e bërë nga qeliza të gjalla.

Dhe ato qeliza të gjalla
do të veprojnë ndryshe

bazuar në sa shpesh ato dëgjojnë zërin.

Është një efekt habitimi.

Pra, për shkak të kësaj,

teksa zëri është tingulli që
dëgjoni më së shumti në jetën tuaj,

ju në fakt e dëgjoni atë më pak
se tinguj të tjerë.

Si përfundim,
kemi një filtër të katërt.

Është një filtër neurologjik.

Neurologët zbuluan kohët e fundit

se kur ju hapni gojën
për të krijuar një tingull,

lëvorja juaj zanore mbyllet.

Kështu që ju e dëgjoni zërin tuaj

por truri në fakt nuk e dëgjon kurrë
tingullin e zërit tuaj.

E pra, evolucionarisht
kjo mund të ketë kuptim,

sepse ne e dimë me siguri
se si do të tingullojmë

e ndoshta nuk kemi nevojë të shpenzojmë
energji duke analizuar sinjalin.

Dhe ky quhet shkarkim konkret

dhe ndodh për çdo lëvizje
që trupi juaj bën.

Përkufizimi i saktë
i një shkarkimi konkret

është një kopja e një komande motorike
që dërgohet nga truri.

Kjo kopje nuk krijon asnjë lëvizje vetë

por në vend të kësaj dërgohet
në rajone të tjera të trurit

për t'i informuar ato rreth
lëvizjes së pashmangshme.

Dhe për zërin, ky shkarkim konkret
ka gjithashtu një emër tjetër.

Është zëri juaj i brendshëm.

Pra, le të përmbledhim.

Ne kemi maskën, zërin e jashtëm,

brendinë e maskës,
zërin tuaj të brendshëm,

dhe pastaj keni zërin tuaj të brendshëm.

Dhe më pëlqen ta shoh këtë
si mjeshtri i kukullave

që komandon spangot e të gjithë sistemit.

Zëri juaj i brendshëm është

ai që ju dëgjoni
kur lexoni një tekst në heshtje,

kur bëni prova
për një bisedë të rëndësishme.

Ndonjëherë është i vështirë për tu fikur,

është e vështirë të shikosh tekstin e
shkruar në gjuhën tuaj amtare,

pa e lexuar me këtë zë të brendshëm.

Është gjithashtu zëri që
refuzon të ndalojë së kënduari

kënga idiote që keni në kokë.

(Të qeshura)

Dhe për disa njerëz është në të vërtetë
është e pamundur ta kontrollojnë atë.

Dhe ky është rasti
i pacientëve skizofrenikë,

të cilët kanë halucinacione zanore.

të cilët nuk mund të dallojnë aspak
mes zërave që vijnë nga brenda

dhe jashtë kokës së tyre.

Në laboratorin tonë, ne jemi gjithashtu
duke punuar me pajisje të vogla

për ti ndihmuar këta njerëz
të bëjnë ato dallime

dhe të dinë nëse një zë
është i brendshëm ose i jashtëm.

Po ashtu mund ta mendoni zërin e brendshëm
si zëri që ju flet nëpër ëndrra.

Ky zë i brendshëm
mund të marrë shumë forma.

Dhe në ëndrrat tuaja, ju në fakt lëshoni
potencialin e këtij zëri të brendshëm.

Kjo është një tjetër punë që
ne po bëjmë në laboratorin tonë:

po përpiqemi të hymë
tek zëri i brendshëm i ëndrrave.

Pra, edhe nëse jo gjithmonë
mund ta kontrolloni,

zërin e brendshëm -
ju gjithmonë mund të angazhoheni me të

përmes dialogut, përmes
dialogëve të brendshëm.

Ose ju mund ta shihni këtë zë të brendshëm

si lidhja që mungon
midis mendimeve dhe veprimeve.

Kështu që shpresoj t'ju kem lënë
me një vlerësim më të mirë,

një vlerësim i ri i të gjithë zërave tuaj

dhe rolin që luajnë
brenda dhe jashtë jush -

pasi zëri juaj është përcaktues
shumë kritik i asaj që ju bën njerëz

dhe se si bashkëveproni me botën.

Ju falemnderit.

(Duartrokitje)