04_Deliverance

Bjale ka ge ditshaba tsa lefase di oketsega

batho ba ganne Modimo ba fetoga ba babe ba senyega

Noage a le noshi le ba lapa la gagwe ba kgetha go sepela le Modimo

ba dirwa ba go loka

Go ahlola dikgaruru,

Modimo a re go tla ba le Mafula lefaseng kamoka

Noage a theeletsa ditaelo tsa Modimo a aga polokelo

Kamoka bao ba dumelago Modimo ba tsena polokelong pa phela,

fela bao ba gannego, ba kgafela thoko tsela e le nnoshi ya go phologa

Mengwaga yeo e latelago, Modimo a kgetha Abrahama go ya Lefaseng la Kanana

ya ba tatago setshaba se segolo

Modimo a re batho kamoka ba tla shegofatswa ka yena.

Le ge Sara molekane wa gagwe e le moopa gape bobedi bja bona ba tsofetse,

Morena a dira mohlolo a ba nea morwa wa bona Isaka.

Mengwaga yeo e latelago, ka teko ye kgethwa

[]

Tiragatso ya seswantsho sa Mpho ya mafelelo ya Modimo

yeo ka lenngwe la matsatsi e tlo go fiwa lefase.

Ge mengwaga e ntse e eya

Morwa wa Abrahama Isaka a ba le morwa a mo rea leina la Jakobo.

Bjale ka motho yo mogolo,

Modimo a nea Jakobo leina le lefsa a mmitsa “ISIRAELE.”

Isiraele a ba le barwa ba 12.

Gomme malapa a barwa bao ba 12

a gola gore a tsebega bjale ka ditshaba tse 12 tsa Isiraele.

Fela tlala e rile go tsena lefaseng la Kanana ba hudugela go dula lefaseng la Egipita.

Gona fao bana ba Israele ba dula bjale ka ba bao ba sa tsebjego lefaseng leo e bego e se la bona.

[]

[]

[]

Ekisodo 1:14 e re

“Ba dira bophelo bja bona boima ka go ba shomisha boima ka ditena le leraga

le ka meshomo kamoka mabaleng

meshomong kamoka ba Egipita ba ba dirisha boima.”

[]

“…..Farao a ntsha taelo go batho ba gagwe kamoka:

‘Moshemane yo mongwe le yo mongwe yo a belegwago a lahlelwe ka nokeng ya Nile,

fela tlogelang basetsana kamoka ba phele.”

Ke ka yona nako ye ya hlakahlakano ya hisitori

gore ngwana yo a bitswago Moshe a belegwego go tswa lapeng la ba Isiraele.

Ka tumelo, batswadi ba gagwe ba ba kgahlanong le taelo ya kgoshi

ba fihla ngwana dikgwedi tse tharo.

“fela ge a se sa kgona go mo fihla gape,

a humana seshegwana sa mahlaka a se apesha ka sekontiri le borekhu.

A bea ngwana ka gare ga sona

a se bea gare ga mathlaka leribeng la noka ya Nile.

Kgaetsedi ya gagwe a dula kgole go leta seo se ka diregago go yena.

[]

A bona seshegwana gare ga mahlaka a roma mosetsana wa lekgoba la gagwe gore a tle le sona.

A se bula a bona ngwana.

O be a lla, gomme a mo kwela bohloko.

‘Yo ke ngwana wa moHeberu,’ a rialo

Bjale kgaetsedi wa gagwe a kgopela morwedi wa Farao,

‘Nka sepela ka humana yo mongwe wa basadi ba baHeberu a go hlokomelele ngwana yo?’

‘Eng, sepela,’ a fetola.

Mosetsana a sepela a humana yeo e lego mmago ngwana.

Morwedi wa Farao are go yena,

‘Tsea ngwana yo o nkgodishetse yena ke tla go fa moputso.’

Bjale mosadi a tsea ngwana a mo hlokomela

Ge ngwana a gotse,

a mo tsea a mo isha go morwedi wa Farao ya ba morwa wa gagwe.”

Egipita e be e le lefase la maatla ka nako yeo;

feela bjale ka setshaba, ba ganne Modimo a le Noshi wa Nnete

Ba fetotse nnete ya Modimo ka maaka

ba khunamela le go direla dilo tseo di bopilwego legatong la Modimo.

Borahistori le bao ba fatollago dibopiwa

ba ngwadile ka hlokomelo ka setso sa baEgipita le tsela ya bophelo

ba re fa tshedimosho ya ditlamorago

go isha ditiragalong tsa ditemana tse di latelago.

O a bona, baEgipita ga ba khunamela Modimo yo a bopilego Noka ya Nile,

ba khunametse noka ka bo yona,

ba dira gape sehlabelo sa setshaba ka moshemane le mosetsana ngwaga ka ngwaga

[]

[]

[]

[]

[]

Egipita e tswile tseleng ya nnete ka kudu,

gore le mmushi wa Egipita, Farao, gore a itire gore yena ke modimo-kgoshi.

[]

[]

[]

ka kgoshana Moshe, Egipita e bonala e e na le dilo kamoka:

Maatla a seshole, tlhotlheletso, maemo, le maatla.

Fela Moshe o be a tseba gore Modimo wa nnete ke yo Tee fela,

Motlhodi wa Legodimo le Lefase.

Gomme Modimo yo a sa felego o tshepishitse gore o tla romela Molokolodi.

Gobane Moshe, o latela Modimo gape o dumela le Tshepisho ye

[]

Bjale Moshe a tsea sephetho.

“ka tumelo Moshe ge a le yo mogolo,

a gana go tsebja bjale ka morwa wa morwedi wa Farao.

A kgetha go holokofatswa gammogo le batho ba bangwe ba Modimo

go feta go ipshina ke menate ya sebe nakwana.”

Nna le wena le re na le kgetho yeo re ka e dirago.

Go swana le Moshe, go latela Modimo go ka se be bonolo,

fela go tla ba mohola kudu go feta tseo re di humanago mo lefaseng.

[]

[]

[]

[]

Mengwaga ye masome a mane a dula kgole, le naga ya Midiane.

Fela, Modimo a se lebale ditshepisho tsa Gagwe go batho ba gagwe

gape ka nako yeo e swanetsego,

[]

Modimo a bolela le Moshe mohlareng wo o bego o tuka:

“…..sello sa ba Isarele se mphilhletse,

gomme ke bone ka moo baEgipita ba ba gatelelago ka gona.

Bjale, ke roma wena go Farao

Go busha batho ba Isiraele gore ba tswe Egipita.”

Modimo a kgonthishisha Moshe gore O tla ba le yena,

a mo nea tlhothleletso ya go emeletsana le Farao

Gobane Modimo ke yena a tlo go hlakodisha batho ba gagwe,

a ba ntsha Egipita gore ba mo khunamele gona thabeng yeo.

“Se ke seo o swanetsego go se botsa baIsiraele:

KE NNA o nthomile go lena.”

Leo ke lona leina leo batho ba ka ba tlo go ntseba ka lona.

Gobane Modimo ga se “Nkile”,

le ge e le “Ke tla ba gona.”

Fela ke KE NNA

Go sa felego, yo a sa fetogego, yo maatla

Go ka se be bonolo, go Moshe gore a lebantshe mahlo le Farao

a mmotse gore MORENA o nyaka gore a lokolle makgoba,

Mothopo wa Egipita wa go shoma mahala

Modimo a dumelela Arone, morwarrago Moshe gore a ye le yena go Farao

Ge ba lebantshitse mahlo le yena, Farao a re,

“Ke mang MORENA yeo ke swanetsego go Mo theetsa gomme ke lokolle baIsiraele?”

Farao o rogakilwe gore Modimo yeo makgoba a gagwe a mo rapelago a mmotse seo a swanetsego go se dira!

Bjale Farao a re,

“Ga ke mo tsebe MORENA gape nka se dumele baIsiraele ba sepela.” 2

Ka lenyatso le go befelwa Farao a oketsa moshomo wa makgoba,

a ba a dira gore ba babelwe le go feta.

Fela Farao o rogakile Modimo ka go botsisha:

“Ke mang MORENA?”

Potsisho ya gagwe e be e shetse e le kgaufsi le go araba ke Modimo ka Sebele.

Arone a fosha lepara la gagwe pele ga Farao le baetapele ba gagwe,

la fetoga noga.”3

Lepara la Arone le fetogile noga bjang?

Ka maatla a Modimo.

Fela Farao a se kgahlege;

“Farao bjale a bitsa banna ba bohlale le didupe,

Le bo ramahlale ba maEgipita ba dira bjalo ka mahlale a bona:

Yo mongwe le yo mngwe wa bona a lahlela fase lepara la gagwe la fetoga noga.”4

[]

Go lokile, go ya ka Beibele,

go na le methopo ye mebedi yeo e nago le maatla.

Go tswa go MODIMO, le gotswa go MANABA A MODIMO:

Sathane le matimone

Didupe di be di ka se kgone go tseba

gore di be di ithekgile matleng a matimone go hlagisha noga,

ba ka be ba e na le go ikgantsha ka maatla a bona.

Fela gopola, Beibele e re botsa ka Sathane gore ke MORADIA, e bile ke MOIKAKETSI.

Le ge e le yo mobe kudu gape e le mofokodi

a ka tswelela e se mosenyi ka seo a se tlishago sa tharollo goba maatla.

Sathane o kgona go tswelela bjale ka moikaketsi wa lengeloi la seetsa,

le ge go le bjalo maikemishetso a gagwe ka dinako tsohle ke go shomisha batho ka ditiro tsa gagwe tse dimpe,

a ba senye mo leetong.

Ke ka moo Beibele e re eletsago go ya go Modimo a le nnoshi

gape e re ganetsa ka bogale go bitsa maatla afe kapa afe ao e sego a Modimo.

Go tswa mo go Doiteronomio 18:10 le 11

Modimo o lemosha batho ba gagwe

‘…le yo a dirago tsa bonego le tsa maphalo,

le e a upago ka meupo le boloi

Go se ke gwa hwetswa wa malopo, le e a botsisago badimo, le ge e le sedupe, le a nyakago selo bahung.

Modimo o re mediro yeo e rogakilwe

gape o re eletsa go bea tshepo ya rena go ditshepisho tsa gagwe le go tshepa Yena feela.

A re boneng gore Modimo o dirile eng mo go temana ya 12,

“…Ge e le lepara la Arone la metsa mapara a bona…”5

Ga gona le maatla a go feta maatla a Modimo

gomme Modimo o dula a fentse ka dinako tsohle!

“Pelo ya Farao ya fela e thatafetse, a se ke a ba kwa,

ya ba tsona tsela tse Morena a diboletsego.

Ka nako yeo, Modimo o tlo otlolla letsogo la gagwe ka bolwetsi

a fedisha Egipita mo mahlong a lefase,

fela Modimo ona le maano a mangwe.

Tema 7-12 e hlalosa ka tatelano malwetsi ao a tlo go go a tlisa mo o Egipita

E nngwe le enngwe e bontsha maatla a Modimo.

Go baisiraele Modimo o rile:

“ke tlo le lokolla mo bokgobeng,

ke tlo le namolela ke emishitse letsogo, le ka dikahlolo tse kgolo.

Ke tlo le tsea ka le dira batho ba ka,

Ke tlo ba Modimo wa lena.

Gomme le tlo tseba gore ke nna Morena Modimo wa lena,

yo a le ntshago mothubong wa maEgipita.”

Pelo ya Modimo e be e se fela go BaIsiraele.

Modimo o be a nyaka BaIsiraele le BaEgipita

Go tseba gore ke Modimo a le nnoshi wa theresho.

Ekisodo 7:5 e re botsa gore,

“Ke moo BaEgipita ba tlo go tseba gore ke Nna Morena

Ke ba swere ka seatla saka,

mme ka ntsha BaIsiraele mo go bona.”

BaEgipita ba beile tshepo ya bona mo go “medimo’’ ya maaka,

Go Numeri 33:4 e re hlalosetsa gore,

“…Modimo o tlishitse kahlolo go medingwana ya bona”

A thoma go itia Nile,a fetola meetse a gona go ba madi.

Ka nnete BaEgipita go se botsishe dithapelo go Hapi, modingwana wa Nile ba thoma go tekateka.

Ka morago, ge Morena a fedishitse dikgomo ka moka tsa Egipita

Hathore, modingwana wa kgomo a bontsha go hloka thusho.

Ge MORENA a rometse sefako le magadima

ao a hlotsego tshenyego e kgolo Egipita ka moka,

Shu, modingwana wa lefaufau, a ka se kgone dira selo.

Le Amone- Re, modingwana wa letsatsi, a tswelela a hloka maatla

Ge ka morago ga matsatsi a mararo, Modimo a romela leswiswi lefaseng ka moka la Egipita;

leswiswi le maatla,la kwagala.

Go tswelela go se sego botse ga lefsifsi ka gare ga dipelo tsa batho

yeo e ganago lesedi la Lentsu la Modimo.

Bolwetsi bjo bongwe le bjo bongwe bja laetsa baEgipita medingwana ya maaka yeo ba e tshepago,

e be e se na le maatla a go ba pholosha.

Le ge go le bjalo,pelo ya Farao

yo a tsewago bjalo ka kgosi ya medingwana,

ya fela e thatafetse

“Moshe a re, MORENA o re:

“Mashegogare ke tlo putlaganya naga ya Egipita.

Gomme maitsibulo ka moka a nageng ya Egipita a tlo hwa,

go tlo thoma ka morwa wa pele wa Farao yo a dutsego setulong sa bogoshi,

go isha go wa leitsibulo wa mosadi wa molata e a khunamego lwaleng.”

Mashegogare Morena o tlo romela lengeloi la lehu

Go fedisha maitsibulo a bashemane lapa le lengwe le le lengwe.

Tsela e b e le e tee ya go phonyokga lehu.

Modimo a re,

“…..Monna e mongwe le e mongwe a tsee kwana ya lapa la gagwe,

e tee go tswa mo lapeng.”

“E be kwana yeo e se nago bosodi,ye tona ya ngwaga o tee...”

“…Le se ke la roba le ge e le marapo…”

“Yang le hlaole dikwana ka malapa a lena, mme le hlabe Paseka.

Le tsee sefokana sa lehlakanoka le se ine mading ao a lego legopong

le tlotse madi mo godimo ga dikosina le mahlakoreng kamoka a mejako.

Go se ke gwa ba le motho yo a tswago go fihlela ka la ka moswane.

E tlore ge Morena a putlaganya naga ya Egipita a e otla,

o tlo bona madi ao dikgopheng le mejakwaneng

gomme o tlo feta.

a ka se ke a dumela pola ya tsena ngwakong ya lena ya le wela.”

Ge e le gore ka letsatsi leo, yo mongwe o kwele molaetsa wa Modimo ka Moshe

feela ba se ke ba bea madi mo mejakong.

O tla tseba nnete go tlo ba pholosa lehung?

Aowa!

Go tseba molaetsa wa Modimo go be go sa lekana go ba pholosa.

Fela le bona ba swanetse ke go dumela dumela ,ba tlotsa madi godimo ga mejako.

Ka go theeletsa lentsu la Modimo ga se gwa lekana go go pholoshwa.

O swanetse o kgethe go e dumela.

Bjale ge e le gore motho yo mongwe o tsea sephetho sa gore sebakeng sa go bea madi mo mojakong

o kgetha go bea leswao.

Ka leswao leo o re:

“Re ba go loka.

Re badumedi.

Re ya fa bahloki.

Re badudi bao ba obemelago molao ba labalabelagon go dula ka khutso le batho kamoka.

Mohlomongwe le wena o nagana go re Modimo O tla go amogela,

go ya ka tsona dilo tse botse bophelong bja gago

Go be go tla direga eng boshegong bjoo ge lengeloi la lehu le feta lapa leo?

Na Modimo o be a tla kgahlega ka dilo tse botse tsa motho a mmabalele?

Aowa!

MoEgipita goba MoIsiraele,modidi go ba mohumi,go loka goba bobe;

ga go sengwe sa bohlokwa boshegong bjoo.

Pele ga Modimo, ke lebaka le tee fela leo le tlisahgo lehu goba bophelo.

Ge kwana, yeo e hlwekilgo e hloka bosodi ge e hwile mo legatong.

Modimo o re,” Ge ke bona madi ke tla feta.”

“BaIsiraele ba dirile seo MORENA a laetsego Moshe le Arone ka gona.

Gare ga bosego,MORENA o fedisitse bana ba basimane ba maitsibolo Egepita,

go tloga ka leitsibolo la Farao, e a bego a tlo dula sedulong sa gagwe,

a fetsa ka leitsibolo la mogolegwa e a bego a le ngwakong wa kgolego…..”

BaEgipita ba thoma go bona gore Farao e be e se kgosi ya Modimo godimo ga tsohle.

Ka manyami, ka boitomelo ba ganne go theetsa Modimo a le nnoshi wa nnete,

Farao o lobile morwa wa gagwe.

Temana ya 31 e re,

“Farao a bitsa Moshe le Arone a re:

“Tsogang le tswe setshabeng sa ka, lena le BaIsiraele!

Tsamayang, le direle MORENA wa lena ka mokgwa woo le o boletsego!”

Bjo bongwe le bjo bongwe bja malwetsi

e bile dimakatso tse do golo tsa ditaeso tsa Modimo yo maatlaohle.

Fela e bile ka bolwetsi bja bo lesome boshegong bjo bo homotsego,

gore ba putswe ka tokologo ya bona.

Batho ba Modimo ba tlo gopola go ya go ile ka ditiragalo tsa go isha Tokologong:

Lehu ka makgonthe.

Tsela ke e tee fela ya pholosho.

Kwana ye ese nago molato e hwile gore go be le bophelo.

Go se na le marapo ao a robegilwego.

Ya tsholla madi.

Maatla a lenaba a robega.

Makgoba a lokollwa.

“…Banna ba dikete tse makgolo a tshelelago ba sepela ka maoto,

ntle le basadi le bana”

BaIsiraele e be ese bona fela ba ba tlogilego Egipita le tsatsing leo.

Temana 38 e re,

“…Batho ba banthsi ba tlogile le bona…”

Ka mo Modimo a beakantse ka gona,

BaEgipita ba ile ba bona go se be mohola go medingwana ya maaka ya bona

Ba kgetha go dumela go Modimo wa nnete yo e le go MORENA wa lefase ka moka.

Ge e le pelo ya Farao ene e sa le bothatha,

Go temana ya 14 ere,

“Re dirile eng naa?

Ge re tlogela BaisIraele ba sepela ba tlogela mediro ya bona!?

“BaEgipita ba ba hlomarela ka dipitsi le dikoloi tsa Farao-

Ba ba hwetsa ba sa bokana lewatleng…”

Fela se le sona e be e le leano la bogolo bja Modimo.

Moshe yo a be go a tshwenyegile a re,

“ ‘Se boife.

Emang! Lehono ke mo le tlogo bona pholoso ye MORENA a tlo go go le direla lehono!

BaEgipita ba le ba bonago lehono le ka se ke la hlwa le ba bona gape.

MORENA o tlo le hlabanela lena le ikhomoletse.’ ”

“Gomme Moshe A emisa letsogo la gagwe a supa lewatle,

Modimo a suthisa lewatle ka phefo e maatla ya bohlabela bosego ka moka

Lewatle ya ba mmu o omilego.

Meetse a kgaogana, BaIsiraele ba tshela lewatle mo mobung o omilego,

ba hwetsa meetse ka thoko ya le letshadi a eme bjalo ka merako.”

Ge maEgipita ba bona gore BaIsiraele ba tshabile,

Temana 23 e re,

“BaEgipita ba latela, ba ba shala morago ka dipitsi tsa Farao ka moka, le dikoloi tsa gagwe, le banamedi ba gagwe, ba tsena mo gare ga mawatle.”

Modimo a sa nka a dumelela Baegipita gore ba batamele BaIsiraele.

O dirile gore dipitsi tsa bona di gakanege

a dira le gore maotwana a dikoloi tsa bona a tshwamoge.

Ge Baisiraele ka moka ba tshetse ka katlego,

Modimo a re go Moshe a emishe letsogo lagagwe ka lewatleng.

Ge a dirile bjalo,

“Meetse a boa, mme a tsea dikoloi le banamedi,

dira ka moka tsa Farao tse di bego di shetse morago tsa tsena lewatleng,

Ga go na le otee wa bona yo a pologilego.”

BaIsiraele ba lokolotswe bokgobeng bja maEgipita,

ba ka se sa ba makgoba a bona gape.

MORENA o lwele mo legatong la bona

A ba fa Tokollo yeo e feleletsego!

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]

[]