ஏரியானா ஹஃபிங்க்டன்: வெற்றி பெறுவது எப்படி? நன்றாகத் தூங்குங்கள்

இந்த சிறிய பேச்சில், ஏரியானா ஹஃபிங்க்டன் அவர்கள் ஒரு சிறிய எண்ணத்தை பகிரும் இடத்தே எப்படி அது பெரிய எண்ணங்களை நம்முள் எழுப்பும் என்பதை உணர்த்துகிறார்: நல்ல இராத்தூக்கத்தின் ஆற்றல் விவரிக்கப்படுகிறது. குறைவாகவே தூங்குகிறேன் என்று பெருமை பட்டுக்கொள்வோரை, கண் அயரத் தூங்கி பெரிய பலனைக் காண நம்மை கேட்டுக்கொள்கிறார். நாம் நன்றாகத் தூங்கினால் நம் திறனும், மகிழ்ச்சியும் பன்மடங்கு உயர்வது உறுதி. அதுமட்டுமல்ல நமது தீர்வு காணும் திறனும் பன்மடங்கு உயரும் என உணர்த்துகிறார்.

எனது பெரிய எண்ணம்

ஒரு சின்னஞ்சிறு எண்ணமே.

அதன் பலம்,

கோடானுகோடி பெரிய எண்ணங்களை,

தற்போது நம்முள் உறங்கிக்கொண்டு இருக்கும் அவைகளை தட்டி எழுப்ப வல்லது.

அதனைச் செய்ய வல்ல என்னுடைய சிறிய எண்ணம் என்னவென்றால்,

"தூக்கம்"

(சிரிப்பு)

(கைதட்டல்)

இது "அ"-வகை மகளிரை கொண்ட ஒரு அறை.

இந்த அறையில்

தூக்கம் கெட்ட மகளிரே நிறைந்துள்ளனர்.

மேலும் நான் கடினமான வழியிலேயே,

தூக்கத்தின் மதிப்பினை கற்றுக்கொள்ள நேர்ந்தது.

இரண்டரை ஆண்டுகளுக்கு முன்பு,

முழுச்சோர்வுற்று மயங்கியதில்,

என் தலையை மேஜையில் தட்டியதால், என் கன்ன எலும்புகள் முறிந்து,

எனது வலது கண்களின் கீழ் ஐந்து தையல்களை போட நேர்ந்தது.

அன்று தொடங்கிய என் பயணத்தில்,

தூக்கத்தின் மதிப்பினை திரும்ப கண்டுபிடித்தேன்.

அந்த பயணத்தின் ஊடாக,

நான் படித்த பாடங்கள்,

நான் சந்தித்த மருத்துவர்கள், அறிவியலாளர்கள்,

அனைத்து வகையிலும் கற்ற பாடங்கள என்று நான் உங்களுக்கு இங்கே சொல்ல விழைவது,

ஆக்கப்பூர்வமான,

ஊக்கம் மிகுந்த, இனிமையான வாழ்க்கை முறை வேண்டுமென்றால்,

போதுமான அளவுக்கு தூங்கவேண்டும்.

(கைதட்டல்)

பெண்களாகிய நாம் தான் இதனை முன்னெடுத்துச் செல்லப் போகிறோம்.

நாம் இந்த புதிய புரட்சியையும், புதிய பெண்மையினையும் முன்னெடுத்துச் செல்லப்போகிறோம்.

குறிப்பாக, நாம் உறங்கி எழுந்தே மேலே செல்லப்போகிறோம்.

(சிரிப்பொலி)

(கைதட்டல்)

ஆனால் துரதிர்ஷ்டவசமாக

ஆண்களுக்கு

தூக்கமின்மை ஆண்மைக்குரிய லட்சனமாகி விட்டது.

நான் சமீபத்தில் ஒரு மனிதரோடு விருந்துக்கு சென்றிருந்தேன்.

அவர் மிகவும் பெருமையாக

சென்ற இரவு வெறும் நான்கு மணிநேரம் தூங்கியதாக சொன்னார்.

அவரிடம் நான் சொல்ல எத்தனித்தது என்னவென்றால் - ஆனால் நான் சொல்லவில்லை --

அவரிடம் நான் சொல்ல நினைத்தது, "உங்களுக்கு ஒன்று தெரியுமா?"

நீங்கள் ஒருவேளை ஐந்து மணிநேரம் தூங்கியிருந்தால்,

இந்த விருந்து இன்னும் ஆர்வமுடையதாக இருந்திருக்கும் என்று.

(சிரிப்பொலி)

இப்போதெல்லாம் தூக்கம் இழப்பதில்,

யார் வல்லவர் என்ற நிலை உள்ளது.

குறிப்பாக, இங்கு வாஷிங்டனில், பகல் சிற்றுண்டி சந்திப்புக்கு ஏற்பாடு செய்து,

"எட்டு மணிக்கு சரியாக இருக்குமா" என்று கேட்டீர்கள் என்றால்,

அழைக்கப்பட்டவர்கள் அநேகமாக, "எட்டு மணி என்பது எனக்கு ரொம்ப தாமதமாகப் படுகிறது" என்று சொல்லிவிட்டு,

சரி பரவாயில்லை, ஒரு ஆட்டம் டென்னிஸ் ஆடி விட்டு,

ஒரு சில கலந்தழைப்புகளை முடித்துவிட்டு, உங்களை எட்டு மணிக்கு சந்திக்கிறேன் என்று கூறுவார்கள்.

அவர்களைப் பொறுத்தவரை அதன் பொருள்,

அவர்கள் மிகவும் ஓய்வில்லாமல் வேலை செய்து அதனால் மிகவும் ஆக்கப்பூர்வமானவர்கள் என்றும் தங்களை நினைத்துக் கொண்டு இருக்கிறார்கள்.

அனால் உண்மையில் அவர்கள் அப்படி இல்லை.

ஏனென்றால் இந்த கட்டத்தில்,

நமக்கு அறிவார்ந்த தலைவர்கள் பலர்,

தொழில் துறையிலும், நிதித்துறையிலும், அரசியல் துறையிலும்,

மோசமான முடிவுகளை எடுப்பவர்களாக கிட்டியிருக்கிரார்கள்.

ஆக மிகுதியான நுண்ணறிவு ஈவு இருப்பதால்,

அவர்கள் நல்ல தலைவர்கள் என்று பொருளல்ல.

ஏனென்றால் தலைமைப் பண்பு என்பது,

இடுக்கண் வருவதை வருமுன் யூகித்து,

அதற்கு தக்கவாறு ஏற்பாடுகளைச் செய்வதே ஆகும்.

ஆனால் நமக்கு இன்று பல இடர்களும், இடுக்கண்ணும்,

வந்த வண்ணமே உள்ளன.

நான் என்ன உணருகிறேன் என்றால்,

லேமன் சகோதரர்கள் ஒருவேளை,

"லேமன் சகோதர்கள் மற்றும் சகோதரிகள்" என்று இருந்திருக்குமேயானால்,

அவர்கள் இன்னும் நம்மிடையே இருந்திருப்பார்கள் என்று நினைக்கிறேன்.

(கைதட்டல்)

எல்லா சகோதரர்களும் வேலையே கதியென்று,

வாரத்தின் ஏழு நாட்களில் 24 மணிநேரமும் மிகையிணைப்புடன் இருந்தபோது,

ஒருக்கால் சகோதரியால் வரப்போகும் ஆபத்தை யூகிக்க முடிந்திருக்கலாம்.

ஏனென்றால் ஏழரை அல்லது எட்டு மணிநேர நிறைவான தூக்கத்திலிருந்து விழித்து,

அவளால், நடக்கப்போகும்

பெரிய சங்கதிகளை கணித்திருக்க முடியும்.

ஆக, நாம் சந்திக்கும்,

பலவித இடர்பாடுகளும்,

இவ்வுலகில் ஒரே நேரத்தில் நமக்கு நேரும் போது,

நமது சொந்த மட்டத்தில் எவை நமக்கு நன்மை பயப்பனவோ,

எவை நமக்கு மிகுந்த மகிழ்ச்சியையும், நிறைவையும்,

வாழ்வின் செயல்பாட்டையும் அளித்து,

நமது வாழ்நாள் தொழிலுக்கு உகந்து விளங்குகிறதோ,

அதுவே நம் உலகிற்கும் உகந்ததாக விளங்குகிறது.

நான் உங்களிடம் கேட்டுக்கொள்வதெல்லாம்,

நன்றாக கண்ணை மூடிக்கொண்டு,

சிறந்த சிந்தனைகள்

நம்முள் நிறைந்து கிடப்பதை கண்டறிந்து,

உங்கள் உடல் என்னும் பொறிக்கு ஒய்வு கொடுக்கும் வண்ணம், தூக்கத்தின் ஆற்றலை கண்டறிய முற்படுங்கள் என்பதே.

நன்றி

(கைதட்டல்)