Arianna Huffington: Paano ba magtagumpay? Damihan ang tulog

Sa maikling talumpating ito, ibinahagi ni Arianna Huffington ang isang munting ideya na maaring pumukaw sa mas malalaking inspirasyon: ang kapangyarihang dulot ng magandang pagtulog sa gabi. Kaysa sa ipagmayabang ang kakulangan natin sa tulog, hinihikayat niya tayo na ipikit ang ating mga mata at tignan ang kabuuang larawan: Ang pagtulog ay tungo sa pagiging produktibo at masaya -- at mas matalinong pagpapasiya.

Ang aking malaking ideya

ay isang napakaliit na ideya

na maaaring buksan

ang bilyun-bilyong malalaking ideya

na hanggang ngayo'y nakatago sa ating kamalayan.

At ang maliit na ideyang iyon

ay ang pagtulog.

(Tawanan)

(Palakpakan)

Ang kwartong ito ay puno ng mga kababaihang type-A.

Ito ay kwarto

ng mga babaeng kulang sa tulog.

Pahirapan ko itong natutunan,

ang kahalagahan ng pagtulog.

Dalawa-at-kalahating taon na ang nakakaraan,

nahimatay ako sa sobrang pagod.

Nauntog ang ulo ko sa mesa. Nadurog ang aking cheekbone,

at may limang tahi malapit sa kanang mata.

At sinimulan ko ang paglalakbay sa

pagtuklas ng kahalagahan ng pagtulog.

At sa lahat ng aking pinagdaanan,

nag-aral ako,

kinausap ang mga doktor, mga siyentipiko,

at andito ako ngayon upang sabihin

na ang paraan sa mas produktibo,

mas masigla, at mas masayang buhay

ay ang magkaroon ng sapat na tulog.

(Palakpakan)

At tayong mga kababaihan ang mangunguna

sa bagong pakikibaka, itong bagong isyung peminista.

Literal tayong matutulog papuntang tagumpay, literal.

(Tawanan)

(Palakpakan)

Dahil sa kasamaang-palad

para sa mga kalalakihan,

ang kakulangan sa tulog ay naging sukatan ng pagiging lalaki.

Kamakailan, nakasama ko sa hapunan ang isang lalaki

na ipinagmayabang na

apat na oras lang ang tulog niya nung isang gabi.

At gusto ko sanang sabihin na -- pero hindi ko ginawa --

sasabihin ko na sana, "Alam mo?

Kung limang oras sana 'yun,

mas interesante sana ang hapunang ito."

(Tawanan)

Sa kasalukuyan, ang kakulangan sa pagtulog

ay nagiging isang kompetisyon.

Tulad dito sa Washington, na kung makikipag-breakfast date ka,

at tatanungin mo, "Pwede ba ang 8:00?"

sasabihin nila sa'yo, "Late na 'yang alas-otso,

pero okay lang, makakapag-tennis pa ako

at aasikasuhin ang ilang conference calls, bago tayo magkita ng 8."

At paniwala nila

ay napakaproduktibo nito at ang dami ng natatapos,

ngunit sa totoo lang ay hindi talaga,

dahil sa ngayon,

marami tayong matatalinong lider

sa negosyo, sa pananalapi, sa pulitika,

na gumagawa ng mga maling pagpapasiya.

Kaya ang mataas na I.Q.

ay hindi sukatan ng pagiging magaling na lider,

dahil ang tunay na kahulugan ng pamumuno

ay ang kakayahang makita ang tipak ng yelo

bago pa nito banggain ang Titanic.

Napakarami na ng mga yelong

tumama sa ating mga Titanic.

Katunayan, tingin ko

na kung ang Lehman Brothers

ay naging Lehman Brothers at Sisters,

baka andito pa sila ngayon.

(Palakpakan)

Habang ang lahat ng lalaki ay abala

sa pagiging hyper-connected 24/7,

baka naman mapapansin ng babae ang tipak ng yelo,

dahil nanggaling siya sa pito-at-kalahati o walong oras na tulog

at makikita niya

ang buong larawan.

Kaya habang tayo'y nahaharap

sa napakaraming krisis

sa ating mundo sa kasalukuyan,

ang bagay na makakabuti sa'tin sa personal na aspeto,

ang bagay na magdudulot ng galak, pasasalamat,

kahusayan sa ating buhay

upang maging pinakamagaling sa kanya-kanyang karera

ay siya ring makakabuti para sa mundo.

Kaya hinihikayat ko kayo

na ipikit ang inyong mga mata

at tuklasin ang mahuhusay na mga ideya

na nakatago sa kaloob-looban natin,

ihinto ang mga makina at tuklasin ang bisa ng pagtulog.

Salamat.

(Palakpakan)