The Golden Hen - Wakhi

Sonay ki Murghi-Wakhi ki Tehreer
Bachon k liye

Ek dafa ka zikr hai k ek baadshah tha
(ya shayad nahi tha)

Baadshah ki ek bohot khubsurat beti thi,
jis say har koi shaadi karna chahta tha.

Ek din baadshah ne kaha,

"Mein apni beti ki shadi us
se karoon ga,

jo ek nadi k nichay chhupa hua
khazana rakhta hai.

Main uski shadi kisi aam shakhs
k sath nahi karwaoon ga."

Ek din ek nojawan shakhs baadshah
k paas aaya aur kehnay laga,

"Ay Baadshah! Mere paas nadi k nichay
chhupa hua khazana hai.

Mein aapki khubsurat beti say shadi
karna chahta hun.

Mera khwaab sirf aapki beti say
shaadi karna hai."

Baadshah ne us ka mazaq udaya or kaha,
"Tum mujh sy jhoot keh rahay ho."

Phir baadshah aur nojwaan donon
nojwaan k gaaon gaye,

aur dekha k haqeeqat mein us kay paas
nadi k nichay chhupa khazana tha."

Baadshah nay jo wa'ada kiya tha wo
apnay alfaaz wapis nahi lay saka.

Is liye wo maan gaya k nojwaan uski
beti say shaadi kar sakta hai.

Unhon nay nojwaan ko doolha aur
shehzadi ko dulhan bana diya

aur unki shaadi karwaa di.

Wo saat din tak jashan manatay rahay.

Tamam dost, rishtay dar aur hamsaye
mil kar jashan mein aaye.

Ek martaba kafi din guzarnay k baad

larki ki daadi milnay k liye aai.

Uski daadi nay us say puchha,
"Ay meri poti!

Kya tum nay kabhi apnay shohar say
puccha hai

k wo saari dolat kahan say hasil
karta hai?

Is gaaon mein, sirf baadshah aur
tumhara shohar hi ameer hain.

Us nay itni dolat kahan say haasil ki?
Kahan say ikathi ki?

Larki nay is k baaray mein socha aur
kehnay lagi,

"O pyaari daadi jaan, Mein nahi jaanti.
Us nay mujhay kabhi nahi bataya."

Budhi aurat nay usay hidayat ki,

"Aaj raat jab tumhara shohar aay, to
naraaz ho jana or us say baat na karna.

Agar wo tumsay pucchay k kya hua, to
usay sab kuch bata dena."

Larki maan gai.

Shaam k waqt uska shohar ghar aya

aur wo naraaz ho gai or us say baat
nahi karna chahti thi.

Wo pareshaan ho gaya aur us say puchha,
"O meri pyaari beevi,kya hua hai,

Tum mujh say baat kyun nahi kar rahi?

Larki nay us say kaha;

"Mein ab tak tumharay sath rehti rahi
hun

lekin tum nay kabhi nahi bataya k tum
kaisay ameer huey."

Isliye admi ne apni bivi ko jisay wo
kafi pyar karta tha raaz btaya :

"Mere paas ghar ki chhat k nichay chhupi
hui ek sonay ki murghi hai,

Yehi waja hai k mein aaj ameer hun."

Agli subha jab uski daadi aai,
larki ne usay sab kuch bata diya.

Us shaam uski daadi nay murghi ko
apnay kapray k nichay chhupa liya.

Aur apni poti say chori utha liya aur
ghar say chali gai.

Us raat uska shohar ghar aya

or dekha k uski sonay ki murghi
nahi thi

Us nay apni beevi say puchha k wo
kahan gai, lekin usay nahi pata tha.

Unhon nay mil kar har jaga dekha lekin
usay na dhoond sakay.

Larki nay socha aur kehnay lagi:
"Shayad daadi jaan usay chura lay gain."

Uskay shohar k paas ek billi thi. Us
nay usay hukam diya

k sonay ki murghi dhoondnay k liye un kay
saath chalay.

Lekin jab daadi nay sonay ki murghi ko
churaya tha,

to billi nay usay daikh liya tha.

Billi nay us k kadmon ka peechha kiya
aur us k ghar pohanch gai.

Billi nay jaisay hi dekha k daadi so rahi
hai, us nay sonay ki murghi ko chura liya

aur isay wapis is k maalik k paas lay ai.

Maalik bohot khush hua k wo dobara ameer
ho jayen gay.

Iskay baad shohar, beevi, billi aur sonay
ki murghi hamesha khush rahay.

Kahani khatam!