Adam Grosser sy ny fampangatsiahana maharitra

Adam Grosser dia hiresaka amintsika tetikasa fanamboarana vata fampangatsiahana tsy mampiasa herinaratra, ary hamatsy io fitaovana io amin'ireo tanàna sy ireo hopitaly samihafa eto an-tany. Avy amin'ny fandalinana teknolojia efa taloha be tany, dia nahaforona fitaovana mandeha izy.

Tetikasa an-dalam-panatanterahana izy ity

izay niainga tamin'ny fanehoan-kevitra voaray

nandritra ny zaikabe TED tamin'ny 2 taona lasa,

momban'ny fitehirizana ireo vaksiny.

(Mozika)

[Eto amin'ity planeta ity]

[izay misy olona 1.6 lavitrisa]

[tsy manana herinaratra]

[tsy manana vata fampangatsiahana]

[na koa angovo tahiry.]

[Olana lehibe izany]

[Misy fiantraikany ratsy amin'ny : ]

[fihanak'ireo aretina maro]

[fitahirizana sakafo sy fanafody]

[ary hatsaran'ny fiainana.]

[Ito ary ny tetika: fampangatsiahana tsy lafo sady tsy mampiasa herinaratra…]

[…entona fandrehitra na karazana fandoro hafa]

[ Fotoana hanomezako fampianarana kely momban'ny "thermodynamique" ]

[ sy ny tantaran'ny vata fampangatsiahana mitroka sy mihodina mitsitapitapy izao. ]

29 taona lasa, nisy mpampianatra thermo anay

niresaka fitrohana sy fampangatsiahana.

Isan'ireo zavatra mbola miraikitra ato an-tsaiko izany.

Mitovitovy be amin'ny motera Stirling ilay izy:

nahafinaritra saingy tsy hainay hoe afaka anaovana inona ilay izy.

I Ferdinand Carre no namorona azy io tamin'ny 1858,

saingy tsy afaka nanamboatra zavatra avy amin'io izy

noho ireo fitaovana tamin'izany vanimpotoana izany.

Ilay kanadiana jorery, Power Crosley dia

nivarotra ity zavatra antsoina hoe Icyball ity tamin'ny 1928,

hevitra tena maranitra izy ity,

ka hazavaiko anareo ny antony tsy nahatafita azy,

kanefa asehoko etoana aloha ny fomba fiasany.

Misy bola roa mifampihataka lavitra.

Ny iray dia ranoka miasa izay ahitana rano sy "ammoniaque"

ary ny ilany hafa kosa dia kadobo (condensateur).

Hafanaina ny ilany, ilay ilany mafana.

Mietona ny "ammoniaque"

ary mifampifanizina ny andaniny.

Avela hangatsiaka amin'ny mari-pana tsotra, avy eo,

mandritra ny fientonan'ny ammoniaque sy ny fifangaroany amin'ny rano

amin'ilay ilany nafana teo aloha iny,

manome vokatra mampangatsiaka tena mahery ilay izy.

Hevitra tena tsara izay tsy nandeha akory: nipoaka mihitsy ary.

Ahazoana tsindrin-drivotra mahery ny ammoniaque

rehefa hafanaina tsara.

Nahatratra 400psi izany. Ny ammoniaque dia poizina. Ka niparitaka be ilay izy.

Saingy lazaiko hatrany fa hevitra mahaliana ilay izy.

Tamin'ny taona 2006,

afaka miroso amin'izay ny andrana vokatrin'ny fandrosoan'ny haikajy.

Nasaina nandray anjara ny sampana thermodynamique rehetra

tao Stanford.

Niasa be momban'ny "dynamique des fluides" tamin'ny solosaina izahay.

Voaporofonay fa ny ankamaroan'ny teknika fampangatsiahana ny ammoniaque dia diso.

Nahita singa fampangatsihana tsy poiziny izahay

ka afaka miasa amin'ny tsindrin-drivotra ambany.

Niantso ekipa avy any Englandy izahay --

Tany tsinona no ahitana olona mahay

io resaka fampangatsiahana io --

ary nanamboatra toera fanaovana andrana izahay ary nanaporofo fa azo atao

ny manamboatra vata fampatsiahana tsy misy poizina amin'ny tsindry ambany.

Toy izao ny fiasany.

Apetraka eo amin'ny afo ketrika.

Ny ankamaroan'ny olona izao dia mampiasa afo fahandroana,

na avy amin'ny tain-drameva na kitay io.

Avela hafana mandritra ny 30 minitra ka avela hangatsika adiny iray avy eo.

Apetraka ao anaty tavy

ary avela hangatsiaka mandritra ny 24 ora.

Ohatran'ity ilay izy. Ito zao no santiona fahadimy. Mbola tsy vita tanteraka ito.

Milanga 3,6 kg ary toy izao indray ny fiasany:

Apetraka ao anaty tavy 15 litatra,

ary mangatsiaka ho azy hatramin'ny mari-pàna miteraka ranomandry ilay izy,

ventin-drefy telo miiba ny aotra.

Atao mandritra ny 24 ora sy ao anaty tontolo 30 ventin-drefy Celsius. Tena mora vidy izy ity.

Mieritreritra hamokatra betsaka izahay izay hamidy 25 dolara,

ary karazany hafa amin'ny vidiny 40 dolara.

Ny tanjonay dia afaka hampangatsiaka

ny olona rehetra tsy ankanavaka.

Misaotra indrindra.

(Tehaka mirefodrefotra)