Loving Speech & Deep Listening | Thich Nhat Hanh (short teaching video)

Hau

arretaren (mindfulness-aren)

laugarren trebaketaren praktika da,

hizketa maitekorra eta entzumen sakona.

Bodhisattva bat zera da

"hizketa gozo, maitekor"
deitutako hizkera batez

berba egin dezakeen hura.

Bodhisattva bat
errukiz entzun dezakeen hura da.

Eta hiru egunez trebatuz gero,
bodhisattva bihur zintezke,

eta norbaitekin hitz egin
horrelako hizkera batez

eta horrelako errukiz haren hitzak entzun.

Horretarako ez duzu zertan
hamar urtez trebatu beharrik

Egun bakan batzuk nahikoak izan daitezke.

"Aita, aitatxo,
badakit asko sufritu duzula

iraganean, urte askotan.

Ez nintzen gutxiago sufritu zenezan
laguntzeko gai izan, lagundu beharrean

haserrez erantzun nuen

egoera are okerragotzen.

Aitatxo, nire asmoa ez da zu sufriaraztea,

arazoa zure sufrimendua
ez nuela ikusi izan zen,

ez nuen zure oinazea ulertu.

Beraz, aitatxo, esaidazu mesedez
zer duzun bihotzean.

Esaidazu
zeintzuk diren zure bihotzeko oztopoak,

etsipena,

gatazkak.

Arren, lagundu uler dezadan.

Ulertuz gero, ez dut erantzungo
iraganean erantzun nuen moduan.

Lagundu, mesedez. Zeuk lagundu ezean,
nork lagunduko ote nau?"

Honelakoxea da hizketa maitekorra.

Zuek ere egin, erabil dezakezue

baldin eta pertsona horren sufrimendua

ikusteko gai egiten bazara

eta bere sufrimenduaren erroak antzeman.

Osagile bat bezala,

osagileak ez badu gaixoaren eritasuna,
eritasunaren natura ikusten

ezin izango du gaixoa lagundu.

Psikoterapeuta bat bezala,

hark ez badu benetan ulertzen
bere pazienteen sufrimenduaren zergatia

ezin izango du lagundu.

Honexegatik, sufrimendua ulertzea da
tradizio budistaren funtsezko praktika.

Izan ere, lehen Egia Noblea
sufrimendua da.

Eta bigarren Egia Noblea

sufrimenduaren zergatia, natura, erroa da.

Eta horrela hitz egiteko gai bazara,

besteak bihotza ireki

eta bere bihotzean zer duen
kontatuko dizu.

Eta orduan

entzumen sakona praktikatzeko
aukera izango duzu,

entzumen errukitsua praktikatzeko.

Entzumen errukitsua
praktika zoragarria da.

Ordubetez entzun dezakezu, errukitsu.

Beste pertsonari
askoz gutxiago sufritzen laguntzen diozu,

ordu batean.

Entzumen errukitsua zera da,

errukia muin, esentziatzat
duen entzumen mota.

Zeren eta errukiaren arreta osoa
praktikatzen ez baduzu, ezin duzu entzun

denbora luzez.

Pertsona bat entzuteko
asmo ona izan dezakezu,

pertsona horri
gutxiago sufritzen laguntzeko.

Zure asmoa oso ona izan daiteke,

baina errukiaren arretaren osoaren
praktika ezagutu ezean,

zure entzuteko gaitasuna gal dezakezu,

ezen beste pertsonak dioena okerreko
pertzepzioz beterik egon baitaiteke

mingostasunez beterik,

leporatzez, erruz beterik.

Eta horrek zugan
haserre eta sumina sor ditzake

eta zeure entzuteko gaitasuna
galtzea eragin.

Horrexegatik, aurretik
zeure burua trebatu behar duzu,

pertsona horrekin
praktika hasi baino lehen,

Denbora behar izango duzu
bere sufrimendua ikusteko

eta

praktikatu baino lehen,
prest egon behar duzu.

Eta praktikaren unean

errukiaren arreta osoa
bizirik mantendu beharko duzu.

Errukiaren arreta zera da

jabe izatea

gogoan izatea

hura entzutean
helburu bakar bat duzula,

hau da, pertsona hura bere bihotza
husten eta gutxiago sufritzen laguntzea.

Hura entzuten ari naiz,

helburu bakar batekin:
hari gutxiago sufritzen laguntzea.

Beraz, nahiz eta berak
okerreko gauzak esan,

nahiz eta mingots jokatu,

nahiz eta erruak leporatu,
oraindik ere entzuten jarrai dezaket.

Okerreko gauzak esan ditzake

baina nik ez diot hitza kenduko,

zeren eta mozten badut
eta hura zuzendu

saioa eztabaida bihurtuko dut

eta horrek dena hondatuko du.

Beraz arnasa hartu eta bota, arretaz
entzumen saio osoan zehar

eta gauza bakar bat gogoratu:

pertsona hura entzutean
helburu bakar bat daukat,

hari gutxiago sufritzeko aukera ematea.

Gauza bakar hau gogoratu besterik ez duzu,

eta zeure buruari esan diezaiokezu:

haren gaizki ulertzeak, haren epaia

aurre-iritzietan
eta gaizki ulertzeetan oinarrituta daude.

Egun gutxi batzuk igarotzerakoan
aukera izango dut

hari informazioa eskaintzeko
berak bere pertzepzioa

zuzendu ahal izan dezan.
Baina orain ez,

orain entzun bakarrik egin behar dut.

Eta hori zeure bihotzean
bizirik mantendu ahal izanez gero,

zeure gogoan,

helburu bakar batekin
entzuten ari naiz, ez zuzentzeko,

baizik eta hari barruak husteko
eta gutxiago sufritzen uzteko laguntzeko.

Horixe da

errukiaren arreta (mindfulness-a).

Eta zure errukiaren arreta
mantendu ahal baduzu ordubetez,

pertsona hura entzuten duzun artean,
bodhisattva bat zara,

ezen errukiaren energia

zure bihotzean dagoelako

errukiaren energia
zeure baitan bizi da, seguru zaude.

Eta errukia bertan izanez gero,

beste pertsonak dioena,
hainbat okerreko pertzepzioekin,

mingostasunarekin, haserrearekin,
erruekin, salaketekin,

zu seguru zaude,
errukiak babesten baitzaitu.

Babes onena errukiaren babesa da.

Bertan eserita entzun dezakezu
ordubetez edo gehiagoz.

Noski, hari egia esateko eskubidea duzu,
baina ez oraintxe.

Aurrerago.