லலிதேஷ் கட்ரகட்டா: பேரழிவை எதிர்த்து போராடவும், பொருளாதரத்தை வளர்க்கவும் வரைபடம் செய்தல்

2005 ஆண்டு வரை, உலகில் 15 சதவீதம் மட்டுமே வரைபடமாக உள்ளது. பேரழிவிற்கு பின் இதனால் உதவி செய்ய கால தாமதம் ஆகிறது. மேலும் இது உபயோக படுத்தாத நிலம் மற்றும் சாலைகளின் பொருளாதார ஆற்றலை மறைத்து விடுகிறது. இந்த சிறிய உரையில், கூகுளின் லலிதேஷ் கட்ரகட்டா உலகம் முழுவதும் பயன்படுத்தும் குழு வரைபடம் உருவாக்கும் செயலி - மேப் மேக்கரின் செயல் முறை விளக்கம் அளிக்கிறார்.

2008இல் நார்கிஷ் புயல் மியன்மாரை தாக்கியது.

இலட்சக்கணக்கான மக்கள் உதவிக்காக காத்திருந்தனர்.

ஐ நா சபை அந்த பகுதிக்கு அவர்களது மக்களையும் உதவி பொருட்களையும் அவசரமாக அனுப்ப விரும்பியது.

ஆனால் அந்த பகுதியின் வரைபடம்,மற்றும் சாலைகளின் வரைபடம் இல்லை.

சாலை மற்றும் மருத்துவமனைக்கான வரைபடம் இல்லை. பாதிக்கப் பட்டவர்களுக்கு உதவி அவர்களை சென்றடைய வழி இல்லை.

லாஸ் ஏஞ்செலஸ் மற்றும் லண்டன் வரைபடத்தை பார்க்கும் பொழுது,

நம்புவதற்கு கடினமானாலும், உண்மையில்

2005 ஆண்டுவரை, வெறும்15 சதவீதம் உலகம் மட்டுமே

உலக வரைபடத்தில் வெகு நுட்பமாக குறிக்கப் பெற்றுள்ளது.

ஐ நா சபை எதிர்நோக்கிய சிக்கல்,

பெரும்பான்மையான உலக மக்களுக்கு நேர்ந்த சிக்கல்தான்:

விவரமான வரைபடம் இல்லாதது.

ஆனால் அதற்கு உதவி கிடைத்தது.

கூகிள் நிறுவனத்தின் 40 பணியாளர்கள் உதவினார்கள்.

ஒரு புதிய மென்பொருள் கொண்டு

120,000 கிலோமீட்டர் சாலைகளையும்,

3,000 மருத்துவமனை, தளவாடங்கள் மற்றும் நிவாரண மையங்களையும் வரைபடத்தில் குறியிட்டனர்.

இதற்கு அவர்களுக்கு நான்கு நாட்கள் ஆனது.

அவர்கள் உபயோகித்த அந்த புதிய மென்பொருள்? கூகுல் மேப்மேகர்.

கூகுல் மேப்மேகர் தொழில்நுட்பம் நம் எல்லோர்க்கும்

நமக்கு நன்கு பரிச்சியமான இடங்களை வரைபடத்தில் குறிக்க உதவுகிறது.

மக்கள் இந்த மென்பொருளை கொண்டு

சாலைகள் முதல் ஆறுகள் வரை,

பள்ளிகள் முதல் அப்பகுதி வணிக வளாகம் வரை,

காணொளி கடைகள் முதல் பெட்டி கடைகள் வரை, வரைபடத்தில் குறித்துள்ளனர்.

வரைபடங்கள் இன்றியமையாதது.

நோபல் பரிசுக்கு பரிந்துரைக்க பட்ட ஹெர்னாண்டோ டி சோடோ கண்டறிந்தது,

பொருளாதார வளர்ச்சிக்கு திறவுகோலாக

வளரும் நாடுகளுக்கு உதவுவது

பயனற்று கிடக்கும் நிலங்களை பயன்பாட்டிற்கு கொண்டுவருவதே.

உதாரணத்திற்கு, ஒரு லட்சம் கோடி டாலர்கள்

மதிப்புள்ள வசிப்பதற்கேற்ற நிலங்கள் இந்தியாவில் மட்டுமே உள்ளன.

சென்ற ஆண்டு மட்டும்,

170 நாடுகளில் உள்ள ஆயிரக்கானக்கானவர்கள்

இலட்சகணக்கான தகவல்களை வரைபடத்தில் குறித்து,

இதுவரை காணாத நுட்பத்துடன் வரைபடத்தை உருவாக்கி உள்ளனர்.

இதை நிகழ்த்திக் காட்டியது,

உலகம் முழுவதுமுள்ள அதீத ஆர்வலர்களின் முயற்சி.

தற்சமயம் உருவாக்கப்படும் சில வரைபடங்களை

இப்பொழுது நாம் காணலாம்.

எனவே, நாம் இப்பொழுது உரையாடி கொண்டிருக்கும் பொழுதும்,

170 நாடுகளில் மக்கள் உலகினை வரைபடத்தில் குறித்து கொண்டிருக்கிறார்கள்.

ஆப்ரிகா நாட்டின் ப்ரிட்ஜெட், செனேகளில் உள்ள சாலை ஒன்றை வரைபடத்தில் குறித்து கொண்டிருக்கின்றார்.

மேலும், நமது அருகாமையில், சலுவா பெங்களூரில் உள்ள N.G. சாலையை குறிக்கிறார்.

இது சாத்தியமாக காரணம் கணக்கீட்டு வடிவியல்,

சைகை உணர்தல் மற்றும் இயந்திர கற்றல் துறைகளில் நிகழ்ந்த அறிவு வளர்ச்சி.

இந்த வெற்றிக்கு காரணம், பல்லாயிரக் கணக்கான

பலநூறு நகரத்தில் வாழும் ஆர்வலர்கள்,

வரைபடத்தில் ஒவ்வொருவரும் செய்யும் ஒரு பதிவே.

இது வரை 70 சதவீதம் வரைபடத்தில் குறிக்கப்படாத

இடங்களில் வாழும் உலக மக்களுக்கு ஒரு அழைப்பு,

உங்களை புது உலகிற்கு வரவேற்கிறோம்.

(கைதட்டல்)