Kirk Citron: Dhe tani, lajmet e vërteta

Sa prej titujve të sotëm do kenë vlerë pas 100 vitesh? Po pas 1000? Projekti "Lajmet e Zgjatura" i Kirk Citron mbledh lajme që nuk janë me vlerë vetëm për të sotmen, por do të jehojnë për dekadat -- ndoshta shekujt -- në vazhdim. Në TED2010, ai nënvizon disa prej lajmeve të sotme që kanë potencialin t'i japin formë të ardhmes sonë.

Po mbytemi në lajme.

Vetëm Reuters na jep

tre milionë e gjysëm lajme në një vit të vetëm.

Edhe ky, është vetëm një burim.

Pyetja ime është: Sa prej këtyre ngjarjeve

janë në fakt të rëndësishme për një kohë të gjatë?

Kjo është ideja në themel të Lajmeve të Zgjatura.

Është një projekt i "The Long Now Foundation",

i cili është krijuar prej TEDsters-ave përfshirë këtu

Kevin Kelly-n dhe Stewart Brand-in.

Ne jemi duke kërkuar për lajme që mund të kenë rëndësi

pas 50, 100 apo 10 mijë vitesh prej tani.

Dhe kur i sheh lajmet përmes këtyre filtrave,

shumë prej tyre ngelin jashtë.

Nëse shihni lajmet kryesore të A.P. vitin e fundit:

A do ketë rëndësi kjo pas një dekade?

Po kjo?

Po kjo tjetra?

Vërtetë?

Do ketë ndonjë rëndësi kjo pas 50 apo 100 vjetësh?

Mirë, kjo ishte e lezetshme.

(Të qeshura)

Por lajmi kryesor i këtij viti ishte ekonomia.

Dhe unë vë bast, se herët a vonë,

edhe ky recesion do të jetë lajm i vjetër.

Por, ç'lloj ngjarjeje mund të

bëjë diferencën në të ardhmen?

Epo. le të marrim [mjekësinë].

Ndonjë ditë, robotë të vegjël do të ecin

nëpër venat tona dhe do të rregullojnë gjëra.

Ajo ditë ka ardhur nëse jeni një mi.

Disa lajme të kohës:

Nanobletët zhdukin tumorët duke përdorur helm të vërtetë blete.

Janë duke dërguar gjene në tru.

[Ndërtuan një robot] që mund të zvarritet nëpër trupin e njeriut.

Po burimet?

Boll probleme kemi për të ushqyer gjashtë miliardë edhe sot.

Siç e dëgjuam dje, ka një miliardë njerëz që janë të uritur.

Britania do të vdesë urie pa të korra të modifikuara gjenetike.

Bill Gates, fatmirësisht, ka hedhur një miliardë dollarë për kërkime agrare.

Po politika globale?

Bota do të jetë shumë ndryshe kur Kina të shpalosë axhendën e saj, nëse e bën diçka të tillë,

dhe në fakt mund t'a bëjë.

Ata e kanë kaluar SHBA-në si tregu më i madh i makinave.

Ata e kanë kaluar Gjermaninë si eksportuesi më i madh.

Ata kanë filluar të bëjnë eksperimente ADN-je tek fëmijët

që të ndikojnë në zgjedhjen e karrierës.

Ne po gjejmë çdo ditë mënyra për të kaluar limitet e asaj që dimë deri më sot.

Disa zbulime të fundit:

Është një koloni milingonash prej Argjentinës që tani

është përhapur në ç'do kontinent përveç Antarktikut.

Është një robot shkencëtar i vetëkontrolluar që bëri një zbulim.

Së shpejti, shkenca mund të mos ketë më nevojë për ne.

Dhe jeta gjithashtu mund të mos ketë nevojë për ne.

Një mikrob zgjohet pas 120 mijë vitesh.

Duket se me ne ose pa ne

jeta do të vazhdojë.

Por e preferuara ime prej ngjarjeve të Lajmeve të Zgjatura prej vitit të kaluar

është kjo, u gjet ujë në Hënë.

Kjo ia lehtëson dikujt të shkojë e të vendosë një koloni atje.

Edhe nëse nuk e bën NASA, Kina mundet,

apo dikush prej sallës mund të firmosë ndonjë çek të majmë.

Ajo që dua të theksoj është:

Në ditët që do të vijnë, disa prej lajme të tanishme

janë më të rëndësishme se të tjerat.

(Duartrokitje)