Ջուլիան Թրեժր. լավ լսելու 5 միջոց

Հետզհետե աղմկոտ դարձող աշխարհում, ինչպես ասում է հնչյունների ու ձայնի փորձագետ Ջուլիան Թրեժրը, «Մենք կորցնում ենք լսելու ունակությունը»: Այս կարճ ու հիանալի ելույթի ընթացքում Թրեժրը շրջապատի մարդկանց գիտակցված և ուշադիր լսելու հինգ միջոց է առաջարկում:

Մենք կորցնում ենք լսելու ունակությունը:

Հաղորդակցվելու ժամանակի մոտ 60 տոկոսը ծախսում ենք լսելու վրա:

Սակայն այնքան էլ լավ չենք լսելուց:

Մեր լսածի միայն 25 տոկոսն ենք մտապահում:

Նկատի չունեմ ձեզ կամ այս ելույթը,

բայց հիմնականում դա այդպես է:

Եկեք սահմանենք լսելը

որպես հնչյունների իմաստավորում:

Դա մտավոր աշխատանք է,

իմաստի տարանջատման աշխատանք:

Մենք այդ անելու համար հիանալի մեթոդներ ենք կիրառում:

Դրանցից մեկը հնչյունների համախումբը ճանաչելն է:

(Ամբոխի աղմուկ): Եթե նման երեկույթի ժամանակ

ասեմ` «Դեյվիդ, Սառա, լսեք»

ձեզնից ոմանք ուշադրություն կդարձնեն:

Մենք ճանաչում ենք ձայնային համադրությունները

և տարբերակում աղմուկն ազդակից,

հատկապես մեր անունը:

Տարբերակումը ևս մի միջոց է, որ կիրառում ենք:

Եթե այս կատարյալ աղմուկը մի քանի րոպեից ավելի թողնեմ,

դուք պարզապես կդադարեք այն լսել:

Մենք լսում ենք տարբերությունները

և անտեսում չփոփոխվող հնչյունները:

Բացի այդ գոյություն ունեն բազմատեսակ ֆիլտրեր:

Ֆիլտրերի միջոցով մենք բոլոր ձայներից տարորոշում ենք,

թե որոնց ուշադրություն դարձնենք:

Մարդկանց մեծ մասը նույնիսկ չի գիտակցում

այդ ֆիլտրերի գոյության մասին:

Բայց հենց դրանք են ստեղծում մեր իրականությունը

և պայմանավորում` ինչին այդ պահին ուշադրություն դարձնել:

Մի օրինակ բերեմ.

նպատակադրվածությունը շատ կարևոր է հնչյունների տարորշման և լսելու համար:

Երբ ամուսնացա,

կնոջս խոստացա, որ նրան կլսեմ ամեն օր այնպես,

ասես առաջին անգամ:

Դե իհարկե, դա ինձ մոտ չի ստացվում գրեթե ամեն օր

(Ծիծաղ)

Բայց մեր հարաբերություններում սա շատ կարևոր մտադրություն է:

Բայց սա դեռ ամենը չէ:

Հնչյունը մեզ նաև տարածական և ժամանակային պատկերացում է տալիս:

Եթե փակեք ձեր աչքերը հենց հիմա այս սենյակում,

միևնույն է, պատկերացում եք կազմում սրահի չափսի մասին`

դրա մակերեսներից եկող

ձայնային ալիքների տատանումների շնորհիվ:

Գիտակցում եք նաև` քանի մարդ կա ձեր շուրջը,

քանի որ ձեզ են հասնում միկրոձայնային ալիքները:

Ձայնը մեզ նաև ժամանակի զգացողություն է տալիս,

քանի որ ժամանակը միշտ

պարփակված է նրանում:

Ի դեպ, կարող եմ հավաստիացնել նաև, որ

լսելու միջոցով ենք ընկալում ժամանակի ընթացքը`

անցյալից մինչ ապագա:

«Հնչյունությունը ժամանակ և իմաստ է», հիանալի է ասված:

Սկզբում նշեցի, որ մենք կորցնում ենք լսելու ունակությունը:

Իսկ ինչու՞ նշեցի:

Դրա պատճառները շատ են:

Առաջինը, ստեղծել ենք տեղեկատվությունը փաստագրելու միջոցներ`

սկզբում գրելը, հետո ձայնագրումը,

իսկ հիմա նաև տեսագրումը:

Ուշադիր և ճշգրիտ լսելու արժեքը

պարզապես անհետացել է:

Երկրորդ, աշխարհն այժմ այնքան աղմկոտ է:

(Աղմուկ) Այս աններդաշնակության պայմաններում,

լսողական և տեսողական,

պարզապես դժվար է լսել:

Լսելը հոգնեցուցիչ է:

Շատերն աղմուկից փրկություն են գտնում ականջակալներ կրելով:

Սակայն նրանք այս մեծ հանրային տարածքը`

ձայնային ընդհանուր տարածքը

վերածում են միլիոնավոր աննշան ձայնային միավորների:

Այս սցենարի դեպքում ոչ ոք մյուսին չի լսում:

Մենք անհամբեր ենք դառնում:

Մենք այլևս պերճախոսություն չենք ցանկանում լսել,

այլ հնչյունների պատառիկներ:

Եվ զրույցի արվեստը,

ըստ իս, վտանգավոր ձևով փոխարինվում է

սեփական անձը ներկայացնելով:

Չգիտեմ, թե որքան է լսելու բաժինը այսպիսի զրույցում,

որը հաճախ է պատահում

հատկապես Միացյալ Թագավորությունում:

Մեր ընկալունակությունը թուլանում է:

Լրատվամիջոցները այսպիսի ճչացող գլխագրերով են ստիպված

գրավել մեր ուշադրությունը:

Դա նշանակում է` մենք դժվարանում ենք ուշադրություն դարձնել

նրբորեն, անուղղակիորեն

կամ ոչ բացահայտորեն ասվածին:

Այն, որ լսելու ունակությունը կորցնում ենք, լուրջ խնդիր է:

Սա անկարևոր մանրուք չէ,

քանի որ լսելը քայլ է դեպի հասկացողություն:

Գիտակցաբար լսելը միշտ տանում է ըմբռնման:

Եվ միայն չգիտակցված լսելու պարագայում

կարող են այսպիսի բաներ պատահել.

աշխարհը, որտեղ միմյանց բացարձակ չեն լսում,

իսկապես սարսափելի վայր է:

Այսպիսով, կցանկանայի ձեզ ներկայացնել

հինգ պարզ վարժություն, մատչելի միջոցներ`

բարելավելու ձեր գիտակցված լսողությունը:

Կցանկանա՞ք:

(Հանդիսատեսը` այո) Բարի:

Առաջինը լռությունն է:

Օրական գոնե երեք րոպե լռությունը

հիանալի վարժանք է

ականջները հանգստացնելու և վերալիցքավորվելու համար,

որպեսզի կրկին կարողանաք ունկնդիր լինել լռությանը:

Եթե չեք կարող բացարձակ լռության մեջ լինել,

ապա գոնե անաղմուկ վայր ընտրեք, որը նույնպես ընդունելի է:

Երկրորդ, սա ես ձայների խառնուրդ եմ անվանում

Նույնիսկ եթե այսպիսի աղմկոտ միջավայրում եք գտնվում,

իսկ մենք հաճախ ենք այսպիսի վայրերում լինում,

ուշադրություն դարձրեք, թե օրինակ սրճարանում

քանի աղբյուրից եք ձայն լսում:

Այս խառնուրդի մեջ քանի՞ առանձին ձայն եք լսում:

Նույնը կարելի է անել նաև մի գեղեցիկ վայրում,օրինակ լճի մոտ:

Քանի՞ թռչունի ձայն եք լսում:

Որտե՞ղ են դրանք: Որտեղի՞ց է գալիս կոհակների ձայնը:

Հիանալի վարժանք է

լսելու որակը լավացնելու համար:

Երրորդ վարժությունն անվանում եմ ըմբոշխնում.

գեղեցիկ վարժանք է:

Խոսքն առօրյա ձայներից հաճույք ստանալու մասին է:

Սա, օրինակ, իմ չորացուցիչն է

(Չորացուցիչի ձայնը) Ասես վալս է.

մեկ-երկու-երեք, մեկ-երկու-երեք:

Ինձ իսկապես դուր է գալիս:

Իսկ հապա մի սա փորձեք

(Սրճաղացի ձայն):

Օ՜:

Առօրյա ձայներն իսկապես հետաքրքիր են, եթե ուշադրություն դարձնեք:

Դա անվանում եմ թաքնված երգչախումբ:

Միշտ մեզ հետ է:

Հաջորդ վարժանքը

հավանաբար ամենից կարևորն է,

եթե միայն դա հիշելու լինեք:

Խոսքը լսելու շեշտադրումների մասին է`

կարող եք ինքներդ ընտրություն կատարել լսելու այն,

ինչը նպատակահարմար է կամ ինչը ցանկանում եք լսել:

Սա այն ֆիլտրերի փորձարկմանն է վերաբերում:

Հիշու՞մ եք այն ֆիլտրերը, որոնց օրինակները բերեցի սկզբում:

Սկսեք որպես լծակներ փորձարկել դրանք,

գիտակցված ընկալել և տեղափոխվել տարբեր տարածքներ:

Սրանք լսելու դիրքերից

կամ աստիճաններից մի քանիսն են միայն, որ կարող եք կիրառել:

Այդպիսիք շատ կան:

Հաճույք ստացեք դրանք օգտագործելուց: Շատ ոգևորիչ է:

Վերջում մի հապավում ներկայացնեմ:

Կարող եք կիրառել լսելիս, հաղորդակցվելիս:

Եթե այդ երկու դերերից մեկում եք,

որն այս դեպքում վերաբերում է բոլորիդ, քանի որ լսում եք այս ելույթը:

հապավումը կոչվում է RASA.

սանսկրիտերենից թարգմանաբար նշանակում է

կենսահյութ կամ էություն:

RASA նշանակում է Ընկալել,

այսինքն ուշադրություն դարձնել մարդուն,

Գնահատել` արձագանքելով արտահայտչամիջոցներով,

ինչպես` ըհը, այո, օ, բարի,

Ամփոփել, «այսպիսով» բառը շատ կարևոր է հաղորդակցության մեջ,

Հարցնել` վերջում հարցեր տվեք:

Այպիսով, հնչյունը իմ կիրքն է, իմ կյանքը:

Մի ամբողջ գիրք եմ գրել դրա մասին: Ապրում եմ լսելու համար:

Իհարկե շատերից այդչափ նվիրում ակնկալելը չափազանց է:

Սակայն հավատացած եմ, որ յուրաքանչյուր մարդ

պետք է գիտակցաբար լսի

լիարժեք ապրելու համար.

ժամանակի ու տարածության մեջ

մեզ շրջապատող ֆիզիկական աշխարհի հետ կապակցված լինելու,

փոխըմբռնման շնորհիվ միմյանց հետ կապված լինելու համար:

Էլ չեմ ասում հոգևոր կապվածության մասին,

քանի որ իմ գիտեցած ցանկացած հոգևոր ճանապարհի հիմքում

լսելն ու խորհելն

է ընկած:

Այդ իսկ պատճառով

մեր դպրոցներում լսելը պետք է դասավանդենք

որպես հմտություն:

Ինչու՞ այն չի դասավանդվում: Անհեթեթություն է:

Եվ եթե լսելու հմտություններ սովորեցնենք մեր դպրոցներում,

ապա լսելու անկման վտանգավոր միտումը

և սարսափելի աշխարհի հավանականությունը կարող ենք կանխել

և տեղափոխվել մեկ այլ իրողություն, որտեղ բոլորը միմյանց գիտակցաբար լսում են

կամ առնվազն ունակ են այդ անելու:

Չգիտեմ ինչպես դրան հասնել,

սակայն սա TEDն է,

իսկ TED-ի համայնքը ցանկացած բան անելու ներուժ ունի:

Ուրեմն, հրավիրում եմ բոլորիդ միանալու ինձ, միանալու մեկմեկու`

այս առաքելությունը ստանձնելու և դպրոցում դասավանդելու

մեկ սերնդի աշխարհը փոխելով, լսող,

փոխկապակցված, փոխըմբռնող

և խաղաղ աշխարհ ստեղծելու համար:

Շնորհակալ եմ, որ լսեցիք ինձ այսօր:

(Ծափահարություններ)