Ang pormula ni Arthur Benjamin na babago sa pagtuturo ng sipnayan (matematika)

Laging tinatanong ang guro ng sipnayan (matematika), "Magagamit ko ba ang calculus sa buhay ko?" At kadalasan, sabi ni Arthur Benjamin, ang sagot ay hindi. Kanyang ipinanukala ang mungkahi na gawing kapaki-pakinabang sa digital age ang itinuturo sa matematika.

Ngayon, kung si Pangulong Obama

ay aanyayahin ako na maging susunod na Tsar ng Matematika,

meron akong suhestiyon sa kanya

na sa palagay ko ay magpapayabong

sa sistema ng edukasyon ng matematika sa bansang ito.

Madali lang itong isakatuparan

at hindi gagastos ng malaki.

Sa ngayon, ang kurikulum ng matematika

ay batay sa aritmetika at algebra.

At lahat ng mga napagaralan natin

ay bilang paghahanda sa iisang asignatura.

Nasa tuktok ng tatsulok na ito ang calculus.

At nandito ako upang sabihin

na mali ang pinili nating tugatog ng piramide ...

na ang tunay na rurok -- na dapat alam ng bawat mag-aaral,

ng lahat ng gagradweyt ng haiskul --

ay estatistika:

mga paksang kalagmitan (probabilidad) at estatistika.

(Palakpakan)

'Wag niyo sanang masamain. Mahalaga ang calculus.

Isa ito sa mga pinakamahusay na inimbento ng tao.

Naiintindihan natin ang kalikasan gamit ang calculus.

At bawat mag-aaral ng sipnayan, agham, inhinyeriya, ekonomika,

dapat alam ang calculus

pagkatapos ng unang taon sa kolehiyo.

Ngunit andito upang sabihin na, bilang isang propesor ng matematika,

iilang tao lang ang gumagamit ng calculus

sa bawat araw, sa makabuluhan at kusang mga bagay.

Sa kabilang banda,

ang estatistika -- isang asignatura na maaari,

at marapat, gamitin araw-araw. Tama?

Ito'y pagtukoy sa panganib, sa gantimpala, sa walang kasiguraduhan.

Ito'y tungkol sa pag-intindi ng datos.

Sa tingin ko, kung sana bawat mag-aaral sa haiskul --

kung sana lahat ng mga taga-Amerika --

alam ang probabilidad at estatistika,

hindi siguro magkakagulo ang ekonomiya natin ngayon.

Hindi lang -- salamat -- hindi lang 'yon ...

[pero] kung wasto ang paraan ng pagtuturo nito, maaaring maging kasiya-siya ito.

Kung tutuusin, ang probabilidad at estatistika,

ay ang lengwahe ng paglalaro at pagsusugal.

Tungkol ito sa pag-arok ng mga nagaganap at ng hinaharap.

Nagbago na ang mundo

mula analog patungong digital.

Panahon na upang palitan natin ang kurikulum ng matematika

sa digital mula sa analog.

Mula sa makalumang 'continuous mathematics',

tungo sa makabagong 'discrete mathematics.'

Ang sipnayan ng walang katiyakan

ng mga datos --

'yon bilang pag-aaral ng probabilidad at estatistika.

Sa paglalagom, sa halip na nagsasanay

ang mga estudyante ng calculus,

tingin ko'y mas mainam

kung kabisado nila ang ibig sabihin ng

"two standard deviations from the mean". Seryoso ako.

Maraming salamat po.

(Palakpakan)