-
Roj bê xêr, şıma xêr amê.
-
Namê mı Cemre Ömer u, u ez enke wazenu ke
zonê ma de cüya xo ser qal bıkeri.
-
Ez serra yew hezar u new sed u neway u
newe de, Diyarbekir de amê dinyaye.
-
Malbatê piyê mı suka Piran rawo, la ma
şarıstan de ronişt.
-
Maya mı zi Adanayıjca, Adana rawa.
-
Ma hirês serri Diyarbekir de cüyayê, ew
bahde ez serva bonderi şiyu İstanbul.
-
Mı ewre lise wend, waxto ke mı lise wend
malbatê mı bar kerd u amê Alanya.
-
Ez enke keyê xo dewu, Alanya dewu.
Hetê maya mı de manenu.
-
La hema İstanbul de, Üniversiteya Koç de
wanenu.
-
Beşa mühendisêniyê elektronik wanenu.
-
Serra peyniye dewu, boka ez emserr mezun
bıbu. İnşallah ma biveynê.
-
Ez bonderê zonê ma kalê mı ra biyu.
-
Dapira mı kırdas a, Zazaki fam kena la
qal nêkena.
-
Piyê mı zi, emê mı zi nêşenê Zazaki
qal bıkerê.
-
Maya mı tırk a, heyf o ke ne Kırdaski
ne zi Zazaki qet nêzana.
-
Kalê mı xeylê waşt ke ez ınê zoni bızanu,
aye ser ey mı rê bonderi ınê zoni kerd.
-
Ew yo mı reyra tım zonê ma de qal keno.
-
Ez Kırdaski zi zanu, yani hewl zanu, şenu
embazanê xo reyra qal bıkeru.
-
Rınd wanenu ew rınd nüşenu.
-
La bıhaya, erca zonê ma mı rê zafêr o.
-
Çımki ez zanu ke zaf merdım ınê zoni
nêgureyneno.
-
Aye ser ez zonê ma ser zaf xebıtiyenu.
-
Ge estanıkan açarnenu, ge ders danu
embazanê xo.
-
Enke zi şıma rê qal kenu.
-
Enhewa yani.
-
Ez wazenu ke ıno zon memıro.
-
Nêzanu eke ma şenê çıyê bıbedelnê.
-
Ma veynenê.
-
Ez ge şonu Diyarbekir, ewre zaf embazê
mı, şınasê mı nêmendê.
-
Raşt a, zur niyo, ıno şarıstan keyê mıno.
-
Ez ınê cayi bêri kenu tabi.
-
Kalê mı, dapira mı, yew ema mı hema
Diyarbekir de cüyenê.
-
Yayka mı zi ewre xebıtiyena. Teyna
cüyena.
-
Ge ge, roşan de, tatil de yena Alanya ew
malbatê xo veynena.
-
Diyarbekir de Bostanê kalê mı esto, ewre
daruberê xeylê babetın esto.
-
Yani, kalê mı fırıngi çineno, xıyar
çineno...
-
...engur, tu, dırrık, bacan, isot, beşla
u hındi çineno...
-
Xeylê sebze mêwe esto.
-
Ajalê ey zi estê, kergê zi estê, meşna
ey zi esta.
-
Yani ,cayo ke yê ronişenê rınd o, hewl o.
-
Piyê mı ma piya nêmaneno.
Yo psikologo.
-
Diyarbekir de, Üniversiteya Dicle de ders
dano, cayê xo de seans zi dano.
-
Maya mı nêxebıtiyena, kebaniya.
-
Alanya dewa, ke mı va.
-
Waya mı piya cüyena.
-
Waya mı emserr başley lise kena.
-
Malbatê mı ser enhewa o.
Ew ezo qal bıkeri xo ser.
-
Waxto vengê mı de ez kıtab wanenu,
nüştê filozofan ra zaf hes kenu.
-
Ez bonderê zonê Latinki u Elmanki biyu.
-
Enke kıtabê Cicero wanenu, namê ey
Tusculanae Disputationes o,
-
yani zonê İngilizki de Tusculan Disputations.
-
Roca şemê de şonu kursa erbane.
-
Erbane yew haceta musıkeya.
-
Haceta perküsyon a, tı sey davul
kuvenê, enhewa kuvenê.
-
Qala mı qedaye, yani beso.
-
Şıma weşuwar bên serva goşdarıtışi.
-
Şıma rê xatır wazenu. Xo rê rınd
bıewnerên.
