OKSİGEN 10 SANİYƏLİK YOX OLSA NƏ OLARDI ? / KİMLƏR ÖZÜNÜ TANIMIR ?

Rahmən və Rahim olan Allahın adı ilə.

Belə bir məsəl var: Özünü layiqincə tanıyan, Rəbbini də tanımış olar.

Bu məsəl həqiqətən ən gözəl və möhtəşəm məsəllərdən biridir.

Əgər özünü tanısan, və yerini bilsən,

Aləmlərin Rəbbi olan, ən Uca olan Allahı da tanımış olarsan.

Hansı ki ən gözəl isimlər və sifətlər yalnız Ona məxsusdur.

Yaxşı bəs kimik biz?

Kimsən sən?

Əsl olan, bizim bir araya toplanmış, yaradılmış məxluqlar olduğumuzdur.

Allah (svt) bizə şəkil verdi, sonra bizi bir yerə topladı.

Uca Allah buyurur:

Əslində, hal-hazırda biz hamımız ölüyük.

Biz yalnız Allahın bizə lütf etməsi ilə yaşayırıq.

Əgər Allah bizi tərk etsə, biz məhv olarıq.

Bir heç olarıq.

Allah (svt) bizi yaradır, bir araya toplayır, bizə bir həyat verir, bizi bəsləyir, və bizi içirir.

Bizlər Uca Allahın sadə, fəqir, aciz qullarıyıq.

Təsəvvür edin ey bacı və qardaşlarım.

Bizim bir baxışımızın ortaya çıxması üçün nə qədər atom lazımdır?

Sadəcə baxdığımız bir şəkil və ya bir mənzərədən söhbət gedir.

Baxdığımız bir səhnənin ortaya çıxması üçün milyardlarla atom lazımdır.

Bütün bu atomların da nüvələri, orbitləri, var.

Bunların hamısına müəyyən bir enerji, güc lazımdır ki, aralarında bir bağ yaransın, bir araya gələ bilsinlər.

Sadəcə bir baxışımızda görün necə böyük nemət, qüdrət, ilahi bir lütf və səxavət vardır?

Sadəcə sizin bir səhnəni görməyiniz üçün.

Sizin bir baxışınız Allahın bir nemətidir.

O ki sonsuz səxavət sahibidir.

Onun səxavəti heç vaxt kəsilməz.

Onun yardımı heç vaxt dayanmaz.

Bütün bunlar sadəcə bir baxışa aid olanlar idi.

Təsəvvür edin, bundan savayı necə böyük nemətlərə sahibik.

Əminən ki, bir çoxunuz bilirsiniz.

Amma yenə bir düşünün.

Allah dünyadaki oksigeni, cəmi on saniyəlik yox etsəydi, nə baş verərdi?

Hər birimiz on saniyəlik nəfəsimizi tuta bilirik.

Yəni çox güman ölməzdik.

Ancaq atmosferdə daha az hissəciklər olduğu üçün, göy üzü maviliyini itirər, birbaşa ultrabənövşəyi şüalara məruz qalarıq.

Çünki ozon təbəqəsi yox olar.

Daxildən yanan bütün motorlar işləməyi dayandırar.

Məsəlçün, uçuşa başlayan təyyarələr yerə düşər.

Metalların ətrafındaki oksid təbəqəsi yox olduğu üçün də metallar qaynamağa başlayar.

Betonların tərkibindəki oksigen səbəbilə binalar da toza dönər.

Atmosfer təzyiqi azaldığına görə, iç qulağımız partlayar.

Bütün sular, dənizlər, göllər yox olaraq kosmosa qarışar.

Ən önəmlisi isə, oksigen bədən ağırlığımızın 60%-ni əmələ gətirər.

Bütün hüceyrələrimizdə, hətta DNT-də belə oksigen mövcud olduğu üçün, biz də anında külə dönərik.

SubhanAllah, Rəbbimiz nə gözəl buyurmuşdur:

Əgər Allah oksigeni, küləyi, yağışı, günəşi, suyu yox etsəydi, bunları sizə yenidən kim bəxş edərdi?

Hələ də haqqı, hələ də Allahın təkliyinin, vahidliyinin, yaradılış sənətinin, əzəmətinin dəlillərini görmürsünüzmü?

Orqanlarımızdaki bu üç su nemətini xatırlayın.

İnsanın qulaq suyu.

İnsan qulağının suyu çox acıdır.

Belə ki hər hansı bir həşərat girmək istərsə, bu su həmin böcəkləri bir müddət sonra məhv edir.

Yox əgər bu su şirin olsaydı, gecə biz yuxudaykən qarışqa, və ya digər böcəklər rahatlıqla qulağımıza daxil olar, və ciddi zərərlər yetirə bilərdilər.

Göz yaşı suyu.

Göz yaşı isə duzludur.

Çünki gözümüzün yağ təbəqəsi zərər görməyə meyilli bir şəkildə yaradılıb.

Duzluluq isə gözü xarici qüvvələrdən qoruyur.

Ağız suyu.

Ağız suyu isə nə şirindir nə də duzludur.

Əgər şirin və ya duzlu olsaydı,

o zaman yediklərimizin dadını bilməzdik.

Məgər bu balans bir təyinatçıdan, bir proqramçıdan, bir yaradandan bəhs etmirmi?

Belə olduqda...

Bizlər Allahın bir mülküyük. Bizim həqiqi sahibimiz Allahdır.

Ona görə də biz Allaha olan sevgimizdə sadiq olmalıyıq.

Ona olan sədaqətimizdə və verdiyimiz sözlərdə sadiq olmalıyıq.

Allah bizə bizim təsəvvür etdiyimizdən də yaxındır.

Və O bizim təsəvvür etdiyimizdən daha uca və daha əzəmətlidir.

Zaman onun məxluqatından bir məxluqdur.

Məkan onun məxluqatından bir məxluqdur.

Heçlik də onun məxluqatından bir məxluqdur.

Həyatı bəxş edənin Allah olduğunu bilsək, biz o zaman nəyi başa düşmüş olarıq?

O zaman dərk edərik ki, biz Allahın lütfü ilə yaşayırıq.

And olsun Allaha, əgər O istəsə o bizim ruhumuzu həmən, bu dəqiqə çəkib alar.

Çünki ruhlarımızın tək sahibi Odur.

Hər gün yatırıq və ölürük.

Çünki yuxu kiçik ölümdür.

Səhər yuxudan durarkən zikr edərik: Həmd olsun ruhumuzu geri qaytaran Allaha.

Allah (svt) buyurur:

İbrətlər...

Bəli, Rəbbimiz buyurur:

Və söylədiyiniz kimi

sözünüzdə doğrusunuzsa,

sadiqsinizsə, həyatınıza belə hakimsinizsə,

gözlərinizə belə hakimsinizsə,

Allahdan, mülkün sahibindən asılı deyilsinizsə,

Yatmayın.

Gözlərinizə hakim olun.

Ölümünüzə hakim olun.

Ola bilərsiniz?

Əsla.

Hal hazırda biz onun icazəsi ilə yaşayırıq.

Bizə yaşamaq üçün icazə verən Odur.

Bu məxluq, bu insan, əgər mülkün sahibi olan, sonsuz güc sahibi olan Allaha bağlansa, bu zaman o özü bir möcüzəyə çevrilər.

Onun ruhu ən böyük həzzi yaşamağa başlayar, və ölümsüzlüyə və sonsuzluğa qovuşar.

Onun ruhu Məlik olan, Muqtədir olan Allahın yanındaki izzətli qulların ruhları ilə birlikdə olar.

Ölümsüz olar, heç vaxt ölməz. Sonsuza qədər Allaha yaxın olanlardan olar.

Hansı ki o Allah sonsuz səxavət sahibi və bütün gözəllikləri yaradandır.

Bütün xoşbəxtlik xəzinələri onun yanındadır.

Necə böyük bir şərəf,

Necə böyük bir əzəmətdir bu?

Hansı arzu və istək bu şərəfi əldə etmək arzusundan daha böyük, daha dəyərli ola bilər?

Ona görə də həqiqi sevilməyə layiq olan həqiqi şükr edilməyə layiq olandır.

Bizi yedirən Odur.

Bizi içirən Odur.

Bizi qoruyan, hifz edən Odur.

Ən gözəl adlarını bizə öyrədən Odur.

Nə üçün?

Ona sevək deyə.

Ona bağlanaq deyə.

Üstümüzdəki materialist düşüncə örtüklərini özümüzdən uzaq edək deyə.

Həqiqi gözəlliyi görək deyə.

Ətrafımızda olan Allahın nemətlərinə bir nəzər salın.

Minnətdar baxışlarla baxın ki, daima bu nemətləri xatırlaya biləsiniz.

Bu nemətlərin həqiqətini qəlbinizdə daima canlı tuta biləsiniz.

Allahın səxavətinə nəzər yetirə biləsiniz.

Həqiqətə baxa biləsiniz.

Yetər artıq bu dünyadaki məşğuliyyətlər,

Materialist düşüncələr,

Allahdan uzaq bir həyat yaşamaq.

Vallahi, bu dünyanın arxası ilə qaçıb Allahdan uzaq qalan qul, həqiqi miskin bir quldur.

Elə bir miskin ki, o həqiqi gözəllikləri görməkdən məhrum olmuşdur.

Ölümsüzlükdən məhrum olmuşdur.

Və Uca Allahın nurundan məhrum olmuşdur.

Ya Allah!

Şahid ol ki səni sevirəm.

Ya Rəbbi!

Bizi səni sevən qullarınla birlikdə yaz.

Əmin...