Si te rritni një pyll të vogël kudo

Një pyll i mbjell nga njerëzit, pastaj i lënë në mekanizmat e vetë natyrës, zakonisht merr së paku 100 vite për tu rritur. Por çka nëse mund ta bëjmë procesin 10 herë më të shpejt? Në këtë fjalim të shkurtër, eco-ndërmarrësi (dhe TED Fellow) Shubhendu Sharma, shpjegon si mund të krijojmë ekosisteme pyjesh të vogla, kudo.

Jam një inxhinier industrial.

Qëllimi i jetës sime ka qenë gjithmonë që të krijoj

shumë e më shumë produkte

në sa më pak kohë e burime.

Ndërsa punoja per Toyota

dija vetem si të ndërtoj makina,

derisa u takova me Dr.Akira Miyawaki

i cili erdhi në kompaninë tonë për të krijuar një pyll

me qëllim që të neutralizojë gjurmën e karbonit.

Isha aq i mahnitur

saqë vendosa të mësoj metodologjinë e tij

duke ju bashkuar ekipit të tij si vullnetar.

Së shpejti, fillova të krijoj një pyll

në oborrin e shtëpisë sime,

dhe ja siç duket pas tri vjetesh.

Këto pyje,

krahasuar me plantacionet tradicionale,

rriten 10 herë më shpejt,

janë 30 herë më të dendur,

dhe me 100 herë më shumë biodiversitet.

Pas dy vjetesh që pylli ekzistonte në oborrin tonë

kam vërejtur se uji nëntokësor

nuk është tharë gjatë verës,

kurse numri i zogjve në këtë zonë

është dyfishuar.

Kualiteti i ajrit është bërë më i mirë,

dhe ne filluam vjeljen e frutave sezonale

të cilat rriteshin pa mund

mu në oborrin e shtëpisë sonë.

Doja të krijoja më shumë pyje të tilla.

Isha aq i prekur nga këto rezultate

saqë doja të krijoja të tilla pyje

me mendjemprehtësinë me të cilen krijojmë vetura,

shkruajmë programe apo bëjmë çfarëdo biznesi bashkëkohor,

kështu që themelova një kompani

te bazuar mbi sherbimin gjithepershires

për të krijuar këto pyje natyrale, vendore.

Por për ta bërë pyllëzimin një biznes bashkëkohor

apo një industri, duhet që të standardizojmë

procesin e pyllëzimit.

Kështu ne vleresuam sistemin e prodhimit të Toyota-s

të njohur për kualitetin dhe efikasitetin

për procesin e pyllëzimit.

P.sh., thelbi i TPS

Sistemit prodhues të Toyota-s, mbështetet në HEIJUNKA,

e cila e bën prodhimin

e modeleve të ndryshme të veturave

në një linjë të vetme montimi.

Ne zëvendësuam makinat me peme,

qe na sherben ne bërjen e pyjeve shumë-shtresorë.

Këto pyje përdorin 100 përqind hapësirën vertikale.

Ato po ashtu janë të aq dendura

saqë as mund të ecni nëpër to.

P.sh., mund të krijojmë një pyll me 300 drunj

në një hapësirë të vogël sa vendparkimi
i gjashtë veturave.

Në mënyrë që të zvogëlojmë koston
dhe gjurmët tona të karbonit,

filluam përdorimin e biomasës vendore

si permiresues e plehërues të tokës.

P.sh., lëvozhgat e kokosit,
të thërrmuara në një makinë

përzihen me kashtën e orizit,

pluhurin e orizimit e përzier me pleh organik

e gjithe kjo hidhet në dheun

ku eshte mbjelle pylli.

Pasi ështe mbjelle, përdorim bar dhe kashtë orizi

për të mbuluar dheun

në mënyrë që i gjithë uji që shkon për ujitje

të mos avullohet përsëri në atmosferë.

Duke përdorur këto teknika të thjeshta,

ne sot mund të krijojmë një pyll

me çmim të ulët sa çmimi i një iPhone.

Sot, ne jemi duke krijuar pyje për shtëpi,

shkolla, e madje edhe fabrika e korporata.

Por kjo nuk mjafton.

Ka numër të madh njerëzish

të cilët duan t'i marrin çështjet në dore.

Le të ndodhë.

Sot, ne jemi duke punuar në një platformë interneti

ku do t'i publikojmë metodologjitë tona,

në një burim të hapur,

me të cilat çdokush dhe të gjithë

mund të krijojnë pyjet e tyre

pa prezencën tonë fizike në vend,

duke përdorur metodologjitë tona.

Me një klikim butoni,

ata do të kenë mundësinë
të njohin të gjitha llojet vendore

të vendit të tyre.

Me instalimin e një pjese elektronike në vend,

ne mund të bëjmë testimin e dheut nga largësia,

që të mund të japim udhëzime hap-pas-hapi

në krijimin e pyllit, nga largësia.

Ne po ashtu mund të mbikëqyrim rritjen e pyllit

pa qenë prezent në vend.

Kjo metodologji, besoj

ka potencial.

Duke e shpërndarë, ne në fakt mund të rikthejmë pyjet tona vendore.

Tani, kur të ktheheni në shtëpi,

nëse e shini një copë toke të pa punuar,

sillni ndërmend se ka potencial
që të shndërrohet në një pyll.

Ju faleminderit shumë. Faleminderit